金華冰廳

營業中

休息中

香港人下午茶當然鍾意飲奶茶、食菠蘿包、蛋撻。尤其放假，瞓個自然醒，醒來當然要食個下午茶。我的最愛當然係太子的金華冰廳，放假總係心思思想去食新鮮出爐的菠蘿油。可惜今日來得有點遲，新鮮出爐的菠蘿遇不上，只好照殺放左一陣的。雖然放左一陣，但菠蘿包的皮尚算脆身，夾上冰凍的牛油。牛油香和麵包香在一齊，再飲一啖凍奶茶，係放假一大享受也。朋友點了個雞扒三文治，雖然沒有菠蘿油般吸引，但睇得出材料也很足，味道也不錯。每次都仲想食豬扒飯、蛋撻、西多士等，可惜胃納有限，永遠只能說：下次下次，下次大概可以。

朝早食完早餐行過金華，見到人流比上半年少，外面地下無左大大小小既喼，望上去一堆菠蘿包放係包箱入面，期待欣賞佢既人出現，然而等到紙袋都被油滲到開始透了。我決定買個黎懷念一下金華菠蘿包既味道。比完錢後拎個包上手，已經唔太熱，但皮依然係脆，包心都係飽滿，而唔係空心包，咬包果時包無痴牙，係麵團搓得好先唔會食到痴牙，食完有飽足感。食左咁多年金華菠蘿包，係份量比舊時細左少少之外，味道同飽滿程度係無變，加價幅度都唔高，有時食呢個菠蘿包，唔係貪佢特別好食或高人氣，而係變左一個習慣，每次經過，都會買個黎食，但只限於唔洗排隊既時候。

今日有嘢做去太子附近，突然間諗到附近有間出名菠蘿包嘅冰廳，又咁岩想飲杯奶茶所以就決定去試吓有幾巴閉。依家要搵啲鋪面有賣麵包嘅餐廳真係好難（除咗集團式嘅翠華），仲要格局有啲似舊式冰廳嘅就更加少有。其實呢間都唔算好舊式，落單都已經用咗電腦。佢嘅新鮮出爐麵包我見全部都大大個，我叫嘅菠蘿包六蚊，而家來講算平㗎啦。仲要黎到先知佢係分量十足，唔似得出面嗰啲食完好似食咗空氣咁。雖然係抵食夾大件，不過就唔係我嘅飛佛啦。我反而嫌佢太大個囉係咪好奇怪先，同埋可能佢唔係新鮮出爐所以又差左少少。奶茶都係不過不失啦，冇咩驚喜。菠蘿包加奶茶，好一份香港情懷。😇

翻工前 日日都經開金華冰廳前面坐小巴 🚐 之前都太趕時間 🤣🤣 今次終於的起心肝 去食啦 ， 聽講幾岀面 做左好多年 。早餐選擇唔多 只有6款選擇 ！！ A餐 雪菜肉絲米 普普通通啦 覺得冇咩特別 ，唯一唔同嘅只可以講系 雪菜到有蘑菇 ，🤣🤣 同出邊既有少許五同姐 。 跟餐嘅火腿腸仔煎蛋 🍳 ，👎🏻👎🏻 完全唔得 岀到黎凍冰冰 雞蛋🥚熟到乾哂 。 招牌菠蘿油 全餐最好食既 ， 都系招牌款式好食 ！！ 菠蘿包雖然凍左 ，但係都好鬆軟 面層既菠蘿皮都好脆 包住一片牛油 冰冰地勁好食 ！！！

