金田日本料理 (已結業)

從雜誌廣告得知呢度有日本放提食,價錢唔係貴同時老人仲有優惠. 一個月前已經BOOK左位05/JAN(18:30). 但一個星期前睇到以下既食評唔好既多過好.唔多唔小有些影響,真係有D擔心,雖然擔心但點都想試下係咪咁差勁.但結果沒有領我們失望. 我地一行11人有大有細18:15到場. 門口個侍應一睇到我手攞住生日蛋榚立即笑笑口上前幫我攞走放入雪柜,係呢度佢同你切蛋榚仲唔會收CHARGE. 可能時間尚早,個場唔係咁多人.心想唔係冇人黎食呀!..點知有4個客人WALK-IN入黎,個好似經理打呔既男人同佢地講唔好意思今晚個場FULL左,如果冇BOOK位就招呼唔到. 我仲聽到佢打電話比過左booking時間既客人.問佢地黎唔黎,其中一個客應該唔黎. 佢同個客講:唔緊要下次再book過...多謝!我地係食野前唱生日歌同切蛋榚,個侍應提議不如先切完蛋榚但到最後食,怕我地先食左蛋榚冇咩胃口食唔到太多野.佢呢度侍應既服務十分好,好笑容多謝前多謝後, 食完好快同你收碟,唔洗叫,自動自覺同你加茶,ORDER食物好快送到.唔覺有咩食物走單未到. 鐵板燒食物ok呀,不過d魚生頭一round唔係好新鮮.我覺得可

食咁耐到唔轉下新野,來來去去都係個幾樣!!一成不變!!不斷退步!!肥黑衫樓面十分差!!唔換碟、唔加茶、唔識笑..請返黎做紙板阿姐咁!!

早幾日到此食自助餐..平時都唔介意坐鐵板枱..因為有靚仔靚女師傅表演放火&同d客傾計..因好少地方有女鐵板師傅..所以特別記得同啱傾(女師傅好健談)...但今次真係退哂步!!!出現左兩個未見過既師傅..一個好高但手勢好生硬!!另一個好污糟d指甲有黑邊&滿面鬚根..真係咩胃口都冇..咁好高個師傅負責煮海鮮..話d海鮮差到呀..三文魚好怪超熟但果面唔香口淋淋地爛爛地..勁難食!!青口仲衰d味酸酸地..唔知係咪個忌廉汁過哂期呢..個師傅炒野硬硬地..上碟時手震震..唔睇樣仲意為新仔呀!!另一個負責煮牛肉..冇咩好講..d牛肉厚燒薄燒都係全熟..難食都嘔!!睇到d指甲真係嘔!!

聽人講依度既lunch set 唔錯又唔貴,所以走去試下..一入門口即場笑爆..一個睇落50幾肥肥地着黑衫既阿姐大叫"私家車"..心諗無啦啦邊有車呀..隔多陣先知佢係想講日文"歡迎光臨",不如叫"二三四"好過!! 咁lunch set A餐係燒鯖魚、B餐係牛柳粒鍋飯..$40有沙律、前菜、咸菜、白飯、麵豉湯、甜品...心諗幾抵食!!我同朋友ニ人1A1B諗住share食..點知真係一分錢一分貨!!鯖魚燒過火"又乾又實"、牛柳粒"有d粉係面我估生粒,d味又怪"...最搞笑係之前既黑衫阿姐..由於lunch set餐牌冇英文..有兩個外國人睇唔明A、B餐係咩..咁阿姐就話"A set is fish , B set is cow"...當場想笑爆佢...A係魚B係牛..我估唔到黑衫d英文可以咁差!!連牛肉叫beef都唔識..Cow真係成隻牛上枱呀!!

