金隆雲南米線大王 (已結業)

28 Dec 夜晚，唔小心入左哩間野......叫左個雞肉過橋米線。阿嬸掛住睇電視，將我碗野放到台既另一邊，要我自己伸長隻手移去自己面前。碗野冇乜雞肉，湯亦冇鮮味。食到一半，有隻小強浮左上面，唔通小強過橋果陣跌左落去？？？我黑住面遞手示意個阿嬸埋黎，指住隻小強，同佢講：「我唔要計數呀！」個阿嬸就拎走碗野，用湯匙拎起隻小強俾廚房既人睇。然後返黎我度取消我碗"小強雞肉米線"，一聲不響。今日上黎睇食評先知，原來哩間野咁差！！！環境、服務、食物質素係極惡劣！！！！！！

好耐之前過一次, 混亂得很, 印象唔多好, 就無再過啦. 今次見佢裝修好, 環境好, 以為佢會有進步...入到去坐低, 揀菜肉餃米線中辣and麻辣黃鱔米線小辣. 等好耐d食都未, 又見隔里d order 錯晒, 依然係好似我上次咁亂!米線終於, 其實都食得落口, 但所謂中辣米線, 湯底見佢紅紅的, 食落一d味都無, 配菜雖然多, 但一樣無味! 黃鱔終於食到微辣, 但鱔欠鮮味, 好硬身, 似係未解凍! 米線一樣唔夠淋wo, 等咁耐都唔淋?唉... 真係唔想俾喊面ga, 但之後係街邊茶餐廳又食米線, 都好味過呢度食, 成店都係賣米線, 以為會好食... 點知茶餐廳都好味過佢, 我無辦法唔俾喊面啦.

星期六下午同老婆來到渣甸方多數食豆漿&粢飯。。所以想試D新o野。。點知來左呢間野﹐真係好難食。老婆ORDER碟頭薯仔雞飯而我就ORDER回鍋肉米線。米線完全唔掂﹐普通附送既配料例如腐皮﹐芽菜,minced garlic & parsley...etc 都沒有。所以味道唔好味。雖然呢度叫米線皇﹐但係見唔到有人叫米線﹐反而多數人叫碟頭飯。。老婆個碟頭飯亦唔係好好味﹐而且賣相差﹐因為佢地係用個D監獄3-4格膠食盆盛載. 食個公仔麵都好味過呢度多多聲。一定唔會再來。

比個門面吸引左入去!!!我同老公兩個人去食燜肉米線: d米線都唔似米線, 好似食粉咁, 難食到想爆粗! d燜肉似5香肉丁, 完成食唔出佢邊忽燜過!成27蚊先得一個, d配料又求其, 一ｄ都唔似係過穚米線。黃鱔米線　：　ｄ米線又係難食到嘔, 我自問好鍾意食野, 但e碗claim野真係令我食2啖就冇胃口, 食左3分1都冇。d辣味跟本就係普通既辣油, 一d都唔醒胃。氣鍋雞: 見佢20蚊咁平,又唔知係乜東東諗住試下, 點知又係食屎!d湯冇雞味,係油+水, d雞肉係雞既頭頭尾尾,即係平時食淨唔食果d部分。p.s.個女士應服務態度好差.

男友仔想食呢間, 就試0下佢啦!! 兩個人叫左: 招牌過橋米線--都唔錯,幾大碗,夠熱,多料小鍋米線,酸辣湯底--都幾刺激,不過不失咁,勝在夠熱

和Nosn的經歷近似, 不過今日(星期日)沒有了那幾乎兩米高的廣告, 不過其他下午茶餐\\\的宣傳品依然健在, 侍應哥哥也老實告之下午茶餐\\\只在星期一至五供應。本想一走了之, 最後還是叫了燜肉米線, 不過不失。問侍應哥哥他們的經營手法, 他也顯得很無奈, 更笑說老闆請他回來不是要他送外賣, 而是解畫補鑊。呀老闆, 星期日下午四時銅鑼灣旺區全店只得三人十個客，總有點不對勁吧。

今日去到渣甸街的時候，大伙兒本想到附近的文輝吃午飯，但沒有位子，只好到這一間去。在店外有一個幾乎兩米高的廣告板是關於「特價下午茶餐」，另外，在店內也有縮小版菜單。於是因為大家都很是飢餓，馬上便落單。然而我們後來發現帳單上的數字比較菜單上的多了三分一的價錢！便立刻問落單的那位。他回應我們：「唔唔…哩個下午茶餐只係星期一至五至有架咋！」我們只好……唉…繼續吃，因為太餓。食物本身的味道不過不失。只是那種「手法」令人覺得很不滿！

今日LUNCH TIME 行完街都唔係太餓，2:25pm不如嘆下午茶，夏日炎炎都係食D開胃D0既好!呢度下午茶餐18蚊，我揀秘製腩肉酸辣米線加2蚊有杯豆漿。秘製腩肉都幾多同幾"稔"，面頭有幾隻辣椒以為好辣，但原來係錯覺(好彩)，米線咬口唔夠南記好，酸菜不夠多，配料又比南記少，不過有條小棠菜都好D! 豆漿甜左D。今日碗米線唔太大，好，食飽飽返到公司唔會恰眼訓喇!

