金滿庭京川滬菜館 (奧海城二期)

營業中

休息中

下午時間去食，預咗似茶記。入座自己搵位坐。三人坐低但檯擺我兩隻位食物仲keep到水準、叫咗擔擔面，炸排骨拉麵 x 2。份量夠，又夠熱，水準不差。碗麵夠彈牙，又煮得剛剛好。個擔擔麵醬夠香，麻味夠濃但可惜。。。入座時，reception叫我哋掃碼落單點知搵勻全檯，仲有menu都無QR code。唯有叫侍應幫忙但無人應。到佢得閒埋到嚟，先送低壺茶。我話我未叫wor。佢好坦白，話沖多咗就掉低比我。另外爭個位都要三催四請先拎到再掉低張下午茶menu, 說好的掃碼點餐呢？ 等我哋三個人差啲連檯底都搵埋都搵唔到之後，落完單比返單上菜紙我哋。好彩望一眼，單寫3人，但佢只落咗碗擔擔麵！係咪落單時望清楚張menu都咁困難。三個人嚟只叫一碗面佢都唔望滿楚，個個入嚟成檯叫一碗，真係茶錢都賺唔到。好啦到上餐，見佢托盤有兩碗，放低其中一碗就走咗去。面舖滿晒蔥。睇返張單，寫明走蔥。明顯唔睇單，隨便上一碗。侍應做嘢，全部裙拉褲甩，樣樣做一半。完全打破金滿庭一向服務好好嘅標準。

星期五晚到金滿庭吃晚飯，竟然坐唔滿，還有吉枱。不過服務員都OK！小籠包: 仍然維持優良水準白雪映金龍: 是龍蝦肉炒蛋白(賽螃蟹)，味道較淡，但賣相好好！蔥油海蜇: 海蜇比較爽身，配上淡淡的蔥油味！都尚算OK！松子醬爆雞丁: 雞粒嫩滑配上松子粒，味道濃郁配上白飯或叉子燒餅吃特別美味。肉絲兩面黃: 像廣東的肉絲炒麵，並沒有多大特色，麵質就不似預期。但整體上是好味的！生煎包: 仍然維持傳統的美味！高力豆沙: 仍是維持頂級水準，紅豆餡配上香蕉。熱吃非常好味！整體上有75分但價錢偏貴！

真係未食過咁難食嘅食物😖莧菜無莧菜味，又老，淨係覺得自己食緊纖維用滾水整熟就算😖酸菜魚，又唔酸又唔辣，只係果幾舊魚算正常可入口😩鍋貼，都唔知做左幾多個鐘，你叫就叮返熱比你😡塞螃蟹，難食到唔識形容😌小籠包，已經係最正常嘅食物，唔係特別好食，只係夠熱🙄最重要一點，哩一間分店無片皮鴨提供，但餐牌上並無顯示暫定供應，打電話訂檯時更無說明未能提供，當場詢問職員，態度極差，回應一直無提供片皮鴨因廚房太細，再問點解餐牌沒有標示不提供？職員更理直氣壯回覆：「餐廳是統一的，不會標示」🤬真心覺得食物差都算，員工態度會令人不會再幫襯，black list

2022年３月，香港 COVID--19第５波疫情，前所沒有的嚴峻，奉政府籲，我們深居簡出，已經40天沒有到商場。今天天晴，我們和媽媽到西九藝術公園曬曬太陽，然後到奧海城吃下午茶。疫情下，金滿庭生意還是很多，等了10分鐘才有位，我們點了以下的：#普洱茶：濃而不澀，挺好喝的。#酸辣湯麵：我超喜歡喝酸辣湯，看到酸辣湯麵，必點，多酸少辣，開胃。#排骨湯拉麵：酥炸大排外脆內嫩，拉麵有咬勁，好吃。#雲吞清雞湯拉麵：雲吞、清雞湯配拉麵，清淡之選。#瑤柱鮑魚雞粒飯：這個不算本幫菜，超預期的好味。下午茶餐可以加配指定小食，共有11款選擇，可惜想吃的：葱油海蜇、春卷、川式麻辣粉皮、醉雞翼，都沒有！最後只加了以下２樣：#鮮肉小籠包：豬肉餡有鮮味，好！#四喜烤麩：吃着覺油膩，本餐唯一不喜歡的菜。

