金滬庭京川滬菜館 (已結業)

為補慶爸爸節,京川滬菜(金滬庭)與越南菜(嚐x)入圍.......最後出線是"京川滬菜"!!!!兩個字 --- "好味"一行五人,菜式點了:-京蔥羊肉(連5片薄餅) - 羊肉好稚冇酥味,唯一失手是整碟較為油.擔擔麵 - 終於食回碗正常擔擔麵喇....麵有咬口冇梘水味,湯底夠濃有花生+麻香味,不太辣.不過再熱一點就好good.沙律蝦球+上湯娃娃菜($88, 1set)蝦球 - 好大隻蝦呀~~ 雖用麵粉醬炸,但一點也不油膩.再配襯沙律醬,正!娃娃菜 - ok.醣醋骨 - 好正. 整體好乾身,肉唔un唔鞋口,汁味道剛好不會太甜or酸. 好開胃.牛肉餅 - 皮夠薄,咬開勁多肉汁.個人認為好味過那間出名食牛肉餅店多多聲.生煎飽 - 飽身薄,好軟'熟',底部煎到脆脆地.整個不會肉得少少飽就厚厚.白飯x3大家肚皮已十分滿足,已容不下甜點.

山長水遠去到東涌，多謝幾位我的好食友俾面，在東涌沒有什麼好選擇下，最終揀了金滬庭。未落單已送上三小碟前菜，有花生、酸菜，可能大家肚餓關係，三碟幾乎吃光，而酸菜最為好食，初初入口時有酸度，及後辣味才升上來，一碟不夠再追加一碟，令人十分開胃，難怪我們開懷大食。夫妻肺片-麻香味濃，每片牛心牛肚等均是辣麻兼備；墊底的青瓜清脆爽口，有人吃了少呢。口水雞-雞肉不是鮮味滑嫩，其紅油為它增添不少分數，當中加添了豆豉，令醬油的香辣度更加提升。黑醋排骨-早日前食過上海婆婆的黑醋骨，對這碟起了無形陰影。醋酸味香濃，啖啖肉的肉排也沒有難食的雪味。雪菜肉絲炒粉皮-又是經過”婆婆”一役，所以在沒有期待下試了第一啖，完全兩回事，除了有雪菜的爽脆鹹香外，加入了肉絲的關係，入口較有鮮味；而粉皮厚薄均勻，食落較有實在的質感。蒜子蝦干浸娃娃菜-濃湯令到娃娃菜更為鮮味。紅油抄手-一客十粒雲吞之多，但辣油偏甜。小籠包-一客5隻，偉大的我放棄了權利，不知水準如何。上海炒年糕-年糕很軟糯，但不夠煙韌，有著上海菜傳統，很濃稠的味道，再點了口水雞的辣油，更為之美味。生煎牛肉餅-一客兩件，把它二份為六後，內面的肉汁傾瀉的流出，牛肉很嫩，

今晚因為同老公入T2睇戲,所以專登走左入黎,但又唔想係機場食野,所以最後決定去左呢間,好耐之前係奧海城試過此分店,不過印象都係麻麻,諗住咁多年嘞,再試下喇,6:15去到人唔算多,得4-5枱人,我地坐底就有侍應問我地要咩茶,都係個D咩龍井,鐵觀音之類,我地都唔鐘意飲茶既,問佢可否不要,侍應話可以唔要茶,不過要叫野飲,結果我地叫左豆漿,仲要係得凍豆漿,係無熱既,同預期一樣,無乜豆漿味~今晚叫左3樣野包括:小籠包~皮都算薄,肉都OK,油味比較重擔擔麵(小辣)~都好辣,麻醬唔多,湯唔杰,份量都OK炸銀絲卷~炸到啱啱好,不過入面既麵包條好散,當你咬開第一啖之後就散哂,要一條一條咁食,之前都好少食到D咁既情況,唔知點解會咁呢?不過都OK既,佢仲跟埋練奶比你添高力豆沙~超甜,出面好多都係用糖粉,但係呢度真係用糖,仲有佢既豆沙好大舊,所以甜上加甜,甜到我頂唔順,結果無食到D豆沙!食完成餐飯都無乜深印象邊個好食,淨係覺得咁就食左一餐,不過下次又未必會再試!

