金滿膳燒味餐室 (已結業)

收工約咗男朋友，喺牛頭角附近好似冇咩好嘢食，咁啱見到間燒味舖啲燒味好似幾正咁，就決定入去食個燒味飯啦。我就叫咗一個玫瑰油雞皇飯，估唔到我一食就鍾意咗呢種味道，平時食親都係白切雞、豉油雞，今次呢個玫瑰油雞有淡淡的玫瑰花香味，再加上好滑嘅雞肉，俾人一種好清新嘅感覺，加上食雞冇咁肥，我決定下次都要再食呢個。男朋友就叫咗招牌脆皮燒腩仔飯，佢呢個燒腩仔確實真係脆，男朋友一邊食一邊聽到咬緊趣博博嘅聲音😂仲要佢哋個五花腩又唔會話剩係得肥膏，肥瘦適中。最後叫多枝雪碧同忌廉，咁就食咗一個好飽嘅晚餐lu。

公司喺牛頭角嗰邊，lunch時候就去咗呢間金滿膳燒味餐室食飯，環境好闊落，而且好乾淨企理。見到好多人都係食佢哋嘅燒味飯，望到啲燒味睇落都好靚仔，勁吸引。我就叫咗一個玫瑰油雞皇飯，價錢$48。雞嘅色澤好均勻，未食已經聞到淡淡的玫瑰香味，識落啲雞件全部都好滑，同埋啲飯都仲係熱辣辣，好滿意。同事就叫咗燒味四寶飯，四寶飯同樣好多餸，叉燒燒得好均勻，食落仲甜甜地咁，用嚟送飯就一流。白切雞食落都好滑，如果點蔥油食就更加正呀。食燒味飯一定要叫枝樽裝可樂飲先夠爽🙌🏻🤤

又到3點3下午茶時間，當然要去近期最愛嘅金滿膳燒味餐室，呢間燒味餐室同平時個啲好唔同，環境裝修好現代化新派設計，完全唔會覺得餐廳好舊坐得唔舒服，仲好闊落添。佢哋個燒味下午茶真係好抵食，只係$34。我同朋友就一人叫咗一個柚子蜜叉燒米粉同招牌脆皮燒腩仔瀨粉。佢哋嘅燒味會另上，叉燒真係好出色，肉質鮮嫩仲有肉汁。燒腩仔都外皮香脆，五花腩肥瘦適中啱啱好。如果唔鍾意食米粉同奶粉仲可以叫河粉添。或者其他選擇都好多，無論係西多士、燒味飯定係花甲粉等等都應有盡有。

今次我食嘅嘢真係普通到不得了，但我覺得都值得寫下食評，呢間牛頭角 金滿膳燒味餐室 唔可以錯過呀。🧇普普通通就嗌咗法式西多士，金金黃黃嘅外皮，熱辣辣嘅感覺，即食一定係最正。上面一個牛油等佢慢慢溶化後就剛剛好。一切開嗰下真係有好幸福嘅感覺，牛油又慢慢融落嚟，裏面夾心餡慢慢流出嚟真係好正。食一口真係覺得好溫暖，香軟充滿蛋漿嘅麵包再加上牛油，再加上夾心餡嗰種互相交融嘅感覺，鹹鹹甜甜咁樣好鬼正。🍜咁啱下午茶時間，就可以試下燒鵝髀配搭粉麵嘅套餐。燒鵝髀真係未試過咁正。除咗佢夠大隻之外，好食都係相當重要，皮脆肉滑，燒得剛剛好，每一啖都係香口，每一啖都係嫩口。

如果想食啲抵食嘅燒味，同時又想食下午茶餐廳快餐，呢間幫到你。可以見到佢餐牌有燒味又快餐，一次過滿足你兩個願望。✡️💓隨心就試下雞扒蛋飯，本身都諗住係普普通通，不過都值得一讚喎。雞蛋都唔係求其煎，蛋黃都保持到流心嘅狀態，而個雞扒都幾惹味，小小煎香幾可口，唔似得出面煎完好嚡口、好乾身或者咸到漏嗰啲。💓燒味當然必試啦。燒肉拼秘製燻蹄 雙豬組合。首先燒肉真係好正，皮脆真係好基本佢都做到，仲要係咬落塊皮唔會話太多油。肥瘦度亦都非常好，好鍾意喺實實嘅肉中帶有肥膏嘅感覺。燻蹄果然係秘製，嗰種味道真係有淡淡然咸得嚟又有啲清香，仲有全部大多數係肉放得入口。總括嚟講開牛頭角，想食下燒味又想食下快餐，咁就一定要嚟呢間呀。