係屋企睇免費台既足球直播， 突然間好想食年糕同賽螃蟹， 於是馬上登入food熊貓叫金滿庭外賣先叫個燴面俾阿仔食， 根住就賽磅蟹， 菜飯同雪菜肉絲年糕整體食物質素都唔錯， 一貫水準， 唯一挑剔既只係年糕咸左少少， 不過都可以接受。同埋都有少少貴， 唔算多野食都承惠3舊幾水不過間唔中食一次都可以接受

自防疫措施解封晚市堂食，咁岩時間晚了點，不想返家再下廚，便決定外出晚餐一餐，食至愛既松子桂花魚啦！話說，呢間金滿庭都已經起碼係廿年前食過，之後搬左都再無黎食過啦！以前成日要排隊，好多人。今次再次光臨，好在適時無咩人，唔駛等位已經入得去。得兩個人，要落單叫條魚，再加個飯都已經夠哂，所以未能試到其他餸菜。招牌松子魚 $198上枱見條魚唔大條，有雜豆及小量蝦肉配搭，色彩都幾靚。不過呢條魚既汁就稍為酸左啲啦，扣左分排骨蛋炒飯 $108飯炒得乾身，豬扒算脆口，整體都可以另外，一坐下來，order左茶後（茶芥每位$14），就會上埋一碟小前菜，呢碟前菜鐘唔鐘意食，都係要$20架

望見餐牌荵油餅幾吸引。副相有啲似印度的薄餅。但是，送到的是三件煎到又扁踢踢又煎燶咗的餅。原來餐牌上荵油餅是未煮的樣子。兩張相差太遠。誤導食客。領人失望！但是，其他的食物都算合格。

黎食lunch，lunch set唔太岩食，所以散叫。小籠包每台都叫，入面好多湯，要小心食，如果唔係焫嘴窩貼幾好，熱辣辣，少少脆，入面仲好juicy。奶油津白，呢個好食，D菜索哂D汁好好味，煮得又夠淋。

Absolute Worst experience with the reception staff and let this be a warning to others!!The restaurant now requires the LeaveHomeSafe App to QR scan and record your entry - which is acceptable. However, shortly after my wife scanned the QR code, the battery on her phone had died. The very rude reception lady refused to believe my wife had actually scanned and continuously verbally harrassed us while seated at our table over 8 times within 20 minutes repeatedly checking whether the iphone was

下午茶我依度過咗好多次。因為地點方便就腳啦而且環境都舒適價錢又抵食但為一個缺點就係要提早過嚟攞飛佢個下午茶係2:30開始大概2:15已經到咗落嚟拎飛仲有值得一提嘅係佢哋嘅人蔘烏龍茶飲落有甘味回香但今日嚟到發現佢哋個Menu已經改咗之前想食開嘅既炒飯而家都唔係下午茶菜單上得番個招牌抄飯，同埋以前食開嘅排骨擔擔麵都已經冇咗得返擔擔麵。大意外有個新菜式酸菜牛肉湯麵就出乎意料地好食新菜單性價比無之前咁高😞

中午諗住食好啲，揀咗嚟金滿庭食飯，咁啱我地一行6人就直接叫咗個午市6人套餐，諗住唔洗慢慢揀定咩。依個套餐包咗3款前菜、3款主菜、1款蔬菜、飯麵同埋甜品，總共$738唔洗再加一。食物上枱速度都好快，不過啲次序好似有啲亂😂本身以為會上咗前菜先，點知第一樣嚟嘅已經係主菜糖醋魚塊。反而前菜係後面上，我地叫咗3款分別係雞絲粉皮、 烏梅糖醋小排骨同埋酸辣海蜇。味道係唔錯，但分量真係比較少，啲排骨連一人一舊都唔夠。其他餸仲點咗回鍋肉、滑蛋蝦仁同埋雪菜毛豆百頁。不過我覺得最好食嘅係糖醋魚塊，佢啲魚幾嫩滑，外皮亦炸得啱啱好，雖然今次無叫到白飯，但啲糖醋汁攞嚟撈飯會係一流。而其他菜都係正常發揮，食落係ok但我覺得6人餐依個分量係偏少，每人食少少已經好快無哂。我今次加咗$12轉咗個健康糙米麵，佢其他菜分量頗細碟，反而碗麵就幾大兜，食完之後就夠飽。而且佢嘅湯底清清地得嚟又有啲鮮味，我覺得麵係幾好食，不過始終覺得如果係配小菜嘅話都係白飯比較適合啲。食到最後仲會有桂花糕做甜品。雖然食物味道質素係Ok，但始終分量偏少，覺得唔太抵食，唔知關唔關套餐事，定本身啲野食分量都少，總之食過一次後覺得性價比有啲低，下次唔會再叫

