金滿庭京川滬菜館 (奧海城二期)

營業中

休息中

今日又去到奧海城搵嘢食， 聽人講話金滿庭嘅擔擔麵係最出名我就慕名嚟試下， 但係點都唔好意思食個麵就走所以嗌咗幾個小菜我最欣賞佢就係所有嘢都明碼實價茶介到小食以至有人想攞走餐牌佢都標明價錢不過都係講返嘢食先先講個蝦仁爆鱔片第一啖入口好嘢未不過感覺越食越咸 如果咸少啲會好啲 最後都唔係好想食之後叫咗個招牌炒飯 成晚呢個餸最好味飯粒硬度適中 配菜亦都好多 不過用料就平少少但係百頭蚊都可以接受跟住一個一口小籠包 一般上海菜水準唔難食亦都冇特別最後個主角招牌擔擔麵 我就覺得冇乜特別唔係特別好食叫做麵一碗整體而言 一間正常餐廳又唔會討厭佢但係又唔係特別想去食

我最鍾意嘅中菜館之一，成日都排好長龍。茶茶方面最鍾意叫佢嘅人蔘烏龍，好鐘意佢回甘，推薦推薦👍🏻 ❤️紅油抄手($69)有炸蒜粒好香，喺面成日叫佢食。皮又滑，食落滿足 🧡擔擔面(小小辣)($49)香花生味，麵質略冧但都幾好味。金滿庭嘅炒飯好好食，但午餐兩個人食會太多，所以通常都會叫個麵平平地 💜鹹魚雞粒茄子煲(類似啦唔記得左個名)全部呢啲煲都係鐵煲上，同鐵板既feel一樣”咋”一聲勁香，惹味間餐廳都有呢一種香味😋

約咗一班舊同事在奧海城食farewell飯。 好耐都冇在寫字樓區食午飯， 最怕人多擠逼趕時間，好彩呢間菜館，座位幾寬敞，但係就好嘈。🐟 酸菜魚…… 同我一般食開非常之唔同，這裏加了很多的粉絲，只是微微酸辣，好醒胃， 因為我不愛辣，所以很啱我的胃口，我一個人吃了三大碗粉絲。哈哈，但係朋友就覺得一般，嫌他不夠辣、魚又不夠滑、不太正宗。🐐 京燒羊腩…… 好好味道，燒到個皮非常脆，半肥瘦，不會韌，有羊的香酥味， 係男同事的至愛。🥗 小籠包 是這裏的招牌菜，有一定水準 皮薄、多汁。🍴 幾個人食午餐，唔係幾飽，都要$170一位，大集團水準有一定保證，但係寫字樓區，就真係幾貴。

每次經過這食肆都見到大排長龍，便預早訂枱來試一試。食肆樓底高且寬敞，坐得舒適。有貴賓房、套餐或單點餐牌。餐前小食 兩碟  $40一款是酸的鳯爪，另一款是辣的菜式，入座後便會奉上。一口小籠包 八隻  $79湯汁及餡料味道不錯，上菜時蒸氣滿滿。花香玫瑰骨  $118玫瑰骨肥瘦適中及帶點甜味，看似是咕嚕肉但味道及顏色上是有不同，只是略嫌醬汁太稠! 和尚戴帽  跟叉子燒餅  $108叉子燒餅材料有蛋、粉絲及芽菜等，炒得爽口，味道適中。將餡料放入燒餅內會較可口，又有芝麻的香味。砂鍋雲吞雞1/4隻   $132店員將砂鍋的材料分成六碗 (拍照只放了四碗)。雲吞及湯水味道鮮美，雞件和配菜味道清淡。招牌炒飯  $138米飯粒粒分明，調味恰到好處，蟹籽令炒飯充滿生氣，蟹籽與飯一起在口內卜卜聲，份量足夠我們五位享用。豆沙鍋餅  $62色澤平均及金黃，鍋餅較薄及香口，豆沙不太甜。高力豆沙兩件  $38高力豆沙比較大件，一件可以兩份分，小食多滋味!口感鬆軟，餡料有香蕉和紅豆，但餡料份量實在太少!店員在訂位時提醒若訂早段六時入座並於七時半前結賬及離枱，可享免加一優惠。上菜速度快，店員亦勤於執拾碗碟，要享用免加一

我都幾喜歡食京川滬菜因為我都幾喜歡食小籠包同擔擔麵今次嚟到奧海城，見有少少時間就食個下午茶😄餐牌其實好貼心因為有中英文對譯外國人都可以嚟食，又唔怕唔知叫咩食好👍🏻👇🏻招牌擔擔麵🌶 $46辣度適中！但係啲麵稍為林咗啲，同埋唔係好夠味👇🏻排骨擔擔麵🌶$56排骨會分開上，唔會浸係麵到浸林哂同埋排骨味道都唔錯😋😋👇🏻加配小食：蔥油海蜇$22海蜇好好味！即使加咗蔥油都唔會好油😙👇🏻加配小食：一口小籠包（四隻）$38小籠包入面d肉汁好好味，大小適中，推介‼️