2008年10月04日， 金滬庭食物可以。服務唔太好。4人下午茶時間來的。被安排在最裏面的一個廳房。紅油抄手: 唔太辣，味道不錯。生煎包和窩貼：都ok,不太油膩，肉餡新鮮。蝦子豆腐（$55）：蝦子唔夠香，豆腐和味道還可以。又叫了個下午茶孖寶（$68）：幹炒牛河：都食得下。上湯蒜子娃娃菜：出事。送了隻蚊，經理第一句走來便推說：“跌” 咗落去。無乜道歉誠意。對不起，係上枱時已有喇。雖然少收了一半孖寶價錢，但仍然嘔心。

叫了8個小菜(包括1個魚翅,黑醋桂魚,1個白飯,咸肉津白,炒羊肉,豆腐,生煎包,3支啤酒(每支1人份量),元蹄&1個忘記的小菜, 合共8個小菜, 7個人食,約hk$1,700.- 唔係太甜便太salty, 食完後太口乾, 太多味精.Waitress 叫一叫才做唔醒目.

今晚7個人食飯, 叫了1個翅,羊肉,津白,黑醋桂魚(已起骨,得半條收費$108.-),生煎包,雞絲粉皮,元碲(汁太甜及太肥),1個白飯, 3支細啤酒(1人份量).還欠1個小菜合共8個收費非常貴。全部野食太濃味及多味精, 好口渴服務有不太好唔會自動自覺

週末，又是吃喝玩樂的日子。一行四人先去飲茶，之後再繼續行程。金滬庭，比樓下聯邦少人好多，但屬同一集團，出品應該唔會相差太遠，且環境明顯比聯邦要好得多，所以來了。食咩野？無心水！待友人發板好了。見佢睇好耐點心紙，終有頭緒。點了小籠包、雞絲粉皮、生煎包、黑腊排骨、海鮮炒麵。冷盤的雞絲粉皮最快送上，粉皮不算太靚，不過麻醬味幾重，算是可以接受；小籠包皮有點厚，好在鮮肉餡夠，肉汁豐富。黑腊排骨睇落還以為會好甜，原來都唔係，味道岩岩好，且排骨鬆化，幾可口；生煎包外皮又是厚，豬肉只得丁點，質感唔夠。海鮮炒麵有蝦仁、帶子、魚塊、蟹柳、芽菜等配料，幾充足。個"獻"打得不錯，不會太稀太濃，夠入味，撈麵唔錯，海鮮配料大致令人滿意。最後叫一客甜品，要高力雪糕。外熱內凍，應有層層口感，點知外面又唔夠熱，裡頭的雪糕亦已溶晒，好鬼差。埋單$360，不便宜，好在環境舒適。

同朋友去東涌, 見呢間上海菜館有下午茶時段, 6個人咪坐低.首先地方唔錯, 幾闊落, 茶葉水準不錯:人蔘烏龍, 碧螺春都唔錯, 有茶味前菜:海蜇, 雞絲粉皮, 怪味雞----正常 皮旦豆腐------好滑, 幾驚喜飽點:小籠飽, 鍋貼----正常味道, 都多汁(juicy) 酸辣雲吞----偏酸 蒸+炸鏝頭----炸的好香脆, 蒸的軟熟, 驚喜麵食: 上海炒年榚----配菜太淋, 一般 擔擔麵----正常以下午茶黎計, 有咁既質素, 值回票嘖, 6個人食$370, 仲有兩架車免費泊車, 待應服務都殷勤, 值得推介

食晚飯裝修好靚~砂鍋雲吞雞: d津白"保"到好淋&甜好食! 都幾多雲吞不過d湯喊左d雪菜毛豆百頁結: 一向都唔係好鍾意食百頁結 auntie 話好食獅子頭: 一碟得2-3件獅子頭都幾油膩青瓜海哲頭: 青瓜好清新! 海哲唔夠爽口鎮江餚肉: 推介!! 次次都一定食呢個係冷盤(第二張相) 真係好好食有入口即溶ge感覺!炸銀絲卷: 炸得金黃好靚片皮鴨: 幾好食不過超級油淋淋 食完一件之後膩到想嘔 試過"jit" d 油出黎2塊就成隻碟都舖滿油!小籠包: 皮薄多汁!唔會一夾就穿yummy另外茶有龍井碧螺春飲! 幾特別!

