金滿膳燒味餐室 (已結業)

難得週末，梗係要約下朋友食下串燒，吹下水聯絡下感情啦。我哋兩個人太肚餓，所以一開始嗌咗好多串燒，估唔到佢啲串燒份量咁多，好彩味道上乘，唔係真係食唔曬。首先到嘅係蒜蓉燒茄子，遠遠已經聞到蒜蓉嘅香味。茄子嘅份量一啲都唔細，佢燒嘅火候啱啱好，無出現皮燒窿嘅情況，蒜蓉嘅香味夾埋油香，茄子綿密嘅口感真係可以令人食到停唔到口。之後我哋嗌咗燒五花腩同雞腎串，16蚊一串，好抵食。五花腩肥瘦適宜，火候控制得好好，一啲都唔柴，咬落口啲汁水爆曬出黎，好香口，回味無窮。燒雞腎品質都唔差，無腥味，煙韌又有咬口，值得一試。至於大扇貝108蚊有3隻，咁大隻嘅扇貝自己去買都唔平，佢哋嘅扇貝唔單抵食，仲keep到扇貝本身嘅鮮嫩多汁，而且大大啖好滿足。最後講埋錫紙焗娃娃菜38蚊一份，份量依舊好多，而且無因為燒烤嘅做法，改變佢原本清甜嘅味道。口感方面係仲有少少脆，而且好索湯汁，真係健康又美味，真心推介。

夜晚同屋企人出街食晩飯，難得出去食飯，屋企人話食D自己少煮的。咁去金滿膳食啦，有海鮮，有串燒…我地叫左原隻生蠔🦪生蠔連殻用蒜蓉同辣椒蒸，再灑上蔥花，好味又好睇，食得出D生蠔係新鮮的，掂👍 大扇貝$108有3隻，同生蠔一樣，原隻連殻用蒜蓉同辣椒蒸，再灑上蔥花，掂👍麻辣小龍蝦$228，麻辣夠惹味，有好多隻，小龍蝦啖啖肉，吸收曬啲麻辣汁，未食都流口水呀🤤食得辣的朋友，用D汁撈飯一流呀！錫紙焗娃娃菜$38，用蒜蓉焗，所以好香蒜味，清清地有助消化。蒜蓉茄子🍆 用大量蒜蓉同辣椒燒佢，再灑上蔥花，入口即溶，蒜蓉的味在口攻出來，好引人呀！韭菜$16大大串，串滿曬，灑上辣辣地的調味粉，好香！燒五花腩 $18 肥牛金菇卷$28雞軟骨串 $16雞腎串$16大大串好抵食。今餐晚餐好豐富呀！

平時比較少食港式餐廳，今日因為屋企人帶我黎到牛頭角呢間餐廳，陪佢哋試下，估唔到連我呢個平時好少食港式嘢嘅人都覺得好出色，真係要推介俾大家試下。脆皮燒腩仔河粉先講下個脆皮燒腩仔，表皮燒到脆卜卜，甘香。有啲餐廳嘅燒腩仔會有啲鹹，但呢間就無呢個問題，反而炭火味就十足，肥瘦相宜，皮下脂肪唔算多，食落嫩滑兼有油香，豬肉香味亦好出色。至於啲河粉就非常索湯，口感比較霖，連埋湯汁一齊食，味道甘甜。一啖河粉一啖燒腩仔真係好享受啊。玫瑰油雞皇米線佢哋嗰玫瑰油雞皇最驚喜。淨係嗰賣相已經好吸引，表皮有光澤，焦黃嘅色澤恰如其分，令人食指大動，咬落去第一啖已經覺得好嫩滑，雞肉嘅鹹香啱啱好，食多幾件都唔會覺得油膩，令人食到停唔到口。雞油滲入到米線湯入面，令成個米線都好香。如果油雞有埋少少油蔥，應該將成個菜提升多一個層次。

