金運來美食

營業中

休息中

工廠區來說，這是我喜歡的一間茶餐廳。價錢親民，大大碟，而且有實力，這裡的炒粉麵是有鍋氣的。這也是我常光顧的原因😋今天剛好完成工作，便來享受一個下午茶。花生醬西多士加凍飲 $31吃西多士特別有下午茶的感覺，西多士是香港普遍的食物，但好吃的就不是很多地方了。這裡西多士大大份，剛炸起，熱辣辣，厚厚的花生醬，大塊半溶牛油，還有任倒的楓糖，入口即溶，十分滋味🤤大熱天時配埋凍咖啡，精神爽利，咖啡十分香，奶及甜度亦剛好。飽飽了便繼續努力工作💪🏻

剛剛的星期六8號風球下波，星期日可以來觀塘看梳化倉。行到攰攰地，搵間餐廳休息吓，記得之前來過這間餐廳，炒粉麵很有鑊氣，大家可以試吓他的避風塘炒米， 值得推介👍👍。其他就一般般了😅今次叫了兩個下午茶，我食西多士，我太太食奶油多。西多士$29加杯凍咖啡$31 ，呢個時勢算係抵食， 加了花生醬味道不過不失，杯咖啡好濃。太太的奶油多$24加凍檸茶$26,奶多油多，烘底脆脆地都幾好食。抵食自選😂😂總結：一間傳統舊式茶餐廳，價錢親民，味道尚可

呢間野食品質素勉強過得去，價錢亦公道，但員工就真係好差，本人幫襯咗佢兩個月左右（每日）有個阿姐算勤力，有時去到咁啱佢地食午飯，呢個阿姐都食最後，真係唯一俾個讚佢，但其他員工就不知所謂，所謂寫單員工阿姐大約6個，就算食飯時間，有客唻都要落單架，就算佢地食飽都寧願坐喺度都唔招呼客人，算~可能係特色，人地老闆都唔出聲自己又出咩聲丫，最耐咪等3，4個字嗰個勤力阿姐終於有時間咪先叫野囉，其他點揮手都唔會有反應。今日終於要爆喇，從今以後都唔去呢間野，我食開早餐，即係有麵，配菜（蛋，餐肉之類）加件餐包，本人有個壞習慣，件餐包如果太硬或者污糟就唔食，今日嗰6位阿姐其中1位唻收我啲碗碟，無啦啦話我“下次走包啦，次次都唔食”呢吓我著咗喇，個餐包係個餐包括在內，我為咩要走包？？我俾咗錢食唔食係我自由，更何況我唔係次次冇食喎，唔通你件包放到硬哂或者有啲污糟我都要硬食？？呢吓我覺得好無理，我唔要求你地換第件包俾我已經好俾面，仲要話啲客人？簡單啲講食物質素唔算優質（30蚊個餐要求亦唔會太高），但服務質素就真係不予置評，用一個字形容“差”我相信有啲人睇完呢篇食評都唔會點評論，因為日日去食野都有客人嘈咁耐都冇人寫單架

呢間野食品質素勉強過得去，價錢亦公道，但員工就真係好差，本人幫襯咗佢兩個月左右（每日）有個阿姐算勤力，有時去到咁啱佢地食午飯，呢個阿姐都食最後，真係唯一俾個讚佢，但其他員工就不知所謂，所謂寫單員工阿姐大約6個，就算食飯時間，有客唻都要落單架，就算佢地食飽都寧願坐喺度都唔招呼客人，算~可能係特色，人地老闆都唔出聲自己又出咩聲丫，最耐咪等3，4個字嗰個勤力阿姐終於有時間咪先叫野囉，其他點揮手都唔會有反應。今日終於要爆喇，從今以後都唔去呢間野，我食開早餐，即係有麵，配菜（蛋，餐肉之類）加件餐包，本人有個壞習慣，件餐包如果太硬或者污糟就唔食，今日嗰6位阿姐其中1位唻收我啲碗碟，無啦啦話我“下次走包啦，次次都唔食”呢吓我著咗喇，個餐包係個餐包括在內，我為咩要走包？？我俾咗錢食唔食係我自由，更何況我唔係次次冇食喎，唔通你件包放到硬哂或者有啲污糟我都要硬食？？呢吓我覺得好無理，我唔要求你地換第件包俾我已經好俾面，仲要話啲客人？簡單啲講食物質素唔算優質（30蚊個餐要求亦唔會太高），但服務質素就真係不予置評，用一個字形容“差”我相信有啲人睇完呢篇食評都唔會點評論，因為日日去食野都有客人嘈咁耐都冇人寫單架

