金滿堂甜品

營業中

休息中

今日同朋友專登揸車出嚟九龍城食呢間糖水！去到見到好多人排緊隊，但因為朋友鍾意，都專登喺門口等。入到去店員好快幫我哋落單，我哋七個人，等咗一陣終於嚟咗三個甜品，佢其實不斷出單俾外賣，但就完全唔理堂食嘅顧客。本身都體諒佢當時真係好多單，所以等咗一段時間，之後先忍唔住同店員講，我哋仲有四個甜品未嚟。點知店員嬉皮笑臉地同我哋講，呢幾個甜品已經賣晒😡😡😡😡😡！我哋因為等得太耐，就同佢講我哋唔要啦！點知另一個店員即刻走埋嚟，用更加嬉皮笑臉的方式同我哋講，材料已經賣哂，建議我地轉另外一種甜品😡😡😡😡😡😡😡當時已經等到兩點後，等到過左佢關門時間，但竟然一點悔意，一點不好意思都沒有！竟然仲厚面皮到，照收我哋三個甜品的原價！山長水遠，等你咁耐，總共點咗7份甜品，最後只黎咗三份，冇貨又唔一早同人講，要人白等咁耐，仲要毫無悔意！有冇搞錯！

2023年1月1日凌晨1點左右，和朋友特登揸車到九龍城食宵夜。入到舖頭，坐低後，我們七個人，叫左四個熱糖水➕三個凍糖水。凍糖水冇幾耐就上齊晒，當時見到店舖忙於處理外賣點餐，我哋都會明白生意難做，所以沒有催促，耐心等候但是，直到三個朋友的糖水都吃完，其餘四個熱糖水都未上，於是就找店員幫忙催單。結果，店員話一早已經冇晒貨，叫我哋轉單。問題係，你哋一早知道冇貨，點解唔提早通知我哋呢？我哋等咗勁耐，先至問你地催單，如果我哋唔問你地，你哋係咪就諗住擺我哋喺度？之後店員仲施施然咁樣，態度不知所謂，仲問我哋想點，我哋就決定唔食，仲一句唔好意思對唔住都冇。問題：1）我哋不介意你先做外賣生意，但是已經入席坐下的客人，點解你哋可以忽略？2）你們的錯失，點解可以毫無歉意？3）如果客人不主動查詢，店主是不是打算一直任由客人無了期等待？

同fd想食糖水，會去呢間～款式算係多（啲名好煩）中式啊燉椰皇熱野凍野細細份嘅糯米滋都有 可以滿足到口味嘅朋友。特別啲嘅係料清心丸第一次黎可以try下我覺得呢間啲芋圓算係好味 好過鮮XX。唔會太甜，煙un!榴連好香榴連。其實榴連真係好濟 但加埋沙冰係ok的唔推龍眼冬冬 金玉其外撇開佢幾有心思的賣相，其實都係想像到嘅味。扮䓤花嘅綠色啫喱，無乜味。椰汁烏冬，其實就係許XY啲芒果河粉嘅朋友，但我覺得人地嘅口感同味道上係正好多。龍眼唔好味 但個沙冰係不錯fresh fresh!Btw經過會買個$8椰皇水 解渴～～～

夜媽媽食完晚飯既指定動作緊係去食糖水啦，自從疫情後都好似好耐係夜晚食糖水！行過幾間糖水鋪見到金滿堂既餐牌比較吸引，加上唔洗等位，所以就入左去食！.榴槤冬冬 $48入面有榴槤肉+水晶珠+椰果+綠水晶+椰汁烏冬同榴槤沙冰底，由於我唔食榴槤聽朋友講話榴槤味比較淡。.榴清雲 $48入面有榴槤肉+清心丸+忌廉+椰果+榴槤沙冰朋友話呢個比榴槤冬冬濃味，如果鐘意食榴連既可以簡呢個。.金玉滿堂 $45入面有芒果+雪糕+水晶珠+小丸子+龍眼+芒果汁底，冰涼既芒果糖水加上唔同既配料好有咬口。.芒芒小丸子 $42入面有芒果+雪糕+水晶珠+小丸子+芒果汁底，其實佢同金玉滿堂既材料一樣只係少左龍眼，濃郁既芒汁配上唔同配料，小丸子煙韌有口感，諗起許留山既多芒小丸子。.香芋芝芝 $18凡惠顧甜品兩客就可以加18蚊叫一份糯米糍，由於我見佢係香芋好吸引所以就叫左一份試下，$18有三粒，無乜芋頭味但係有好濃郁芝士味，呢個我鐘意食！

