金隆雲南米線大王 (已結業)

29-5-2009到銅記食快 lunch, 想去的勤記放大假, 求其入了呢間米線店搞掂. 叫了豬耳 + 豬膶薯粉 ($30)「小麻辣」湯底, 加杯豆漿 ($5) 以備不時之需.知道呢度供應的辣湯分「酸辣」及「麻辣」, order 時已對伙計再三提醒阿叔要「麻辣」, 最後仍然0黎錯了酸辣, 真係... 不過既然未試過, 加上 lunch hour 頗多人, 都費事叫佢換了:- 湯底: 當然無想要的「麻」, 幾酸, 好辣, 不過就係一味辣, 唔香 -- 歸咎 d 肉碎 (a.k.a. 疑似炸醬) 及酸菜太少又太 hea?- 薯粉: 叫薯粉明顯貪佢 Q , 但呢度的淥得好腍, 似「灰色版河粉」多 d, 掃興! - 豬膶: 0鞋口, 硬實,「可幸」份量較少.- 豬耳: 呢個多 d, 夠爽口, 好在...凍豆漿亦唔得 -- 無豆味, 無甜味, 仲要好稀, 咁樣收人 $5 一杯? 早知過人和飲算數!唔滿意, 唔飽 (已勉強食晒 d 粉!), 放低 $35, 速閃.

本身都okay.但服務就差到我想俾-5分!小鍋米線我叫左小鍋米線唔辣+魚餃.因為自己怕辣所以都唔會叫辣, 只會落辣椒油.辣椒油酸酸辣辣都唔錯, 落少少已經幾好.魚餃都okay, 唔會話煮過龍.服務就好唔掂喇, 雖然d野食好快上.但係成間店d服務員都冇"服務"可言!一開始我朋友(下稱a)叫左小鍋薯粉好似話要酸辣, 但佢黎左既時候就冇辣.咁a就搵個服務員(下稱b)黎同佢講冇辣.點知b同返a講: 可能佢冇落, 咁你想點?大佬, 你地做錯係要我地顧客諗想點?你即刻拎返入去左整我覺得我應該做既事!之後a食到就食完既時候, 發現d粉有字!咁佢又搵另一個服務員(下稱c)黎同佢講.c就話可能d芽菜既包裝紙冇甩晒佢, 跟住就丟左個匙.又問我a駛唔駛再煮過, 但a已經食完, 你再煮過有咩用?再者c既態度好差, 而且一句道歉既說話都冇!收銀既時候我地同佢講a個碗我地唔會俾錢.c就話: 你唔講我地都唔會收你錢囉..又話我地要脅佢, 仲講埋粗口!所以話, 我唔會再黎食.

無意中試過一次這家的過橋米線，湯底唔太差酸酸甜甜，幾開胃架叫了牛丸、雞肉做米線的配搭，用料不過不失埋單計數，一碗質素普通的過橋米線，盛惠三十個大洋價錢偏貴，但尚可接受 這家食店最特別之處，電視直播的不是本地無線或收費台，而是台灣的東森亞洲台另外，我見收銀的老闆娘帶有點國語口音，相信這家是由台灣人開的 還可能是綠營的支持者來的！

想吃得清淡一點, 走到渣甸街本來想吃潮苑或車仔面, 卻無意中行到這間米線店前, 不知何解竟然入了去! 唉真後悔!先看到一間叫"米線大王"的地方竟然有碟頭飯賣, 心感不妙... 再看米線的選擇, 為甚麼配料有芝士腸揀?! 已經知道一定不會好吃到那裡... 結果叫了 豬軟骨+金菇三寶米線不能多評, 當自己去了茶餐廳好了酥炸肉唉, 乾柴烈火之作... 所謂酥炸肉也不過是炸豬扒吧.. 又乾又沒有肉味, 這樣的質素收$28一碟也真過份玫瑰木瓜水店牌寫是飲品, 但我怎看也是甜品吧?! 還好味道ok, 有蜜糖味, 但木瓜籽也太像啫喱吧? 還是大救駕的較好原來這店如此多喊面! 早知如此就不必浪費我一餐晚飯的quota!