難得放假嘅機會，梗係要放縱自己，食啲自己鍾意嘅嘢食啦，見到呢間新開嘅茶餐廳都有燒烤食，於是就嘗試下。燒五花腩燒五花腩應該有做少少提前醃製，口感一流。食落口既可以感受到甘香濃郁嘅肉味，同時脆得黎又有juice嘅部分，肉汁係有被鎖住響入面。燒雞軟骨雞軟骨用到嘅調味料就唔多，但淨係見到嘅調味已經可以將雞軟骨本身嘅味道帶到出黎，酥脆甘香，令人食到唔停口。燒扇貝咁大隻嘅扇貝淨係賣相已經令人食指大動，佢哋嘅扇貝唔單抵食，燒烤嘅火候都掌握得好好，keep到扇貝本身嘅鮮嫩多汁。燒娃娃菜娃娃菜都無考到乾硬，湯汁入面除咗有醬香亦有菜嘅鮮甜味，而娃娃菜嘅葉部就好好咁索到啲汁，而且娃娃菜嘅大細亦處理得好合適，一啖擺入口非常滿足。蒜燒茄子蒜蓉茄子基本上係每次食燒烤都會嗌嘅菜式，佢哋燒嘅茄子，多汁又軟嫩蒜蓉味道好出色，加上少少辣椒同孜然，令味道更豐富，真係一試愛上。

平時都鍾意食下唔同嘅港式餐廳，週末同男朋友響呢間餐廳撐檯腳，估唔到呢間啲嘢食都幾超出預期。雞扒蛋飯$50今日想食平啲，於是嗌咗個雞扒煎蛋飯嘅快餐。佢呢度嘅雞扒蛋飯價錢適宜得黎又好好味，雞扒表皮煎得香酥可口，內部出奇哋鎖到肉汁，好juice。蛋就煎得好滑，配埋粒粒分明嘅飯，真係可以一啖又一啖，食曬成碟都覺得意猶未盡啊。另外都要講下佢啲是日特價快餐，好多都好好味，兼抵食，男朋友都覺得唔差。間嘢啱曬我哋呢啲鍾意試經典港式茶餐廳風味嘅人啊。最後都要提提佢餐廳嘅環境，港式餐廳總俾人一種環境欠奉嘅感覺，但呢間真係好乾淨，行入去啲裝修都俾人好年輕好有自己風格嘅感覺。

金滿膳燻香燒鵝髀叉燒飯$128淨係響店舖出面已經睇到燒鵝髀嘅吸引了。鍾意食燒鵝髀又想試下佢個叉燒嘅我，最後決定兩個都要曬，嗌咗燻香燒鵝髀叉燒雙拼飯。鵝髀個size相信大家睇圖都見到，一咬入口，啲油脂同焦香味就爆出黎了，好juice好滿足，肉香濃郁。至於個叉燒，其實都唔差，食落一啲都唔柴，清甜，加埋佢肥瘦適中，所以完全無油膩嘅感覺，不知不覺已經令人食曬成份雙拼飯，重點係成個飯都係一百出頭，真係勁高cp值。脆皮燒腩仔燻蹄飯男朋友嗌咗個脆皮燒腩仔拼燻蹄飯，咁我都可以試下唔同嘅味道。燒腩仔同燻蹄都係常見嘅燒味菜式。先講燒腩仔，腩仔食落去唔會太多油份，但肉味就好濃，表皮keep到酥脆嘅口感，而且佢鹹香適中，肉都好嫩，無臊味，肉香味十足，食得出係啲新鮮食材。而講到燻蹄，雖然睇落簡單，但要整得好食都要考功夫。佢哋對食材處理得好好，睇落賣相好好，睇落乾淨，光澤。燻蹄切得比較薄，咁樣保證到爽脆嘅口感，食落去肥而不膩，點埋醬汁又係另一種風味。

前排聽朋友介紹開呢間金滿膳燒味餐室，話唔係淨係得燒味好食，海鮮都好正，我都今日帶埋老公黎食，果然朋友冇介紹錯！⭐️麻辣小龍蝦$228小龍蝦全部都紅卜卜，聽落已經好新鮮，食落入面好多肉，啖啖肉，唔會縮水，好彈口，味道方面，麻辣味好出，好香麻香，同小龍蝦好夾，食到停唔到😚😋⭐️開心花甲粉 $68呢個花甲真係正，仲要價錢都好抵食，花甲好有鮮味，好新鮮，最正係d粉，吸哂花甲既精華，好鮮甜，真係好滿意🤣🥰⭐️錫紙焗金針菇$38金針菇份量好多，$38都幾抵食，唔會焗到好老，仲係彈牙既，配埋蒜泥，好香蒜味，配海鮮食都好食😚⭐️

