金輝燒臘

營業中

休息中

燒雞翼好似買了10多$20 ，都有四大隻，味道帶點甜味，有蜜糖的香氣，亦都有燒烤味，好像比較鹹。為免麻煩又有骨，第二次還是就咁買燒味飯。肥叉雞飯，當然吃叉燒就要叫肥叉，結果，叔叔切叉燒的時候我已經喜出望外，給了我一大塊叉燒頭，另外有一片看似雞脾的。返到去（開箱），就發現，叉燒相當好看，亦都帶點蜜糖味，旁邊帶點朝香，叉燒位置夠肥，雖然不算肥瘦均勻那些，另外叉燒頭都夠焦香。雞脾雖然細細隻，不過切開幾件，還是有點肉，不算太鹹，肥瘦均勻，雞皮亦都不算太過肥膩。你看看這個飯盒的質素，比起沙田區內大部份餐廳，不論是下午茶，定還是所謂海南雞飯的質素好得多，而且它還要只是$25。另外還送例湯，世上一碗，不過內裏竟然相當足料，又有紅蘿蔔、冬瓜、竟然還有大大嚿燒肉（連皮），雖然喝落的味道感覺都是有點味精，比較鹹，喝完有點口渴，不過其實任何茶餐廳都是這樣的。經過大約一年在沙田區內搵食的經驗，發現很多餐廳都是名過於實，不論是連鎖，又或是排隊等位的餐廳，很多都是名過於實，牟取暴利，反而，很多街市裏邊的外賣店，可能因為節省了鋪租，給你的食品往往超出想像。

途經沙田，行下呢間近市中心既街市，想睇下買下蔬果咁整黎第日帶飯。上到2樓見到呢間金輝燒臘，被d燒味吸引左。由於都晚上約6點，所剩既都不多，証明左都幾多人幫襯。老闆見我望望下，就介紹左d鹵水，燒鴨。仲話咁晏好多都賣完，下次要早d黎幫襯。一場黎到，都買左幾樣：什錦鹵水 $80/斤鹵水鵝翼：好大隻，比想像中多肉，鹵水亦夠味。鹵水大腸，鴨腎：食落爽口，無怪腥內臟味。估唔到燒味檔既鹵水都有水準。义燒：得返瘦义，有些干干地，肉太瘦所以偏鞋口，燒蜜汁帶點甜味適中，再點附送醬汁來食加返少少分。下次要聽師傅講早d來買半肥瘦。燒鴨（1/4 隻 ：$30）：賣相不俗，皮有光澤，香脆嫩滑，肉質實但唔韌，不油不膩，點上甜酸醬，提升層次，這個有驚喜！鴨夠大肉多而嫩，燒烤亦剛好保持肉汁鮮嫩，推介！街坊價，在街市既燒味店黎講質素算唔錯，店主師傅人情味濃，值得支持既小店。

店面談不上有華麗的裝潢卻有一面金漆招牌呢✨雜綿燒味 滷水 ($80斤)✨👉🏻蜜汁叉燒晚上賣剩不多 剩下的比較乾和硬身不過吃得出甜甜的味道 燒過果然不同👉🏻蜜汁豬排骨 看上去乾身肉不多 其實骨邊黏著肉味道偏鹹 如果送飯中和一下就剛好👉🏻滷水牛肚 彈牙爽口的口感 味道也蠻鹹的說👉🏻滷水雞肝 質感硬身 鹹度同樣高 或者應用來佐酒吧

好耐無同呀媽行街市，今日既然佢老人家叫到，當然要陪下佢。買完魚同菜之後，呀媽就話不如今晚斬料番去食，燒味我最鐘意食，緊係話好！ 其實自己都好耐無行街市，不過依稀仲記得呢間燒味鋪細細個已經係度，不過呀媽一定清楚過我。佢話沙田街市開既時候，鋪頭已經係度，佢自己都成日幫襯，我由細食到大。 見到擺出嚟既燒味，色彩鮮豔，又有光澤。於是就斬左叉燒，燒肉同埋燒鴨番屋食。 打開發泡膠盒，先發現原來師傅都好細心咁將各樣燒味擺得整齊，仲諗住普通燒味都係求奇放埋就算，唔怪得開業多年都屹立不倒。睇番三樣燒味，真係比晒肉既部分我地，非常老實！ 叉燒肥瘦適中，表面有蜜汁，食落唔乾身。 燒肉，好有肉地，皮還帶少脆，連埋芥辣食一流！ 燒鴨皮脆啖啖肉，無咁脂肪，緊係要點話梅醬。咁多咁好食既燒味，結果當然係要再添飯啦！我發現金輝除左燒味本身味道唔錯，仲有一份人情味係裡面。