星期日三四點行到攰攰地，口又痕痕地😂😂😂比我地見到有間老字號既舊式茶餐廳，上網睇先知人氣旺盛架喎😆門口有麵包賣，眼見不停有人幫襯，好似真係幾出名咁😏😏我地見到好多人食菠蘿油，不過我覺得唔夠開心滿足😌😌所以叫左下午茶餐A五香雞翼+酥皮蛋撻😚+$9轉紅豆冰及沙爹牛肉菠蘿包😍😍咁先開心仔架嘛😆😆😆舊式茶記都唔會預佢環境好好，座位窄枱又逼就正常架啦🤣肥少少都未必坐到，話咁快茶餐A黎左，瘦猛猛既雞全翼😂😂賣相就一般般，食落都係又乾又硬，一啲香味都無😌😌😌麻麻地喎。酥皮蛋撻暖暖地，唔油既，但亦無酥皮牛油香味或蛋香😂😂偏甜左少少。紅豆冰正常啦，紅豆夠大粒又綿，幾好味😋過左陣😍😍😍最期待既沙爹牛肉菠蘿包就有得食啦，🤤🤤成個包熱辣辣，流晒口水好加分丫🤤🤤牛肉有四五塊，稔得黎都要咬下，沙爹汁唔算勁沙爹，不過都係惹味好食既，菠蘿包甜甜地又脆皮，唔會食到成口碎，或跌到周圍都係，呢點好讚👍🏻👍🏻😚坐左半個鐘左右，不斷有人出出入入😆坐無虛席架！啲姐姐雖然好忙好忙，但態度都好好，好有禮貌😌😌不斷有新鮮麵包出爐，有人買，自然keep住做，keep住做就自然新鮮熱辣，咁新鮮熱辣又自然吸引到人買囉😂😂😂

成日聽呢到嘅菠蘿包係香港第一，今次係附近就黎食下。餐廳保留舊時茶餐廳裝修，座位同一般嘅差唔多。服務就相當麻麻，入到去一坐低，即時問食咩，話睇一睇先就即黑面，仲要再三提醒最低消費每人要一杯飲品，連最基本比杯茶，到我食完走都無比到。食物一般，無話喜出驚人，呢個價錢可以有更好選擇。今次叫左三樣，每人$40。菠蘿油 $11個包唔夠熱，牛油唔夠凍。個皮就比較似曲奇，較為硬身，唔夠鬆脆，甜度就正常。但麵包質地幾好唔乾，有少少煙韌。西多士 $16西多士炸到色澤金黃，但唔夠鬆化，一切開中間就見到得極少花生醬，只靠糖漿添味。沙嗲牛肉公仔麵 $38沙嗲香濃，牛肉滑口唔鞋，麵就正正常常。

金華最出名菠蘿油就係人都知, 黎到又點可以唔食~~~~ 成日經過太子都會心思思想食金華D 菠蘿油~同時間又覺得好邪惡~天人交戰一陣之後最後都係會食左!! 食完就覺得好有罪疚感但又覺得回味無窮~~~~ 呢日都係同樣既感覺, 令罪疚感減少既唯一方法就係搵人同你SHARE~~~ 有同謀就梗係冇咁GUILTY 啦!!!!!!!!!!!!!!!!!!!!!!!!!!!!!! 一個菠蘿油再配杯奶茶簡直就係人間一大享受!!! 同埋係典型既香港人會嘆既食物!!!!

想食酥 皮 蛋 撻 同 菠 蘿 油 第一時間一定係諗起「金華」其實差 唔 多 間 間 茶 餐 廳 都有，但點解金 華 冰 廳 會 零 舍 出 名？好 簡 單，因為多 人 買 就 自 然 密 啲 出 爐 、密 啲 出 爐 就 自 然 件 件 都 熱 辣 辣 、件 件 都 熱 辣 辣 就 自 然 多 人 買 、多 人 買 就 自 然 密 啲！所 以 人 流 真 係 好 緊 要 架！不 斷 新 鮮 出 爐 好 快 又 賣 晒尤其係剛剛出爐的酥皮 蛋 撻，一層層的酥皮又香又脆，蛋漿甜度剛剛好，真 係 好 正！

今日去到金華冰室，一定要試試它的菠蘿油和蛋撻； 但由於我們都還沒食飯，所以先點了是日快餐免治牛窩蛋飯和乾炒牛河。 乾炒牛河很出色；相反，免治牛窩蛋飯有點失色，上菜時竟然沒有蛋在上面，本來打算放棄追問，慢慢食，之後發現到窩蛋真的蝸居了在裡面。最後，一定要吃的菠蘿油。 菠蘿包真的很好吃。 如果不想吃太多牛油，單點招牌菠蘿包都可以試到那個滋味。蛋撻以這個價錢來說已經不錯。場內冷氣很大，所以食物都好快會冷卻，比原來的未那麼好吃。旅客估多數，不過熱辣辣的菠蘿包確實不錯，可惜有最低消費一杯飲品。吃一個菠蘿包跟奶茶都24塊錢了！

