金雀餐廳 (已結業)

金雀餐廳@銅鑼灣金雀餐廳係一間名大於實既餐廳，以60年代裝璜吸引顧客，王家衛既”花樣年華”同”2046”都係呢到取景，裝修的確係幾有味道，好似去左以前既香港咁。但係，食物質素只屬一般。當然，如果你抱參觀心態既話，呢間餐廳會滿足到你要求。到處都有王家衛既劇照，其實氣氛真係唔錯，幾舒服，好似番左以前既香港咁。讚當日大約6點半去到金雀，唔洗等位，但入面已經近乎滿座，我地係坐四人卡位。Foodki食既係田螺豬手餐(約$150)(唔記得左)，而foodki 爸食既係牛柳餐。($160)其實金雀有好多唔同野食簡，除左牛扒之外，仲有焗飯，意粉等等羅宋湯 (7/10)羅宋湯足料，材料豐富，除蔬菜外，仲有啲牛腩粒，蔬菜將湯既精華吸曬，仲煮到淋曬，味道微辣微酸，好易入口，係唔錯既羅宋湯。呢一餐最正就係呢碗湯。餐包普通。法式焗田螺(6.5/10)一個餐有半打田螺，金雀餐廳會比兩個特製既餐具，一個係鉗夾起整個殼，第二個餐具就係兩腳叉用黎將田螺肉夾出黎。薯蓉係田螺下面墊住。田螺賣相唔錯，薯蓉好香，田螺入口有香草同牛油香味。不過田螺肉太細粒，食落口好不爽好唔滿足。黑椒牛柳(3/10)以老港式扒房，呢塊牛柳係唔合格

口痕想食港式西餐，見到金雀嘅食評都唔錯，所以就來試一試。餐廳有一種懷舊感覺，原來依度就係拍攝花樣年華嘅地方，仲有2046。 聽聞當年導演包咗間餐廳拍左幾個月。先講價錢，比想像中貴，一個全餐要＄140 。但見佢內容都幾豐富，所以兩人都叫咗全餐。麵包同湯都算係合格啦，但唔算特別好味。個魚柳算係幾滑 ，不過個汁heavy左少少，味道有啲似之前個忌廉湯。個豬扒飯都幾大碟， 個蛋炒飯低幾香，豬扒林得黎亦帶點香口。個牛應該唔係落咗好多鬆肉粉，林得黎都有啲牛香，但唔算好出。雪糕正常，但菠羅有啲酸。整體都算OK嘅，但唔好期望太高。

本來無意花費，但情人節總要搞搞氣氛，想到懷舊一番，來到x十年未有光顧的金雀，2046套餐6道菜，取價$420二人！鐵板鼓油西餐，羊扒先醃至入味，煎熟後上菜時再用熱度高的鐵板加焦香，傳統聰明做法，所以亦流傳至今，味道濃郁，懷舊味！甜點換了芒果布甸，果有心思。

說到据扒, 金雀可算是我最愛的餐廳之一~ 金雀歷史悠久, 內裡裝修總給人一樣懷舊悽怨的感覺~ 可能是因為拍了2046的關係~ 去到傳統的据扒, 都會問你要紅湯還是白湯, 還會端上熱辣辣的餐包~ 餐包是据扒環節不可少的啊~ 甜甜的餐包是KAKA最愛~ 是晚中秋節, 家人都不興做節~ 想到中餐應該會很多人, 就選擇了這個2人做節之西式version~ 男友一貫叫了他最愛的肉眼牛扒(碟上)~ 而家我就叫了什扒餐~ 餐湯我們則叫了一紅一白~肉眼扒一貫較淋身, 6成質感剛好~ 肉汁鮮嫩~ 配以黑椒汁更濃更野味~什扒有牛柳, 豬扒, 雞翼, 腸仔配以薯菜~ KAKA最愛放在鐵板上的薯條, 淋淋的索哂D汁, 勁入味的說~ 豬扒一D都唔"UN", 仲好淋好好味~ 要食哂呢個餐真係好好好飽~ 其實已來過很多次, 水準都一直KEEP到~ 

据扒是我最愛之一的食物！有人講王家衞成日係「金雀」拍片，如「2046」&「花樣年華」也是在這裡拍，那天我經過傳說中的「金雀」。入去看看後，果然係「2046」&「花樣年華」的場景，也有些電影海報，等你知道是在這裡拍攝。不過最重要是食物是否好吃。我就叫了黑椒牛柳餐，要五成熟。先來個多士（原本是餐包，我改了多士）好彩吾係厚多士😄，多士熱辣香脆，茶些牛油即溶，好吃得很。羅宋湯：很早期的味道，杰杰地又熱的湯，帶著很香的菜蔬味及肉味。這種味道和現在的實在很不同。主菜來了！黑椒牛柳；黑椒汁很香，辣就一般（我可以辣些的），不過薯條凍了，其實呢隻薯條熱是很好咬的！幸好有黑椒汁頂住！牛柳又霖又有牛味！不過味道一般，最重要沒有（那）個！加上黑椒汁。都相當吾錯。呢個餐成整體都不俗！不過價錢貴左小小。得閒諗下個feel吃，才入型入格。感覺良好啊！