估唔到牛頭角區都有啲幾有質素嘅餐廳，呢間主力做燒味嘅茶餐廳幾唔錯。門面睇落ok，比普通茶餐廳望落好似high class少少咁。櫥窗上面都掛上咗琳瑯滿目嘅燒味，幾新鮮咁。貪心嘅我哋都想盡量試多幾款燒味，所以就叫咗兩個雙拼飯啦。🐓玫瑰油雞拼🐖招牌脆皮燒腩仔飯就可以食到雞同豬。首先視覺上都擺得幾靚，啲肉擺得幾整齊，分量睇落去都夠大。雞肉好嫩滑，浸泡過醬汁嘅雞有種鹹鹹的味道，但唔會太鹹，又有少少酒嘅淡香。燒腩仔當然皮脆，脆得嚟又唔會必曬啲油出黎。肉質又唔會鞋恰恰，肥瘦相間做得幾好，啖啖肉之中又有油脂香，正。🐾秘製燻蹄飯拼🔥柚子蜜叉燒飯。呢兩個都係豬肉但都想試下。同樣擺盤整齊份量夠多。可以見到燻蹄都係肉居多，唔會似出面得舊肥膏。食落去唔會淡而無味，有少少醃製嘅感覺，應該就係秘製醬汁做出嚟嘅。叉燒方面都有驚喜，全部都放得入口唔會話有渣。肉質淋軟度適中，就算嗰邊都唔會話太硬食唔到。

三五知己呢下茶餐廳食海鮮都幾開心，特別係今餐又唔貴喎，而且又幾好食。等我嚟介紹下開心花甲粉 $68。我覺得佢哋都幾開心嘅，因為個口都開曬出嚟，唔知係咪因為咁所以叫呢個名😂粉絲同花甲味道真係好好，完全已經吸收蒜蓉等配料嘅味道。仲有燒生蠔 $68/3隻。😜價錢都算抵每一隻都算大隻，而且亦都吸收曬啲蒜蓉味燒得唔錯。另外麻辣小龍蝦$228。🌶️確實係愛辣之人必揀。無論外殼定係肉質都吸收曬麻辣嘅風采，亦唔似出面有啲可能雪死咗或者唔新鮮串燒方面我哋要叫咗啲。🔥呢度啲串燒就較為係炸粉比較重嗰隻。燒五花腩 $18都算幾大舊，雖然炸粉重但唔會話粉多個肉，而且食落去都好惹味又唔會過鹹。雞腎串$16都保持到索索聲，好有趙口。

牛頭角放工行過，見到呢間之前一直想試下，今日同事都話想食就一齊去左試。入到去環境都算乾淨企理，張枱都幾靚係圓枱雲石花紋嘅。餐牌方面都有好多唔同選擇，除咗燒味都有其他例如常餐、海鮮。咁佢寫住”金滿膳燒味餐室“，我諗燒味係佢招牌，所以我哋今次就試咗油雞同埋燒腩仔。🪔🐔油雞富含淡淡酒嘅香氣，色澤靚。味道咸中帶醇，有醃料嘅咸又有酒嘅醇，而又唔會死咸。肉質唔會乾，鮮嫩可口，多肉少骨。🔥🍖燒腩仔皮脆合格有餘。肥肉瘦肉層層相間，油油之中又有肉嘅質感。入口鬆化軟腍，不會有過分油膩感覺。咸度唔會蓋過豬肉味，有肉味亦有油香。分量方面都幾夠飽，我覺得價錢合理之餘，質素都幾好，所以近牛頭角嘅話不妨試下🆗

好耐冇食過茶餐廳，估唔到呢間金滿膳燒味餐室有驚喜🤯有燒味又有茶餐廳野食嘅餐廳，比較少見，而兩樣都做得好嘅小店，更係難得。😧門口見到餐牌都幾多選擇，有串燒有常餐有燒味。入到去幅牆有隻招財貓幾得意😂下午茶時間我就嗌咗個“金滿膳燻香燒鵝髀賴粉”都係$34咋。😜燒鵝髀真係好大隻，皮香脆脆，色澤都好靚，好吸引。皮連肉食就有肉汁爆出，肉質又唔鞋，冇渣，肉多🤤我朋友就試下普通野“雪菜肉絲米粉”有埋雞蛋同三文治，就$50。分量都算大，本身諗住都係正常質素，但佢啲雪菜都出奇地幾新鮮，米粉亦可口，唔會硬身un胃。炒蛋夠滑，可以夾三文治食。食完個餐夠哂飽。🈵總括嚟講今次下午茶都幾驚喜，好滿足，係可以一試🙆

本以為牛頭角呢間茶餐廳其貌不揚，估唔到有驚喜。🤩🤩今餐3人食都好飽滿，我諗4個人食都夠飽，全海鮮盛宴都係$500唔洗🤩🤩🤗開心花甲粉 $68錫紙包住一包份量好多，熱度十足。花甲都新鮮，充滿蒜味；粉絲亦非常入味，少少辣，連花甲一齊食更正。🤗燒生蠔 $68/3隻。每隻都充滿蔥蒜，亦都似係醃製咗一段時間，因為食落去好入味，亦有香香嘅燒烤味。🤗大扇貝$108/3隻。同樣充滿蔥蒜同夠入味。夠鮮夠大隻值得一試，唔韌無渣。🤗麻辣小龍蝦$228。呢個價錢嘅話分量就少咗啲啲不過都可接受。呢種麻辣程度係愛麻辣者必定要試。啲肉全部都吸收曬麻辣嘅味道，亦都夠鮮。

