金羅寶韓國料理

營業中

休息中

5月28日晚上6:45和3位友人入座，入座時没有說明限時用餐，約8:15分，我們也差不多燒烤完畢，有一男待應問我們枱上的食物還要不要，其實大約還有八，九片肉的，我們各人也猶豫了一下，隨即又再問，像是催促我們，我們便答不要了，隨即收起所有食物和送上甜品，還未等我們主動結帳便奉上帳單，過程十分趕急，好像要趕走你們，令人感覺奇差。離開餐廳時也不看見有客人在等候。 若真是餐廳大排長龍，你也可以禮貌地向客人提出，而不是用趕你走的方法去招待客人，真不知是待應個人問題還是餐廳方針，希望餐廳好好了解和改善這方面問題。

雖然成日都係喺銅鑼灣食嘢 但係真係好一段時間冇再喺金百利食 今次同事介紹去咗呢間韓國嘢😍又真係好介紹喎🤩韓國菜嘅特點就係一嚟就比一推前菜你😂不過八款入面我淨係鍾意食泡菜同薯仔🥔😅🌶牛肉石鍋雜錦飯 $83熱辣辣嘅石鍋飯喺韓國食品中最吸引嘅😍🍚海量嘅牛肉🐮仲有紫菜再加隻蛋😍😍另外辣醬係自己家落去自己撈🌶所以可以根據返自己食到嘅辣度黎落辣醬😋所有嘢撈埋一齊食真係好惹味 佢嘅牛肉唔會過韌 鍾意食飯焦嘅你可以撈飯嗰陣唔撈到落底 我個人係好喜歡脆卜卜嘅飯焦😍😍

ғᴏᴏᴅɪᴇ ᴛɪᴍᴇ 今次就食咗金羅寶韓國料理位於銅鑼灣既鋪頭，坐得都幾舒服😌位置都好闊，可以韓燒，但係都唔會太大油煙😆午市套餐仲會包埋湯同甜品🍨前菜一坐低叫就野食就會比八碟前菜，每樣既份量都唔太多，兩個人既話每樣食到少少🥺不過真係冇咩韓國餐廳會比足八小碟，特別中意食佢嘅豆卜，酸酸甜甜咁，好好味😋泡菜炒豬肉($110)除咗泡菜同豬肉仲有三大塊豆腐，好似第一次見泡菜豬肉會有豆腐！佢啲豆腐係硬豆腐，啱啱好可以解辣😚泡菜炒豬肉我就覺得辣度啱啱好，唔會食唔到🤪而且豬肉同泡菜嘅份量都好多🤩鹽燒鯖魚($88)呢個鯖魚真係好大條，基本上冇咩骨，好容易食到😆味道都好好👅佢仲跟埋啲壽司豉油同Wasabi，但係自己就覺得唔係好夾，就咁檸檬汁已經好好味🍋韓國生菜($75)作為一個好鍾意食生菜包肉嘅人，就叫咗個生菜包住啲泡菜炒豬肉食🥳不過其實生菜真係包燒肉比較適合，因為佢仲會跟一個豆瓣醬，甜甜地辣辣地好好味😍如果食燒肉嘅話就會好夾，但係跟泡菜炒豬肉因為本身已經好濃味，所以其實就咁食已經可以唔使點醬🤪

以前喜歡他的 紅棗茶曾經幫襯幾次但今日 服務質素大大下降本人以後不會再幫襯仲有間 餐廳 好大陣油味好明顯通風唔夠可能要搵食環署去check下，佢間餐廳 通風 有冇問題， 夠唔夠 換氣

好耐冇幾個朋友聚餐，襯食肆限聚令放寬，立即聚一聚，其中一位朋友好鍾意食這間，之前已經因為佢食了兩次，今次繼續襌聯，星期五的晚上，六點半個場已經好多人，好彩我們果日無限時，可以慢慢食慢慢傾，我們叫了炸雞等食物，當然一定會叫生牛肉，因為我覺得唔係好多地方有得食，在生牛肉上放了隻生雞蛋加埋爽口的梨，拌勻一起食，真係好好味，服務方面，可能果日真係好多人，職員也無閒理我們，我們叫了幾次上韓式前菜同甜品也久久未上，不過也諒解嘅，希望下次可以好啲.