奧海城金滿庭已經食左好多年，好多時隔幾個月就同家人一齊飯聚。好鍾意係呢度食野，因為環境舒服。一般都會個零星期前打電話book定位，否則可能要等好耐，我地大約11:45am來到金滿庭，等多大約1分鐘左右已經可以入座。同埋唔知點解，總係覺得事前book定位，佢地比你的位是會大啲同舒服啲，今日我地仲對住電視位坐，所以好舒服。另外一提的是，佢地如果下午1:00前埋單，係可以免加一的。一來到金滿庭，通常都會叫「人參烏龍」茶，咁多年都好鍾意呢隻茶，有淳香的烏龍茶味。見到門口而家有得另外買，但今次我地就無買了。今日叫左幾樣餸菜，大部份都好好食，包括1)水晶肴肉+花雕醉雞呢個次次都食，當係前菜，今次醉雞仲比雞脾我地，真係唔錯。今日的醉雞，其實如果唔點佢地比的花雕酒，只係食雞係無咩味的，但點埋花雕酒就好好味。水晶肴肉就次次的質素都表現得好好，食的時候感覺唔肥膩，亦唔會太乾太硬，呢個幾好食。(2) 酸辣湯(1位): 呢個都好食，有時好辣，但今日酸同辣的比例剛剛好，裡面有豆腐、木耳等等，個湯唔係好結或好稀，但個湯如果再熱返少少就更好。(3) 銀芽炒鱔糊:呢個又係次次叫，但如果想食芽菜，就一定要講明，否則就會

難得有日平日經過見到唔使等位排隊，專登試吓佢個出名抵食嘅上海式下午茶，仲有得錯私隱度高嘅卡位Noodles soap with spare ribs 排骨湯拉麵🍜 $46炸排骨外面鬆脆得來唔算太油膩，入面肉質鮮嫩，可惜只係放咗幾分鐘湯拉麵嘅質地已經太軟身，口感一般Noodles soup with hot paste 🥢老北京炸醬麵 $36炸醬麵嘅質地彈牙😍，炸醬少少辣食落幾開胃，連埋碗菜湯一齊食就唔會太咸啱啱好，整體來講不過不失Braised gluten with peanuts 四喜烤夫 $20睇落好細碟，但食落去份量都唔少，仲醃得好入味，係傳統上海菜嘅味道😌，仲啱晒素食者叫！啲嘢食真係幾抵，仲包埋茶界添

親放寬咗晚市，今晚同家人出街食過晚飯，由於堂食，又星期日，冇優惠，所以都係叫啲普通野，加重點「招牌松子魚」。因為家父喜愛食「脆口」嘢，所以特別叫呢個。賣相不俗，魚頭放得好穩陣😜超級多松子，全條魚均炸到金黃脆卜卜，正合家父心意，除咗條大骨，差唔多成條魚都可以吞晒落肚。魚肉多汗鮮嫩，最緊要唔怕哽骨😅，老人小孩首選。可惜，酸甜味的酸度略嫌太酸，酸過啲菠蘿粒，我一家人都麻麻，只好唔點太多汁，不過整碟松子魚都俾我哋食晒😬，愛吃酸野嘅朋友要試下。

今次的體驗，可以話係滿分。 上星期啱啱食完中午飯 ， 隔咗冇耐再嚟試第二次。 三點鐘開始的下午茶 ，大家有時間的話不妨一試。 地方大 座位足夠 不用排長龍依然都係大角咀 奧海城分店