金華冰廳

營業中

休息中

今晚叫了兩隻炸雞髀，第一隻好正常，全熟，另外一隻食到一半，發覺唔係好熟，紅紅地，同個職員熟唔係好熟，他說，好呀，我幫你，之後五分鐘後，隻食過的雞髀再炸了一炸，我們嚇傻了，食過的雞髀再翻炸了？好唔衛生，恐怖😱，以後不敢食了

太子的西洋菜街與弼街附近有三寶：金華、民華、康年。雖然我的食評間中會提及金華，但原來我從未寫過金華。這個下午，我一個人食晚餐，叫了金華豬扒飯。有湯有飲品，價錢只是45元。由於我長期減肥，我只要點豉油，不要其他汁。這個飯，只有一條菜及一塊豬扒。將貨就價，我是接受的。湯也做得有誠意，不是無味或味精湯。金華的涷奶茶是不好飲的，太澀，加上我要減肥又想慳錢，所以還是熱奶茶。總結來說，金華的飯餐雖然是頹飯，但那是精美的頹飯，值得支持。

昨日下午五點時，由於未食lunch，剛在附近做完嘢，急急腳就入了金華餐廳。去到咁啱其實冇位，門口附近有一個卡位有人坐緊，差不多就食完。個老闆娘就係咁叫我哋坐埋去，其實我唔太願意，不過老細係咁叫左幾次，只好同對方講聲唔好意思，就坐咗落去，我老公唔好唔好意思坐就企咗喺隔離。感覺好似催人哋食完快啲走，對方人仲未走，老細已經叫我哋可以落單先。。。雖然對方睇落唔係好介意，不過成件事就令到我哋好尷尬😔進入餐廳的時候，剛好遇到菠蘿包新鮮出爐，即刻叫咗個菠蘿油食。由於個包暖暖地加上好肚餓，所以二話不說就食咗啦，冇影到相，皮脆內軟，唔錯唔錯，亦係我黎咁多次最好食嘅一次。我老公叫咗個老婆餅，不過老婆餅係凍嘅，我個人覺得唔好食例牌每次都會叫的西多士，今次食感覺真係好一般，遠遠唔及出面普通嘅茶餐廳最後叫咗個廈門炒米，第一次食，都算唔錯嘅，熱辣辣炒起加上兩人都好肚餓就食晒了基本上每次只要黎太子附近都會嚟呢度食嘢，不過有點兒覺得一次不如一次。感覺係食名氣多於本身食物嘅質素。今次叫的食物中，除左剛出爐的菠蘿油和廈門炒米我覺得係好食的其他就一般般。。。至於環境衛生，就一般般啦，我每次一定唔會用自己嘅消毒紙巾再抹過一次

落雨濕濕求其搵間餐廳食野，一坐低就叫人落單，叫左個麵餐(跟一杯野飲)，一個蛋撻，仲有一個奶油多，之後個伙記話要嗌2杯野飲先得，個伙記淨系講左句你諗下先就走左去，甘咪諗住想吾要個奶油多轉嗌杯野飲，就叫返個伙記過黎，個伙記一句話落左單冇得取消，但留意返落左單一分鐘都冇，冇得取消再逼你嗌多杯野飲，”不過最重要個問題系你嗌左既野冇得取消”，雖然麵包系好出名，呢啲白痴既餐廳，我建議吾好幫襯！我真心未試過有間餐廳系甘

難得去到太子，兼11點幾仍未食早餐，行過金華冰廳，便入嚟試試。它是傳統茶餐廳，門口賣麵包，裏面有地道茶記食品。本來想食早餐，但搭正11點半便截單，惟有叫它出名的菠蘿油及蛋撻。菠蘿油（$12）先上，樣子正宗。試吓味道，只是不過不失。原因是： 1. 麵包唔夠熱 2. 菠蘿皮唔夠香脆，兼有少少稔身雖然有大片牛油，牛油厚度亦ok ，但味道只可評為合格。蛋撻（$6）是酥皮，樣子唔錯。皮做得薄及鬆脆。蛋撻餡不過甜，可惜蛋味不夠濃，只是合格好少少。😋奶茶方面，夠熱及幼滑，只是茶味略淡。我喜歡的奶茶是錫蘭茶葉做底，茶味較濃的，所以也只能評為合格。對我而言，金華是ok 的茶記，但未能成為喜歡的食肆。

今日都行旺角經典嘅冰室吃著名嘅菠蘿包和奶茶。冰室沒有平日咁繁忙，店員也十分禮貌客氣。冰室沒有太迫嘅格局，座位設有格板，感覺舒適。今日試吓經典菠蘿油和港式奶茶。菠蘿油-這菠蘿油大大個，麵包焗得鬆軟，外脆內軟，尤其那菠蘿脆皮，又脆又香甜，口感鬆化，麵包質地軟身，甜甜地嘅味道，配上鹹香嘅厚切牛油，一鹹一甜，一脆一軟，十分滋味。奶茶-奶茶口感都幾香滑，茶味比較濃郁，沒有茶的澀味，味道幾OK。難得可以再嚐到香港經典滋味，正宗嘅菠蘿包買少見少，可以一試。

