金滿庭京川滬菜館 (九龍東智選假日酒店) (已結業)

訂位時已知道用餐時間由5:45-7:45. 訂位時已點好菜. 亦已通知會自己的蛋糕. 當天準時到達. 因為5:45 基本上沒什麼客人, 馬上安排到房間.  開始上菜, 一樣一樣慢慢來. 沒有問題.  中間職員要求先埋單, 都沒有問題. 因為知道要趕下一台客. 但7:30分開始, 我們未食完的菜都被收走. 7:45分才上甜品.  馬上拿出蛋糕, 生日歌都未唱完, 已經要收起蛋糕給他們切. 都算!!!!!!!但我地都未食完, 你們把房間中的隔板打開, 另一邊的客人眼定定睇住我地. 我請屋企人同朋友來食飯. 你知道有多不好意思嗎?你要定交台時間沒有問題, 但你必須於限時內把菜上好, 及有足夠時間給客人用餐. 數千一餐飯, 只有快餐的服務. 你們這樣迫走客人的方法, 會有客人回頭嗎?再講食物質素, 食物是好食的. 但要受氣食一餐, 要考慮一下. 

邊個話酒店入邊嘅嘢貴㗎🏯呢個下午茶有一個上海炒年糕$55🥘牛展拉麵 $45🍜再另外+1籠小籠包$28🐽我好鍾意食年糕嘅最怕出邊啲年糕成浸膠味 金滿庭嘅年糕冇膠味仲好煙銀不過我嫌佢鹹咗少少 小籠包嘅話我已經成日嚟呢度食㗎啦都係一貫多汁 咬落啖啖肉牛展拉麵就唔推介啦淡淡地冇乜味🐮總括嚟講喺酒店真係都好抵食免+1免茶位時間2:30-4:30 ⏰係時間上太有限制四點鐘last order 4:15已經識左冷氣俾signal你好走喇 果下有啲無奈🙉🙉因為我3:45先到 食到超級趕🦅

今天星期六和家人來到將軍澳Popcorn 商場位於假日酒店七樓的金滿庭午膳，此店以前都光顧過，印象都不錯，今天是星期六，座位都相當緊張，我們祗有1.5小時用膳時間。很快我們便揀選了四款菜式，有東北亂燉，主要有茄子、蕃茄、薯仔、娃娃菜、粉絲、肉丸和長豆，有些類似雜菜煲，因有肉丸，味道鮮美。紫心蕃薯浸豆苗，蕃薯香甜，豆苗嫩滑。和尚帶帽，這菜式名字有些古怪，其實是芽菜、冬菇絲、蔬菜和粉絲做餡，以煎蛋蓋上，配以叉子燒餅，頗有創意。最後是招牌炒飯，飯炒得乾身加配大量魚子，香甜可口。埋單每人平均$150，都算便宜和美味的午餐。

＜金滿庭＞年三十簡單同屋企人食餐飯當團年飯。今晚揀左金滿庭。特別介紹下相嘅哩個餸叫和尚戴帽 (可以跟手工薄餅或者叉子燒餅）Hkd108。我覺得個名好得意， 原來係將啲粉絲呀菇呀同埋d牙菜炒埋一齊， 然後將炒蛋鋪面好似戴帽咁🤣 跟住可以用薄餅或者燒餅夾住黎食，鍾意嘅仲可以點甜醬食😋 我覺得哩個餸幾特別，配搭得幾好！ 真心推介!另外我仲叫左什錦砂窩 Hkd138, 哩味其實係湯黎，入面有粉絲， 火腿，菇， 蛋角，雞，魚蛋同津白。哩個湯都幾好味又咩都有 d, 我都幾鐘意。第三味餸係咕嚕肉Hkd108，哩樣好似好普通，但我發現好多地方都整得麻麻地！但今次好有驚喜，粉吾會太厚，肉又吾會乾晒咁，仲食到肉汁。個汁吾會太酸或太甜，完全恰到好處👍總括黎講，我覺得金滿庭雖然有d貴，但佢嘅食物有質數，有水準，樣樣餸我都覺得好滿意，所以貴小小都值嘅！Hkgalxfoodlover 回頭率：100％

