金記冰室 (黃大仙中心南館) (裝修中)

呢個焗豬扒飯好食！茄汁唔太酸又不失蕃茄芝士味道，微酸，濃稠，焗得啱啱好。豬扒係我食咁多間最厚既，有成吋厚，肉嫩有肉汁，十分好趙，食完講哂粗口。加上點漿煎過，入囗更香。都係蛋炒飯底，乾食好味道。Auntie推薦。

之前都食過呢間，喇沙麵都唔錯。呢次海南雞午餐，唔算便，但超難食，米係生熟混合，有啲係爛米，有啲係生到好似無煮過。真心唔推介呢個。奶茶又唔俾糖，其實可以做好啲服務囉！不過唔會再食呢個間！超級失望

金記的中餐小菜式，我很喜爰，中式菜就最喜歡，所以今日來到黃大仙，揀了食金記。餐廳一排排的卡位裝修，坐得非常舒適。涼瓜炒牛肉$68涼瓜炒牛肉，鼓味非常香，牛肉不會鞋，而且還帶嫩滑，甘甘涼涼的涼瓜沾著牛肉汁，特別的好味。金牌乾炒牛河$62乾炒牛河也不遜色，炒得頗香，配有銀芽，所以有爽脆的口感，牛肉的份量頗多，河粉炒得不會太干身，頗香口的！！咖哩牛腩飯$65，咖哩牛腩咖哩味香甜，牛腩腍度剛剛好，裡面還有很腍滑的牛筋腩，特色香濃的咖哩汁，伴飯真的是絕配！！ 是我今餐最愛的一個菜式！還有我很喜愛的薯仔，又腍又軟綿，吸收了牛肉咖哩汁，特別的滋味！菜膽雞$68，雞肉煮到剛好熟，肉質很腍滑，菜心很清脆爽口。當然了，飲番個凍檸樂就更滿足了！

今日又黎到金記食lunch, 叫左個甜酸左宗棠雞飯第一啖食落好開胃，因為甜甜酸酸，又炸得岩岩好，肉質嫩滑，唔會乾身硬口個雞有d乾辣椒同紅椒，但食落就唔多覺有椒香，可能因為俾酸味蓋過而且食多幾啖感覺愈黎愈酸，食唔到太多

好耐未食過金記既沙嗲牛肉麵（係我既最愛）～疫情期間真係好少出去坐低食早餐，今早大約九點後（過咗最繁忙嘅返工時間）就去左食，去到大概等五張飛，都係一人或二人枱，職員都有問想唔想搭枱，我表明唔想搭枱，寧願等多一陣都冇所謂。之後入咗餐廳後職員叫我搭枱，我當時已經再表明多一次我不想搭枱，之後職員就好像一面不情願咁叫我坐一張四人枱，點餐之後過左一陣就有一位職員帶咗一位客人坐咗我對面話要我搭枱，當時心中無明火起，真係嬲爆，我已多次表明不想搭枱但職員無視我的意見堅持要我搭枱，咁點解當初店舖職員係咁問我搭唔搭枱呢？結果，我只用咗大概15至20分鐘好快咁用餐就走人。老實講，真係令我十分之失望，我當然明白餐廳都要賺錢，而且在疫情期間生意一定大受影響，但平心而論，職員已經問咗好多次搭唔搭枱，而我個人都表明很多次我不想搭枱，我可以等待，點解職員唔聽顧客嘅意見堅持佢哋嗰一套呢，如果當初職員表明一定要搭台就話姐～喺疫情期間應該都唔會再去堂食。結論：沙嗲牛肉麵幾好味，保持到水準，只係多士有少少窿邊。服務就有點失望

近日路過這食店見有屈臣氏哥喇的海報，曾幾何時飲過，好想懷念吓，昨晚（16/8/2021）終有機會一試。點了自選二人小菜餐及晚餐A新鮮菠蘿咕嚕肉，配上葡萄干，酸甜味道適中，好開胃，正，配料洋蔥及青椒好爽口，居然最快被食晒。惹味回鍋肉，過咸及太油，豆腐干好硬，豬五花肉煎炸得唔夠干，食落成口油，好肥，麻麻地。粉絲蝦干蒸勝瓜，蝦干鮮味，清清地，勝瓜好稔，都好食。中式餐湯料好足及濃餐飲當然選哥喇，兒時味道返晒嚟