黎到九龍城又未夠鐘食飯 梗係黎食下甜品🍮咁岩又俾我搵到間都幾得意嘅甜品舖 甜品選擇都算多 啲冰嘅造型仲要幾得意(˶‾᷄ ⁻̫ ‾᷅˵)榴槤飄香 ($48)一入到黎聞到濃濃嘅榴槤味 作為榴槤控點可以唔嗌🤤除咗滿滿嘅榴槤肉之外 仲有牛奶布甸、椰果、珍珠同水晶珠 布甸都幾滑 椰果同珍珠增加不少口感🤤甜度岩岩好 而且好重榴槤味 諗返都好想再食🥺呢個價錢真係好足料同抵食 值得推薦❗️朋友太口渴嗌咗杯西瓜沙冰 略嫌有啲偏甜😂推薦指數：🌟🌟🌟🌟【𝐏𝐫𝐢𝐜𝐞: 4.5/5 𝐅𝐨𝐨𝐝: 4/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4/5】想睇更多食評 即follow 👉🏻 @siu4mai_inthehouse

椰皇燉湯丸 $55 🥥呢個燉椰皇好香椰子味，仲係用原個椰子咁上，超級特別呀！好濃厚的燉椰皇，又唔會過甜！😎 鍾意食椰香味產品的朋友就一定要試下呀，呢款甜品仲熱辣辣，食落感覺好養生，黎緊冬天食簡直係一流呀😋 椰皇入面仲會有啲湯丸同清心丸的，有啲唔同好感同口味的野食下，令成件事冇咁單調嘅🤪芒芒小丸子 $38冰冰涼涼的芒果糖水，配埋好多唔同的配料，成件事超級港式☺️ 有啲小丸子係入面好煙韌，好有咬口，超級鍾意食呢啲芒果類港或糖水，佢地個底都會有啲好濃的芒果糖水，似緊芒果汁咁，好好味😋金滿堂甜品 (九龍城)九龍城城南道9號地舖

【九龍城出色甜品 龍眼冰同燉蛋白超推薦🥰🥰】九龍城金滿堂嘅龍眼冰係友人大力推薦，鋪頭裝修都好靚，好artistic，好多本地相關插畫，menu都勁fancy 😂 試左唔少香港傳統甜品同fushion野，椰皇燉蛋白激讚，媲美佐敦間大街小館___ ___ ___ ___ ___ ___ ___✨椰皇燉蛋白～$50-$58✨龍吐珠 $40 ✨榴連飄香 $48😍燉蛋白都好多選擇，勁多唔同配搭有雪燕、清心丸、芋圓、桃膠、湯丸，極養顏🧖🏻‍♀️ 清心丸係一種潮州甜品，彈牙爽口，幾得意嘅口感椰皇燉蛋白好嫩滑，食埋椰肉超飽🥹🥰龍吐珠就係龍眼冰啦，人氣no.1，勁多晶瑩剔透嘅龍眼肉，面仲有珍珠，小丸子個底係椰汁冰，成個甜品好透心涼仲試左佢其他甜品質素幾好，好足料，都幾大份，價錢都係$40-$60，性價比高 ___ ___ ___ ___ ___ ___ ___評價（滿分5星） ▫️味道：⭐️⭐️⭐️⭐️⭐️▫️服務：⭐️⭐️⭐️⭐️▫️環境：⭐️⭐️⭐️⭐️▫️推薦：✅✅

