金滿庭京川滬菜館 (九龍東智選假日酒店) (已結業)

一年一度母親節又來了，我們都會提早慶祝。不想自己煮就出外食，我們都比較鍾意中餐，所以就選了這間餐廳作為母親節飯。總體來說質素都是中上的，環境也舒服，推介雲吞雞。而甜品亦非常的口我㫓心水，好味之選。雲吞雞好味，但唔記得左影相，影了一些蝦仁、醉雞、及清菜。炒飯香酥鴨就比較差一點，唔係咁脆甜品非常之有驚喜，我們點了幾個甜品都好味，包括杞子盧薈玫瑰榚，小甜清新酒孃丸子好味另一個值得提的是，服務貼心，唔會因為母親節多人而服務較差，值得一讚。

今日訓到太晏，一起身已經1點，所以決定試下金滿庭既下午茶。公眾假期都有下午茶餐，最貴都係$55，免加一、免茶芥，超抵食！-牛𦟌擔擔面（$55）淨食牛𦟌會偏咸，一定要連埋湯同面食一齊食！啲面同個湯match，好好味👅-小籠包（$28）出色！一啖放入口好多湯汁啊～～必叫之選！-煙薰蛋（$15@1 whole egg)個蛋黃都叫溏心既，好香煙薰味，但略嫌有啲偏苦。再咬一啖，「卡」一聲，原來附送蛋殼😅

今日是我細妹的生日，見網上評價不錯，便打算一嘗pop corn 金滿庭，星期日較多人攞籌等位也預了，但是攞籌制度正常有枱才会顯示枱號，見到顯示器上正是我手上的號碼，馬上交籌，職員起初只叫我等等，再問，再叫我等等，我等了一會以為等人帶位，怎料到我問係咪有枱時，經理説原來未有枱，明明見到有張吉枱，經理竟説留給訂枱，那麼，攞籌有何用？若未有枱，那拜托顯示器不要出現未有枱嘅號碼。如此差的服務，以後也不會光顧。

同屋企人有大有小，總共十幾人去食所以一定要食間乾淨得黎又好食價錢合理既，所以就選擇咗金滿庭。店鋪既座位都比較逼，但都坐得好舒服，店員都好有禮貌會主動同你講有咩好食推介。我地叫咗咁多野都好有水準無一樣野係唔好食，其中既豆腐，辣子雞，水煮魚，小龍包同埋扁皮鴨都好好食。味道到位絕對有心去服務客人。另外價錢方面，都係公價唔會特別貴，每個人除返都係大約！200蚊，非常合理呀！一家大小既晚餐好味價錢又合理推介：金滿庭

不過不失，小籠包不及鼎泰豐，排骨湯麵不夠酥香，熏魚不錯，價格合理，環境舒適，明亮乾淨，個人比較喜歡卡坐，只是服務員的態度麻麻，冷漠，不算友善，平日去好些，假日人太多了！不過將軍澳人口密集，假日一定人山人海

放假入將軍澳探完小BB後，一伙人行去附近酒店餐廳''金滿庭''食晚飯。可能假期加上中秋節將近關係，雖然預先book位，但都要再等10幾分鐘。餐廳加左枱，枱與枱之間空間好少，感覺好逼夾。雞絲粉皮。水準依然，麻醬香口，粉皮嫩滑，不過雞肉絲青瓜少左D。小籠包。好味道皮薄但唔會穿，一口咬開一吸，就可以食到香濃湯汁。招牌松子魚。肉質頗嫰，有不少松子雜菜，醬汁酸甜開胃。賽螃蟹。比較多水，味道一般。干扁四季豆。四季豆走油同肉碎炒爆得唔錯，幾香口野味。東坡肉。顔色上得均勻漂亮，肥肉部份唔算特別多，朋友話煮得唔錯，汁濃偏甜。高力豆沙。唔會過甜，軟熟可口。食物唔錯，如果餐廳可以減少客人人數，空間太一點，我相信可以更好。