金記冰室歷史悠久，由1967年至今，經歷多少個年頭，所以還能保持著懷舊美食，再加上現今冰室能吃到的中西美食，食物種類都多元化，無論早餐、午餐、下午茶或晚餐，都一樣不少選擇，確實符合香港人生活上多元化口味的要求。******************************金記冰室巿面上有不少分店，食過香港仔分店，味道和質素都有保證，這次放假，便來到黃大仙分店翻尋味道一下。從地鐵站而出，走入商場便見到金記冰室的入口。餐廳裝潢，還是保留著懷舊味道的格調，黃大仙分店地方不算太大，但座位也絕對充足，入座率都挺高。座位都夠寬闊，坐得舒適。和朋友結伴行街行得累，選上下午茶時段内進，所有餐食都是下午茶套餐為主，包括了中西式炒粉麵飯、咖哩菜式，以雞為主題菜式、湯飯類、沙律小食，三文治或包餐、兒童套餐、還有單選小食，最重要沒有加一收費，巿面餐室都已經少有不收加一費用。除了從餐牌點選，服務員下單，也可以在每張枱提供QR Code 自助下單，方便快捷，下單不久，食物很快便能送上。滑蛋粟米魚柳飯走飯底 HKD56，跟飲品可以以半價享用。選上飯類，可以扣底，多飯少飯，多汁少汁，走飯也可以。此外，可加錢另配油菜或餐

偶然去下冰室懷舊一下😎港式食物永不會輸！🤟🏻主打舊香港特色的冰室，佈置極具有心思，絕對要影影相📸..無骨海南雞飯套餐🍱雞肉嫩滑，精髓是那碗油飯！油香四溢！蔥油和甜醬油一併給你，增添不同風味😋..鐵板雜扒餐🍖本點了鐵板西冷牛扒，可惜當天已賣光🥲 雜扒餐份量都幾多，有牛豬雞扒，仲有煙肉香腸大番茄同薯條，香口，標準好食！..金磚風沙炸豆腐好香🤩脆炸外皮是那嫩滑的豆腐肉，惹味小食是也！另加配了菜心平衡一下肚皮🤣..飲品點了經典的黑牛同抹茶豆花特飲，黑牛用上舊時代流行的哥喇汽水配朱古力雪糕，略嫌哥喇汽水本來不突出而且無咁甜～而抹茶豆花特飲反而是驚喜，味道很好！質地很幻滑，想不到抹茶和豆腐的味道那麼夾

因為要抽疫苗大抽奬，所以要買個餐過$50。上載個發票去抽奬網站。我點咗個金記冰室四寶飯。個飯加個中湯，都係$59。個四寶飯有煎蛋、午餐肉、火腿及香腸。混入個蕃茄醬汁，咁就最好食。先講講個中湯西洋菜湯。好足料老火湯。好飲。四寶飯有四樣香港地度常見到的四寶。個煎蛋係啱啱煎好。午餐肉、火腿同埋香腸都係啱啱煎好。肉質嫩好，屬上等食材。混入蕃茄醬汁，加埋香口白飯，咁就好正。間食店橫裝好似八十年代舊香港。我個人誠意推介。

呢排天氣咁熱☀️真係唔想 #屋企人 為咗兩餐日日走去街市、返嚟仲要又洗又切😮‍💨 假期我哋幾兄妹多數都會帶兩老去出去食餐好嘅，weekdays就簡單，人叫吓 #外賣，走落 #茶餐廳 又一餐🤩呢日 #爸爸 想食 #中餐，佢提議去 金記冰室 - 1967 叫啲 #小炒，而 #媽媽 就見 #隔離飯香，跟人叫咗個 #鐵板餐西冷牛扒 嚟助興🥳 點解咁講？單係聽到 #鐵板 淋上 #黑椒汁 嘅「叫聲」就已經夠興奮，大大嚿厚切嘅 #蕃茄 做伴碟，好吸睛🤩 #西冷牛扒 嘅口感雖然比我食開嘅熟咗啲，不過依然保持肉汁，以冰室嘅質素嚟講算係唔錯😉 另外爸爸就叫咗個二人餐， 包咗兩個餸，我哋就揀咗 #菠蘿咕嚕肉 + #XO醬蝦球炒西蘭花， 兩個 #餐湯 同 #飲品。#XO醬好 惹味，#蝦球 又大又爽口😙 而菠蘿咕嚕肉層 #炸皮 仲係脆嘅，食落口酸酸甜甜咁，好開胃呀😉#金記冰室 整體設計以懷舊裝飾為主題，周圍佈置都特別，填飽個肚之餘，大家又可以打吓卡，感看幾得意吖😉

黃大仙金記冰室位於黃大仙中心地面自成一角，座位整齊寬敞，店面裝修擺設令人回憶起舊日香港，同時又能與時並進，食客只要用自己電話掃瞄入座單上提供的二維碼（QR Code)，便可下單，選擇自己喜愛的食物和份量，非常方便。最值得一讚的便是出菜的速度和準確性，善用科技加上服務員的效率，成功做到高效率而準確無誤。*鐵板套餐～羅宋湯羅宋湯材料豐富，紅蘿蔔、西芹、椰菜條煲得淋而入味。喝到甜酸微辣的味道，非常醒胃。～鐵板西冷牛扒老公選了蒜茸汁另上，避免了鐵板濺出嚟的汁液。五成熟的西冷牛扒厚而結實，要用點力切開，但肉質和味道不錯。配菜的原味道蕃茄、洋蔥丶薯條和西蘭花色彩討人，沾上蒜茸汁來吃，味道更佳。～鐵板海陸空為免熱氣，我選擇了將鐵板餐碟上。沙丹豬扒、雞全翼和魚柳炸至金黃色，再配上紅色蕃茄、翠綠西蘭花和微黃的薯條配搭賣相討人。沾上了蛋液來前炸的魚柳，入口嫩滑。一大塊的沙丹豬扒味道醃得不錯，邊皮位置炸得微脆，沾上蒜茸汁來吃味更佳。雞全翼皮炸得香脆，完全不油膩。肉質不韌，味道適中。～綿滑蛋白杏仁茶真意想不到的，這個熱杏仁茶是如此味美。杏仁茶果然是綿綿的，入口滑溜，味道適中，不會過甜。茶中的原味道蛋白入口清純