去開牛頭角都係諗住食返啲普通嘅野。Google map見到附近有一間茶餐廳就去咗睇睇。門面普通通通，入面裝修環境都算整齊。張枱都有少少品味，係圓形雲石紋枱。見佢寫住係燒味餐室，所以就決定試返佢招牌嘅燒味。諗唔到食咩燒味好，所以就試左💎燒味四寶飯 $50。有雞、叉燒、燒肉、鹹蛋。最滿意嘅係雞，成嚿都好嫩滑又唔算太鹹，仲隱約有淡淡玫瑰油嘅味道。叉燒方面係甜得黎有少少酸，呢種酸甜嘅感覺係好清新，因為佢用咗柚子蜜去燒，而肉質亦都唔嚡。燒肉皮係卜卜脆，肥瘦比例係3比7。另外⚜️金滿膳燻香燒鵝髀飯$128，鍾意食鵝嘅人一定要試。因為鵝髀真係超大隻。除咗肉多味道亦都唔話得。皮脆係基本，但呢度係比出面更香口，肉質方面亦都保持鮮嫩。最後飲品就簡簡單單🥤可樂兩支。

行開牛頭角經過呢間餐廳，都係普通茶餐廳風格門面，不過見好似幾多人食，同埋咁啱又想食燒味喎，所以就入去試下。餐牌嘅選擇都算幾多嘅，除咗燒味都有常餐可以選擇。但係我都係決定食返佢招牌嘅燒味。🍗金滿膳燻香燒鵝髀飯$128我就揀咗佢招牌菜。上菜時見到鵝髀真係超大隻，齋睇都覺得啖啖肉好想咬落去。淨係食皮都覺得係燒得好香口，有小小爆汁嘅感覺；肉都好鮮嫩。如果皮同肉一齊食就係一個更佳嘅口感。🍖柚子蜜叉燒飯 $48平時都係蜜汁叉燒多，呢度係柚子蜜嘅叉燒飯又幾特別。出面通常都係甜甜地嘅感覺，但呢度用柚子蜜就係酸酸甜甜咁，但又唔會過甜。而叉燒肉質又唔會太鞋，所以都幾推薦。總括嚟講呀如果近牛頭角又想食下高質燒味都可以選擇呢間。

去開牛頭角搵friend, 想食返個下午茶，佢就介紹我呢間，簡簡單單又好味。我地叫左秘製燻蹄同玫瑰油雞皇，配米粉同瀨粉，一個餐都係$34🤪🐷燻蹄方面都好大塊好多，塊塊都好多肉。秘製唔知有咩乾坤，味道上確係幾特別，略咸之中有點清甜，整體肉質清爽。🐔油雞好滑，味道不會死咸。雞皮顏色唔會太深色，都係滑滑唔會韌，有淡淡玫瑰油香，好易入口同想一再返尋味。🥢瀨粉都不差，滑身軟硬度剛好，不易斷。🥢米粉唔會硬掘掘，同樣軟軟易入口。湯底不過不失 整體黎講呢個價錢，呢個質素，絕對值得一試！

今日同同事諗緊食飯食咩既時候行經金滿膳燒味餐室，餐廳座位都唔算太逼，好奇既我地就入去試下，竟然絕出色！🐥🐷玫瑰油雞皇拼招牌脆皮燒腩仔飯 $48一次過可以試到兩款燒味，唔錯！油雞生熟度岩岩好，大大舊，啲肉好滑嫩，好濃豉油味，完全入晒味呀！燒肉都好出色，燒肉既皮好脆，肉質唔鞋，豬肉有啲咸香，超好食好吸引😋🥰燒味四寶飯 $50白切雞，紅腸，叉燒同咸蛋就係四寶，足料好食！白切雞有啲咸味，唔會鞋口！紅腸都好香好彈牙。叉燒燒得好好味，微甜又燒到焦香！咸蛋都好好味，漏油既蛋黃加上蛋白，白飯既perfect match！飲埋杯凍檬茶，爽呀！

今次咁岩行經牛頭角呢間金滿膳燒味餐室，又到下午茶時間，就入黎試下！我地先食茶餐廳傳統雪菜肉絲米粉 $50，米粉超大碗，雪菜鋪滿面，加上肉絲，好香，唔會太咸，而且仲有少少辣椒絲，少少辣味好正，岩晒啲想食得健康啲既朋友👍🏻下午菜既燒味好抵食$34，我地就叫佐柚子蜜叉燒瀨粉🐷叉燒既份量不比正常少，而且質素都係好好，叉燒燒到香甜多汁焦香可口，瀨粉又唔會好爛，爽口好食！另外仲有白方包同埋炒蛋，好正好好味呀！再飲杯凍奶茶，正！