今晚同左幾位朋友黎，都知道呢度要等位，所以等下都唔緊要，接待姐姐話要９點度先安排到位俾我地，咁我地就等下啦，誰知道入坐後好似吹３吹４咁，急急地１０點15分就ＬＡＳＴ　ｏｌｄｅｒ～嘩～你想點？最不滿就係唔知係佢唔想聽歌定係咩～閂左ｄ歌～你算點？野就好食，但係仲點食得切？去第二度食好過~cheap到爆

上網同埋雜誌都話呢度好,加上價錢ok就黎試下la,本人要求唔高,呢度食物水準都可以接受,正所謂一分錢一分貨,刺身~不過不失,鐵板燒~都ok,特別係佢既牛肉薄燒同埋蒜青口~芝士年糕好味道~~價錢方面178真係唔貴都知道o係番酒店有番呢個價都算係咁..服務方面,就有一d好奇怪既問題,眼見有2個侍應,另一個應該係經理,當我第order紙的時候只有一個經理經過..但沒理采..唔知係佢見唔到呀?定係另有原因~之後就有一個侍應見到立即衝過來,佢勁對我講唔好意思,我同佢講,講唔好意思既唔係你囉,而係黑衫果位經理,侍應只好一句唔好意思就離開了。

昨天和朋友及家人一行11人,浩浩蕩蕩去唸住大食一餐, 一去到Sandy點了一D魚生及壽司,但就最遲先嚟,仲要催佢,嚟到見到就唔想食,3大元素都冇,一係新鮮,二係厚薄適中,三係脂肪切得均勻,但就一様都冇,太失望了,熟食還算OK,蒸旦算係最好,夠滑口感不錯,薄燒牛肉也不錯,天婦羅炸蝦也可接受,但去食日本嘢就係想食魚生同壽司,如果剩係熟食就唔駛咁貴喇,D侍應又冇乜表情,好在長者有半價,地方環境都算寬闊自在,不過我都係覺得食日本菜以魚生及壽司為首要,所以我係不會再去,是次消費共$2054.

魚生好正，新鮮！以咁ga價錢係酒店食其實都算OK......但唔好其望太

上星期一BOOK枱去食DINNER BUFFET，訂位時話要坐燒烤爐個邊，心諗都應該OK！不過自今俾我有「驚」人發現之後，我諗以後都唔會去喇！一入去安排座位，心知不妙！因為個燒烤爐枱旁邊已經有一袋垃圾。最緊要係，今餐我地食食下，突然有隻小強登枱造訪！係枱面上施施然爬走，爭D大嗌出泥！即刻向waiter投訴，但係個waiter只係話幫我整走佢，個時見到隔離中間有餐枱既客已經走左，咪諗住叫waiter幫我地換枱，大佬有「甴曱」呀！已經無晒mood喇！最忟係個waiter只係話「我幫你抺下張枱！」激死！所以，我見小美子話食完肚瀉絕對係唔出奇！請各位小心小心！

除非你好肚餓，否則唔好去食，HK$200實在唔抵食，因為食物選擇唔多，特別係魚生，得４－５款，其他樣樣嘢嘅質數都好普通。呢度都係佢地個下午定食抵食Ｄ。

款式雖然唔太多, 但都食到好飽.吞拿魚刺身比三文魚鮮,叫左三轉,第一轉又大又厚, 到第三轉唔知係咪愈來愈多人,驚唔夠分,所以變得好細件,不過都好,無咁"漏"囉~蒸蛋好嫩滑,食左兩碗~ 蟹子沙律d青瓜, 蟹柳幾好,唔會凍到牙都痛~珍味a係八爪魚好鬼大隻,d汁有d假, b既螺肉超唔掂,d soda粉好勁呀!牛舌好軟熟,d汁有d花生碎,我食左四件,好正~ 羊架有點靱,燒薄牛肉好食,但蒜香牛柳粒好蘇,朋友仲話唔知係咪俾錯左羊呀?!天婦羅蝦乾身唔油,唔錯~炸芝士年糕煙韌,唔油,但略為覺得芝士唔夠濃(個人喜好),炸雞翼比上次更入味,好香口~韓式泡菜豆腐煲,泡菜唔夠味,同埋竟然無豆腐呀!!甜品係藍莓餅,莓味好清香,唔太甜,燕麥底好脆,食到好飽都要食埋佢呀~服務算唔錯,佢地都好忙碌但都快手快腳,因我遲訂位,原先可能要坐摺椅都換返sofa椅俾我~ 不過我見有一吉枱由6:30到8:30都無人坐過......渣打咭有9折~(即唔駛加一)所以我都俾左$20tips~p.s.但唔知點解我今日肚潟了兩次......