到東涌探朋友，在這裏吃午飯。叫了生煎包、鍋貼、炒年糕、上海粗炒、雞煨麵及燻魚等，最好吃是炒年糕，但過油，生煎包沒有想像中好吃，最難吃燻魚，茶葉也沒有從前的好。

大澳遊晚餐出返去東涌食，淨返兩個人，所以去了金滬庭，喺奧海城嗰間成日有長長人龍，見到呢間唔駛等位喎，一於試吓。所以嘅係卡位，都頗舒服，唯一要扣分就係隔離有檯1港男加3日女，完全冇顧客其他食客感受，說話超大聲，笑聲超大聲，好多食客都好無奈！(包括我哋)-_-我哋點咗擔擔麵，炒飯同一籠小籠飽。擔擔麵：好夠辣(同事食唔到，太辣)，偏淡味！炒飯：好夠味，有珧柱、鮮蝦、火腿類炒。小籠飽：超好味，肉汁好正，飽皮又夠簿，超正！服務都唔錯。埋單：$140

與男友心血來潮到東薈城行街．到達商場已是下午茶時間．之前無做資料搜集，見這裏裝修唔錯，又有下午茶供應，一試！雞絲粉皮：我倆的至愛！這裏的粉皮切得較粗身，但我鍾意喎～　略嫌涼伴醬少了一點！！滷醬蹄：以為會係滷水汁豬手仔．點知係貌似燻蹄的東東，食落爽口但無咩味，一般啦！紅油抄手：又係本人至愛之一！　這裏的雲吞皮好滑，個汁好香，少少辣加點蒜醋味，好惹味，我勁鍾意，好幾次我就咁”畢”個汁食．．．哈～　若果餡料再細一點，會更好！！擔擔麵：麵條有咬口，湯底花生味剛好，少少辣，唔錯！連埋加一茶芥，共一百大洋！

(15/3/07)兩點未食晏,同老公來個下午茶。坐寬闊的卡位。小籠包(三件)$12─偏咸,皮有點兒厚。三鮮鍋貼$17─與小籠包餡味唔同,整體都ok。燻魚$19─唔腥,唔柴皮,味道亦幾好。嫩雞煨麵$21─原來是湯麵,勁淡口,麵過腍又短碎。

逢一至六2pm-4pm有下午茶, 都幾多choice, 有點心有麵有冷盤有甜品. 小籠包都係12蚊3隻, very good ar~ 另外仲試左花素餃, 一般啦, 好多白菜.仲有黑醋骨雙黃麵, 即係炸麵. 不過個廣東式唔同, 脆得黎冇咁油, 而且d汁分開上, 唔會浸到淋晒.不過上菜就慢左d.大致上服務都ok.

雖然時間尚早，但難得o黎到東涌，順道食番埋晚飯。未夠6點，唔太肚餓，不敢多叫。四喜考麩-味道帶點酸，考麩不夠入味。砂鍋雲吞雞-湯底好有鮮雞味，我較為欣賞雲吞，皮薄而滑。黑醋排骨-始終不及阿拉廚房做得好，醋味不夠，而且排骨較肥。小籠包-一籠有6個皮薄多汁，可惜每個大小不一。上海湯麵-湯底較傳統的淡些，麵雖粗身，但不會過硬，韌度適中，有口感。擔擔麵-麵條夠爽，湯底好濃，幾香花生味。咸肉湯年榚-配料多過年榚，咸肉香而不會過鹹，令到湯底好野味，而年榚較腍身，仍不失煙韌。試過荃灣的總店，兩間比較下，在環境、味道及服務等各方面，呢間水準較好。