因為外甥女巧宜BB的出現，筆者多了在將軍澳出沒，這個週日就來了金滿庭飲茶食點心。 本人對金滿庭向來有好感，食物雖稱不上頂級，卻總算不俗，而且性價比高。有朋友說近來這品牌一直在坎下坡，我半信半疑。但經過今次，我相信了。 基本上，「廚房嘢」和點心，大部份都在合格水準以下，我真希望只是我時運低，一時黑仔。 來金滿庭，必定要飲仁參烏龍，總之就對我口味，是別處喝不到的。 一開波的燻蛋，還是可以，至少鴨蛋黃做到流心，不失煙燻香氣。 接住來幾款點心，小籠包皮厚，湯汁稀少，收口位大，並不是金滿庭應有的水準。窩貼要好一點，底部煎得香脆，肉餡豐滿，味道亦正常。 紅油抄手皮對而餡多，汁醬調校得夠辣也醒胃，雖不是正宗四川貨色，也屬可接受之列。 再來兩款湯，油豆腐粉絲湯，清清的沒大問題，反而酸辣湯的酸味與辣味並不和，有待改善。 鎮江排骨，一上桌便覺得有問題，醬汁又厚又杰，看見倒胃口，加之排骨又是硬轟轟，完全無鬆化可言，這樣簡單的菜色為何會弄成如此？ 不過，低處未算低，奶油津白更令人失望，杰撻撻的奶油黏著菜蔬，完完全全意想不到是金滿庭的出品。 上海粗炒賣相正常，可是食味偏淡，縱使我再偏心這個品牌，也不能給予合格

午飯business lunch選了這間中菜，已經來過無數次，也試過其他分店，不管午飯晚飯也是覺得這間的質素最有保證。先來一個燻蛋，味道好，只是不夠糖心。由於常來所以無特別向餐廳投訴。手撕雞不是白切雞肉，是豉油雞手撕肉。味道好而不鹹，不夠濃味可以沾汁。可以滿足不同口味人仕。小籠包皮薄多湯，8隻一籠剛好。香港既上海店來說應該無投訴。擔擔面好標準，湯夠濃，還可以加辣。本人喜歡食辣所以加了試試，有驚喜，加分。喜歡食辣既朋友值得一試。由於2位男仕，最後加多一個鍋貼，要求煎脆D，又做到，加分。埋單360蚊，絕對接受。如果喜歡上海菜想靜靜地坐得舒服選擇多而有質素，可以考慮。揸車既朋友可以泊酒店，餐廳有優惠免費泊車。

因為要搵人攞嘢。所以就約一早食Brunch 平時等位等到人都癲。今日趁佢一開門就去應該唔駛等好耐。 結果。攞頭籌等開門。一入去。就話食到點半。其實唔多鍾意啲餐廳限時限刻。不過可能太多一個等一張枱一個鐘都未見人所以。唉。如果你話齊人入座果種感覺會好啲。 不過講真。個半鐘。 以佢上菜程度係夠。我地11點45入座。12點半已食完埋單。 不過見到真係有一枱一個女人同我地同時入座仲等緊朋友😑原本諗住叫甜品。 但因為阿姐落錯頭盤仲大大聲。 所以我決定唔食😜

晩飯訂位時間只得5:45 同8:00 ，已經非常奇怪，本人選擇5:45 ，飯店內微弱冷氣本人點10 款食物足足分開上桌，要食足兩個小時還要催，食物味道不知所謂，水煮魚內魚片只得5 片，炒飯凍嘅硬曬，小籠包子痴住蒸籠上張紙挾起已經穿曬d汁漏曬,服務態度奇差，叫加水無人理，上甜品唔換碟，已後不會再光顧

公眾假期要分2個晚飯時段，5:45pm或8pm, 可預先訂座。餐前小食每碟 $18鍋塔豆腐 $86 豆腐滑，個汁好啱送飯食乾煸四季豆 $82惹味之選，微辣一口小籠包 （8隻） $64一咬落去，啲汁爆出黎皮薄餡靚招牌松子魚 $178魚炸得鬆化，酸酸甜甜好開胃。仲有唔少蝦仁、雜豆同松子佈響面鎮江排骨 $92味道不太正宗,欠缺醋味;肉質則尚可雞絲粉皮 $78粉皮好多，但雞絲同青瓜絲就好少。麻醬過少，要叫侍應問廚房再攞多啲麻醬先夠撈勻啲粉皮。