平時很少踏足新界的我，放假去朋友屋企玩無理由空手到人家府上。途徑沙田區街市，一樓是菜檔而二樓是燒味店及魚檔等。朋友說：「不如買D燒味加料啦!」我們立即打給朋友：「那一檔燒味店比較好?」他說:「金輝啦..30幾年老字號!」一到步，可能星期六下午時間，極多家庭主婦到金輝!!鐵扣上佈滿燒鵝、叉燒、燒肉，花多眼亂！好不容易終於到我，燒味店的種類繁多，有燒肉、叉燒、白切雞等！還有一些鹵味:掌翼、生腸、紅腸、牛雜、乳鴿等等！我們決定每樣要少少，可以試下不同味道。有1/4隻的燒鴨，叉燒20元及燒肉40元!經過幾小時後，終於開飯。燒肉仍然保持脆皮，半肥瘦加埋芥末醬，正!師傅將燒鴨切得很俐落，可見刀峰尖銳。燒鴨啖啖肉配上酸甜醬，送飯一流。叉燒稍為遜色，可能本人喜歡半肥瘦叉燒啦!街市內的老字號果然明不虛傳，怪不得那麼多街坊光顧。

一向好鍾意食燒味，咁岩今日行開沙田阿媽又叫我斬啲料返屋企，所以就嚟咗街市呢度睇吓有咩靚燒味。原來街市呢邊得兩間燒味鋪，咁就是但揀左間叫金輝嘅燒味，因為我鍾意食叉燒，媽媽就鍾意食雞，爸爸就鍾意食燒肉，一於咩都斬啲返去咁就皆大歡喜啦！叉燒來講我就中意半肥瘦，啱晒我口味，而且佢唔似出面啲燒味舖染色染得咁誇張，感覺幾健康。切雞來講肉質幾嫩滑，而且佢比嘅蔥油唔算好咸，所以我用埋黎撈飯哈哈。燒肉拎到返屋企層皮都仲係卜卜脆，爸爸食得好開心！仲順便斬左少少滷味返去，全部都好入味！最衰間燒味舖喺沙田咁遠，如果唔係真係三日唔埋兩日就要斬一次料啦哈哈！

途經沙田，打算為家裡的晚飯加菜。來到沙田街市的金輝燒臘打算買至愛的叉燒。在物價騰貴的年代，$20的單拼飯加例湯買少見少。晚上六時多來到，已剩下雞和紅腸，還有兩條燒肉。店員說下次要買叉燒得襯早，還有燒鴨都已售馨。最後師傅把僅餘的燒味，併成一盒，沒想到出來的賣相也不俗，還有半條叉燒。四款之中，雞最好吃，肉質嫩滑，雞味十足。有時候，不明白「雞有雞味」這看似理所當然的味道，何以成為一種奢侈。紅腸也不差，但沒甚特別。叉燒和燒肉都是全店最後一塊。肉太瘦而偏嚡，可以理解。幸而，燒肉的皮仍脆，補償口感，也不太咸。叉燒帶輕輕的燒烤香，蜜味適量，夠甜而不過份。味道不俗，只是輸了口感，只能怪自己太遲。店員和師傅的態度都是意料之外的有禮，比起太子出名而貴價的燒味店，金輝使人買得更開心。

媽媽話佢下午約左朋友，晚餐煮唔到，問我有咩提議，我就話不如買燒味返屋企，再煮碟菜煮個飯，簡簡單單咪得囉。返完教會，去左附近的大街市買，唔係好識去左間光猛，比較衛生D既去買。掛住D燒肉，放在枱上的叉燒都幾靚，感覺新鮮，叫佢切二人份量比我，佢真係可以切唔係好大舊的比我，態度仲要幾好，見到燒鴨都幾靚就要埋隻脾，加埋大大盒都係$100鬆啲，十分超值。返到屋企等埋屋企人返，8點左右先食得飯，啲燒肉皮仲脆的，肉質鬆軟唔會好咸，有少少肥，令肉不會太DRY。叉燒都係燒得好靚，滿有醬汁，外面有少少脆，入面仲好結實好香口。燒鴨皮脆肉厚，入口都唔覺肥膩，下次都會幫襯呢間。

年年老闆開年飯都要訂隻乳豬食,今年到我幫手搞(其實係猜輸左).本來想係公司樓下訂,但係上年果隻….下刪一百字…咁岩同老媽子講開,佢話街市斬開料果間咪有囉,食左咁多年水準有保證架.拿拿臨過年前去訂先,初五當日去攞果時已經見到有三隻豬掛左係門口老闆立刻張佢地全部入袋,見我一個人攞三隻豬仲立刻話幫手攞去我架車度,依種街坊街里既態度,扺你咁好生意.返到公司既相就唔方便出,不過各位同事對隻豬都讚不絕口,最搞笑係當老闆切豬時竟然問點解仲咁脆唔係平時果間咩?而最後都攞多件番屋企伙煲湯.