食咗椒鹽排骨！估唔到成舊肉基本上都係脂肪肥油，出邊全部都係炸粉，一啖咬落去以為係可以食到滿嘅肉，點知咬落去啲油全部流晒出嚟。平時都係食麵比較多今次特登帶個椒鹽排骨，上菜之後賣相都幾好睇，諗住應該都好好味，點知原來入邊三份二係脂肪三份一先至係肉，我估第一舊咁好彩先食到咁樣嘅啫，跟住第二舅第三舊第四舊，全部都係好多脂肪好多肥油，碟菜價錢都唔低㗎，但係最終食得落肚嘅其實根本唔多，如果食呢碟餸，咁我勸你慳返錢啦

每次黎親金滿庭都好多人排隊架...不過今日等等下都已經差不多到下午茶時間奈何實在太餓, 所以照入場食午市時段啦茶芥就位位 $26, 另外再加一介紹返D菜色先~傻佬抄飯 ($128)太餓, 食左一半既炸銀絲卷 ($38一條)糖醋魚塊 ($118)紅油抄手 ($69)翅湯瑤柱浸腍白菜 ($98)環境方面座位闊落, 加水落單又快手每碟都好足料, 唔細碟其中最喜歡就係佢地既名菜選擇有個人最喜歡既 人參烏龍, 鐘意清淡D既推薦碧螺春普通收費就可以享受到架啦! 金滿庭都算係奧海城其中一間飲茶好去處

之前都有食過幾次呢間，因為環境都舒服，而且我家人都中意食上海野，所以之後都經常黎。小籠包係每次都唔小得的，本身想叫小d，但最後都叫左8隻！呢個回鍋肉我父親就好中意，但我就覺得辣左d，不過因為我唔太食得辣。佢都幾香口的，都唔錯！黑松露手撕雞係好大驚喜！因為我都好鍾意食芫荽！所以見到佢一上菜，有甘多芫荽，真係正到爆，勁happyd雞都好滑，幾推薦大家試下呢個！蔡螃蟹都係幾正送飯係一流架！當然都要清清地食個菜，都ok。

想不到金滿堂也是吃上海菜的好選擇🙈(因為食過某間分店印象一般）必食小籠包: 皮薄多汁，啲汁肉味濃但又唔會覺得太鹹，要趁熱食同小心夾起😋京蔥爆羊肉店員好細心將部分蔥先放喺鐵板上面，再放羊肉，用蓋蓋住，等啲油唔會四濺到不同地方。好欣賞呢個方法同貼心。但啲羊肉.......碎就很碎🤦🤦🤦(媽子讚蔥好好食，可能呢碟主角係京蔥😂)獅子頭，不過不失嘅豬肉球😅菜飯好多菜粒😍😍😍 讚我會因為小籠包而再黎， 除咗小籠包外，會選擇其他菜式🤣🤣

為了方便來自各區的朋友飯局, 揀左呢間交通都方便的上海菜餐廳, 估唔到有驚喜一坐底就叫左比較少見人參烏龍茶, 入口幾清新, 淡淡的人參香氣, 幾特別由於我地都好肚餓, 今次就好叫左好多野食因為朋友唔食辣, 所以我就只係叫左for一位的酸辣湯, 足料, 味濃, 夠辣, 但酸味仍然好出, 食飯之前食呢個酸辣湯好開胃, 更期待之前來的食物啦紅油抄手又來每次食上海菜必叫, 上菜時仲要出晒煙, 呢個反而無出面酒樓/餐廳咁多紅油, 反而充滿蒜香上海小籠包8隻, 皮簿函觀, 趁熱食好食, 但涼左皮會變硬, 所以大家都係趁熱食享受享受乾扁四季豆正常味道, 但一上枱望個樣就好搞笑, 比正常的上菜的長好多, 不過會影響味道的松子魚好香, 內脆內嫩, 酸甜味夠濃, 同埋完全無食到有骨四川擔擔面相比其他菜就普通左D, 叫左少辣, 但其實完全唔辣, 唔食得辣的朋友就食到京醬肉絲呢個十分美味, 肉絲味濃嫩滑, 內有加入少量九芽, 增加口感, 我地叫左配簿餅, 3者配合相襯為左可以試更多的甜品, 我地都係一份份咁叫先來個酒釀柱花丸子, 丸子雖然少少的, 但係芝麻函的, 酒釀清新, 與桂花香氣相配每次叫高力豆沙一定會

