金燕島潮州酒樓

營業中

休息中

好適合家人聚會嘅潮州菜館 勝在好多選擇 一大本菜單慢慢揀 總有一款適合家人口味整體嘅裝潢屬於傳統嘅中菜館 服務不錯 餐前仲送上功夫茶同鹹酸菜 個人比較推薦香煎䱽魚 韭菜粿 傳統嘅潮州味 䱽魚肉緊實新鮮 用香蔥同豉油煎到好香口 一份都有六件 好少骨 食落啖啖肉蠔煎略嫌薄身咗少少 如果可以厚身啲 食落嘅口感會更加滿足 蠔仔都新鮮大粒嘅 糖醋麵就略嫌唔夠脆口 偏軟身 個人比較喜歡圓形嘅糖醋麵 感覺外邊會脆口中間軟身 今次呢個方形 中間嗰一件就會完全唔脆口 不過不失啦 可叫可唔叫～

今次食評，帶大家舌尖上的旅行，相信我，呢間餐廳嘅美味會令你食指大動🍴！首先，起頭菜凍黃花魚滑溜得嚟鹹香開胃，隨後，咸檸檬燉鴨湯，每一啖濃郁湯汁都帶著暖心嘅檸檬香，簡直就係冬日裡暖笠笠既擁抱😌。再嚟係鮮淮山沙薑豬手，鬆軟豬手肉質同絲滑淮山完美結合，令人一試難忘！講到魚蛋煮紹菜，魚蛋Q彈入味，紹菜爽口可口，簡直就係一盆街坊最愛。食完鹹菜，點少得甜品？潮洲福果八寶甜湯滋润又不膩口，熱熱甜湯令人舒暢至極🥣。食物記錄身邊嘅美好，而呢間店完美詮釋咗潮州菜嘅精髓，如果想親嚐地道潮州味道，呢個絕對係首選！

好友在加拿大回來，要搵地方聚餐，要安靜又要啲野好食，價錢貴少少都無所謂 。於是有人就訂左黎尼度。係尖沙咀地鐵行過藜都係67分鐘，唔算太遠。餐廳在粵海酒店一樓，我地全部都中意食潮州菜，算係揀對√地方 。餐廳裝修古色古香，門口有一幅好大的仕女圖，頗有欣賞價值。座位都是用木雕打造 ，非常精緻，坐得好舒服。這裡的服務也是很到位的，安排座位都考慮過盡量不要互相騷擾。一行五個女人支支渣渣，滔滔不絕講個不亦樂乎，好友相聚自然多野講 ，但食野都好重要。中午食飯主打點心，再加炒麵，點心60蚊一個，不便宜，每樣都好精致。 蝦餃晶瑩通透爽口鮮味，羅漢齋腸食材新鮮，腸粉幼滑。糯米卷係經典口味，軟糯香甜。最好食是韭菜果，外面香脆，裡面的餡係好多汁好特別，其他地方冇得食。😋😋另一個點心都好鍾意，就係綠豆鹹晶包，綠豆做餡一粒粒，有咬口，唔喺完全融哂，真係好食，👍👍仲有芋絲春捲，好似將芋角同春卷二合為1，1次過享受兩樣點心嘅美味，最後仲要炒多碟潮州炒麵，呢樣野就有啲失望，闊麵有好重鹼水味，雖然材料不少，但蝦有腥味，而且不熱，所以是個失敗的產品。😩😩

