金蘭花泰國菜 (已結業)

之前都嚟過呢間食，咁啱有人喺到慶祝生日，姨姨會熄哂燈唱泰文生日歌，好High本身今日唔係諗住食呢間，但嗰間實在太多人等位，於是我就提議嚟呢間泰國嘢，即刻靜靜雞訂位再預訂生日芒果糯米飯上到嚟得我地一枱客，好似包場咁一坐低一人叫杯嘢飲先，戴住口罩喺街行真係好熱！四個人總共食咗八樣嘢！好飽！！嘢飲我揀咗青檸梳打，好Fresh其他朋友都飲椰青泰式生蝦，好食，點汁夠辣豬肉碎生菜包，肉碎辣辣地好正，生菜都好靚糯米釀雞翼，好食！泰式串燒（3串牛，3串雞），我地都覺得雞肉好食啲恐龍蛋，幾特別，好食好食黃咖哩炸軟殼蟹，好多軟殼蟹，大大舊，不過食得耐就覺得咸咗啲；配薄餅食一流，薄餅都煎得好好食哂之後就準備上生日芒果糯米飯（太興奮唔記得影相）姨姨拎住咪講：生日快樂～跟住就上芒果糯米飯，同時播泰文生日歌，姨姨唱得好落力壽星女笑到流眼水其他staff仲會俾生日大字牌同生日帽俾壽星女影相用姨姨真係好得意，服務好好絕對會有下次

遠到而來去金鐘搵朋友食lunchLunch hour呢啲咁多人嘅時間有得網上book位好方便而且安排得好好，一上到去就有得坐—————叫嘢食都好快都唔使等太耐！朋友叫咗豬頸肉生菜包我就叫咗肉碎生菜包好大份好抵食，當正餐都得！之後兩個人再分享埋一碟炒通菜—————最搞笑係食食吓成間餐廳熄咗燈之後老闆同員工就用泰文唱生日歌（唱左幾次...老尷到😹）再捧出一個芒果糯米飯整成嘅生日蛋糕佢哋仲準備買props比客人影相超級特別又有驚喜！—————不過好可惜食得太匆忙忘記拍照

餐廳比較細小，喺樓上2樓，由於樓底比較矮所以環境很嘈雜，如想跟朋友飯聚，這裡並不是很理想的地方。去到泰國餐廳想飲椰青，竟然賣晒，當時只係晚上7:30。到最後8:30左右想叫甜品當然想食泰國名甜品芒果糯米飯，答案竟然賣晒因為沒有糯米，非常失望。其他食物一般，沒有十分特別令人留下深刻印象。

夏日熱辣辣又不其然令我諗起泰國不過依家唔去得旅行, 唯有食住泰國菜望梅止渴先啦天氣咁熱, 我地都唔想專登搭車出九龍城食, 咁就搵左係附近既金蘭花泰國私房菜啦我地叫左炸蝦餅、波蘿炒飯、生蝦同埋唔少得既芒果糯米飯炸蝦餅好彈牙, 蝦膠味道新鮮, 點泰式辣醬食係好正波蘿炒飯我地揀左雞肉, 飯粒炒得夠乾身, 餡料好足!!好好食!!生蝦又係食泰國菜必點之一, 蝦肉新鮮爽口大大隻, 正呀喂!!最後既芒果糯米飯, 芒果非常香甜又多汁, 糯米飯軟糯, 淋埋椰漿落去真係勁正