上星期六1:00見佢有位咪入咗去囖,叫咗碟薯仔蚊雞飯$30佢話星期六冇湯送要加錢叫野飲(餐牌冇寫星期六冇湯),我話咁唔該比杯水我,碟飯送到黎我就知道大鑊勒,只係得幾粒又硬又冇味嘅雞翼粒,薯仔只有４大粒(骰仔咁大),唔掛之得星期六食晏時間會有咁多位剩啦...我食咗半碟飯都冇人比杯水我,我總共叫咗佢四次先有個呀姐比我,佢地跟本唔忙(因為冇乜客)，服務態度可想而知,個碟飯跟本同豉油勞飯冇分別

尋日晏晝因有個人事務, 所以就必須去銅鑼灣, 做完私事就順便喺呢頭搵下野食, 行到呢頭見到呢間食店, 於是盲中中咁又去, 到左今日上黎睇下先知劣評如潮, 係咪真係咁得人驚呀?入到去地方唔算大, 師傅自己求其搵個位坐底, 跟住即刻睇下有咩好食; 最後師傅要左個小鍋米線, 而要左三樣餸, 炸醬, 醬爆沙魚丸同埋五香肉丁, 再要個麻中辣, 另加多杯凍檸茶!等左唔使好耐小鍋米線就有得食, 師傅第一時間就試下個湯底, 湯底幾辣而且都幾麻, 唔錯喎; 再試下炸醬, 炸醬份量幾多, 空口食都幾鬼咸, 味道一般; 醬爆沙魚丸得兩粒, 咬口好腍唔爽口, 加上咬開一刻都唔覺佢爆, 有d搵笨; 而五香肉丁就勁韌, 都唔明點解罐頭貨都可以咁差; 米線咬口都幾煙韌, 口感都幾好, 可以啦; 而凍檸茶就幾大杯, 味道就普普通通, 可以啦!總括黎講米線質素普普通通, 環境就一般, 但最衰係冷氣唔夠, 服務都係一般, 價錢就偏貴喇, 廿蚊碗小鍋米線, 五蚊一個餸, 加多杯凍飲又五蚊, 埋單四兜野, 以一碗米線黎講就幾貴, 唔算抵食; 師傅覺得呢間食店又唔係咁差, 但咁嘅價錢又有點兒搵笨, 食過今次之後師傅明白點解咁多

最好食既米線當然在荃灣! 而呢間就No comment啦! 不過, 佢地卻有一樣少人知既"雲南之寶" <-- (我自己改既!).....登登登登.....就係涼透心的 **玫瑰木瓜水**記得數年前來光顧, menu有呢樣野都幾好奇, 一試就難忘!! 平時行開CWB, 會專登去食一碗, 夏天尤甚! 有時仲外賣2杯返屋企添! 佢地用d雲南天然木瓜粉整成Jelly狀, 另外有d草本植物煮成既"涼水", 再加玫瑰花香, 一碗清甜冰涼既木瓜涼水就誕生了! 味道真係很特別, 夏天熱熱地, 真係一要試啦! ^^

今日3:30 黎食, 人唔多, 落單時已感受到呢間野的不知所謂! 講每個字都要好大聲、好慢同repeat 幾次,個 waitress 先明! 問佢酸辣係咪少辣, 佢話佢未食過唔知! 我叫左黃鱔小鍋米線, 男朋友叫左香酥肉小鍋米線。 黃鱔勁咸勁多骨, 超難食, 食左2舊已經放棄左 男朋友個香酥肉 (同米線分開另上的) 仲"勁", 簡直係一碟香酥炸粉, 得2舊仔係真係肉問個waitress 點解我地碟香酥肉淨係得d粉, 佢話呢d野佢唔知, 叫我地問老板娘 (我地坐收銀台磅), 跟住個waitress 就叫老板娘, 老板娘即時9秒9走左出外面, 完全扮聽唔到!!!我地見到都費事再問佢, 當買個教訓, 下次唔好再黎就算!!

今日去叫左碗豬大腸 + 肉醬 + 雞中翼紅薯粉.紅薯粉好似同我o係第二度食過 o個d個樣同味道有d出入, 不過都唔算難食呀.豬大腸鹵得幾入味, 肉醬合格 (但以前o係第二度食過d更好食o既), 雞中翼味道OK, 不過凍凍地.睇左其他網友的大部份評語, 都話間野衛生唔好, 員工服務態度差. 而我就發現唔到有小強同大強o既出現, 亦無蚊同烏蠅.至於服務態度方面, 有個貌似老世 (相信應該係老世) o既人坐收銀位, 幫我地落單同埋單, 服務態度都好好, 多謝前多謝後, 又好笑容. 而送野黎o既阿姐又唔覺有乜唔妥, 可能我遇唔到有問題o既員工啦.