放假同呀女返屋企探呀媽，又可以比個孫女同呀媽玩下，開心下。到左午飯時間，呀女又玩到肚餓，我地都係時候食飯。呀媽話開左間新茶餐廳，去食叉燒飯，叉燒飯呀媽媽食得，呀女又食得，咁就去試下啦。餐廳位於牛頭角，叫做＂金滿膳＂入面乾淨企理，好光猛，好多人嚟食野，應該唔驚有伏的。我地就真係淨係叫左2碟叉燒飯 凍奶茶，叫3碟我地又食唔曬，2碟就剛剛好。叉燒甜甜地又冇骨好適合老人家同小朋友食，驚呀媽膽固醇高，叫師傅比瘦D叉燒。上碟見飯份量真係女好多，好彩叫2碟咋！叉燒都好多呢！有D菜，唔錯！叉燒好諗好入味👍加埋豉油撈飯，好惹味。囡囡都話好好味！凍奶茶個茶底都好香下，奶又滑，正！

今日返學，放左學，覺得好肚餓，所以同同學去食下午茶。見到有間叫金滿膳的餐廳，門口展示櫃掛左啲燒味，望落去好靚，燒味粉麵下午茶只需＄34，仲包一杯咖啡或茶。一於就叫燒味粉麵，一個食燻蹄瀬粉，一個食油雞米粉。餐廳乾淨整潔，燈光光猛，牆身仲有幅好有色彩的畫，好吸睛呢！上餐速度亦好快，不過燒味應該就唔會好耐的。😊以＄34蚊的下午茶，呢個份量餐廳會唔會蝕錢架😂粉麵大大碗，燒味另上一碟，份量又大大份，搭多2條菜，再加杯嘢飲，對顧客來說，呢個價錢超值喎。而且燒味仲要好好食，燻蹄皮爽肉嫩，層次分明，充滿骨膠原，超正👍豬肉新鮮嫩滑，一咬就分得開，好好味！🥹油雞甜甜地，色澤好靚，雞皮好簿，唔會好多油，呢D雞皮食多多都唔怕，雞肉好滑，煮得剛剛好，唔會太生，又唔會太老😋

忙左一個早上，午餐想去食餐好的，同同事去金滿膳燒味餐室食燒味飯。餐室係今年6月份先開的，位於牛頭角牛頭角道357-375號仁安大廈地下。餐廳門口掛起了一排的燒味，見到都覺得吸引呀！我同同事叫左一碟金滿膳燻香燒鵝髀飯$128和秘製燻蹄飯$48，叫燒味飯仲可以以半價加配汽水。我地每人加左一罐，佢D汽水係大罐架😎唔係超市買開果D size呢架，加6蚊就有大汽水，正呀！我哋2個人交換燒味呢食，碟飯份量好足，燒鵝髀好大隻，燒得好靚，燒鵝髀D皮少少脆脆地好香，油脂適中，又唔會太肥，鵝肉滑的，超正！到燻蹄啦，燻蹄的份量都多，燻蹄皮爽肉嫩，我好鍾意佢皮肉層次分明，咬落去豬皮的骨膠原充滿口中，超正👍豬肉新鮮嫩滑，一咬就分得開，好好味！🥹下次再嚟過，金滿膳除了燒味飯，仲有其他菜式可以食架！

牛頭角呢間新開既茶餐廳竟然有唔少既串燒燒物，中意香口野既我地忍唔住就要黎試下，竟然好有驚喜！先有串燒🍢 雞軟骨串 $16同埋雞腎串$16，全部串燒都用上孜然粉做調味，好香好正，雞軟骨爽脆有咬口，又唔會太硬，雞腎都唔好有趙頭，口感好好，超好食！之後就係海鮮，麻辣小龍蝦$228🦞同埋燒生蠔 $68.3隻🦪，小龍蝦唔細隻，又肥美，加上麻辣香料調味，食辣愛好者一定停唔到口呀👍🏻而生蠔都好大隻，燒完都有半隻手掌咁大，鋪上滿滿蒜蓉辣椒，香味十足，超級惹味！