今日同男朋友食樓下下午茶 決定食上海野呢間細細過就食過～水準唔差架今日就黎食下午茶，但食左20分鐘左右，就有個姐姐（高級侍應），直接叫我埋單，覺得態度不是很有善，因為我地仲食緊飯😣。你試想下去茶樓/茶餐廳會吾會叫你無啦啦賣單先😂😂😂你趕落場食飯都唔係咁樣做生意。食食下飯叫人賣單先？？不過，值得一提，副經理態度就幾好。希望管理層看到食評會好好教導員工的態度食物質素固然重要，但要維持客源，必定要明白待客之道！

五點十五分鐘已有十幾個人排隊等候，基於上月母親節陪母親吃過午餐慶祝，排骨蛋炒飯好味，所以今次翻尋味再來光顧。五點四十五分開始派飛。入座後，點了排骨蛋炒飯、兩位酸辣湯和香花玫瑰骨。侍應好上了第一道就是酸辣湯，不過一點不熱，無煙出，側側博諗住我們會收貨，當然，立即叫侍應來退回，再煮過熱的給我們。等一會便送到枱上，一睇就知有煮熱過收貨，酸辣味適中，唔會太辣好好味。不過已在我心中扣分了。跟著排骨蛋炒飯，粒粒金黃色蛋包著的炒飯，又熱飯煙靭得到來又不油膩，不過排骨的炸粉，味炸透又多炸粉，吃不到外脆內軟的口感，塊排骨比上次吃的差好多。香花玫瑰骨是此店推薦之選，賣相吸引，有少少玫瑰花香味，但豬肉好鹹，與想像中的味道好有出入，配料的洋蔥太生，煮熟小小會好些。我諗會有排都唔會再來了，雖然7:30前結帳免收加一，服務和空調溫度有待改善。

每每經過金滿庭總有著滿滿的人潮今天下午茶時段經過剛好不用排隊就來試試下午茶套餐下午茶有抵食的套餐供選擇最好的是下午茶不額外收茶資和加一雞絲粉皮略乾的粉條上裹上芝麻醬真的不特別出色還是推薦同在奧運的「老掌櫃東北菜館」的雞絲粉皮更勝一籌排骨湯拉麵排骨湯配上毫無特別調味的麵 味道超清淡一旁的排骨表現的不過不失總體而言食材不過不失 服務有待加強 麵等了30分鐘還沒上 估計應該是被漏單了再加上一開始帶位的服務生態度很差應該不會再來囉

幾年後再來光顧，母親節陪媽媽來吃午餐，好彩拿到頭一輪飛，有位不用等。點了招牌的一口小龍包（5隻），熱騰騰，包皮厚薄軟硬適中，但中間沒有以前的小孔給我們加入醬醋，唔知道是否怕熱氣快消散，封咗小孔。不過肉質湯包配上醋，非常好味，一啖吃下去不覺油膩，醋味中和翻，唔會好飽。另外，點了和尚戴帽，個名好特別，原來是一大塊圓形的炒蛋蓋上下面的細嫩幼滑的粉綜配料有雲耳絲豆皮絲配薄餅或义子燒餅包起來一齊吃的，好玩又好食，可以加乳豬甜醬，口感豐富，素食者啱食。我們揀了薄餅一籠有七塊，薄餅軟熟，唔會熱得來有濕泣泣的感覺，感覺好味又健康。最後點多一款菜式，媽咪最讚的是排骨蛋炒飯，原來是廚師推介，果然無錯，排骨炸出來的完全唔肥膩，質感軟熟，蛋炒飯的真功夫，粒粒軟飯被蛋包著，好有飯香味，炒飯炒得好乾身，另有甜酸醬和胡椒，啱哂喜歡吃濃味的食客。由於吃得飽，甜品唯有待下次再來吃過吧！

今日去咗奧海城行街，晚黑去咗食上海野。呢間上海店都係一間連鎖嘅鋪頭嚟嘅，諗住食物質素有啲保證啦，點知有啲失望。首先叫咗小籠包，小籠包賣相都做得幾靚嘅，只可惜皮比較厚而且餡比較乾身，唔係太多肉汁，不過味道尚可嘅。我亦點了個擔擔麵，諗住叫擔擔面都好大路呀，點知都出咗事。一上到黎呢見到啲上湯同埋啲醬相，好似分開咗咁樣，好明顯有兩層。唯有自己撈勻啦，點知食落口，味道都係怪怪的，上湯偏甜，而且花生醬嘅味道唔突出，成個面真係有啲失色啦。唔知係因為今日師傅失手啊定係呢間分店比較差呢。