星期五放工行過,見到佢個名咁扮野寫住米線"大王"寫到咁巴閉,就叫男友部我入去食入到去,個侍應就是但指張檯俾我地坐無餐牌睇喎!都唔拎一張俾我地,攪到我地要問其他食客拎!(間店又唔係多食客喎!)之後點菜,叫個小鍋米線,禮貌上問個阿姐可唔可以"多芽多酸"(好多米線店都可以!),點知佢即刻皺眉同黑面話:唔係唔得,可能要加錢囉!...咁我就話咁無就算la...我叫左:小鍋米線+豬軟骨+蘿蔔 & 凍檸水茶男友叫左:小鍋米線+豬軟骨+秘制燜肉+雞翼好喇,米線到喇...哇!唔同左樣既!?我男友d雞翼變左雞翼尖既!?!?!?點知個侍應只係輕輕一句,無晒雞翼呀~雞翼尖都ok啦?!(對唔住都無聲!!!)我男友就話ok la~算la~好喇~d食物唔同左都算喇~哇~駛唔駛無味呀!?真係一d味到無!!!淡如水呀陰公!!我話叫多芽多酸(係佢自己話小鍋米線係包括酸菜+芽菜+韮菜!)佢淨係俾番normal份量我,我都算la,點知一條酸菜都無!!!我男友個碗都無呀!!!咩事呀?係你地自己話包有酸菜,一條都無?唔係路下話!?好喇~算~咁其他"食送"又點呢?豬軟骨....正正常常,無特別蘿蔔...哇!硬到丫!有無煮過架!?又

男朋友話想食下佢個勞米線,咪試下囉...點知...個米線一堆堆勞堆一齊,賣相就真係失色左點了.味道酸酸地,還可以接受,我就叫了一個大腸雲吞米線,雲吞又係得個二粒.真係比較小了點啊,最不喜歡是坐在芝toilet附近的位置..總覺得有點氣味的!!

2008年3月31日，金隆今天路過, 吃了小鍋酸辣豬軟骨番薯粉, 有以下感想：１．店裏有好幾隻小蚊蠅飛來飛去，很討厭。２．伙記很生手，我重複了幾次我叫的東西，老闆娘站在我身邊較她落單３．伙記很生手，忘了給我匙羹，後來旁座的客人也是要問才有。４．餐牌上明明寫著有韭菜、芽菜和酸菜，但我的碗內沒有韭菜和芽菜。已經吃到一半，算了吧。５．番薯粉很粗很滑，要很小心要住和嘴嚼，不然會正條吞下去，胃會受苦。胃痛人士要小心。雖然如此，其實番薯粉口感算不錯。６．個豬軟骨和湯底味道不差，差在錯漏百出。

記得以前成日自己一個食反時就到這裡.下午餐很抵的.(不過現在好像沒有下午餐了)過了一會沒食.我又返黎了.見到他有個薯粉.之前沒有的..就try try 吧.叫了個水餃小酸辣薯粉.點知原本是比米線細碗的.我叫了小酸辣.點知.一食上口..嘩..勁辣.唔知係咪個阿姐聽錯左呢?食到我好激呀.但水餃得2隻囉.勁小.唉..早知叫豬肚好過.$18一碗薯粉,$20一碗米線,要送就再加錢.水餃要加$6呀.得個2粒.

前幾日o係銅鑼灣行街, 行到地,就諗住求其入去間食店醫飽個肚先,咁見到呢間食店個門面好似幾掂咁, 就入黎試試啦,一坐低我就叫碗黃鱔酸辣米線, 小竦o既,碗米線一黎到,我就急不及待夾起我至愛o既黃鱔o黎食先,點知係好失望, 黃鱔好硬身, 無鮮味, 又切得大舊,湯底一般, 酸辣味又唔夠下次唔會再黎~

2月1日，20:30因為2月2日要接大魔怪機(回港渡歲)，衹好提早南下(放大假)。本想到蛇王二試炖湯套餐，可惜人龍太長。便到渣甸街搵食，被店外的過橋米線樣辦吸引著。數小碟配料，加上米線一湯碗，貌似正宗。店近全滿，要了雞湯過橋米線。過了5分鐘米線到，貨不對辦，配料全被放進去，貌似一般雜錦米線。配料湯底：算鮮甜腐皮：滑和有豆香豬潤：薄切，非化學一族火腿：雪味重雲腿：夠鹹香腩肉：薄切，有層次。豬頸肉：幼切，太小家。日式魚蛋：雲南過橋米線竟有這配料>m<扎肉：又是出位配料鮮冬菇：幾鮮味芽菜：爽甜菜：香辛唐生菜：清鮮真想知道在香港，那裡有食法正宗的過橋米線。