幾年前都係去礸石山嘅分店，一個月起碼去兩次，因為會有Coupon送返，要喺指定時間用。知道將軍澳區一間酒店開分店，即刻勾起我對嗰隻大圓蹄嘅熱誠。一去到客人唔少，餐廳設計比較優雅，設有卡座，我哋兩個安排喺中間比較逼嘅座位。服務方面侍應有笑容有禮，亦好殷勤，我每次都會食大元蹄，而職員會好心同我哋講好大隻兩個人未必食得晒。黃金燻蛋，淡淡嘅煙燻味，蛋黃流心，味道唔錯。花雕醉雞，雞肉亦算嫩滑，但酒味唔夠。招牌燻魚，個人覺得一麻麻，太乾。京燒羊腩，好香嘅羊羶味，好香口，好味😋。紅燒元蹄，呢度整得好好，好淋又冇渣😀。侍應幫我哋起埋肉。

下午茶2:30開始，2:25去到已經有唔人等緊。不過大家入晒去其實唔full,仲可以坐卡位。知道呢度有人参烏龍當然唔錯過啦（出面中式酒樓比較少見），仲有碧羅春，龍井等，唔洗另外加錢。下午茶套餐抵，$55~65可以揀一款前菜同一款主食，（已包茶芥加一）。前菜細細份，但tea time 淺嘗足夠了。主食試左小籠包同傻佬炒飯，都幾好味! 如果朝早有去飲茶，唔食lunch直接黎呢度下午茶都ok! 可能係要在商場搭lift上黎，人唔算多。咁靜靜地嘆茶傾計好舒服。閒日放假的話黎呢度幾好架。

同埋屋企人一齊黎食午餐無特別記 確實菜名唔太記得😂🙈可能個名有出入 請見諒《上海粗炒》都算大碟多菜 但有小小偏鹹依碟唔記得咩名但個味道同上面上海粗炒好接近😆《肉鬆炒飯》味道唔錯 肉鬆唔會林晒味道唔太咸 有好多菜同蝦幾好食👍🏼《紅油抄手》小小辣 皮薄肉香如果食得辣都推薦試吓《雞絲粉皮同糖醋魚》冷盤 雞絲粉皮芝麻醬好香配青瓜絲唔會太膩糖醋魚味道偏甜接近正宗上海菜不過我唔太鍾意用嚟做冷盤《上海小籠包》皮薄肉香但味道同紅油抄手接近值得欣賞係每粒都有好香既湯汁但放太耐 湯汁凍左就唔好食整體都食物質素算唔錯 員工服務態度同埋大玻璃望出去個境有公園同學校同住宅有點距離 都值得加分

呢個食評唔寫唔得本來以為係酒店嘅餐廳應該唔差又本來以為咁多好嘅食評應該唔錯啦點知....係好失望訂左枱，早少少去到但門口好多人，應該大家都早到等入去坐到入去，餐牌唔睇，先點個小籠包er....無乜特別跟住點左其他野食賣相還可以但食落就味道平平無奇，仲要貴喎炒鱔糊好細碟，食埋都唔夠喉味道還可以叫個菜食下但真係普通，係屋企都好易煮到茶葉炒蝦球茶葉味唔係好去到蝦個度好似分開炒咁呢個肉唔記得叫咩名但算係可以吧炒年糕以上海菜來講，炒得唔出色呢個清清地幾好味有芡打得好杰身，配埋冬瓜蓉，幾清新送飯幾好家人生日order左壽包無蛋黃係入邊，只係蓮蓉包一個來最後要講就係。。。好熱好似無開冷氣咁同職員反映，佢就話開到最大望下周圍個個都抹汗又搬涼10月唔太熱，但係都咁樣再同第二個職員反映，佢走去開風扇原來放左把風扇係度咁即係代表咩？正常一間餐廳都唔會放把風扇係度啦