之前同屋企人去食晚餐, 佢地早到, 見到訂左張枱又細又迫, 問左經理, 原本佢話 booking 好 full, 沒有枱可以轉了。但後來就話有間房, 但有 minimum charge, $3500!我屋企人話 ok, 9 個人一定食到, 因為佢地通常會叫好多野 ... 食唔晒會打包!媽咪愛吃紅燒海蔘, 加大左份量。這個不知道甚麼骨 ~ 家人叫的。煎窩貼, 還可以。小籠包也正常。凉拌海蜇好味, 爽脆又入味。清炒蝦仁 ~ 完全不合格, 並非河蝦仁, 大隻但又無味 (只有雪藏味), 十分差!薰蛋 ~ 沒有試。松子黃魚 ~ 是桂花魚吧, 還可以的, 但有少少腥。北京填鴨 ~ 分到兩碟上枱, 頗肥, 但又不算嫩滑。這個啫啫芥蘭煮得過火了, 很淋, 完全沒有爽脆的口感。整晚完全沒有驚喜, 因為不正宗, 有幾道菜沒有影相了, 因為菜上得頗快, 但不好吃。以 8 個大人 1 個小童, 四千元埋單計, 本人覺得可以有更好的選擇, 不會再來了。

下午和家人吃飯，來到酒店的中菜餐廳吃午飯。午市，餐廳的顧客不算多，但環境不錯，從玻璃透進自然光，裝潢大方得體。翻開餐牌，選擇很多，所以想了很久才下決定。⭐️雞絲粉皮$80攪拌之後有很香的花生醬香氣，粉皮軟軟糯糯口感很好，很開胃。⭐️乾煸四季豆$88加入魚香茄子肉炒香，四季豆味道很惹味，不過微辣，伴飯吃一流。⭐️金磚豆腐$86入口酥脆，豆腐很嫩滑。⭐️上海粗炒$98這道菜就普通了一點，以醬油炒香，夾雜了一些菜。⭐️招牌松子魚$198以醬汁淋在松子魚上，但覺得醬汁沒有什麼特別之處，略有失望。▫️個別菜式不錯，不過吃完這頓飯後要和很多水呢！

金滿庭位於將軍澳某酒店內, 由於想坐得舒服一點, 所以預訂了廳房! 基於是平日的晚上, 最低消費只需2300元便可!而廳房的環境算舒適雅致! 雅於服務,個人覺得都唔錯, 當待應見到客人有服務需要時, 會主動協助, 亦十分有禮地向客人建議由待應去做!!!至於食物質素, 亦沒有令人失望, 每樣餸菜都有一定水準! 而個人比較喜歡的是小籠包, 佢一籠有8隻，而套餐共有2籠小籠包, 小籠包皮薄而肉汁豐富, size剛好可以一口一隻，肉汁在口腔肉爆開後十足美味，所以小弟一共食了3隻! 另外, 鮑魚雞粒炒飯亦十分出色, 飯低炒得夠乾身和香口, 配上鮑魚粒和雞粒，十分美味! 最後要介紹的是片皮鴨, 是色香味混合之作!值得一提的是套餐的份量不少, 就算我們13人也食不了全部食物!

好少會嚟將軍澳區，如果唔係因為要去探朋友，都唔會出現。百年難得一到，一於試下呢間好出名嘅中菜廳啦！門面非常亮麗，而且一睇就知好有中國特色及氣派。環境都十分寬闊，有大落地玻璃，同時亦有四人雅座，坐得舒舒服服。點了餐前小食-黃金燻蛋。望落好似溏心蛋，但食落嘅味道並不是，表面的是咸咸的，有少少似胡椒粉，而蛋是燻過的，所以不完全流心，但也不時熟蛋，味道很易入口，雞蛋控的一定喜歡。第二碟係蟹粉小籠包。一籠有五個都幾足夠二人食，而且小籠包非常多汁，同埋都好大舊，肉質亦十分鮮味，絕對係鎮店之選。賽螃蟹唔係每間中菜廳做得出色，但呢間竟然真係有好多蟹肉係入面，而且味道好足，唔會淡而無味。蛋餅平時係會覺得好蝕底，因為好似好簡單，但呢度絕對係抵食，超大隻鮮蝦，配搭菜，加埋煎得好香口的質感，拌飯一流！最後點了一份瑤柱蛋白炒飯。唔洗搵都睇到多瑤柱，而且仲有好多料添，真係好抵食！

蟹粉小籠包 5隻 (10/10)首先，小籠包頂的一大粒橙黃色蟹粉滿足了視覺，當把整個蟹粉小籠包放入口，然後咬爆那一刻，蟹粉味充滿了成個口腔。如果你是蟹粉控的話，這下一定會覺得無比幸福。擔擔麵 (9/10)每次食擔擔面心情都好矛盾。很擔心湯很油膩好濟，但又好鍾意它的芝麻花生味。但今次的擔擔麵，一次過滿足晒我兩個願望。唔油膩不來又好香的芝麻花生味，好開胃。。川式酸菜魚 （10/10）魚超級新鮮而且夠滑！ 配上一個酸酸辣辣嘅汁超夾。另外， 都有粉絲係個湯入面，所以其實就咁叫呢個餸都好飽肚！。龍蝦湯時蔬 （8/10）係一個西式龍蝦湯，配上豆苗！ 龍蝦湯龍蝦味好出。。開洋扁尖筍炆冬瓜 （10/10）冬瓜同尖筍都吸曬D海鮮味！包括左蝦米同乾瑤柱！ 呢個餸清清地幾好味！。黃金燻蛋 （8/10）蛋黃好黏，好有蛋香味！ 而且外面燻到啡啡地，令到蛋白食落去同平時食嘅有唔同！

