影片
更多
2018-08-24
471 瀏覽
師傅有好幾次都路經呢個地方，見到呢間食店，都不期然會想入去試一試，可惜每次經過嘅時候師傅都食飽飽，所以只能仿效大禹一樣，三次過門而不入，今日師傅終於能夠黎呢間食店試一試，皆因師傅要嚟附近睇場影話戲，既然你得呢頭梗係入去食得番一餐先。入到去都幾多人，求其搵個位坐低之後就叫嘢食，款式選擇都比較多，花多眼亂搞到師傅都拿不定主意，最後諗咗好耐師傅決定柯打一碗肥牛腩河粉，再加上一碟魚皮，作為今日嘅午餐。炸魚皮首先登場，12蚊一碟嚟講份量都算唔細喎，入口卜卜脆，一啲都唔韌，好香好脆，正呀! 等咗一陣一碗肥腩河放喺師傅面前，分量都唔細，先試試湯底，湯底香濃 味精唔算多，唔敢話冇，不過幾好味，至於牛腩，切得井井有條，牛腩入口香而入味，而且從一啲都唔鞋，配上少少肥膏，嗰個份量入口咁簡直一流到爆，河粉本身都幾滑，整體水準不俗。食飽飽之後再柯打咗一杯凍檸茶飲，凍檸茶都好大杯，一杯有四至五片檸檬，而檸檬茶底香濃而不澀，好味!總括嚟講師傅對呢間食店嘅第一印象不俗，食物質素非常之好，環境亦都算清潔乾淨，價錢大眾化合理，不過如果要食碗坑腩麵都要成四十幾蚊一碗，斷估質素都應該不錯，如果有機會再嚟嘅話，師傅都會仲想試下
入到去都幾多人，求其搵個位坐低之後就叫嘢食，款式選擇都比較多，花多眼亂搞到師傅都拿不定主意，最後諗咗好耐師傅決定柯打一碗肥牛腩河粉，再加上一碟魚皮，作為今日嘅午餐。
炸魚皮首先登場，12蚊一碟嚟講份量都算唔細喎，入口卜卜脆，一啲都唔韌，好香好脆，正呀! 等咗一陣一碗肥腩河放喺師傅面前，分量都唔細，先試試湯底，湯底香濃 味精唔算多，唔敢話冇，不過幾好味，至於牛腩，切得井井有條，牛腩入口香而入味，而且從一啲都唔鞋，配上少少肥膏，嗰個份量入口咁簡直一流到爆，河粉本身都幾滑，整體水準不俗。
食飽飽之後再柯打咗一杯凍檸茶飲，凍檸茶都好大杯，一杯有四至五片檸檬，而檸檬茶底香濃而不澀，好味!
總括嚟講師傅對呢間食店嘅第一印象不俗，食物質素非常之好，環境亦都算清潔乾淨，價錢大眾化合理，不過如果要食碗坑腩麵都要成四十幾蚊一碗，斷估質素都應該不錯，如果有機會再嚟嘅話，師傅都會仲想試下其他食物。飽餐過後，師父懷著滿意嘅心情去睇影畫戲。
牛腩河
$32
24 瀏覽
0 讚好
0 留言
炸魚皮
$12
43 瀏覽
0 讚好
0 留言
張貼