今年生日又去咗金羅寶食烤肉。 無論如何都唔會喺屋企燒烤所以一定要堂食。 一家三口用兩個爐頭因為堂食只限二人一檯～ 中間塊版唔係透明， 我哋三個好似好有隔膜咁樣, 好唔方便。前菜都係分開， 二人八小碟。另外坐開的有4小碟。泡菜雖然爽脆但略嫌唔夠入味， 鹹魚仔乾太硬了。 最好吃還是醃菠菜，芽菜， 甜薯仔！ 辣腐皮也不錯～牛肋骨湯， 湯底清澈味道濃郁， 還有大量京蔥，略嫌牛肋骨唔夠腍， 搏鬥了很久～每次來都吃的牛排骨， 咬落軟腍鬆化， 選了調味 更突出牛肉嘅美味！充滿橙色醃料嘅豬肉 少少辣辣～ 好惹味， 豬肉肉質唔錯， 燒過都夠嫩滑有肉味。多春魚冇之前咁肥美，有少少澀， 但係都炸得幾香口。 小朋友最喜歡吃～唔夠我五點就要我哋埋單，佢話要食飯定清潔， 感覺有點趕。。贈送的甜品雪糕清新一吓味蕾，今餐非常滿足。

鍾意食韓燒驚我今次就嚟到比一般韓國料理餐廳高水準金羅寶，同朋友今次係咪食晏晝兩個人位置非常寬敞環境都舒適 ，傾偈都唔會覺得好嘈而且食物水準高非常推介啲菜上得非常快，羊肉好鹹加甜我個人唔太喜歡，拼盤還算可接受不過不失，配埋菜食比較清爽我個人喜歡💕冷面🍜好清爽清甜好食😋地址－銅鑼灣記利佐治街1號金百利廣場6樓環境／設施－乾淨衛生特色－8碟泡菜，款式之多款款都夠晒開人均價格－$500評分－4#本地遊

東角道嘅金百利大廈一向有好多餐廳今日揀咗食韓國菜金百利大廈唯一嘅唔好處就係太多人等𨋢食完飯要走都好難上到𨋢尤其是響低層午飯時間都好多人嚟食第一次嚟食估唔到呢度地方都好大估計都容納到一百人以上感覺裝修又有啲似中式嘅茶樓雖然係午飯時間接近都坐滿晒但係好彩都唔使等位食韓國餐一定唔少得呢啲配菜呢間餐廳都提供左八款泡菜比較淡口同埋都唔係好辣牛肉蓋飯睇佢個賣相真係一啲都唔似值九十蚊同茶餐廳嘅碟頭飯冇乜分別味道都唔係好韓國不過牛肉嘅質素唔差牛肉炒粉絲食韓國菜我一定會叫炒粉絲食我係炒粉絲嘅粉絲最鍾意就係食落甜甜地咁嘅味道呢間炒得比較油牛柳條都比較乾身同埋韌

約左朋友係呢到食醬油蟹，結果一肚氣。我唔明一間完全唔平的餐廳點解可以服務態度咁差？？！！平時都十問九唔應，點左個火鍋要求加湯，結果咩都唔說明就加水，邊加邊態度好差咁話加湯要加錢，加熱水時差d整到我！永遠blacklist!

係銅鑼灣區最中心忽然落大雨, 唯有去搵間韓國餐廳dinner, 經openrice search見到依間看似正宗既韓國餐廳, 所以貿貿然沖入去食。本身以為係銅鑼灣區最中心既餐廳而以遊客為主既會係貴價兼唔好食，但原來並唔係我心目中咁諗架!!!!入面都有唔少香港人食!雖然價錢偏貴但份量就大大份，好適合一大班朋友食! 所有你up得出既韓國料理都會出現係menu之上! 今次2個女仔食我地都叫得唔少野架!首先一到就係8小碟小菜，特別薯仔(好甜)同一條條類似魚片條最啱我胃口，其餘都份外好食!1.牛肋骨湯: 本身會以為湯底會好濃，但其實係好清淡的。入面配料仲有粉絲、蘿蔔、蛋花等等… 一路食濃味食物一路飲淡淡地既湯先冇咁漏2.海鮮煎餅: 配料十足掂住醬油食令人回味! 而且個邊邊煎得香脆可口 厚度剛剛好! 係食過最好食的海鮮煎餅3.牛肉雜錦拌飯: 每一啖都夾著牛肉拌所有其他配料連埋飯焦食都係冇得彈!

曾幾何時每晚都在外面吃飯，都沒有什麼感覺，自從限聚令之後，發覺幸福不是必然的。一場疫情，改變了所有香港人的習慣，令到無飯家庭變成了外賣家庭。雖然沒有堂食，不過飯總要吃的，今晚便來到了外賣韓式料理。牛肋骨湯$148，牛肋骨肉有四大件，湯頭味道鮮甜，蘿蔔吸收了湯底，味道更佳。值得一提：這個湯除了外賣盒之外，還有膠袋承載着，可以保持溫度又衛生。韓式什錦雞肉炒粉絲$148，韓國粉絲比中國粉絲粗身一點，更加爽滑彈牙，而香濃的醬油，令到整個粉絲更加好味，如果在堂食，當然味道更佳。想不到這裏自家製的泡菜，會跟隨外賣免費附送，其中以辣泡菜，味道最為出色，如果下次再來，這是其中一個原因。