今日同屋企人嚟飲茶，品嘗特色潮州菜😋🔸炸普寜豆腐外表好似炸魚片頭，有別於普遍正方形嘅炸豆腐粒。外層酥脆，入面非常嫩滑，配埋特色韮菜鹽水，風味十足。🔸碧綠川椒雞外觀非常搶眼嘅川椒雞，見到都流口水🤤 雞肉好嫩滑，泡油後炒到乾身啱啱好又惹味，必食旁邊嘅脆炸珍珠葉😋🔸蝦醬蒸鮮魷🦑蝦醬味香濃，鮮魷彈牙。🔸金燕島蝦餃皇🦐晶瑩剔透，大大粒蝦餃👍🏻🔸金燕島燒賣皇燒賣脹卜卜好實淨，入面填滿蝦肉、豬肉、冬菇。🔸叉燒蒸腸粉🔸香茜牛肉蒸腸粉🔸鵝肉、鵝肝雙併滷水鵝肉味香濃，鵝肝軟滑。🔸大腸、墨魚雙併墨魚爽口，點少少調製過嘅白醋好好味。大腸滷得入味而彈牙。🔸反沙芋條潮州甜品點可以無反沙芋？新鮮熱烘烘送上枱嘅反沙芋，香甜可口，糖分略厚。🔸清甜桂花糕🔸功夫茶餐前餐後店員都會送上功夫茶，店員好好又主動，賓至如歸嘅感覺下次會再嚟😊

🇭🇰金燕島潮州酒家·2023 Hong Kong Restaurant Week又開始左喇🥳🥳由依家到8月27號 有超過250間精選餐廳提供$148起嘅精選餐單 超抵 大家有興趣快啲去book餐廳試下啦🤑今次DiningCity會員仲可以通過食飯同埋邀請朋友賺取積分 咁就有機會贏取晚餐嘅餐飲禮券😎😎·Elite Signature Dinner $798pp我哋今次就試咗呢間喺銅鑼灣V Point新加入嘅潮州餐廳 佢今次呢個menu超多嘢食 最後我哋係食到超飽 個麵都真係食唔曬 要攞走🫢🫢😂真係食得超滿足🥰·潮州滷水鵝雙拼 (鵝肉 五花肉)首先前菜佢係超有誠意 有個滷水雙拼😈佢個鵝肉調味幾好嘅 而且油光都好好 不過我自己就覺得佢嗰鵝肉食落係偏紮實少少嘅 所以我自己覺得佢個五花肉好食啲😌😌佢呢個滷得好淋身之餘唔會話太肥 口感好好🐷之後佢下邊啲豆腐都好滑 而且滷得好入味🤤·花膠淮杞燉鮮螺頭湯 l 原隻六頭鮑魚扣特厚花菇之後佢個螺頭湯我自己勁鍾意🥰🥰佢飲落去係勁舒服 有少少藥材味 勁滋補 而且佢入邊個花膠係勁厚身 勁有膠質 質感超好🤤🤤之後個螺頭口感都好好😎之後佢呢個餐仲有一隻六頭鮑魚同埋花

屋企人比較喜歡吃潮州菜 日常餐飯一定少不了鵝片鵝腸糖醋麵金燕島環境好私隱度高 加上床位寛敞舒適 吸引不少老客戶的信任前菜的咸酸菜可以算是古董級前菜 classic又好食 永不過時 送粥食一流另外小菜方面，欖菜炒四季豆十分有鍋氣 火侯十足🔥又是必點必點之選的一定要有蒸雞 配上兩款獨有的泰式醬和蔥油醬 真係好好吃 吃得非常滋味甜品必叫的黃金炸油粿 外皮香脆 而且番薯皮薄涵靚 內裏的花生芝麻涵帶出陣陣香味 真係好正 潮州甜品果然不負眾望

我哋9個大人連埋工人，好耐之前食過金燕島，屋企人比較鍾意食潮州菜，今次再嚟試多次，不過估唔到一隻凍花蟹要$3600，唔係話食唔起，不過呢個價錢好多其他選擇，真係冇下次🤦🏻‍♂️