好耐冇食京川菜，驚好肥膩，今次因為朋友想食咪試下，今次好似同蛋有仇咁，因為大家都好鐘意食蛋，叫左個前菜小食燻蛋，入口流心香滑，好正好滿足，再叫左個必食既蟹粉小籠包，蟹粉好甘香，小籠包好多汁呀，皮唔會好厚，但又唔會一夾就爛晒，跟住就叫個賽磅蟹，一般酒樓都係搵菜圍住，得中間小小，但呢間唔會，真係貨真價實，仲要啖啖蟹肉，非常足料，蛋白香滑加上蟹肉，加入小小醬汁，口感好正，好抵食，菜方面揀左個龍蝦汁煨豆苗，龍蝦汁香濃，豆苗嫩滑，原來咁樣配合會係咁好食，我連汁都飲埋，最後要推介下闊佬炒飯，其實係蛋白海鮮粒炒飯加入炸左既繞柱絲，d炒飯絕不油膩，粒粒剛剛好不會太乾身太硬，最緊要沒有加入味精，原汁原味。本來好想食甜品，可惜太飽了，下次再食過。

今晚我同屋企人訂咗8點去將軍澳金滿庭食飯，我地早到咗，係門口等。。。門口企既知客都好有禮貌咁同我地講，因為我地早到咗既關係，所以需要等等。知客亦都好快咁安排到枱比我地。 入座無幾耐，我突然聽到好大聲既拍枱聲。之後就聽到有一把男聲係度爆曬粗口咁講（ x你x味我後面冧曬擋啦……以後我未x搞掂你未x好入客。）我唔知道個位先生係度鬧緊邊個。但我個人同屋企人都覺得呢位男士態度上＆說話上極度有問題。 ❎問題就係呢度啦？（我想問呢位男士？）咁我哋係咪需要等到所有8點訂座都搞掂，先可以入座呢？

今日訂了枱到金滿庭食晚飯，環境好靚，仲可以望倒出面夜景，服務員態度可說是十級好，笑容親切，亦有同我地講有咩優惠。我帶了小朋友，服務員主動問我要唔要提供小朋友坐位，小朋友碗及匙羹，當然要了。用餐時亦會留意我地需要咩而過唻幫我地處理。食物方面，掛住食都無影食物相，整體食物都好有水準，好鐘意個紅燒元蹄，元蹄煮得好入味亦燉得好琳。家人對整個晚飯都好滿意同滿足。因為服務員做得太好，有時仲有講有笑，下次一定會再唻食。

一行7人卜左間房，服務員態度真係唔多掂，去到門口就話你等等啦，然後就話直行轉右啦，究竟想點架？又呢樣又果樣。。。到上菜吃東西，又係咁收你枱面既野食，係咁話食埋佢啦，上下一碟餸，我食唔食有我自由，趕收工都唔係咁，完全冇態度可言！無奈，下次唔黎。仲有，泊車問佢拎單，又話番我地轉頭，點解你地有兩架車唔早出聲呀？要分單先俾到你，咁我而家出左聲囉，又話做唔到，究竟係我既問題定你既問題呀？又漏單，未食完就埋單，仲唔係想趕客，最後搵個大少少職位既人黎趕我地走，他說：要搞衛生。

興祝姨甥仔生日，他選擇了家附近的京滬菜。畢竟是酒店內的餐廳，裝修設計比一般食肆地方寛趟舒適三個人叫咗六款食物再加甜品。食物份量不少，賣想也不錯；整體食物味道可以，但沒有特別出色。原本很期待豆腐三文治，但作為頭盤/冷盤的它竟然最遲上，而且味道非常一般，有點失望我個人認為火腿炆津白丶上海粗炒及甜品蛋白杏仁茶丶高力豆沙較好

食過幾次金滿庭覺得唔錯都幾有水準 今日見有柚子雞球就叫一個試下 點知嚟到食咗一啖就成口骨 仲有好大陣油yik味 個經理話雞球係有骨 冇骨嘅係雞柳 食咗148蚊得出兩碟骨大部分係雞殼 完全唔值