金豪酒家

營業中

休息中

📍 金豪酒家 (深水埗)深水埗青山道17號地舖金豪酒家位於香港深水埗,是一家頗具歷史的家庭式粵菜餐廳。餐廳自創立以來一直堅持以新鮮優質食材和精湛廚藝烹飪粵式經典名菜,為食客帶來地道的粵式風味。👉 鮮麻海花蛤💰148😋😋😋😋.9/5 這道鮮麻海花蛤以優質新鮮的食材為根基,展現了廚師的巧手。花蛤肉質飽滿彈牙,配合清爽的麻油醬汁,充分突出了海鮮的鮮甜美味。蒜泥、青蔥等配料為這道菜增添了醇厚的香氣,令人食指大動。這是一道清新爽口、口感豐富的下飯好菜,絕對能滿足挑剔的味蕾。👉 金豪和味雞（半隻）💰188😋😋😋😋.8/5 這道和味雞完美地平衡了鹹香與清新的滋味。雞肉肉質軟嫩,飽滿多汁,配上由多種香料調制的特製醬汁,令人回味無窮。醬汁不但入味,還能帶出雞肉的鮮甜。這道菜色香味俱全,無論是獨享或與他菜一起享用,都是非常美味的選擇。👉 砂煲芥蘭啫爽肉💰98😋😋😋😋.6/5 這道砂煲芥蘭啫爽肉煮得恰到好處,芥蘭嫩滑爽口,啫爽肉肥而不膩,沾上湯汁一起吃頗有回甘的感覺。煲湯的過程中,各種香料互相融合,釀造出香濃醇厚的湯頭,與肉質和蔬菜完美協調。整體口感清新爽滑,讓人胃口大開。這是一道營養豐富、溫暖人心的經典家

比較少係深水埗食飯，朋友約有間唔錯既小菜，一齊試試佢🍽️頭抽霸王雞（半隻）餐牌註明係用本地農場新鮮雞，調味熟度各樣都剛好🍽️清蒸班頭腩見道個樣都覺得好唔錯，厚身但一d都唔嚡口，鮮味唔腥，魚皮個位有咬口充滿膠質😋配埋黑白雲耳配菜同適量既蔥絲，好味，推！🍽️翡翠炒球龍躉球煎香有口感但唔嚡口，魚皮煙韌，好似食緊肉甘，西芹爽口加埋黑白木耳，好味👍🏻🍽️豉油皇中蝦🦐一碟有6隻，每隻蝦都開左邊，剝走個蝦頭再一拉就起左d殼，食得！肉厚實同惹味，6隻4個人食有d唔夠喉，下次可能要叫大份或者兩份😋🍽️ 上湯浸豆苗清甜唔多油4個人，5碟餸，大家都覺得每樣都幾好味，邊講邊傾，就掃曬真材實料有質素🙋🏻‍♀️ 有下次

放工約咗同事食飯，同事介紹就嚟咗呢間金豪酒家，雖然有兩間舖，但係都差唔多滿座，氣氛熱鬧，好彩book咗位，暢通無阻。同事就拍板叫咗呢幾味菜：✨龍躉兩味之一（清蒸班頭腩）呢碟清蒸班頭腩，蒸嘅時間啱啱好，淋上豉油蔥汁非常鮮味可口。✨龍躉兩味之二（翡翠炒球）呢個翡翠炒球非常推介，成碟菜所有配菜我都鍾意食，入邊有芹菜，木耳，菇，加埋肥美新鮮嘅魚球去炒，成碟菜色澤均勻，好啱撈飯食。呢碟菜最快清晒，配飯一流！✨豉油皇中蝦蝦肉新鮮，有鑊氣，配豉油王汁冇得輸。廚師亦非常細心，剪晒啲慘口嘅蝦鬚同腳再開邊，唔使用手滅都可以食到蝦真係好。✨頭抽霸王雞呢個頭抽霸王雞，係新鮮農場雞嚟，肉質當然比冰鮮雞鮮甜，配上廚師調製嘅豉油汁喺度做，讚✨上湯浸豆苗最後唔少得梗係要啲菜㗎啦，豆苗本身脆嫩，加上湯汁，令到豆苗清爽之餘帶點濃郁。整體味道唔錯，部份菜式仲好過酒樓添，而且店員服務好，會主動幫忙換碟。見佢枱枱客滿，就知回頭客有幾多啦😎

