金田日本料理 (已結業)

因為朋友生日, 話想食放題, 宜家好食的放題唔多,見金田普遍評語不錯, 又有得book房, 就去試下不過訂房要先落訂金$500, 仲一定要人fax番張入數紙去, 呢點有d煩選擇都算多, 刺身都很新鮮, 炸物又夠熱最好係你寫幾多數目佢都會黎齊, 真係食到你飽, 這點和一般放題唔同, 因為好多時放題都係寫左無黎or黎得少少, 搞到人地要不停寫紙我仲訂左個壽司生日蛋糕, 幾多料, 佢會響食飯中段上, 如果唔係實食唔落唯一唔好係個侍應成晚不停出出入入, 其實佢好有禮貌, 不過有時想靜一點不被騷擾先訂房罷

中秋團圓飯+生日會今年捨棄中菜改吃日式放題,而且還是四小時供應時間,這個已是一個極吸引的原因了。到達後方才發現要吃放題,先要爬上那長長樓梯才可到達餐廳,應是晚飯時候也不是太多顧客,而且我們更被安排坐在本有最低消費的獨立房間,有私隱之餘,房內圓桌更方便一眾友人分享食物,超級棒!房內設有按鐘,不用跑出房間也可召喚侍應,很方便的。像彩虹般各款點菜紙條放在筆筒內,一行十人各自的在紙條上選了:刺身: 無論點多少片或多少款刺身皆全數送上,而且每次也排列的整整齊齊,視覺上也覺得滿意的。三文魚切得相當厚身,不是薄得風吹得起的厚度,顏色鮮艷油潤,但間中有一部份是稍為淡色,從白色脂肪也看到三文魚也相當肥美,魚味鮮甜雖然一般,但新鮮度真的可以; 八爪魚凍凍的不韌;朋友們說赤貝相當新鮮甜美,個人卻偏好北寄貝多一點,北寄貝彈牙爽口,輕輕的貝類味道很美味;朋友們還點了甜蝦、螺及鱆紅魚,滿滿一盤相當滿足。沙律: 日式沙律也有好幾款可選,豆腐沙律以醬汁伴著滑溜溜豆腐而成,豆腐有點豆香,簡單伴以味道不太濃的醬汁,蠻開胃的味道;蕃茄沙律千呼萬喚始出來,難道新鮮得要去買蕃茄回來才可供應??蕃茄薄片本身已是多汁清甜,簡單又討

朋友仔勁推的放題，今次就試一試，$198 / 人 任食放題 加送 2 杯飲品 (有汔水，果汁，啤酒，日本清酒及特飲)大約七點多到達，由於提早book位的關係，去到就有位無需要等，但上到去都無嘜人... 到左大約八點多才坐滿食物方面:前菜:蟹子沙津 / 雜菜沙津 / 小女子魚干 / 日本珍貝 (味道不錯，蟹子沙津可以一試)刺身 :三文魚 / 劍魚腩 - 新鮮度就一般，勝在厚度適中。甜蝦 / 赤貝 / 螺肉 - 好新鮮，鮮甜可口。鍋物 :泡菜豚肉鍋 - 好味道，少少辣好濃的泡菜味，不過豬肉就麻麻，太琳啦!小食 :蝦串燒 - 好難食，完全無蝦味，得個爽字，咩味都無，放入口立刻吐秋刀魚 - 可以啦~ 不過燒得不夠透，個皮不夠脆口多春魚 - 讚讚讚!!! 好脆口，連骨都可以食埋~ 芝麻雞翼 - 無咩特別，不過不失啦~芝士生蠔 - 芝士多過蠔，隻蠔又唔新鮮，可以唔食囉~支豆 - 這個必須要試下，非常好味啊~ 想不到的好甜品:梳乎厘 - 不錯，不太甜，剛剛好

