金銘潮州粉麵餐廳

營業中

休息中

放工去油麻地辦啲事，攪掂後搵食嚟咗呢間。都唔係第一次幫襯，不過記憶唔多，今日突然想食牛雜就再嚟嘗一嘗。晚上7點幾，客人唔多，所以座位充足，同其他食客都可以有啲距離。我就叫咗碗牛雜河。當中有牛膀、牛肺、牛大腸、牛小腸同草肚。好可惜一件金錢肚都冇，失望。牛膀薄而冇質感，其他都尚算入味，不過不失。大佬就食牛腩飯，牛腩食落都好有牛味，件件都有肥膏，甘香得嚟好邪惡。肉質都屬於軟冧至少唔黏牙。仲有大大嚿蘿蔔入晒味，腩汁濃得嚟都唔算太咸，送飯一流。食物份量適中，價錢中等，服務一般，所以CP值成正比。

在油麻地想吃點簡單的，偶爾找到這麵店。潮式粉麵一般予人一種粗豪之感，同類型的黃店選擇相對較少，吃過兩次覺得也值得推薦。炸魚皮 $12 魚皮堆成一坐小山丘，卜卜脆，大片不過鹹。 蘿蔔崩沙腩米 $50 之前吃過普通的炆牛腩，想試一下貴價的會否分別很大；崩沙腩上面有一層爽爽的筋膜，肉質又稔又有肉香，果然是一分錢一分貨。 墨丸雲吞米 $38 墨丸彈牙，偶爾吃到墨魚粒，是久違了的味道；雲吞蝦肉爽口，一口一粒，頗鮮味。 通菜 $12 菜翠綠，清甜無渣。 味精太多是一般潮式粉麵店的通病，幸好這兒下得不重手沒有特別口渴之感，是一再光顧的理由。

這店重開，價錢好像比之前更合理，真的不知道是否同之前同一店。油麻地要食粉面，真係唔多易搵，重開後去試試。牛什河（走肺），鹵汁味道剛好，不會只得死鹹，雖然花椒八角味食唔出，但我較喜歡呢種味道。好多人喜歡食金錢肚，但我又較喜歡呢種肚較淋，而牛腸有重牛「油」味，食腸除咗要乾淨，夠軟，就係要呢種油味另外，佢連直身嘅腸都整得好軟淋至於，凍檸茶少甜，睇顏色就知佢清新，唔係濃濃紅茶味過種。食粉面另一重要嘅配料就係辣椒油，係香辣而不太辣，喜歡勁辣嘅，就可能要落好多先夠午餐粉面凍飲加$8，呢個只$40，真合理抵食但唔好係冷氣唔夠，可能無閉門同疫情關係用板擋住風流動真係有點熱

話說今日就係油麻地附近做野，除左平時食果開果間茶記外，有咩食都唔太清楚於是決定行遠d食下其他野，見到潮州粉麵就走左入去啦見佢粉麵飯各式各樣都有，緊係食佢個招牌茶繃沙腩河，大意唔記得影個食物close shot, 咁個可粉湯底都係一般腩汁清湯，出奇地蘿白勁大舊，仲要一d渣都冇，勁 juice 有味，值得一讚，繃沙腩入口軟熟唔韌，唔錯，整體個麵唔錯我地坐果個位就近廚房，入面播一d節奏輕快既泰國歌，好chill 好正，聽足全程，別有一番風味其他menu

次次去電影中心睇完戲都嚟呢度食返碗潮州河，雖然近年來加咗好多次價，不過性價比都算合理。選擇好多，不過我次次都食貢丸水餃河，水餃皮薄料多，雲耳絲同蝦肉爽口，最正係配幾條菜，今時今日好多間粉麵店貴得嚟一條菜都唔俾架，所以食得好滿足！今次雙拼餐配嘅油菜得通菜，唔多啱食，所以揀咗涷奶茶，少甜都好甜，不過又幾好飲喎，好邪惡呀