深水埗室內冷氣大排檔枱與枱之間都有啲距離好多人一齊食可以食得好豐富滿足特價海鮮孖寶幾抵食，有龍蝦同蟶子$13xx鮮麻海花蛤-點配醬油好入味，蜆肉大大粒-大大粒黐實隻殼，顏色鮮艷好吸精-處理得乾淨冇沙避風塘尿蝦肉炸子雞（隻）不過不失啦，有待進步中包翅色澤自然，絲絲分明而有彈性，鮮味濃郁，教人一試難忘果皮蒸南非鮑魚（隻）果皮係好出👍大大隻，彈牙清蒸已經好好食😋上湯焗南澳龍蝦伊麵-龍蝦肉鮮嫩多汁，湯汁濕潤醇厚，麵條吸收了湯汁的鮮味，入口綿密柔順-建議俾多啲伊麵😂蒜茸粉絲元貝-好少見蒜蓉落咁少，唔會掩蓋原貝味-粉絲好入味易入口，仲加咗啲金菇更加香-元貝新鮮，不過有啲散修修炸到金黃色，又唔多油，九肚魚非常煙靭，點埋個汁食都香口

同一大班舊同學聚舊，嚟深水埗食傳統大牌檔得別有風味。依家室內嘅大排檔有冷氣，仲可以坐得耐啲。我哋今晚都係點啲傳統小炒小菜。豉油皇中蝦海蝦炸過所以食落口卜卜脆。蝦肉都多同埋夠厚實，蝦頭入面都有蝦膏，加埋個豉油香味十足，餸飯一流。椒鹽豆腐粒粒細嘅一口豆腐好滑，炸皮好薄，可以話係外脆內軟。調味嚟講椒鹽好香口唔會太辣。啫啫通菜通菜用煲上，夠晒熱辣辣。佢地加咗辣椒絲、瑤柱碎同蝦乾去炒，夠晒香口。艷影蝦球剝咗蝦殼嘅蝦球食落啖啖肉，外層係薄薄一片嘅炸粉，沾上沙拉醬。食落好開胃👍🏼米網蝦春卷網紋春卷炸到好脆口，但又唔會好重油膩感。總括嚟講大排檔野食質素好，小炒夠獲氣，炸物香口。鋪位大冷氣夠，一大班人食得夠爽👍🏼

同媽媽慶祝生日，一行7人來咗呢間簡直中伏，首先入門口就已經瀨嘢，度自動玻璃門把我媽媽夾親，我入第一，佢跟住我入，度門感應不到她，撞到我媽的眼角腫曬，條脷都被整出血，我在前面聽見響一回頭她已經被夾咗了，入座後同店員反映呢件事，店員都話被個玻璃門夾過幾次，最後叫咗經理過來講咗唔好意思送咗碟涼拌瓜，我哋都當自己唔好彩點知後面的菜先激氣，叫咗個蝦乾通菜，上菜的時候簡直揾唔到蝦乾，最後我老豆揾暈全碟就得三四條幼咪咪的，嬲到我老豆當場發爛渣，又叫個經理過來，最後話換碟芥蘭，雖然蝦乾都係少，返大條返少少薑蔥焗桶蠔，如圖所示，薑蔥得兩三條，一擺上檯那一刻，我哋全部都呆曬，d蔥好貴咩？從來冇見過咁少蔥嘅薑蔥類菜品，差到冇人有，味道又唔好食最後全部才上完，係得個牛腩正正常常，其他都比一般還要差，絕對不會再有下次來呢間嘢食

一入到舖頭就見到個大魚缸 因為呢度有好多海鮮食㗎 我哋都嗌咗一個海鮮孖寶套有一條大龍躉 同埋蒜蓉粉絲蒸蟶子條龍躉比我想像中大 而且蒸得幾好 有火候啲肉啱啱好滑捋捋蒜蓉聖子嘅味道幾好 唔會話太鹹食得出蟶子嘅滋味 見到差唔多台台都叫咗一個大煲曬一聲原來係菜嚟嘅呢個係啫啫通菜阿姐會首先送上一個大煲 係好熱㗎跟住就會補上一大盆嘅通菜非常有鑊氣啲通菜都炒得幾香 而且味道幾好仲有蝦乾添另外在嗌咗半隻雞隻雞係農場新鮮雞 啲色澤都幾靚食落去啲肉夠新鮮最後嗌埋椒鹽豆腐外脆內軟送啤酒一流