九龍城好多美食!!!除咗泰國菜都有好多靚嘅Cafe同埋甜品舖(⁎⁍̴̛ᴗ⁍̴̛⁎)今日試咗金滿堂甜品~ 難得夜晚10點幾去到唔使等位(˶‾᷄ ⁻̫ ‾᷅˵)Menu琳瑯滿目 超多唔同嘅中西糖水!!有紫薯系列、椰皇系列、林林總總得意嘅糖水(•͈˽•͈)試咗推薦嘅椰皇 紫霞仙子同埋椰皇湯圓☁️紫霞仙子 $55都有驚喜!!好得意，原隻椰皇上ฅʕ•̫͡•入面有芋圓、雪燕、椰皇燉蛋白仲有好香嘅椰奶!!!揀咗凍，燉蛋白好香滑!! (〃'▽'〃)芋圓煙煙韌韌，食落口感好好~食完到最後仲可以刮埋椰皇啲椰肉食˃̶͈ ˂̶͈☁️椰皇燉湯丸 $55呢款就揀咗熱，嚟到發現仲出色過凍嘅紫霞仙子◔.̮◔✧兩款嘅材料差不多，芝麻湯圓、清心丸、椰皇燉蛋白+椰奶熱嘅更加香甜!!超級重椰香(ˊᵒ̴̶̷̤ꇴᵒ̴̶̷̤ˋ)食落真係覺得好滋潤~燉蛋白口感好似布丁咁軟滑!清心丸口感煙煙韌韌，有啲似啫喱蒟蒻☁️芒果糯米糍 $18$18加購三粒芒果糯米糍，糯米皮煙煙韌韌幾好食，略厚~芒果都香甜的!

想食甜品，就睇吓有咩甜品有得送埋外賣。見到呢間金滿堂有做優惠，於是就嗌嚟試吓。買滿$90減$20，買滿$150就減$40。叫咗個凍嘅燉椰皇加桃膠、清心丸，諗住食啲美顏嘅甜品🤭🤭。佢嘅燉椰皇好有驚喜，好好食，好香濃嘅椰奶香味，而且好滑唔會鞋。桃膠都好足料，啖啖桃膠，正啊。而且佢嘅清心丸都好特別，好食，係好夾嘅配撘，讚！另外再叫咗6粒芒果糯米糍同同事分。糯米糍嘅皮薄，煙韌，有淡淡奶香。入面嘅芒果都好甜，又係加埋一齊食好好味嘅配撘。賣單$108，送埋上嚟，正！

食完飯再食甜品是常識吧🤣依加仲要係榴連當造既季節梗係要食返碗榴連冬冬啦大大舊榴連肉 再加榴連沙冰底 食完真係透心涼 成個口腔都係滿滿既榴連味🥹綠色看似葱既係綠色啫喱再有用椰汁做既烏冬 好特別 好似食緊一碗真既烏冬食過返尋味🤤🤤 鐘意榴連既朋友一定要試！

夜晚十點後嘅九龍城，你會能夠根據人流認出串燒店和甜品店。今次同朋友搵咗間唔少人排嘅甜品店 金滿堂甜品，填飽第二個胃同埋消暑！雖然要排隊，但大概等咗10分鐘就入得座了。趁排隊時間望menu揀定叫咩，選項係modern款，唔同組合嘅吸睛度/打卡度都中上的。選擇困難咗一陣，我同朋友揀咗三款口咪嘅櫻花冰（即是較常聽嘅綿花冰），分別係抹茶、巨峰、豆腐，而豆腐嘅係有北極熊造型for打卡的。甜品嘅賣相分佔一半，要說呢三款上檯嘅樣比起只供參考嘅圖片係出咗輕微岔子的，北極熊有隻眼hold唔住跌咗，但明白店內嘅繁忙節奏所以都係情有可原的，其他兩款嘅配料較流質，整體賣相不會差，只是未有加分位。（巨峰的那個少了幾粒藍莓，望落頗蒼白）味道方面，豆腐味加上朱古力味配料好搭配，唔會過甜亦襯托到豆腐香，加埋有擺設嘅賣相，呢款係推薦的。而另外兩款偏甜，尤其巨峰有果糖糖漿嘅死甜，配料上同冰嘅口味都不太和諧，例如椰果配抹茶，整體唔建議。（留意番，三款係同價的）北極熊賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️宇治金時賣相：⭐️⭐️⭐️味道：⭐️⭐️價錢：⭐️⭐️⭐️巨峰奇緣賣相：⭐️⭐️⭐️味道：⭐️⭐️價錢：⭐️⭐️⭐️搵個好食嘅冰系甜品係夏天嘅色彩🫶🏽

