金海灣火鍋小廚 (已結業)

今日如常咁叫老公去呢間金海灣度買外賣，因為佢唔識講中文所以sent咗兩張有關要order嘅leaflet相比老公直接比佢睇，講明兩個下午茶餐送埋熱飲，所以我喺張相度手寫飲咩附加，點知老公返到黎唔見有，我當然打落去問啦！點知聽電話嗰個話: 冇喎，🙈睇唔到喎!跟住佢又話: 我問你老公飲咩佢話唔要嘅。有咩可能，打開張相睇到我order咩但睇唔到相下方嘅字😑?之後佢話: 一次架咋你飲咩自己落黎攞跟住就cut咗我線喇。咩態度?自己睇漏咗仲咁嘅態度，真係要不得。無耐又打黎問: 你係咪落黎攞咖?我問: 你哋睇漏咗係咪應該你哋送返上黎呢？佢話: 唔好拗喇。跟住我火都離話: 你哋唔送上黎就算啦……然後我就收咗線喇。下午茶唔係送熱飲就唔好咁大隻字寫喺張leaflet度啦😡佢哋睇漏咗冇落單又要我哋自己顧客走返落去攞返? 冇野呀……其實呢間我哋都幫襯咗唔少次，但係呢次嘅態度係最差……嘅一次，之前睇其他人嘅評語講到佢哋有幾差我都唔信，但經過今次終於領教到，我諗我哋都係幫襯第二間好喇