好食牛肉刺身飯，外賣仲有八折之前食過金羅寶堂食，烤肉新鮮，環境高級又充滿韓國風味。可惜而家疫情期間都避免堂食。所以決定外賣返屋企回味下。二個人一人叫左一個飯。估唔到外賣都有前菜提供，我哋買咗兩個飯所以有兩盒前菜。牛肉刺身雜錦飯$190冇諗過原來牛肉刺身飯都幾好食，牛肉食落完全唔會覺得係食緊生牛肉，加上下面有暖暖既飯，食到飽飽的。我最中意韓國嘅飯，因為只要將所有配菜同飯拌勻在一起，就已經食得，味道絕對足夠👍🏻 辣泡菜炒飯$110老公中意辣泡菜炒飯，炒得好乾身爽口，唔算太辣。而且成個炒飯份量都幾多。

最近疫情蔓延，日日有百多宗病症，令人又驚又擔心。對於一班努力翻工的打公仔來說，連外出食午餐都要隔外小心，真係令人氣餒呀。為健康著想，最近上班中午食飯，都由堂食變做外賣，拿飯盒回公司獨自食，感覺上會安全。最近不少餐廳都有提出抗疫優惠，外賣比堂食更便宜，今次就試吓公司附近的韓國餐廳，外賣會有八折，吸引不少打公仔光顧呀。辣炒豬肉年糕 $83(未折)食韓國真的不少得年糕，年糕可以自選肉類，可以選牛、豬、雞，今天和同事分享，由於他不吃牛，所以我選了豬肉。年糕好煙靭，辣度好高，好惹味！炒牛肉粉絲蓋飯 $78 (未折)這個蓋飯同樣可以選牛、豬、雞，牛肉切成細條狀，而每條都帶有肥膏脂肪，入口好甘香，韓國粉絲一向好食，又彈又粗，份量好多，食完超級飽呀。每一盒外賣，都會附送泡菜和配菜，菜式豐富，不單調，有薯仔、菠菜、荳芽，令整頓飯更加令人滿意。

最近疫情又再次嚴峻，好多餐廳都鼓勵食客外賣自取，令大家食得安心，保障健康。前日放假出咗去銅鑼灣買少少野，就順便買埋個外賣返屋企同家人食。金羅寶係一間係香港比較傳統嘅韓式料理餐廳，記得上年朋友生日都有幫襯過，喜歡佢份量夠多，味道夠正宗。餐廳午時有lunch set，依家外賣自取仲有八折，非常之抵食。牛肉石鍋雜錦飯 $83餐廳用錫紙成個飯包住先放入外賣膠盒，保持溫度。返到屋企打開仲熱辣辣😋飯身乾濕適中，入面有大量牛肉、切成絲既菠菜、蘿蔔、煎蛋、芽菜、紫菜等等，再配白飯，非常足料。 將韓式辣醬加入飯到拌勻，真係好食到停唔到口👍🏻泡菜炒飯$78泡菜不嬲都係我嘅至愛，用嚟炒飯真係絕配，酸酸辣辣。飯上面仲鋪左塊流心煎蛋，篤穿佢撈飯，配上豬腩肉同紫菜，超正。海鮮煎餅$88每次去韓國餐廳必點的就係海鮮煎餅！ 口感QQ軟軟、邊緣脆脆，而且味道非常豐富。材料包括有嚼勁彈牙的蝦，魷魚等海鮮，再加上蔥同韭菜，點埋佢個特製嘅醬汁嚟食，正就算我地係外賣，餐廳都用外賣盒準備左幾款前菜比我地，包括甜薯，芽菜，菠菜，好味又細心呀❤️

今日喺銅鑼灣打算買外賣但係又想食韓國菜，就去咗金羅寶。因為之前黎食過記得好好味，所以今次再嚟。Order咗紅炆牛肋骨同埋煎銀鱈魚。紅炆牛肋骨炆得超入味，用傳統嘅韓國製法令佢d牛肋骨好淋，咬落去出曬入面啲醬汁味，送飯絕對一流。而且入面亦都有幾舊炆到好淋嘅蘿蔔同樣係入曬味，d蘿蔔又冇渣又甜，真係好味。銀雪魚就煎得香脆可口，入面仍然有魚油同埋好juicy ，落咗檸檬汁再點埋沙律醬食簡直係絕配。另外值得一提外賣亦都會有六小碟前菜，包括甜蕃薯、泡菜、辣魚糕、芽菜、青豆、同埋青菜，樣樣都食出韓國傳統味道，下次有機會一定再嚟試堂食。