仔仔1 years old生日, 一家人去吃自助餐, 所以選食日本野.吞拿魚沙律開胃.刺身赤貝, 甜蝦, 章紅蟹柳壽司都唔錯天婦羅蝦皮幾脆, 又不太油.汁燒八爪魚鬚很惹味. 芝士年糕煙韌, 炸得唔油, 內有溶了的芝士很香濃.炸雞軟骨香鬆唔太硬, 香口, 食左好多碟..是日甜品(每人限一客) - 揶汁榚, 好味, 之後還吃左個朱古力cake, 但甜左些少.

午餐時點了魚生飯, $78, 有點期望的. 配套不壞, 計有泡菜, 咸菜, 蒸旦, 一客不錯的麵鼓湯, 和cake. 魚生飯本身卻叫人失望了. 魚生不是一件件的, 是碎件的, 不算新鮮, 份量也不多; 沒有吞拿魚, 只有三文, 八爪, 白色的魚, 一條蝦, 2舊旦, 卻有海膽. 魚生雖失色, 但多元化的配套為她爭了些分數, 所以給予ok.

大約二佰元一位都算抵, 款也算多, 食得飽飽.吞拿魚沙律是用生吞拿魚, 浸着醋油, 酸味味很開胃.有一款芝士汁沙律, 很香芝士味.刺身赤貝, 甜蝦, 章紅都唔錯, 魚偏乾, 三文魚不是太鮮甜.日本珍味八爪魚和素魚翅, 汁過杰, 但紅色八爪魚很大隻爽口啊!芝士鰻魚卷也合我芝士迷口味.蟹柳壽司唔錯, 蟹柳用醬油浸過也很大條, 不過鮮味不足.胡麻牛舌很淋, 羊架很嫩但唔夠蘇, 燒鯖魚鞋和乾左D.天婦羅蝦皮幾脆, 又不太油.甘蝦腐皮卷香口但偏油.汁燒八爪魚鬚很惹味, 彈牙唔靱. 日式蒸蛋很嫩滑, 清香多汁.芝士年糕煙韌, 炸得唔油, 內有溶了的芝士很香濃.炸雞軟骨香鬆唔太硬, 香口.是日甜品(每人限一客) - 芝士餅, 芝士味唔太濃, 麥維他餅底還算好食.服務一般, 人手唔夠又趕我們食甜品.

同友人預祝生日, 見好評如潮就黎試下。大致上都OK、食得過既! 不過水準未夠穩定, 例如刺身類第一round同第二round的水準就有些少出入了。當中最印象深刻的有北寄貝刺身、赤貝刺身(算爽甜)及麻胡牛舌(好腍, 醬汁唔錯); 炸物就未如理想, 粉多過餡; 茶添得好密, 不過無甚茶味、好淡。另一美中不足的是甜品沒有選擇餘地, 是晚二人均想吃雪糕消消熱氣感, 但可惜只有cheese cake而已。順帶一讚, 其中一位髮色偏紅、中長度既中年女服務員態度很好, 笑容掛臉, GOOD!!以此素質個人認為$168再加一唔算好低, 不過人家打正招牌在酒店內, 而且地方尚算舒適, 如果再便宜些就與酒店格局不相襯吧?! 渣打咭或東亞咭簽賬可免加一!!