生鮮度: 剌生和壽司都算OK, 只是其中一件刺生咬下去,全是水而已　　　　切得厚度適中試過在另一間日式放題X 屋的刺生好似百佳賣的壽司,薄痴痴, 所以給黑豬壽司飯: 淋左少少而已, 相信是醋的份量問題, 但仍可接受一口芝士 : 粉漿過厚芝士蠔 : 芝士好似水汪汪, 唔掂所以提不起興趣食,連D 蠔是否腥都唔知 關東煮 : 煮得過淋醬汁豬軟骨: 唔知是我地食得遲,....定是真係佢地燒得差, 硬左唔好食炒雜菜 :很油小女子魚干 :勁咸，千祈唔好叫照評語所見,好似好多彈的地方, 但我覺得整體還是可以,所以都會推介給朋友蒜片牛肉粒少少UN而已 : 配合提供醬汁, 都唔錯胡麻牛舌　： 麻味很合口味, 再配合提供的醬汁, 真是好鍾意食這個 咖喱餃子 : 餃子煎得脆脆地香口, 而裏面的咖喱只是輕輕的帶出少少刺激味, 唔錯好漏單情況是有但唔算嚴重：叫左鹽焗三文魚頭，無來到但因為已經飽，所以冇追單服務態度很好，有禮貌恆生卡有９５折

呢間野我地都有去過食lunch, 不過今次想講既唔係去食飯既comments早兩個星期有同事生日, 我地次次有同事生日都會買生日蛋糕係公司一齊食既, 今次想特別d就想搵壽司蛋糕, 上網搵左好幾間都比較遠同貴, 就試下打去呢度問, 原來佢地都有架喎service真係好好, 打左去問佢即刻同我check師父做唔做, 話左冇問題之後就可以order啦, 我地係之前一日打去訂既, 都訂得切, 個小姐好好心機同我講解有咩材料, 個蛋糕會有幾大個, 又問我大約預幾多人食, 我話都有二十人架, 佢就覺得八吋大既壽司蛋糕會唔夠, 又即刻同我check有冇得整大個d, 雖然到最後都唔可以整大個d, 不過佢幫我安排左做兩個等大家都有得食, 最後係兩個八吋既壽司蛋糕, 仲可以簡要唔要係飯既中間加多一層魚生, 我地都加左, total都係$440, 價錢唔算貴啦, 都好足料呀, 有三文魚, 蟹子, 三文魚子, 吞拿魚, 油甘魚, 甜蝦同牛油果佢地唔送貨, 不過好近公司可以自己去拎, 之後個小姐又打番電話黎問我地預幾多點先食, 因為佢地會食我地去拎之前既半個鐘先可以整以確保新鮮, 真係好細心呀同事都覺得個蛋糕

上星期二同女朋友夜晚去金田食野,因為之前食左飯,無理由又食放題呀~不過佢地有散叫,而且有甜品食! 行條樓梯...好長囉...而且落左陣雨都覺得好焗好熱...上到去都唔係好多人,坐底一陣,冷氣又太凍喇,不過個仕應姐姐好快就幫我地較返熱D...睇到佢地甜品都好吸引~之後叫左個栗子班戟同個意大利芝士餅好正!好好味!!班戟皮唔會好似出面D咁脆,又唔會過甜~入面D栗子都幾好食,不過栗子味唔係咁夠濃郁~Tiramisu都好好食，不過份量少左Ｄ，我女朋友超鍾意食囉…呢度個味剛剛好，又唔會太甜同太濃既咖啡味，而且佢伴碟個Ｄ汁有好香既baileys酒味！估唔到日本料理入面會食到咁有水準既甜品，都算有驚喜喇～！不過佢如果有架升降機會好好多...

上星期1去左灣仔既金田....入到去...服務質素不錯...招呼不到...但當我吃過d野之後...嘩...唔好講笑啦....呢d野人吃嗎?串燒真係信你人手燒...但係好燶SUSHI過得去啦....炸物溶溶爛爛...最難食係果d甜品...完全九吾搭八,小販賣糖水咩?大家可以吾信我的野,但去之前要"停一停.想一想!"