好耐無去食泰國菜，阿媽話有D想食，泰國菜好開胃，咁我哋都好有興趣。但係要搭車過海去九龍城食又覺得有D遠，我哋即刻上網搵，睇下港島區有冇近近地嘅泰國餐廳，咁就搵到金蘭花啦。餐廳環境都算舒適，唔係特別華麗，唔係特別靠裝修，有實力嘅感覺。前菜點咗幾款。酸辣鳳爪係酸酸辣辣，好開胃嘅菜式，阿媽食到唔停。我比較鍾意炸蝦餅及燒豬頸肉。2樣多好香口，炸蝦餅口感彈牙而豬頸肉有好多肉汁，好好食。泰式炒椰菜苗炒得夠火候，味道正正常常，份量都幾多。炒金邊粉又係夠鑊氣，調味甜酸辣平衡得好好，好食。蝦膏炒飯都唔錯，唔會過鹹，呢餐食得好滿足。

今日一班同事出去食飯，揀咗泰國菜。我都有一排無食泰國菜啦。呢間係樓上嘅泰國菜。點咗都好多款菜，但特別鐘意酸辣海鮮清湯，酸辣味好解暑，配搭返海鮮嘅鮮味，幾好飲。仲有兩款小食我都覺得幾好食。特色香葉豆腐：外脆內軟的豆腐，配上惹味帶點香辣嘅醬汁，好惹味。臭草煎蛋：臭草嘅香味幾特別，煎成一塊塊玉子咁，口感幾好。總括而言，睇落普通，但食落有驚喜嘅餐廳。大家都覺得可以再嚟食。泰國菜其實本身都有好多變化和組合，但好多泰國餐廳食嚟食去都係果幾味，好厭。偶爾食到新口味都幾滿足！

金蘭花泰國私房菜 (灣仔)黎間泰國菜館強烈建議要book位呀可以預留生日芒果糯米飯tim!😂南瓜燉蛋黎個係我最欣賞的泰色甜品好特別 可以預訂成個南瓜黎個甜品唔係成日有 如果想食就坐底就好問今日有無 然後留定啦最頂層係好香的椰子味然後就係香滑的燉蛋南瓜甜 而且口感好夾 而且都幾大個下香口 開胃 特色 推介😊Overall🌟: $ 28@1 ( 9 /10)

由於屋企係附近既關係, 呢間金蘭花晚市我就食過幾次, 午市就未試過今日work from home, lunch就決定落黎食啦我就叫左個豬頸肉煎流心蛋飯豬頸肉一向係我最愛, 個種爽口得黎但肉質幼嫩既複雜口感係最得我歡心呢碟飯都足足有8-9片豬頸肉, 每件都大大塊, 當然肉質都無令我失望啦通常食得豬頸肉都會配埋一碟自製醬汁, 呢度都唔例外, 外附左一兜仔醬汁, 酸酸辣辣又微甜, 確實令豬頸肉既滋味昇華不少煎蛋唔好睇佢平平無奇, 篤開就見到非常澎湃既蛋黃流出黎兩種食物配搭埋一齊, 便是最強組合

灣仔區搵嘢食都唔易架，尤其想食泰國嘢。呢間樓上泰菜我就幾推介啦！因為真係有好多菜式係出面泰國餐廳無得食嘅，例如恐龍蛋啦，臭草煎蛋啦等等。有多款菜式揀，又做到正宗泰國嘅味道，都真係唔易。今次就想食咖喱，我就揀咗青咖哩豬頸肉撈媽媽麵，咁多款咖喱我就比較鐘意青咖喱，因為較為辛辣，食落無咁甜膩，呢度都整得幾好食，食落好香，配上麵食好開胃。朋友就揀咗紅咖喱炒素瓜，紅咖喱睇落好似好辣，實際辣度會比青咖喱柔和啲，配上瓜菜食就更加惹味可口，唔鐘意食菜嘅我都忍唔住食咗好多。

This place is quite close to our office and we sometimes would visit this place for lunch. We went there for lunch today and all the food that we ordered were quite good.We shared the sticky rice stuffed chicken wings and the fried shrimp cake. Both dishes were very good that I would think that most of the customers would order to enjoy them. I had the Pad Thai and the noodles were cooked nicely with the right texture and the toppings were quite generous and the flavor was well balance between s