見喺酒店入面，估計應該唔會太差一坐低先上功夫茶同啲酸菜，酸菜好味攪到有少少想食粥！地方濶落，唔會好迫，侍應都好客氣有禮見有餐但散叫自由啲，都係散叫！滷水鵝件拼鵝肝拼大腸滷水夠香，但鵝肝就未夠入味，其他都唔錯。最受歡迎多數係攝底果幾件豆腐🤔潮州菜不能不吃！潮州餐館靈魂係滷水汁，而蠔餅應該係門面！只可惜呢間嘅門面就好一般，有少失望…. 個粉開得唔太好，無脆邊而且好厚，蛋也太少，食落無鴨蛋香味，可能只用雞蛋😔 同朋友討論台式vs 潮式，大家係50/50 ！有人鍾意台式煙韌口感，有人愛脆邊。之但係上枱時，呢塊就唔上唔落咁… 🤷🏻‍♀️ 又唔係脆又唔煙韌⋯⋯潮州炒飯，原來係楊洲炒飯😅 糖醋麵做得唔錯👍🏻個麵底有味唔係就咁一個麵不過只係煎咗一面脆… 唔肯定係咪傳統只煎一面？ 記憶中另一個名叫兩面黃，係咪應該兩邊都煎香脆？個菜就普通啲反沙芋上枱有啲雪種有煙咁，成件事影相打卡一流！ 芋頭好香好靚，一上枱就聞到好香芋味！應該係全晚焦點同最滿意！👏🏻送咗個薑汁千層糕亦唔錯，好香濃薑汁味唔會太甜👍🏻 估唔到甜品好食過主食😅 如果約朋友飯局，地點就腳舒服嘅👍🏻 但食物就普通，可能我哋唔識叫掛…

昨晚和朋友8個人訂了位吃晚飯，落單時叫了五餸一湯(侍應最後清楚說出五餸一湯)，其中一份是鵝肉和墨魚雙拼。侍應送來一碟鵝肉，本人即時說”我們叫的是鵝肉墨魚雙拼，是否漏了墨魚？”，替我們寫單的侍應在旁即時說，”是雙拼，墨魚分開碟上枱。”，我們雖然覺得奇怪，因為兩個月前來吃這個雙拼是一碟上的，但該侍應清楚說出”是雙拼，墨魚分開碟上枱”，我們相信他不會有誤會。但在結帳時，另一位侍應送來的單據顯示：鵝肉一碟價錢、墨魚一碟價錢，並非雙拼價錢(全單共六餸一湯)。本人即時說明上述情況，但該侍應只說是兩碟，不是雙拼。也不願問一吓原寫單的侍應(現埸不見他了)，她還說有現金券(消費400元可減100元)給我們下次用，飲茶用也可以。為了不想在農曆新年及和朋友歡敍吃飯時，發生口角，及考慮我們可能真是吃了鵝肉和墨魚各一碟，本人惟有照單支付全數。

好好味，炸到外脆內軟，食過最好食的椒鹽九肚魚豉油鵝腸 炒菜 鴨鬆 都好正，忘記拍照可惜今日開年，廚房應該好忙，蠔餅，反沙芋以及兩面黃都不供應，下次再試，同伙記傾開，原來係金島原班人馬，怪唔知得禁好食

朋友想食潮州菜，就喺尖沙咀搵咗呢間金燕島。侍應們都應該喺度做咗好多年，服務好好而且有禮貌，主動又適時地睇吓我哋使唔使加熱水加茶。座位寬敞舒適，夠晒私隱度。滷水雙併(鵝片併大腸)：鵝片肥瘦剛好，鹵水夠晒入味，又唔會好咸。可惜當日無鵝腸，就轉左做大腸。黃金蝦棗：炸得好香口，而且蝦好新鮮彈牙，唔錯！橄欖肉碎炒米：大大碟，炒得好香口，橄欖唔會令到成碟野好咸，食完一碗又一碗😂反沙芋條：用乾冰做左啲煙霧效果，芋頭味幾香，不過略嫌面頭砂糖有點太硬。整體黎講都唔錯，而且在場都有唔少係熟客，個人認為可以再黎食。