今日同好耐無見既朋友食飯，咁岩去到牛頭角，男仔頭既我地就試佐呢間金滿膳燒味餐室，兩個女仔去食燒味，正呀😆雞扒蛋飯 $50🍚香脆既雞扒唔細塊，厚肉多汁，咬落去脆口既雞皮加上解嫩既雞肉，一大享受呀手！而半熟既太陽蛋同飯更係絕配，篤穿既蛋黃加上熱辣辣既白飯，食到停唔到口呀！😋燒味四寶飯$50😚呢個四寶飯有齊白切雞，紅腸，叉燒同咸蛋，超級抵食！咸咸地既白切雞肉質好好，有雞髀肉，鮮嫩好食！紅腸都唔差。叉燒就微焦微甜，燒得岩岩好，香口好正呀！最後唔少得既咸蛋甘香，咸得適中，配飯一絕！我地每人加多一杯凍啡一杯凍奶茶，好飲！

同男朋友行街，行到肚餓，去食下午茶。見到有間叫金滿膳的餐廳，餐廳位於牛頭角牛頭角道357-375號仁安大廈地下。餐廳門口展示櫃掛左幾排燒味，望落去好靚好新鮮熱辣，再睇埋餐牌，燒味粉麵下午茶只需＄34，仲包一杯熱咖啡或茶，真係驚喜價！一於入去試吓係咪伏。餐廳入面乾淨企整，光線充足，座位就係一般茶餐廳的裝修，牆上面貼左好多食物相，方便人選擇食物。我哋叫左一個招牌脆皮燒腩仔米粉和一個燻蹄米粉，佢的燒味和粉麵係分開上的，燒腩仔皮唔會浸到諗曬。米粉的份量好多，燒味的份量又多，咁多份量你話佢係午餐都有人信👍燒腩仔肥瘦剛剛好，外皮脆卜卜。燻蹄皮爽肉嫩，皮肉層次分明，咬落去豬皮的骨膠原充滿口中，超正👍絕對要介紹朋友來幫襯！

打工為三餐，忙完一個早上，緊係要慰勞吓自己架，但又要好味，夠飽，抵食，快，呢4個條件。咁首選當然係金滿膳！約埋同事去，一邊食，一邊傾，fd 底仲可以share餸呢食，咁先正😝雞扒蛋飯 $50大大隻半生熟燶邊太陽蛋，覆蓋住個飯，加豉油撈飯食，夠港式風味，正呀👍仲有一塊大過手掌，煎到金黃色的雞扒😋見到都流晒口水啦！金滿膳燻香燒鵝髀飯$128燒鵝髀飯好大碟，燒鵝髀大大隻，燒得好靚，燒鵝髀D皮少少脆脆地好香，油脂適中，又唔會太肥，鵝肉嫩滑的，超正！碟頭飯咁高水準，值得人一再品嘗！說話餐廳有幅好有香港特色的牆，招牌名用霓虹燈，食物又係香港地道食物，成件事掂呀。

晚餐同男朋友去食海鮮，佢話去金滿膳喎！好啦，去就去！金滿膳位於牛頭角牛頭角道357-375號仁安大廈地下，餐廳除了海鮮仲有燒味喎！不過今餐就主要食海鮮啦！大扇貝$108有3隻，原隻扇貝連殻用蒜蓉同辣椒蒸，再灑上蔥花，好味又好睇，食得出扇貝係新鮮的，掂👍麻辣小龍蝦$228，麻辣夠惹味，有好多隻，小龍蝦啖啖肉，吸收曬啲麻辣汁，未食都流口水呀🤤食得辣的朋友，用D汁撈飯一流呀！開心花甲粉＄68，呢個花甲粉好豐富呀！有開心花甲，金菇和粉絲，同扇貝一樣，都係用左蒜蓉同辣椒蒸，佢係包係鍚紙入面蒸的，所有鮮甜，蒜味，辣味精華都鎖曬係裏面再灑上蔥花上碟，真係好味到極致。食咁多海鮮，點都要食D蔬菜，今餐食開蒜味和辣味，當然唔好比佢停，繼續落啦，叫個蒜蓉茄子🍆蒜到尾😋今次呢餐好惹味呀！