深水埗區嘅傳統中式酒樓 總共有兩邊嘅舖頭 一邊滿晒就會帶你去另一邊真係平日都人頭湧湧架椒鹽豆腐 份量都幾多 豆腐好嫩滑出邊嘅椒鹽皮好脆未嚟主菜已經差唔多食晒😂海鮮魚＋蟶子孖寶 今日有呢個孖寶餐，魚係大大條既沙巴龍躉 & 聖子蒸得幾好喎 魚肉夠滑蟶子有蒜蓉同埋適量嘅粉絲四大條夠新鮮 彈牙爽口金豪和味雞 新鮮農場雞 整得幾好味 夠肥美 亦都多肉啫啫通菜 係先上一個熱辣辣嘅煲然後曬一聲，倒晒啲通菜落去超正 入邊仲有好多蝦乾飲埋杯啤酒，飲飽食醉

今日同朋友去咗金豪酒家聚餐，入到裡面，環境闊落，好多張大枱，適合多人聚餐。餐廳有好多唔同菜式選擇，有海鮮、炒飯、炒麵、家常菜、濃湯雞煲翅、避風塘小炒等。飲料有茶、啤酒、汽水等。我地點咗海鮮孖寶（包1隻避風塘炒蟹同4隻鹽燒聖子）、椒鹽豆腐、艷影蝦球、懷舊生炒排骨、啫啫通菜、米綱蝦春卷。蟹.蟶子海鮮孖寶本身點咗避風塘炒蟹同聖子，但聖子轉咗豉椒炒蝦，味道都唔錯。椒鹽豆腐豆腐外面包住一層椒鹽粉漿，炸得夠鬆脆。一口咬落去，食到外面脆皮，裡面豆腐又夠滑，味道唔錯。艷影蝦球，蝦球都夠大舊。懷舊生炒排骨排骨炒得夠入味，味道酸酸甜甜。菠蘿夠新鮮。啫啫通菜好特別，上菜後即時再炒一炒，好有鑊氣，通菜夠嫩。米綱蝦春卷

同朋友放工之後想搵地方食飯傾計，係openrice 見到呢一間位於深水埗嘅人氣酒家 - 金豪酒家入到去睇到餐牌都有好多唔同餐點，無論係海鮮、肉、或者蔬菜類，通通都有👍🏻避風塘炒蟹上枱嗰下朋友都嘩一聲🤣原隻嘅螃蟹遞上，員工幫我哋剪好哂蟹腳。螃蟹非常惹味，必嗌👍🏻椒鹽豆腐豆腐炒至金黃色，好似金磚咁，食落外脆內軟艷影蝦球大大個蝦球，入面真係有原隻蝦，外面淋上沙律醬，係一道較為清爽嘅餸懷舊生炒排骨排骨炒到香脆，食落啖啖肉啫啫通菜原本以為係一碟咁上，結果員工攞咗個沙鍋，即場炒通菜，好夠鑊氣👍🏻米網蝦春卷香脆嘅春卷，米網比起一般春卷賣相更靚，而且冇咁油膩整體而言，菜嘅味道出色，員工態度亦好好，會再嚟幫襯

同朋友放工之後想搵地方食飯傾計，係openrice 見到呢一間位於深水埗嘅人氣酒家 - 金豪酒家入到去睇到餐牌都有好多唔同餐點，無論係海鮮、肉、或者蔬菜類，通通都有👍🏻避風塘炒蟹上枱嗰下朋友都嘩一聲🤣原隻嘅螃蟹遞上，員工幫我哋剪好哂蟹腳。螃蟹非常惹味，必嗌👍🏻椒鹽豆腐豆腐炒至金黃色，好似金磚咁，食落外脆內軟艷影蝦球大大個蝦球，入面真係有原隻蝦，外面淋上沙律醬，係一道較為清爽嘅餸懷舊生炒排骨排骨炒到香脆，食落啖啖肉啫啫通菜原本以為係一碟咁上，結果員工攞咗個沙鍋，即場炒通菜，好夠鑊氣👍🏻米網蝦春卷香脆嘅春卷，米網比起一般春卷賣相更靚，而且冇咁油膩原隻大蝦蝦真係好大隻，而且炒得好入味整體而言，菜嘅味道出色，員工態度亦好好，會再嚟幫襯