觀塘工業區內，原來有很多餐廳，大部份以食堂形式經營，隠藏在工廠大廈內。很多食肆在外面並沒有招牌，但在附近工作的朋友，便會知道地步。在openrice查找網友的評價，大多亦有不錯的留言，我相信單單要食勻這一區，亦要相當的時間。今午有事要去觀塘工業區，特別待至午市過後才食下午茶，以免飯市擠迫。記得曾有朋友，帶我去觀塘泳池對面一間美食坊食晚飯，頗為價廉物美，但已忘記了店名。今日再去又找不到，不過附近已有幾間有好評的食店，故先試一間叫金運來美食，因下午茶有我喜歡的肉絲炒麵，賣$36。果然如網友所言，二時過後食客不多，坐在卡位十分寬敞。負責為我落單的阿姐，明顯是個新移民，她笑容滿面，禮貌周到做事勤快，真要給一個「讚」！。但當肉絲炒麵送來時，我卻笑不出了，明顯的「superdry極度乾燥」，獻汁不夠！配料也不算多，只有一點肉絲、芽菜、紅蘿蔔絲和草菇，連舖勻麵面也不夠。吃一口試味，又意外地不錯，炒麵雖然沒獻汁，但炒到脆脆卻又不油膩，甚有鑊氣。本來我並不喜歡吃太脆的炒麵，較喜歡吃多獻汁的，但這個炒麵，又令我有新的體會，不錯不錯。雖然麵已經夠味，不過我想「吊吊味」提鮮，便問那個好笑容的阿姐可有豉油？她馬

位於觀塘工業中心一期地下的金運來美食，食物味道不錯，附近的上班族有機會可試試。而且下午茶也十分化算，下午茶時間不太多人，梳化位坐得舒適。點了一客雙併三文治，配料是炒蛋和火腿，配熱飲是$25。侍應姨姨招呼不錯，態度親切。熱華田的味十分濃，呷一口十分醒神。幾分鐘後，三文治來到了。麵包選用切了皮的那一款，炒蛋也頗滑，很夠熱，份量適中，不會太少。除了三文治，更有西多士、湯粉面和炒粉麵飯類提供，價錢約三十多元包熱飲。

觀塘吃午餐的地方相當大, 水準參差, 也真的要多試幾家才能找出心水. 這次介紹的, 水準算是中等吧. 過了一點半才來到, 比較容易找到坐位.XO醬肥牛炒烏冬 $46這裡的炒粉麵, 鑊氣是幾好的, 不過就實在下得比較多油, 多吃兩口, 已經覺得成口油了. XO醬是幾惹味的, 而且很香辣, 肥牛的質感有點點實, 如果能夠肥瘦均勻一點會更好.一客XO醬肥牛炒烏冬, 當然不太健康, 間中吃一吃, 也無問題的.

星期日晨運沿官塘泳池行到呢度已經行了個多小時準備吃個早餐附近接近工廈區，好多食肆無䦕行過見到門外招牌價錢幾實惠於是走入來，求其找個卡位叫了個蕃茄肉碎通粉早餐包括有兩㱁煎物我選擇長仔同歺肉個通粉吾覺得有肉碎囉有兩大舊湯骨頭，當放下果陣我仲以為有兩大舊豬軟骨蕃茄湯底都算濃郁可能真的用豬骨去煲但都唔洗比我架兩款煎物，歺肉顏色煎得彼金黃但是食落只是暖暖的可能一早煎好，是備用加熱長仔亦一樣，暖暖的麵包我沒有食，不過我都接觸過算是新鮮，好鬆軟咖啡十分香，啡味香濃地方都算大，估計有七十多個位見到好多地盆工人光顧仲有呢處一半以上是卡位今次是第二次光顧上次亦因為晨運而來的我估下次光顧都係瓜因為地點吾就腳除了在附近上班人仕

