金華燒臘大王 (已結業)

我們公司一向都是向這家燒臘店買飯給員工食，所以食佢既飯盒已經有好耐。我最欣賞係佢d飯同湯。佢燒味當然了得，但好多燒味店都只係燒味得，其他野一d都唔得。呢度就樣樣都得。不過d肥叉真係好肥..... 我係老客，所以有張八折卡，如果唔係都唔知點...因為呢度d野太好食。

甚麼是5P?四寶飯大家食得多喇,今次來過五寶飯。有切雞、燒鴨、叉燒、咸蛋及雞腎。又大碟，只是$36 己非常豐富,而且燒味又幾好食,最少叉燒冇染色,咸蛋不太咸。在中環的價錢來講己不錯。

星期六夜晚等男友收工，去「金華」呢間老字號食飯，裝修過之後，舒服好多．．首先叫碗「例湯」－「花生眉豆雞腳」，幾夠味呀！由於我鍾意食切雞、叉燒、鹵水墨魚同咸蛋，之後我就叫碗「五寶飯」，而男友就叫「雙拼」飯（油雞、燒鵝）。隻雞幾滑（不過我唔鍾意見到血呀）、燒鵝好好味（加埋Ｄ「梅子醬」）．．嘻嘻，整體講．．．好味（仲有，Ｄ飯好軟淑）仲有呀，呢度非吸煙架！！！嘩，食「燒味飯」，呢間一定係推界啦。

20050720 2.30pm2.30pm 先忙完公事, 在朋友的office 離開去去了金華自己吃飯. 金華乃中環區老字號(號稱)靚燒臘店, 老店還老店, 我都係第一次o黎幫襯.店舖最近豪裝過, 靚o左好多, 似陸羽不過low-end o的. 不過點內音樂很有點似過農曆新年唔播好過播, 懶有中國feel.1人吃, 咁晏都要搭檯坐卡位-* 半肥瘦叉飯1碗($26) - 見圖, 叉燒半肥瘦都OK, 又好彩係order 半肥瘦, 因為咬到其中一舊無咁肥的, 痴牙lor. 叉燒肉質軟硬適中, 味道不俗, 係淋飯個汁怪怪的, 打o左獻咁o既?? 同埋飯好大碗, 食唔晒.* 冬瓜鮮陳鴨腎生熟薏米老火湯1碗($9) - 一睇就知呢o的去濕湯啦~ 天時暑熱人人都要飲返碗, 無MSG o黎講都算唔錯, 但感覺火喉未夠, 尤其是唔多覺有陳腎出現.service 很好, 非常有禮貌兼好笑容.overall 都唔錯, 不過不失, 叉燒這回事始終都係再興好~

燒味好味,老火湯不含味精,更難得是完全禁煙,座位也舒適,值得再去!

嗰日行到中環成7:30pm，個腸胃唔係咁多妥，附近又無粥店喎，好彩經過金華，我叫咗碗生菜鯪魚球粥（仲有油炸鬼o架）好綿好好味，我朋友叫咗碟五寶飯（义燒、油雞、燒鵝、鹵味加咸蛋），我朋友起初仲以為五寶飯，一碟飯內ｄ餸應該好得返好少又或者ｄ飯會好少，點知又唔係喎，真係好大碟o架.....

呢度既燒味飯真係好正，店內之環境好乾淨。仲有，個例湯好足料，仲日日都唔同（特別係：粉葛豬展湯）！！Lunch成日同班同事嚟食，好多人，不過都值得！

這間商店價錢一點都唔平老實說係中環我都冇諗住平.....我叫了一碟燒鵝脾切雞脾飯價錢竟是$75 後來他說沒有燒鵝脾, 那麼我要了一碟切雞脾飯價錢$45 當然碟飯就沒有什麼特別不過其實價錢都不是太重要因為如果覺得唔抵大不了下次咪唔去可是這商店營業手法好有問題起初已經有人問我要唔要例湯我話唔要之後我發現台上有一個貼上宣傳佢地店內的例湯的保溫瓶心想那應該是溫水吧...因為我見到台台都有一個保溫瓶(不論有冇人坐的台都有)點知我打算倒少少啦一睇竟然係例湯然後即刻有個老伯同我講你攪過個壺野呀?我咪即刻係咁講'對唔住唔好意思我以為係滾水咋, 對唔住呀.....'(當時我真係好驚, 唔係又屈我要埋成壺湯嘛, 幾草野喎......)於是我係咁SAY SORRY.....雙眼都已經有淚水....因為個亞伯真係幾惡0家......我不停咁SAY SORRY......最後佢睥住我講'你唔整都整, 算啦...'咁先唔駛俾佢屈咋.......所以我係度提醒各位小心呢間野我自己覺得唔係幾老實囉....

行開中環突然好想食燒味飯,就走來試下.叫了乳豬肥义飯.乳豬十分脆皮香口,义燒也十分有咬口.$35好似有點貴,但好味又何妨貴少少,一次半次無所謂啦.

天氣涼涼地，食碗粥做早餐都唔錯，同事話呢度的生滾粥都食得過，所以就試試。叫了魚片粥，粥底幾綿滑，唔錯，至少過羅富記的；魚片麻麻地甜味，八點咁早應不是新鮮貨。10蚊碗幾抵，都食得過。

呢度雖然以燒臘店為名，但亦有粥粉麵及茶餐廳食品供應，夠多元化。以前以為這裡專賣燒臘，都奇怪佢點解咁早開，原來連早餐都有得供應，今朝經過，見價錢唔貴就試試。早餐15蚊，包火腿通粉、煎蛋、多士同奶茶，都算唔貴。食物味道還可以，奶茶水準比預期中好，估唔到燒臘店的奶茶水準都唔錯。

I cannot say this place offers the best Chinese roasts but the fact that my grandpa used to lunch at it every single day for over 10 years only means that this place must be good somehow! Remember to ask for lots of their roast-sauce on top of your rice!