對上一次來此餐廳已經是一年前的事，回憶總是美好的。因為今天我們遭遇很慘！我叫的羅宋湯其實還不錯，可惜忌廉湯淡而冇味。再來一客法式焗田螺同prawn cocktail 做entree。田螺只只都好細粒，薯蓉完全無味。個prawn cocktail 仲離譜，用細蝦不特至，將蝦仔全部浸曬喺汁入面，同我喺宜x傢俬$20貨仔無分別，但你依家收得好貴咯！主菜我叫的雞扒望落好大份，不過個則就麻麻地，我都好彩過對面果位，去叫嗰份帶子牛扒，先系用錯鐵板上，差d熟過能！換翻瓦碟上後，牛扒切落去都仲系半成熟，不過一d牛味都無。隻帶子居然裡面仲系凍兼有雪味！最後食咗一半都無再食落去了。Conclusion~冇下次!!!

今日澳門公司同事一行十數人到香港寫字樓開會午餐時間放個小break，咁多人實在有點難搵位食飯來自香港的E同事打電話去金雀留枱就出發前往一入內就覺得環境十分複古，老舊扒房裝修對我而言較少見後來番屋企上網一search才發現此扒房大有來頭作為2046、花漾年華的電影拍攝場地若是對於旅客而言，來此感受下朝偉的氣息也是不錯的獨特私房景點但若是全心來用膳就恐怕會失望而回但這樣富特色的店舖絕對有其存在的價值，希望將來食物能做得好點，好讓我在下次過大海小旅遊時有再度朝聖的信心。

《花樣年華》、《2046》這兩部電影你不一定看過，看過也不一定喜歡；但不能否認的是這兩部電影內的場景與美術達到美的極致！作為兩部電影的主要場景，金雀餐廳不僅有60年代的感覺，也同時充滿了《2046》的未來感。進入金雀餐廳，你會被它懷舊但豪華的裝潢深深吸引：綠色的壁紙和枱布，啡色的仿皮沙發，昏黃色的燈光，牆上更掛著王家衛電影的海報，是浪漫進餐的地方。這家老牌的西餐廳延續了舊日的高級西餐，供應鐵板牛排餐，晚飯套餐等。是次試了荷蘭牛仔柳套餐，有餐湯、多士、甜品及飲品。另外也點了一個焗青口。食物保持得很有60年代的風味，牛柳入口很軟滑，焗青口也十分鮮美。想當年這裡的浪漫情調必定為不少情侶寫下一頁又一頁的愛情故事。想在這間懷舊浪漫的餐廳用餐的你們要來喔！在這家特別的餐廳作節日慶生很有風味！

一丁友可以點食野? 如果不怕尷尬的話其實扒房很不錯的, 可以舒服的食一餐又不太貴.這日不同, 辛苦了一個月出糧, 想好好的食餐好些飽些的食物, 就聯想到金雀扒房啦.這是一間舊式的餐廳, 中式西餐, 座位比較逼. 不過單人卡位就算唔錯.點了紐西蘭扒餐, 因為覺得紐西蘭牛扒比較大塊一些而且味道也很好.羅宋湯, 煮了很久, 蔬菜已經很軟很容易入口, 吸收了湯的精華, 好食, 湯甜酸交替, 好喝.牛扒, 柔嫩的肉配上香噴噴的蒜汁, 美味. 六成熟還有一些超嫩的半生肉, 厚實鮮美.凍奶茶, 非常濃, 而且香, 也很滑. 標準古式的港奶茶, 真的很好飲.慢慢的品嘗牛扒, 然後欣賞牆上的海報, 很舒服寫意的一餐. 一丁友也不錯~

1962的香港，在昏暗橘黃的金雀餐廳內，蘇麗珍和周慕雲發現了雙方枕邊人的秘密關系... 面對這難堪的背叛，蘇麗珍沒有憤怒，只是語氣平淡地說了句：「不知道他們是怎樣開始的？」。「那些消逝了的歲月，彷彿隔著一塊積著灰塵的玻璃，看得到，抓不著。他一直在懷念著過去的一切。如果他能衝破那塊積著灰塵的玻璃，他會走回早已消逝的歲月。」同樣發生在1962年，自那年開始營業的西餐廳金雀，數十年來依舊保留著那份懷舊的氣味與情調，橙紅色的燈光，木製的卡座，古色古香的地墊... 到處都充斥著六十年代的浪漫色調，難怪贏得王家衛導演的歡心，成為《花樣年華》和《2046》的場景之一。聽說當年這裡是明星富豪們的用餐熱點，餐廳門外總是泊著開篷跑車和名貴房車，可是那輝煌的六十年代已一去不再，我們所綣戀的美好年華，總敵不過時代巨輪。如今的金雀已和奢華沾不上邊，百多元一份港式扒餐，普通人也能負擔得起。已記不起戲中男女主角吃過什麼，但見這裡有兩款以電影為名的二人套餐，分別是「2046套餐」（兩位用$370）和「花樣年華套餐」（兩位用$400），就當是吃個意境，一試無妨。點好餐後，忍不住東張西望，想借等待的空檔欣賞一下這老牌餐廳