成日經過呢間野好想入去試一試,但係試過之後就....=_=" !! D酸菜係咸既,一D都冇酸味,D湯係鹽加水,26蚊得一個餸...之後加餸要5-7蚊,佢既辣係用唔靚既辣椒油...攪到成碗野油到死...總之係難食!! 都係去返白沙道嗰間好好多!!

行街行到支力就搵地方坐下食下野啦~ 見呢間冇咩人就入去啦, 叫左個$98 二人餐~ 獅子球, 哇, 難食到丫~勁似用褒湯d豬肉殘渣去做, 冇味之餘仲要乾"憎憎", 勁"鞋"~清湯米線, 果然好清, 清到好似水加麵=_=" 唯一好食既係個炸"遊"魚~ 柸特飲,柑桔, 好似飲緊水~ 野食唔得, 服務又唔得~ waitess 姐姐惡到....最驚佢個d好似睇唔起所有黎食野的客人~~ 唉....驚驚~

去完老上海之後要拿拿臨搵雪糕，由朝早忙到夜晚連飯都唔記得食，行行下腳步浮浮，知唔對路，隨便搵間餐廳醫肚。成日未開齋，穩陣計叫碗三鮮米線，頭暈暈，明顯血糖唔夠，就叫碗玫瑰木瓜什麼什麼水，補充糖分。外表光猛，內裡地痞，碗玫瑰木瓜什麼什麼水上到來，靚妹侍應比條黏滿黑毛的膠羹上來，叫她換過條，仲傻兮兮的問點解，就叫佢用手捽下！然後換了條湯羹來，仲大鑊，黏著飯粒，明顯未洗乾淨，老實講，水記都唔會比呢仲羹食客，銅鑼灣舖搞d咁既野，是生意唔憂做？最後老哥換左條乾淨既膠羹來，算！（偶這懶蟲，平時懶得洋洋耍耍一段字插人，見到個靚妹真係激到啤一聲，不寫不可！）說這碗木瓜水，是取西雙版納的木瓜籽做，睇完介紹真的哭笑不得，就如某些料理店claim自己賣的是日本「神戶」牛一樣，得啖笑，是果凍加乾的玫瑰花瓣及某種花開的糖水做的甜品，清甜味美，面上的芝麻亦有咬口，唔錯。小鍋米線，三鮮是冬菇、白肉及木耳，清湯大概是雞湯西，麻油及胡椒味甚重，喝到尾才感到微微的鮮甜，大概是雞的甜味吧；米線軟腍，卻嫌煮過火，太腍，配菜都無乜好講，普通料子，$26一碗，算係咁。望望收銀櫃的公仔，是著雲南民族服的特色公仔，相信是惟一似雲南的地

某日lunch time過老銅同朋友食, 佢勁想食雲南米線, 諗起以前同人黎過呢度, 雖唔講得係好, 但又唔會差~第一致命傷- 米線- 超唔掂, 毫無米線的尊嚴, 一咬即斷, 好似食爽身粉咁...第二死亡點- 湯底- 我地兩個都係要酸辣湯底, 但我個小辣同朋友個大辣係無分別的, 根本係水溝辣油, 得個辣字, 飲兩啖已經胃痛...第三棺材位- 材料- 無論係我個鱔糊, 定係朋友個爆漿丸, 均係cheap貨, 鱔糊好似食死魚咁, 幾驚佢有孔雀石綠丫....雖然好浪費, 但我地真係...真係...食左兩啖決定唔食啦, 因為d野真係好恐佈...諗起仲驚緊=.=

金西無開,同事又話呢閒ok..咪試下囉..同媽咪叫咗assorted菇過橋線..完全無特別..米線又硬,一d都唔彈牙.....又無得換酸辣湯底...又無セ餸揀...好失望呀...媽咪話下次一定要食番金西..我都係咁話!!

早前行經銅鑼灣,心血來潮行入去食野,同男友兩個人,佢叫左一個客飯,我叫左一個過橋米線,再加多一個皮旦同青瓜.男友個飯我冇食到,所以都唔comment.講番自己個米線呢~~講真,麻麻地...米線唔夠滑,又太過淋,d配料又冇味,唯一叫幾好既係啖湯,清得黎都仲有雞既鮮味,一大碗湯,飲一半都夠飽.至於果兩款小食,估唔到又真係唔錯,食得辣既就岩晒胃口,因為都真係幾辣,但係辣得黎又好惹味,越食越想食(雖然食到出晒汗)

曾經有一段時間幾鍾意吃雲南氣鍋雞﹐以前住天后時有一間類似的﹐後來結業﹐很久沒有再吃了。上星期有一晚﹐經過門口﹐發覺人不多﹐便進來試試。點了一個最普通的雲南氣鍋雞(20元) ﹐一個雞翼(14元) 和菜心(10元) 。氣鍋雞的材料不少﹐雞肉亦算嫩滑﹐不過湯就太淡﹐喝不出雞湯的鮮味。雞翼(又係雞﹖)都炸得不錯﹐當然不能完全除卻雪藏味了。食物一般﹐反而服務不錯﹐兩位侍應(一男一女) 都好有禮貌。