Yum affordable Cha Chaan Teng@Wong Tai Sin My families and I went to a restaurant called "Kam Kee Cafe" (金記冰室) located in Shop G9, G/F, Temple Mall South, 103 Ching Tak Street, Wong Tai Sin黃大仙正德街103號黃大仙中心南館地下G9舖Stir fried scallion beef蔥爆牛肉HKD$76..Hugeeee portion!!Great "wok hei"！pairing with double boiled soup ,a cup of drink and white rice...Highly recommended!!Value for money!!"Cutlet fish fillet bun"深海吉列魚柳HKD$30..Large golden crispy, crunchy cutlet fish fillet is sandwished between soft, slig

餐廳有好多分店，品質有保證。懷舊風格， 地方乾淨衛生。見佢有好多晚餐套餐外，仲有二人小菜餐都很吸引，有湯有飲品，菜式多。晚餐想食小菜有好選擇。晚餐有包埋湯，老火湯或紅湯，兩款都真材實料。老火湯清甜。羅宋湯濃味，帶點辣味，開胃。 先點揀了一個二人小菜餐。點了客家沙薑雞，例牌。肉質很嫩滑。沙薑味重，調較得好啱味。雞肉啖啖肉，入晒味。另一款是欖菜肉鬆四季豆。欖菜沒有硬繃繃的鹹味，但有欖菜香味。四季豆爽口， 香而不鹹，配飯一流。點了個小菜晚餐，鐵板牛柳粒。用鐵板上，熱辣辣。牛柳粒炒香 ，保留到肉汁。三色椒洋蔥炒到入味。

在港鐵站等朋友下班，一同前往餐廳吃晚餐。餐廳離黃大仙港鐵站C2出口很近。餐廳氣氛懷舊，座位舒適。眉豆粉葛豬肉湯，湯味清甜，粉葛口感綿軟。霸王雞面層舖上青葱和紅椒絲，雞肉嫩滑，醬汁不太咸帶少少甜味。XO醬蝦球炒西蘭花，XO醬味濃，蝦球大粒，西蘭花翠綠。新鮮菠蘿咕嚕肉，豬肉外層脆，內層軟，醬汁酸酸甜甜，配料包括菠蘿、青椒、洋葱等，很滋味。魚香茄子魚柳煲，咸魚香，茄子軟，魚柳不腥，肉碎多，配料包括青葱、洋葱、紅蘿蔔、辣椒等，醬汁惹味。雪糕紅豆冰，賣相美觀，很甜。綿滑蛋白杏仁茶，杏仁香，蛋白滑，甜味適中。總結：氣氛懷舊，小菜美味。

今日收工去到位於黃大仙中心的金記冰室，因為係晚市時段，人數都比較多，等了一陣就有員工帶我入坐，餐廳採用了搞QR code 自助點餐服務，介面都方便易用，點完餐唔使五分鐘，食物就開始逐一送到，認真快手。講下第一樣食物，金記三文治，亦即係公司三文治，用app落單嘅時候，仲會叫你揀多油、少油、多烘底、少烘底、甚至走油走烘底，配合返不同人嘅需要。而食物方面，食開公司三文治嘅人都係鐘意佢材料夠多，呢份金記三文治就完全做到我想要嘅野，有火腿、餐肉、番茄、芝士、蛋、菜，多種味道帶來味覺嘅衝擊，而蔬菜亦比到人清新嘅感覺，完美中和令人多食而不覺得膩。再黎就試埋金記嘅招牌生炸雞髀，生炸雞髀其實已經唔係每一間餐廳會做，重點係要即炸即食，金記的生炸雞髀外表金黃，份量亦夠晒大件，雞髀嘅靈魂唔使問當然係塊雞皮，咬落去極之酥脆，調味亦剛剛好，非常入味，經過滾油炸過嘅表面鎖起了內部嘅肉汁，達至外脆內嫩嘅口感，絕對係必食之選。主食方面有美式什排嘅鐵板餐配薯菜，有牛扒、豬扒、雞扒、腸仔、煙肉，份量十足，一個人的話都唔係人人都可以清得晒，鐵板夠晒熱，淋上黑椒汁，極有濃厚嘅港式風味。飲品方面，雪糕紅豆冰亦值得一讚，軟滑的雲呢