今日試咗呢間聽講係老字號嘅潮州酒家，啲點心都唔錯，我哋四個人叫咗10樣嘢，分別有金燕島蝦餃王、家鄉糯米卷、蒸潮州筍粿、柱候牛孖筋、潮州煎大韭菜粿、蜂巢芋角、汕頭煎蘿蔔粿、鮮明蝦腸粉同埋反沙芋。金燕島蝦餃皇皮薄餡靚，d蝦大粒新鮮家鄉糯米卷糯米夠香，細細粒唔會大滯蒸潮州筍粿其實可以揀煎或者蒸，不過諗住冇咁熱氣預時間蒸，個味道都唔錯，不過如果多啲筍會應該好食啲柱候牛孖筋嘅牛筋好腍而且冇一陣雪味潮州煎大韭菜粿嘅韭菜味唔會泰龍但係有有韭菜嘅香，佢將啲韭菜切到細細粒，好似會無咁容易癡牙蜂巢芋角個蜂巢酥皮唔係好夠鬆化，入面啲芋頭餡都唔錯，冇乜油，值得一讚汕頭煎蘿蔔粿係神彩色，蘿蔔絲幾香幾好食幾爽鮮明蝦腸粉啲蝦好新鮮同埋好大隻反沙芋都OK，因為好怕食到難食嘅反沙芋，因為如果又唔好食又滯住晒真係好慘，呢度OK嘅，唯一就係啲糖粉比較厚

今日我同朋友去食飯，大家都唔知食乜好，最後去左一間有名氣有實際色香味俱全這潮州菜館正宗潮州酒樓，就係金燕島潮州酒樓，咁多年都保持水準，確實不易，他二亦有一班盡心盡力有禮貌的員工，環境舒適環境舒適鹵水鵝肉大腸招牌鹵水鵝拼大腸分量十足，鹵水調味剛剛好，鵝肉非常香，肥瘦恰當，大腸非常美味😋檸檬燉鴨湯這個湯未飲都已經好香，飲落有檸檬味但一啲都唔酸，仲有檸檬香味，鴨肉非常滑川椒牛肉牛肉香辣，牛肉同半菜一齊食，簡直就是絕配，從未食過這樣美味嘅炒牛肉😚最後還有汕頭炒麵線同甜品，麵線炒得好有獲氣，甜品亦唔算太甜，今晚在這間吃晚飯是一個非常好的選擇👍🏻

今日同朋友farewell… 見呢度嘢食ok, 人唔多, 環境又幾decent.. 所以揀咗呢度… 今日得4枱… 我哋5個人叫咗好多嘢食🤣1) 粟米魚肚羮 - 有啲住家 feel2) 椒鹽九肚魚 - 好好味3)蝦棗 - 好好味4)方魚炒芥蘭 - 有啲油, 但係都好味5) 蠔餅 - 一般般6) 鵝片墨魚 - 幾好, 但係唔特別喜歡d鹵水味7)兩面黃 - 有啲油8)芋泥 - 好好食服務一流, 食物都幾好！我覺得飲茶好味D… 唯一不滿嘅係個廁所有啲唔係咁乾淨, 有啲霉味…

好耐無食過潮州菜，上網睇吓食邊間好，最後朋友決定食呢間，睇到評語都唔錯，所以就訂左位鵝肉（半例）/ 大腸 （半例）招牌滷水鵝肉拼大腸，份量十足😋滷水調味剛好，鵝肉充滿鵝肉香，肥瘦恰當， 大腸肥美👍🏻下面滷水豆腐十分香滑美味灌漿蘿蔔 黃金發財卷這道是正宗潮州菜黃金發財卷配上兩碟蜜糖非常可口😋😋😋檸檬燉鴨湯好特別既湯，好好味嘅咸檸味和檸檬味加埋鴨肉十分入味，很清新怡人的味道川椒牛肉 一放上枱聞到酒香撲鼻配上珍珠葉和麵粉組成的黃色炸物，夾埋一齊食別有一番風味呢清心丸福果綠豆爽是潮州特色的甜品清清甜甜，夏日嘅暑氣全消，成個人舒服曬😍😍餐前和餐後都會奉上功夫茶