今晚收工返屋企食飯, 既然難得返屋企, 就響附近街市斬料加餸啦. 見呢間燒臘好多姐姐幫趁, 而且望落整齊乾淨, 所以一於試下佢.剩係油雞切雞, 燒鴨, 义燒等等都好多選擇, 仲有燒乳鴿都燒得好香口.最後要左幾樣試下, 有燒鴨, 燒肉同埋义燒.燒鴨皮幾香口, 皮下層唔會太多肥膏, 油脂豐富, 肉質飽滿肥美. 燒肉個皮夠脆口, 食落索索聲, 啖啖肉亦唔會太咸, 送飯一流. 义燒要左半肥瘦, 少少肥食落無起渣, 义燒既醬汁燒完都仲好甜, 肉汁豐富, 入口夠香.

今天，到朋友家中作客，豈能兩手空空，朋友愛吃燒味，所以到她家之前，去了金輝燒臘店買义燒，結果看見香脆的燒肉又想買，看見新鮮熱辣辣的燒鴨，又忍不住，多買一隻鴨脾，外賣盒的重量由一斤變了兩斤，難怪這裡是朋友時常掛在口邊的店家。燒味上桌，即時起筷，咬下一口燒鴨，㚈皮光澤香脆，肉質結實而嫰滑，帶點酥香，不油不膩，蘸點甜酸醬，口感更有層次，皮香肉滑的滋味，實在令人回味。 燒肉，肥瘦均勻，卜脆㚈皮底的一點點脂肪，令口感鹹香的肉質，更為香軟。吃燒肉時，自己就是不愛蘸任何醬料，最美的配搭，當然是一碗熱騰的白飯，夾雜著飯香氣之間，就只有那份純粹的燒香肉味。 义燒，是我的至愛，一定要吃肥瘦相間的，又是那點點油脂，令义燒肉質更加腍滑，這裡的义燒沒有艷麗的人造色澤，入口滲出淡淡麥芽糖的香甜，非常美味。 簡單的一碟燒味，搭配著我們的家常小菜，確實能令飯桌生色不少。

啊媽叫我落去斬料番屋企，叫有間燒味新開就試下啦！買左一條骨既燒腩肉同埋雞脾，雞全翼就走啦！價錢都好合理咁大個仔真係第一次比啊媽賺我買得好。燒肉肥瘦均勻唔再講，佢地係燒得好靚，而且唔會太咸。啊媽話買肉最緊要係揀啲白白淨淨既，好似呢舊咁。我最鍾意食舊雞脾，睇落好似好肥，但係肉質好結實之餘，仲係好爽口。真係好抵讚。

3-1-2016 (Sun)晏晝同男友買餸經過,男友見有我鍾意食o既煄蹄就叫我買,睇睇,好似唔錯,問吓幾錢?職員答$30.00,啊,要一盒啦.返到屋企打開又食,口感爽,味道濃,唔蘸蒜蓉醋食都夠味.而且佢底o個啲都係冇骨,啖啖肉;份量又冇偷雞,真係難得.,抵食係3.5分

見早咗收工就決定去沙田街市斬下料加下餸 見呢間啲燒味賣相不錯所以就決定呢間 叫了油雞同豉油雞 又點了叉燒 燒肉 個人來說就不太喜歡很油膩和肥的雞這間的合到好處沒有厚的肥糕另外雞肉十分鮮嫩 另外豉油雞十分入味送飯一流 我最愛的燒腩仔十分美味香脆的表皮一層肥糕配搭著一層肉質鮮嫩的燒肉美味非常

聽朋友講沙田街市有間特別好食既燒味，今日同媽媽行完街，特登去街市幫襯下啦！雖然係街市，但招牌都寧些唔同，睇落都有信心左。我地到既時候都已經夜晚7:00，所以好多野都賣哂啦。最後我地買左一條燒肉，一件叉燒同小小卥味。師父都好nice，仲砌到好靚，哈哈燒肉半肥半瘦，而且皮好脆，咸味岩岩好！自家制果然唔同！叉燒真係經典！係非常之咁入味，而且真係入口即溶，想食黯然銷魂叉燒一定要黎呢度！