📍 金豪酒家 (深水埗)深水埗青山道17號地舖金豪酒家以前收工食宵夜成日食，好耐冇食過決定去嗰度同朋友食個晚飯，佢記得佢啲嘢好有鑊氣好好味💕💕💕😆👉 龍躉兩味（清蒸斑頭腩、翡翠炒球）💰328😋😋😋😋.8/5 這份龍躉兩味拼盤集合了兩種截然不同的烹調手法,為食客帶來豐富的口感和風味體驗。清蒸的斑頭腩肉質細緻,鮮嫩多汁,配上清新的調味料突出了魚肉本身的鮮美。另一道翡翠炒球則展現了廚師的功夫,將肉質脆嫩的魚肉以熟練的炒作手法烹制,與翠綠的西芹交映,賦予這道菜輕爽怡人的口感。整個拼盤上乘食材加上精湛廚藝,絕對讓人大快朵頤。👉 懷舊生炒排骨💰138😋😋😋😋.8/5 這道懷舊生炒排骨帶來了濃濃的家鄉味。排骨肉質鮮嫩,帶有適度的柔軟韌度,在炒制過程中吸收了各種香料的香氣,形成了獨特的風味。配上脆嫩的菠蘿、青椒和洋葱,增添了層次感,讓人拍案叫絕。這道菜雖然簡單,但卻是極具道地風味的家常好菜,彷彿在家中品嚐媽媽親手做的美味。回頭:Yesyesyes，咁耐冇食，食飯都覺得佢嘅嘢食好有鑊氣好好味，難怪可以咁耐都屹立不倒，朋友第一次食都話好正會再嚟，同埋佢餐牌好多嘢都好似好正咁💕💕

朋友介紹, 當晚相約朋友8人飯聚,其中叫咗蝦干通菜, 但只有3粒蝦干(無影相）, 並非條, 係粒, 向侍應查問, 回答蝦干貴, 係咁多啦（侍應親眼睇到3 粒）, 向自稱老闆娘查詢, 稱唔會係咁, 會有7或8條蝦干, 並從廚房拿蝦干給看, 強調廚房無錯, 係客人攪錯,咁嘅服務態度, 點可以再幫襯,只是建議改進, 客人無要求更換或退回, 已經話客人錯, 鋪頭無錯° 同時其他餸菜份量少, 其中個老鼠班魚兩味(炒球及蒸班頭腩,$598, 份量細到2人餐咁, 問侍應,稱海魚係咁份量, 跟住行開, 意思客人食就食, 唔食就算, 最後朋友一肚怨氣離開°我都好想在港消費, 但咁嘅服務態度, 真係唔好成日問點解會返内地消費°

朋友介紹，話間唔中都會去食，有幾好食同埋成日都滿座，剛好有親友來港諗住帶佢哋去一齊試，一齊中伏用圖片說話😞😞當紅炸子雞，你啲雞油咁樣都夠膽拎出嚟俾客人食，真係好無言。。。 每一嚿得兩啖肉，其他全部肥到根本唔食得。。2-4舊全肥，點食啊。。。二百幾蚊一份嘅避風塘瀨尿蝦，你哋又分唔分到邊一份係避風塘，邊一份係椒鹽鮮魷呢？我問咗好多次，避風塘真係咁樣？？我話你張相，不嬲食開避風塘，都係啡色仲會有啲辣椒絲，你兩份都放啲炸蒜喺上邊就同我講係避風塘，唔係咁樣呃人呀嘛？下面嗰份係椒鹽鮮魷，ok,但係上面嗰份真係唔掂囉份通菜味道冇問題，但係點解全部都係通菜杆？？？？？？？？菜葉呢？？？？？唯一可取就係呢個蘿蔔牛腩，味道正常，其他我真係冇嘢好講，咁就1200$

深水埗食肆林立，要爭一席位確係不容易，呢間酒家經營都有一段日子，至今仍然好多捧場客，反應呢一間酒家嘅食物質素有一定保證。「砂煲芥蘭啫啫煲」先將砂煲燒熱，再放上已炒熟嘅芥蘭同爽肉，捧到上枱面，侍應再即席炒兩炒，即時白煙冒起，加上炒菜聲，簡直聲勢十足！芥蘭有鹹香味道，送飯一流，豬肉亦很入味，爽而不「嚡」，十分惹味。龍躉兩味「翡翠炒球」龍躉大大舊，炒得很香很鮮味，魚肉厚身卻不「嚡」，顯示炒功鑊氣十足，而配菜西芹也炒得很爽口，雖然表面上睇落好似好多油，但食落去嘅時候唔會油膩，讚！「清蒸斑頭腩」相較於「翡翠炒球」，清蒸並不是代表食得淡口啲，反而食到魚肉嘅新鮮，也看到蒸的時間掌握得好，加上面頭鋪上了蔥花，特蔥花混埋魚肉一齊放入口，層次口感提升。夏日炎炎，呢啲風味小炒一定要配杯啤酒先夠爽。