話說前晚瞓唔著上YouTube睇茶餐廳食物，見好幾條片都有介紹金華冰廳的菠蘿油，仲俾分幾高下，即刻決左試返。有低消，每個人都要焗住嗌杯野飲，唔係呀我食茶餐咋bor都要咁😅好啦好啦如果真係好食都無所謂。但，成件事都係令人失望的。首先講返個菠蘿油，一來皮焗得唔得鬆化，有啲硬，口味偏甜。二來牛油味好淡，唔純，幾乎無乜香味，日賣上千隻的菠蘿油又點會用到靚牛油呀😅街邊隨便搵間麵包舖嘅菠蘿包都好食過呢間。蛋撻亦都唔多掂，首先蛋黃味好弱，蛋撻無蛋味叫咩蛋撻呀⋯⋯d奶味都係奶粉兌出嚟，人造香甜。又講返飲品，必嗌wor質素應該好過招牌少少啩，點知又係伏樣，嚴重圖文不符😅得返啲威化餅零碎地浮在面上，雪山不知所踪⋯⋯呢杯頹飲都盛惠24蚊。At last，成餐最正常就係個乾炒牛河，味道與其他茶餐廳持平，牛肉幾大片下，炒得都叫嫩滑。食客，總在網紅店裡跌低，但又爬起繼續食。

諗唔到食乜，突然間諗起佢個菠蘿包就揀咗去呢間食。叫咗個常餐，雪菜肉絲通粉再加左個鮮油菠蘿包。其實淨係想食佢個菠蘿包但係冇理由晏晝淨係食個包。個通粉就正正常常冇乜特別，菠蘿包係大大個再加一片厚身嘅牛油 😍

喺太子基道書樓對面，有一間屹立不倒，長期都係咁好食嘅茶餐廳。菠蘿包係呢度最出名嘅食物，仲有佢個杯飲極都唔厭，超級好味嘅奶茶。沙嗲牛肉都好好食，整體來講早餐冇得輸

已經數唔到自己去左幾多次金華 竟然冇寫過食評基本上每月都最少去一次 因為金華應該係我食過最港式既冰室如果第一次去我會介紹呢幾樣野1. 菠蘿油新鮮出爐 個皮好脆加上一塊厚厚既牛油 係金華既代表 如果鐘意雞排可以試埋個雞排菠蘿油 一樣出色2. 雞排/豬排炒公仔麵/意粉雞排/豬排調味出色 同埋炒得夠wok氣 配菜葱芽菜洋蔥 3. 奶茶一定要多奶茶底濃 入口滑 甜味剛好 今日試新野叫左個生炒雞絲飯 都冇令我失望 一樣夠係wok氣以前炒粉面飯 野飲分開計 依家可以加錢有野飲 價錢比較合理

平日下午經過，見到冇乜人，就入去試吓馳名嘅金華冰廳。坐低即刻要嗌嘢食，俾我諗吓食乜都得掛？因為係下午茶，唔想食咁多嘢，所以散嗌左個蛋撻同埋凍檸茶，阿姐即刻面露不悅。Fine，我都唔expect茶餐廳有服務㗎喇，諗住嗱嗱臨食完即刻走。蛋撻都未放落口，就聽到後邊阿姐話我嗌咁小野。下午時段又唔係多人，我食個蛋撻都係5分鐘啫，都唔會好阻住你生意啊？更何況你又唔係滿座，點解要歧視一啲嗌得小野嘅客人呢？蛋撻係好食嘅，不過無下次。

通常五寶飯都係比紅腸當係一個餸！呢間竟然比燒鴨乳豬油雞叉燒同埋鹹蛋！超抵食👍🏻乳豬仲要勁脆皮😋叫咗杯熱奶茶！杯奶茶好有茶味！店員服務友善！送餐速度快！會再返嚟！

🌖 Cheese Curry Noodles with Chicken Chop The tastes of cheese and curry are in great balance, none of them is overwhelmingly strong that outshines the other. It’s one of the go-to dishes if I feel like having cheese curry! 🌖 Stir Fried Udon Noodles with Beef I’ve always loved stir fry udon, but I find it quite hard to find satisfying ones in Hong Kong. Kam Wah Cafe’s one has got some merits - served hot, the right amount of stir fry soy sauce, although a bit greasy. One of the reorder-able ite

菠蘿包好出名嘅金華茶餐廳，一大朝早去到應該會係好新鮮，新鮮出爐嗰隻。但係個菠蘿包一咬落去係硬到咬唔到。同阿姐反映想換，有以下不合理嘅回應：1）你都無常識嘅菠蘿包凍咗梗係啱㗎啦！2）可以幫你叮翻熱佢，但係我話阿姐我咬過喎，阿姐再話我哋落紙袋包住先叮，但疫情關係我心諗都唔係咁好啦，所以我拒絕。（其實乜做食肆可以咁無衛生意識㗎咩）3）你落單前無話你要熱嘅菠蘿包，你枱上面呢個係微暖嘅 （事實係已經凍晒加硬晒，我懷疑係隔夜㗎囉）4）堅持唔換，要我加錢買多個Fine, 我趕時間$7 我可以比，我買多個真係微暖嘅，不過已經無晒胃口。我從來無喺OpenRice 寫過食評，今次不吐不快⋯以後亦唔會再幫襯

禁既餐廳我會罷食，出名但生意唔應該禁做，此風不可長！老闆娘態度超惡劣！事原今日，我媽咪在冰廳內吃著等我（整個過程只有30分鐘左右！當時有位剩，外面無人等緊位，我無係果度食）她一個人叫了一個西多士，一份炸豬扒餐，一個西炒通餐（預備俾我帶走），一共百幾蚊，食了15分鐘左右，一直受盡老闆娘大聲的冷言冷語，講食咩可以食禁耐，俾佢她一個外賣盒啦等等（在因疫情下，我媽媽只佔了半張枱），重點是我媽媽一直係度食都無停過，跟本未吃完！一路食一路受盡冷言冷語！直到埋單，個老闆娘發現食左成百幾蚊野，就立即超細聲禁講，變咗第二個人禁！好食多人幫襯就坐耐少少就要俾人話住食？食晒得個坐字就當然唔岩，但佢一直食緊wo ! 重要食左成百幾蚊！！！坐15分鐘左右就開始受到冷言冷語？！出名大晒？