好耐之前有嚟食過一次，朋友初頭話嚟呢度食嘅時候都未醒起自己嚟食過。到咗呢度先唸起自己食過。上次嚟好似食咗個lunch，無試真味道。食泰國嘢，必叫串燒，海南雞，炒金邊粉，冬陰功湯。咁先可以試真係咪夠正宗！串燒揀咗豬肉，肉質爽嫩，配上醬汁，好惹味。海南雞，不過不失，味道都唔錯，肉質嫩滑。炒金邊粉，幾鐘意呢度嘅金邊粉，炒得乾身，有鑊氣。冬陰功湯，我自己飲咗兩碗，好鐘意呢種酸辣濃郁嘅湯。味道真係唔輸係泰國食嘅質素，服務親切，環境開揚

食泰國菜無非都係尋求一種酸辣滋味，今次嚟到呢間泰國餐廳大部分都係揀咗啲酸酸辣辣嘅菜式，餸飯得嚟又開胃。我覺得有兩道餸味道唔錯。一係酸辣太陽蛋。配上酸辣嘅醬汁，更突出蛋香，去除了油膩。原來太陽蛋都可以咁好食，醬汁果然係食物嘅靈魂。二係青檸蝦。蝦好爽彈，配上青檸汁，清香得嚟好開胃。恐龍蛋 ，恐龍蛋係用蝦膠包皮蛋整嘅，外脆內軟，算係幾好食嘅小食。細嘅冬陰功湯，兩個人飲啱啱好，酸辣味平衡得幾好。地點係樓上鋪，空間大，座位闊落。

一向好鍾意食泰國菜既我,今日男朋友帶左我去試一試金蘭花泰國菜館。近排返工因為小小事好唔開心，所以收工好想化悲憤為食量，於是男朋友就上網搵左依間泰國菜。我地黎到既時候，人比較少，唔洗等位,雖然得兩個人，但我哋兩個叫咗好多野食。好似豬手同豬碩肉咁。個人覺得脆皮豬手，一定要試皮好香脆，仲有泰式燒豬頸肉，啲肉夠嫩，同埋佢個調味醬汁，十分出色，酸酸甜甜好開胃！最後仲有佢既炸蝦餅，炸得好香口，我食過咁多間泰國野最好食既，另外，依度重點啲店員服務態度好好，會幫手好快咁收晒啲碟，所以值得一讚，食到最後，我發現本身心情唔好既我個心都舒服左好多，唔通真係悲憤化成食量？

幾個同team同事約食dinner，因為要OT所以都係港島區食，慳番D搭車時間。呢排好忙，個個都做到死死下，胃口都冇乜，所以揀食泰國菜。泰國菜通常都會帶酸酸辣辣，開胃又可以刺激下個味覺，食完個人都會醒神一下。冬蔭功湯 - 好足料，有好多隻蝦，菇菌都唔少；辣椒、香茅、南薑味道平衡得唔錯，唔會過酸或者過辣。 香葉辣椒炒肉碎 - 雖然加了辣椒，不過都唔係太辣，落咗金不換及魚露一齊炒，用嚟送飯就啱晒啦。小食拼盤 - 味道正常，比較鍾意個炸蝦餅，夠彈牙龍眼冰 - 食親泰國菜我都鍾意飲龍眼冰，呢度嘅龍眼冰味道清甜，都幾濃郁，唔會淨係得甜味。加埋個馬拉盞通菜同蝦膏炒飯就飽晒啦。

We randomly dropped in this restaurant as we were exploring Hennessy Road as we were walking from Wan Chai towards Admiralty. This restaurant is hidden inside a commercial building. It’s quite easy to walk pass it but somehow we didn’t miss it. We were very pleasantly surprised by the quality of the food. We had half dozen Thai chicken satay, stir-fried baby cabbage, prawn cakes and curry. The prawn cakes were crispy on the outside, light and fluffy on the inside. They tasted great and I enjoyed