金記冰室 (皇室堡) (已結業)

金記冰室以前係apm都有食過， 食物質量同服務都算唔錯。上星期行過見到皇室堡pastaholic變咗金記，反正要快食，就即管試吓先。入座時門前檢測嚴謹，感覺唔錯。但入座後基本上無人理，掉低個QR CODE就自己攪掂。座位偏窄，檯同檯之間只可勉強側身行過，連主要通道都只可一人穿過。檯同櫈自然都唔大，但最攪笑係舖頭嘅碗碟係全部都不規則形狀，碟邊出奇地闊。全程食嘢要非常小心謹慎，唯恐推咗碗碟落地😳！好啦！係時候入正題講返食物。當日叫咗兩個常餐，早餐一樣嘅炒蛋同火腿通粉，總算對號入座。炒蛋算係滑身。但另外生炸髀公仔麵🍜同沙律就真係攪唔掂。首先，menu寫明生炸雞髀，但係隻髀好明顯係煮熟後，係咁姨炸一陣，塊皮得條邊係脆邊，成塊雞皮都似鹵水咁，咬落去淋身嘅🤔沙律食落有少少變咗，應該唔太新鮮。另外，公仔麵嘅湯底只係有色，但係無味嘅。明白新開要d時間去fine tune,但廚房整嘢就真係有啲偷懶啦、希望公司管理層留意吓

金記冰室終於開到銅鑼灣啦，仲要喺皇室堡2樓勁方便！門面同室內都好光猛整潔，職員都好快手同有禮貌，第一個印象唔錯！室內環境都幾寬敞，入到門口分咗兩邊空間，落單係用手機自助落單，介面清楚易明，操作簡單，而且上菜都幾快。呢度嘅套餐可以自選中式老火湯或者西湯，而月老火湯每日都唔同，今日星期三就有雞腳雪耳南瓜湯。《 無骨海南雞（套餐）油飯 $80 》（配中/西湯 及 餐茶） 餐湯揀咗老火湯，香濃冇溝水，用雪耳同雞腳煲入口好滑，有飲骨膠原嘅感覺。海南雞賣相唔係特別吸引，但係入口有驚喜，雞有調過幾入味，同埋都算滑；油飯都香，而且夠爽唔會油膩；加$10 配特飲 《 薄荷雜果冰 》 朋友話唔似藥水味都幾好飲，而且高薪大杯，感覺幾抵。《 鐵板西冷牛扒 $ 108 配 意粉 燒汁 》（配中/西湯 及 餐茶） （選擇西湯、自選五成熟 及 醬汁另上）然後西冷牛扒用鐵板上夠晒新鮮熱辣，見到都已經好吸引～ 切開雖然已經係八、九成熟，但係肉質鬆軟而且肉味夠濃，加埋燒汁夠提味，整體令人滿意。西湯係羅宋湯，味道好香濃，微微地辣幾開胃。開頭以為係普通茶餐廳冇調味嘅意粉，點知係一大碟蕃茄味意粉，又幾好味喎。半碟有西蘭花、