菠蘿油+熱奶茶/熱咖啡 HKD 29中秋節翌日同屋企人去花墟行下街🌼行到甘上下就走金華食個菠蘿油做下午茶歎歎佢，先再緊接夜晚嘅海鮮大餐！☺️菠蘿包外皮好香脆，望住佢d裂紋就知道有幾crispy🥳中間個舊大牛油就更不在話下（話說見到坐喺對面嘅嗰個女仔係cut返半舊牛油出嚟，下一秒心諗係咪我實在太過放肆食肥野，然而呢個嘅內疚感都只不過維持左一秒😂）。佢嘅熱奶茶更加唔使講，出名香濃同埋好滑，又係非飲不可👍🏻

落旺角拿完月餅後, 遊走到太子端, 終於有機會一試遊客店「金華冰廳」呢間香港茶記代表🇭🇰 係旺區既食肆重鎮, 金華兩個門口都掛住金漆招牌🤘 旺區既枱櫈都係預咗窄, 還好金華既都仲叫轉到半個身, 唔會迫你坐到直一直既情形。晚上7點鐘, 大概只有4成滿😏 餐牌花多眼亂到唔識揀都係茶記既標準。識途老馬一定望住牆上掛牌, 除左ABC晚餐, 佢既炒粉麵飯最吸引我眼球👁‍🗨  乾炒牛河應該算係港式茶記既代表之一🍝等左唔5分鐘左右有得食🕒 係黃黃燈光下睇到油份無大量滯留, 即係個炒作既時候係高溫快炒🔥 上枱溫度亦足夠👍再留意河粉表面, 色澤平均, 未見燒焦。牛肉既份量可以🐂 薄切牛小許焦邊咬口剛好, 無炒過龍。記住, 炒牛河, 點都要落番啲辣醬去吊下味🌶 將河粉既油膩淡化 (其實都係吞咗啲油落肚), 同埋份酸辣味將牛肉個肉質昇華⬆️ 凍奶茶☕飲得出奶既細滑, 但茶香未見突出, 作為其中一個名物, 有少許失望, 可能下次要試熱奶茶?  食晒成碟牛河後, 都係忍唔到口加埋菠蘿油🥯影相就真係一流, 但咬落去, 無翻熱, 牛油要等室溫慢慢溶化佢, 食得出牛油既鹽份同平時唔同, 係溶化過程出係嚐得出鹽既味道🤤而

菠蘿油不是現作的，所有有點溫溫的，不是很燙，裡面的牛油也沒有很冰，吃起來還行，就挺普通的，熱港奶是無糖的，要自己加糖，無糖的有些澀味，不過茶和奶味還不錯，整體cp值還行，就菠蘿油沒傳說中好吃

旺角出名菠蘿包的茶餐廳，相連兩舗，面積不少。門外常常有人龍等菠蘿包出爐，人人都想第一時間吃到熱騰騰的先菠蘿包。今天天氣熱到人都滾盪不已，唔得啦！還是入店內坐坐，吃吓菠蘿包之餘亦消消暑氣，這才可有氣力繼續逛街了。菠蘿包微暖，$6個都頗大個，咬一口，厚的菠蘿脆皮沒有想像中咁油膩，脆皮餡幾乾身但又唔硬，甜度剛好，唔會吃到成口糖砂的感覺。而且不是空氣麵包，麵包烘得鬆軟而氣孔密集，很有實在感，這包好味外亦真的可以飽肚的。加上凍檸茶，消暑飽肚都滿足了。

好耐無噃嚟香港，噃到嚟就一定要嚟(金華)食呢度最出名菠蘿油，懷念一下兒時的味道。時光飛逝，但情懷依舊，人情味濃，最愛光顧小店。大家有時間就一定要嚟試吓呢間嘅菠蘿油同酥皮蛋撻。

嗰啲夥計態度衰到冇人有，你去食飯好似同佢乞咁😡啲嘢食難食，地方又污糟邋遢，根本佢都唔介意你啲香港人係咪嚟幫襯，最好呢啲香港人咪鬼入嚟，阻頭阻勢又食得唔係貴，霸主個位。跟住啲夥計黑口黑面不在講,嗰啲老闆見到唔會話下啲夥計，由得佢哋亂咁嚟，十問九唔應,我永世都唔會再幫襯,希望唔好再有其他人俾佢呃,呢啲咁嘅垃圾茶餐廳淨係識得做大陸人生意。做多啲大陸人生意好啊，依家咁嘅經濟冇大陸人落嚟食，我真係恭喜佢😏