呢間嘢同我女朋友去過幾次. 啲嘢食唔喺太差. 但喺都唔喺話特別好食~班侍應有好有差. 有時問佢地問啲嘢要問幾次先肯拎嚟...有幾個伙記好唔專業： a/. 同我爭鬥快去廁所: 有個伙記本來喺企住晌度, 一見我起身去廁所就即刻閃去廁所, 仲眼超超我...     你老細請你返嚟企晌度唔做野不突止 仲要玩啲客得罪啲客？b/. 另外一次, 一個後生嘅企我後面, 我起身想去廁所, 條友特登攝埋嚟我側邊頂住我條路.

以前仲係學生既時候，經常都會同屋企人黎到呢度鋸扒。無論環境、服務抑或係食物都令人非常滿意。事隔數年，再次到訪，獨剩一片唏噓。話說這裏曾是電影花樣年華以及2046取景的地方，而且歷史悠久，所以一直都有很多人慕名拜訪，當年我和家人都是這裏的捧場客。可惜時至今日，甫踏入餐廳就有一片違和感侵襲。過去的侍應叔叔嬸嬸全都不見了，而且感覺冷冷清清的，即便景物依舊，人面卻已全非。食物方面，過去的食材，不論是牛扒類的肉眼、西冷或是雞扒、羊扒等，入口時均有豐富的肉味及肉汁，鮮嫰而有口感。這次我們點了牛柳及西冷，菜一上枱便知不妙，西冷不在話下，牛柳一下刀便發現整塊是「霉霉爛爛」的，有點像煲老火湯的「豬展」，一入口便有一陣濃烈的蘇打粉苦澀味，吃了數口便已不能下嚥了。相信現在餐廳對食材的處理手法便是用大量的蘇打粉把肉質弄得疏泡，其實坊間大部分食肆都會作相同的手法，是可以接受的，但這裏卻下手太重，把味道都破壞了。還有的是，因為男友不喜歡鐵板上碟，落單時特地叫侍應將西冷扒改用碟上，侍應卻將它們掉轉了，畢竟不想浪費食物，本想通知他們一聲便算了，那一位女侍應卻粗魯地回應：「咁你想點丫。」，實在是叫人難以忍受。這次重臨金

今天整日下雨，為了減少濕身程度，就選擇了一間最就腳的餐廳。金雀是一間歷史悠久的餐廳，聽聞梁朝偉早年也在這裡拍過電影 2046。餐廳的牆上亦放了一些 2046 的海報，所以我相信這傳聞是真的。餐廳裡面環境幽暗，佈置亦有六、七十年代的氣氛。一坐下侍應便遞上一張午餐紙，上面有六款午餐，一律六十元正。我選了咖哩牛腩飯，湯可以選粟米忌廉湯或羅宋湯，我就選了羅宋湯。記得以前食呢間餐廳的時候是跟餐飽的，現在已經改為多士。雖然比較喜歡餐飽多一點，其實本來都不是大問題，但最可惡的就是多士肯定是一早已經烘好，送上抬的時候是凍的，根本就是一片變硬了的方飽，失敗！羅宋湯反而幾好，湯味濃郁，而且有很多蔬菜，還有些牛腩粒，算是佳品。如果換上以前的餐飽，會是上佳的組合。輪到咖哩牛腩飯了。其實我幾喜歡食咖哩，正因為如此，對咖哩的品質有一定的要求。坦白講，這裡的咖哩是失敗之作。首先，我不太喜歡咖哩和飯同一碟上。特別是這裡的咖哩和飯的比例並不平均，咖哩汁太多而飯太少。而且這裡的咖哩汁實在太鹹，以至很多白飯因為沾了太多的咖哩汁而吃不下。牛腩亦稍嫌切得太碎，咖哩裡的肉類要大大件才有賣相可言。這所餐廳已經有一段日子沒有光顧，主

銅鑼灣行到攰，見佢外面有飲食雜誌推薦，又話有朝偉拍過戲，一於試試。入嚟睇吓餐牌都係簡咗花樣年華餐包行野，周打湯仲行幾粒魚肉溝普通忌廉湯焗青口不過不失主菜芝士焗龍蝦，哈哈哈！蝦肉切碎溝肉碎同雞蛋再塞返隻蝦殻度，蝦肉真係得幾粒……其他細節唔提啦，四百加一，我唔建議囉

原來花樣年華,2046都曾經在這裡取景,而今天小弟生日同事們就帶我到了金雀餐廳試試看XD這樣的餐牌...都係第一次見....經典白湯,都叫OK足料既XD太普通,只可以說勉強算香口XD主角出來了~雖然是很平常的飯,但份量十足,食完之後,基本上係好飽,味道亦是不錯的~咖啡就差了一點...真的太一般~其實說到底,金雀餐廳都係食個環境,不過想要好服務...就可能想得太多了...