周日安排油麻地半日遊…去完玉石市場參觀…再去已變為港人遊覽熱點…果欄批發市場!!...要托大箱大箱生果返屋企…當然要D氣力!!...在附近填飽個肚仔先......見到門前搶眼o既大招牌!!...門外貼滿店家o既拿手推介…似是吸引….又聞到陣陣香氣撲鼻…店內亦有不少街坊食客…就放心試啊!!二人目標一致…兩碗牛雜河就好了... 嘩!! !!...$33蚊碗…實實在算便宜吧?!...河粉多多…牛什豐富…牛肚、牛膀、牛肺…肥膏滿瀉o既超邪惡牛腸!!!.....款款大大件又夠晒入味…湯底濃郁…撘兩條靚生菜再一大湯匙油蔥粒!!...額外推介…桌上任添o既冬菜蓉!!!...跟河粉好配…絶對 將滋味提升呢!!...要個凍0茶…加 $10…如果家附近開分店就好了!! 哈!

今天去油麻地果欄買生果，泊好車行去果欄，肚餓，睇一睇手機，成點鐘，生理時鐘真準，行經看到呢間粉麵店都幾多人，就入去試試喇，不用等位，但要撘枱，無所謂，啲坐位都叫闊。好香牛雜味，但肚餓食飯係飽D，見到招牌是牛坑腩粉，所以叫了牛坑腩蘿白飯跟紫菜湯。女友叫了牛雑飯，再要杯冰O茶！滿足！上菜亦好快，份量不算太少，牛坑腩肥瘦相間，帶點點根，可見食材用料好得，炆煮入味又淋，蘿蔔清甜。點一點辣椒油，更增風味～！正！跟餐的紫菜湯滿滿紫菜十分足料。下次要試吓＂痴根腩‘，🤣🤣

師傅有好幾次都路經呢個地方，見到呢間食店，都不期然會想入去試一試，可惜每次經過嘅時候師傅都食飽飽，所以只能仿效大禹一樣，三次過門而不入，今日師傅終於能夠黎呢間食店試一試，皆因師傅要嚟附近睇場影話戲，既然你得呢頭梗係入去食得番一餐先。入到去都幾多人，求其搵個位坐低之後就叫嘢食，款式選擇都比較多，花多眼亂搞到師傅都拿不定主意，最後諗咗好耐師傅決定柯打一碗肥牛腩河粉，再加上一碟魚皮，作為今日嘅午餐。炸魚皮首先登場，12蚊一碟嚟講份量都算唔細喎，入口卜卜脆，一啲都唔韌，好香好脆，正呀! 等咗一陣一碗肥腩河放喺師傅面前，分量都唔細，先試試湯底，湯底香濃 味精唔算多，唔敢話冇，不過幾好味，至於牛腩，切得井井有條，牛腩入口香而入味，而且從一啲都唔鞋，配上少少肥膏，嗰個份量入口咁簡直一流到爆，河粉本身都幾滑，整體水準不俗。食飽飽之後再柯打咗一杯凍檸茶飲，凍檸茶都好大杯，一杯有四至五片檸檬，而檸檬茶底香濃而不澀，好味!總括嚟講師傅對呢間食店嘅第一印象不俗，食物質素非常之好，環境亦都算清潔乾淨，價錢大眾化合理，不過如果要食碗坑腩麵都要成四十幾蚊一碗，斷估質素都應該不錯，如果有機會再嚟嘅話，師傅都會仲想試下

今日過開駿發花園做嘢，諗住求其食，見呢間粉麵舖咁大間又幾骨子，所以就入去試試。見佢哋主打牛什同魚蛋，不過真係食唔到兩樣，咁啱又見佢哋有個牛六寶，入面包括牛腩、牛筋、金錢肚、沙瓜、牛腸同牛膀，有牛腩又有牛什，所以就叫咗呢個。呢個牛六寶可以㨂湯麵撈麵都得，不過我就想試食撈麵。撈麵可以㨂幼或粗，可以腩汁或蠔油。個麵上枱好靚仔吓，嚇一嚇，有喜出望外嘅感覺。牛腩唔係特別出色，中規中矩。牛什幾好，都入味。量嚟講算幾多，我差啲食唔晒。不過撈麵都60蚊，我覺得可以接受，總比嗰啲話自己出名收到好貴但量同質都唔好。不過最令人感到驚喜係個湯底。好少粉麵舖個湯咁有心機，用豬骨同魚骨整，係幾好飲。大家嚟可以試番佢地個湯麵。奶茶就麻麻地，太重奶味唔夠茶味。