領了消費券就是一個超好的借口去吃點東西為什麼是借口？因為這裡不收8達通啊 😅沒差..在下就真的突然想要吃進店時沒有一個人自己量體溫掃安心自己坐下自己拿餐牌怎麼覺得自己有點不好意思的這算是擅闖民居嗎當下進入後 後面跟著一家四口一起進店光顧這令在下不那麼尷尬 並且安然地坐著看餐牌 看了一下便有服務員出現大概是上洗手間吧 由於在下看似有選擇困難症 店員示意如有需要請隨時召喚她 好的..謝謝你的細心 這裡選擇選擇很多 雖然腦袋裏有已經選擇好的食物 其實腦袋裡是什麼都想要吃不過在下吃不下那麼多啊便花了一段時間才能決定好 先滿足哪個慾望而這裏的餐單和款式名字都很特別 不是看到名字就知道裏面是什麼材料 需要花了點時間去了解一下內容 和餐牌裡的詳細描述十郎小玉 $45紫薯泥 豆腐花 紅豆 小丸子 芋圓 椰汁滿滿的一碗豆花白蒙蒙的又浮現出各種色彩紅色 紫色 黃色豆花其實沒有很滑 只不過黃豆香味十足略帶點微甜配著小丸子或芋圓一同食用會得到一種中和的效果天然的純紫色芋泥它的營養價值是在下愛不惜手的原因貪心的在下希望它能更大更大球整體味道能溶合極為融洽如果能做成熱食在下會更喜歡布甸二重奏 $32這個顯然讓人知

放假mood真係要放肆一下，D間糖水舖次次去都好多人排隊，今晚真係有運行，可能時間嘗早！佢啲甜品有好多選擇，如果你有選擇困難症，都幾頭痛下🧐佢啲糖水又唔太甜，又足料，抵食😋地方都尚算闊落，坐得又舒服。我最鍾意就係佢嘅桃燕園，D椰汁好香好滑，又大大粒桃膠，芋圓煙煙靭靭，好滋潤！正🥰另外桃花仙子都超人氣，椰奶加埋清心丸同桃膠，簡直係perfect match ,係D甘乾燥嘅天氣下，滋潤吓，係應該嘅👍

位於公司附近的這間甜品舖，經常是我們外賣甜品的首選！睇住價錢年年增加，我們都很還是對這間甜品舖不離不棄！今次有老細萬歲，我們即刻二話不說地選了這間甜品舖！外賣速遞的價錢會比起堂食略為貴，不過不緊要，因為有大食大，老細俾錢🤣🤣🤣椰皇系列我們最愛嗌桃花仙子，仲有小燕格格，而榴槤系列我們多數會叫楚留香或是劉青雲！👍🏻榴槤系列對於榴槤控的人來說真的10分吸引！

同屋企人食完泰國菜諗住食個甜品點樣都係要食個甜品好似人生先係滿足 個個都係呢個時間食完飯黎食甜品個場好爆 坐得有啲迫 嗌咗個椰汁芒果椰果清心丸 入面有水晶珠水晶珠嘅口感我真係麻麻 芒果同椰果都正正常常清心丸嘅煙韌度都唔錯 不過見到我男朋友嗌咗個椰青水同埋海澡 菓子就好吸引 偷食咗少少唔知係咪隔離飯香 下次過黎一定要嗌