在附近取文件，在這午餐，叫滑蛋蝦仁飯賣相不錯,蛋炒得夠香 , 蛋佈滿飯面 , 入口滑溜有成十粒大大粒蝦仁仲好爽口.真係落足料我叫左凍檸茶，凍飲2蚊，甜度剛好不錯服務很好，環境相當乾淨及企理$38 以呢個價錢在工廠區算ok

該煨囉，食個飯要等27分鐘。老實說，紅日假期小弟都會到這裏吃個朝食，年中無休多勞多得亦是筆者對它存有好感的原因。再者，金運來亦是午市會有蒸魚的少數茶記之一，有時亦會去碰個運氣。出乎意料，這頓茶餐足足害我27分鐘呆呆的向著廚房（或許只是水吧）引頸待望 - 我的避風塘炒米。點菜後10分鐘不見人形走近，心有不妙，就向一位呀姐示意。誰知道，筆者還未說點了些甚麼，她先聲奪人，表示炒的要多等一下。好，既然你們如樓下的食評家所寫的一樣，事事一早心知肚明，小弟就為別出心裁的「避風塘」，跟你kill一下time。鄰座的男士若非如我一樣怨聲載道，小弟早就跑了，至少我知道逢要吃炒的，就要和耐性競賽。誰知苦盡未必甘來。27分鐘內，筆者為那個「避風塘」有幾多的聯想，有多少的期望。筆者甚至認為慢工出細貨、食過實會返尋味……小弟見識少，這碟米，你說啊，「避風塘」的就是那些辣椒嗎？筆者歇斯底里一般、破釜沉舟一樣，要找出與「避風塘」相稱的材料。結果就是，當廚子炒的不是米而是飯，多下一隻蛋和少許菜粒，揚州炒飯就成。一碟揚州炒飯所需的材料，包括火腿絲、叉燒碎、洋蔥片、蝦仁粒，就是這個所謂「避風塘」的所有材料。避風塘？這些文

今日去APM做嘢,唸住平啲去工業大廈啲食堂食Lunch..但係星期日好多都唔開..行行下見到呢間有開就入咗去張就下..叫咗個＂廚師推介＂嘅芝士海鮮伊面..等咗半個鏡吹咗三次先拎咗個＂白汁魚片伊面＂泥..貨不對版我都算啦，但竟然俾我係啲面道夾咗兩隻昆蟲出泥!!我問個呀姐點搞..佢竟然話＂可能D伊面吾啦，叫咗佢唔好煮㗎啦＂..原來佢地一早知有問題..但係照拎俾我食..我服呀..最後轉咗個平啲嘅快餐A..俾錢果陣仲要同個呀姐理論完先至肯改反做快餐價...總結：勿去!

看了貴網的 record，才知道這是一間幾新下的茶餐廳。今個早上，我又來為官中的早餐飯堂，打多一張卡。不想多說也要再說，工廠飯堂就是茶餐廳。舊式的，就是先購票後取食的快餐店形式；新式的，就沒有任何東西不像市面上的茶餐廳。也叫下一個公仔麵，不過他們沒有我想食的豬扒、雞扒。最後我選了久違了的午餐肉麵。我沒有特別要求蕃茄湯底，但店方堅決地給了我這個令我嘆為觀止的濃香足料的蕃茄湯。為何會令我嘆為觀止，因為我從來沒有想過會有這樣的湯底。這一倘麵湯，是一個足料得非常的羅宋湯，味道濃得很，而且有大大舊的骨頭，令本來平凡無奇的公仔麵，特別起來。麵是平平無奇的，午餐肉也是平平無奇的，吸引人，除了這湯底，也就是這湯底的料。蕃茄味香，肉味骨味濃郁。我是第一次食公仔麵食到連湯都飲埋。驚喜的公仔麵，而湯底也太神奇了。來之前，是完全沒有想過這兒會有一個咁特別既麵。