今日又係義工日，去探訪前搵下野食先行到一間坐滿曬人既舖頭，本身明明寫係食雲南米線，但入口係潮州麵店面一坐低睇到有特價套餐，有菜/炸魚皮/野飲跟都係$34仲要俾我睇到有淨肺/淨膀，依家有得咁叫既舖頭已經賣少見少我對面個女士食淨膀，食得好滋味真係估唔到個份量咁多，夠飽足全日，肺仲有差不多十件，件件都大大件！真係物超所值👍🏼感覺新鮮，仲係好彈牙，好爽口，口感十足❤️唔係人哋梅冧冧果種其實我一直都係牛什既粉絲，我下次會試下佢既什，希望唔會令人失望。

乜料呀！今晚諗住唔太餓，食個清湯蘿蔔清清地啦，點知佢幫我加料。揾人同我講呢隻係乜黎既同佢地講左有不明物體係碗野入面，咁佢地都有即時換返換正常既俾我，不過，你夠晤夠膽膽再食先朋友叫左個雲吞鯪魚球米，無附送品不過雲吞size就屬細細粒，有粒蝦啦，皮薄，算係咁啦鯪魚球都係細細粒，不過無骨，不過不失。佢個餐其實仲跟油菜或飲品，二選一，一個雙拼麵加菜都係42蚊，算係平。不過，衛生情況唔多點，我唔會再去食羅。

相信好多人成日出街食飯，都好少機會會食到蔬菜而呢間金銘記跟餐可以送油菜，而且份量十足，絕對係賣點！店舖屬於典型港式粉面茶餐廳，佢地同隔離米線店合併，所以如果同行友人唔想食呢啲，亦都可以叫米線店內有各式粉麵同飯以供選擇，叫一個主食會奉送炸魚皮或油菜或熱飲，跟餐油菜有限定選擇，今日嘅跟餐油菜款式係通菜叫咗一碗牛肚河，牛肚入味，算是不錯 跟餐通菜都有一大碗，淋上腐乳，腐乳太多所以略咸，要浸落湯度沖淡啲中午果餐食到新鮮菜令心理上舒服不少$34一碗麵再加菜的確抵食

油麻地舊區街角，裝修有點古氣，吃的是潮州麵食，以牛為本。牛腩，牛雜，牛丸，還有魚蛋，魚片，...今天就来牛雜撈米，腩汁。牛雜包括牛肚，牛腸，牛肺和牛膀。配上清湯，清湯先熬煮牛骨，带葫椒八角辛香味，好喝。牛雜，煮之前，清洗工夫多。內臟處理最難拿捏在於平衡兩字。清洗乾淨，穢味盡去是基本要求，但若然不帶半點牛臊香，味同嚼臘，也叫人不是味兒。牛肚盡吸醬汁，牛腸甘香四射，牛肺軟滑中帶爽脆，牛膀最難處理，香中帶粉糯，不羶不澀。再配上自制的辣椒油，刺激得肥膩感盡去，简直是绝配。

呢間麵館比較大, 座位比較寬鬆 而且環境可以! 今次點jor 一碗南乳豬手麵！豬手好入味！ 外皮好Q！而D麵我最鍾意,爽口！ 湯底唔會太多味精！ 其次再推介佢既涼拌薯粉！ 都好好味！價格平！抵食！ 😍😍😍

It is my first time to try 崩沙腩 though I don't really know how many kinds of beef brisket.Fish ball is really goodLove this place