上星期到灣仔行街..見到LEE間日本菜...見佢D裝修禁靚諗住好貴啦...誰不知下午茶時段禁鬼平...低讚!!!下午茶日式烏冬SET + DRINK $40 都吾洗環境吾係太多人...方便傾野D WAITER招呼都好OK....效率都好快...叫左一陣D野就到.....GOOD!!最正就係杯 ICE COFFEE....吾係茶餐廳野..A+PS.原來有好多明星幫親嫁

朋友話想試吓，一行三人去試。食物（首五個是一人套餐，其餘是散叫）：-豆腐卜：有少少鹹，有大約十幾塊，以一人套餐計都算多什菌炒菜：普通，無特別牛肉石頭飯：牛肉有少少太乾，不是肥牛，似瘦版牛肉；飯普通無特別；泡菜和附上的辣醬，我無食，不知道湯：我無食，不知道芝士蛋糕：分為上層和下層。上層是芝士，有少少似梅的味道，個味怪怪地；下層是蛋糕，普通無特別三文魚刺身：有三片，每片都十分厚，一片等於一般食肆之三片，很好吃，但顏色卻似有層灰色於上面串燒雞軟骨：有兩串，但兩串都是袖珍版，較一般食肆細很多；味道普通無特別串燒雞翼：有兩串，每串兩隻雞翼，但都是發育不良的，較一般食肆細很多汁燒銀鱈魚：較一般食肆細件少少；魚皮有少部份燒燶了；魚肉普通，無特別；個汁有少少鹹；附上的沙律醬太少煎蛋薄餅（正式名稱我不記得，類似係咁啦）：蛋邊香脆，蛋味濃，個汁有少少鹹服務：-普通。如果於結帳時店員主動告訴顧客用恆生信用咭有折會更加好環境：-普通裝修，無特別

超超超超差囉，服務質素爆低o係下面同個侍應姐姐攞位，個姐姐已經通知樓上:「四位下午茶。」行樓梯上去，本來都冇乜野，點知冇冷氣，勁熱上到去，坐落都ok舒服等左n分鐘...終於攞茶水黎跟住叫佢比餐牌，佢聽唔到再叫就遲遲都未到再叫，姐姐:「搵緊喇!」o咀囉，仲要搵!開左門幾耐呀?!我地未食就拿拿聲走左lu

家政老師大力推介灣仔的金田，說除了在這裏，暫時還沒找到其他地方吃到或買到日本的芝士年糕！老師果然沒介紹錯，芝士年糕是必食之選，不過有點"漏"，我只吃了兩件。放題不可少的是刺身，這裏的十分新鮮，吞拿魚背和鳥背較特別！常吃的三文魚、甜蝦、赤貝的質素均above average。燒物方面，串燒牛舌燒得香香的，超級爽口！！！其他令人驚喜的包括醬汁豬軟骨，豬軟骨煮得軟滑，醬汁完全滲入其中，帶甜的醬汁不太濃又沒有蓋了豬的原味。除了食物外，侍應生的服務也好好。我媽咪上樓梯上得慢，侍應會說不用急、慢慢走。主動問我們是否首次來光顧，然後就解釋如何填食物紙，並會不停替我們加茶。唯一不足的，是甜品和飲品不能任點。甜品規定每人送一客，我們當日是朱古力puff，汽水則要$8一罐。恆生卡有九五折。比其他金田，這裏環境沒那麼擠迫，而且時間長：6:30-10:30pm，適合一大班人邊吃邊聊天！

下班後跟朋友到金田，六時十五分入座，環境寬敝，服務態度又好，冷氣溫度太大，向她們反映，很快便把冷氣調較細一點了。食物質素不錯，刺身新鮮，尤其鱆紅魚，鮮甜無比。芝士年糕，蒜片牛肉粒都好好味。可惜是，本來點了吞拿魚背，，卻在沒有通知下，就給了劍魚，劍魚不是太好吃，況且，若果想吃劍魚的客人，自然會自己點吧。值得讚許是，沒有一般日式放題的弊病，上菜慢及漏單情況出現，所有食物都很快，而且，每碟不太多，可以讓人嚐盡各款食品而不會過肥。總括而言，所有食物都有一定水準，態度良好，坐位舒服，值得推介。

睇雜誌見到佢地賣廣告係22/6試下,8:00左右去到唔多人唔駛等位佢地有放題任食同"阿喇卡"我就諗住試下"阿喇卡",唔食放題住..因為成$198一位咁我叫左五個食物炸蝦天婦羅 $58 有五隻，夠熱夠脆，唔油膩，不過有兩隻霉既。 (敗筆)煙肉芝士焗蠔 $68唯一好食，但唔覺得有煙肉，乜煙肉好貴咩?金龍卷 (因本人喜愛蝦,所以有兩個蝦制菜式) $48壽司本身唔應該有骨或殼呢類硬物係飯入面，但一條金龍卷內有兩隻蝦，兩條蝦尾都係舊飯入面，唯一賣相好睇，味道一般。 極品海帶湯烏冬 $48絕對唔值$48，得幾塊脫水海苔配日本豉油湯底，$28就差唔多，味道不過不失，見佢賣到$48，以為好好味，仲要話係極品。蒜片一口牛柳 $38呢個係最冇誠意既一個1. 一放入口就覺得d肉霉2. 過熟3. 唔夠熱，叫做暖，返叮都唔該叮熱d丫全單連加一 $253不過服務都算好，完全係廚房問題。

環境： 1) 地下個門口好在有風扇，唔係門口個姐姐真係幾慘。2) 因為係樓上舖所以要行樓梯上。樓梯冇冷氣，真係好焗。3) 裝修簡潔。入到去發覺大部分既枱都係圓形既，包括二人枱。枱同枱之間唔會太迫。服務：1) 唔洗叫成餐飯都會有人加茶，讚！2) 人手好足夠，而且個個都好有禮貌。味道：午市套餐包salad，飯，湯，甜品，茶或咖啡　salad：菜夠新鮮，個芝麻汁酸酸甜甜教得好啱我口味，好醒胃。好欣賞佢加左塊桃。　麵豉湯：入面有洋蔥，豆腐粒同紫菜。味道好稀好淡。　吉列豬扒滑蛋飯：好彩飯另上，因為個豬扒汁幾咸。吉列豬扒個皮雖然好脆，不過太厚。豬扒就夠薄，而且唔硬。咁既價錢我覺得ok。　芒果蛋糕甜品：好light，唔錯。

一早起身已經好想食刺身, 醒起堂妹之前係BLOG介紹過灣仔金田好似幾好味, 所以行完山就去左食金田既放題.行左1日山已經好累, 但搵極都搵唔到間金田係邊, 真係想放棄 結果行晒成條莊士敦道先搵到, 間野都幾唔顯眼下. 一坐低就拿拿聲叫野食, 等野食既時間先發覺D侍應都幾有問題, 果陣都好夜冇咩人食, 唔知點解佢地要企係我地張枱隔離鬧人. 好煩等左陣D野食好快就到. 唔知係太累同餓既關係, 真係覺得好好味同好香蒜香牛肉粒, 薄燒牛肉, 燒羊架,吉列炸蠔 真係好好味, 好香好正. 吉列炸蠔一定要食 刺身大大塊同好厚好好味壽司就普通, 冇咩特別, 可以選擇唔食, 淨係食刺身 魚類就麻麻地, 鯖魚完全冇味, 吉野家好味過佢好多,芝士焗蠔, 我冇食過, 不過果朋友同堂妹都話好唔得胡麻牛舌, 好難食, 個醬同舊牛舌好唔夾, D醬入到口好似"張"住個口咁.我唔係食左好多野, 其他都係男朋友食, 有冷麵, 天使麵, 關東煮, 銅鑼燒, 鴨胸鵝肝, 不過佢話冇咩特別.唔計佢有一兩樣野麻麻地之外, 其實兩個人食都係$180度, 真係好抵, 都OK多野食叫. 唔太差我留意到佢有D大圓枱, 真係幾岩D 10