金雀餐廳 (已結業)

總結: 一問普普通通的港式扒房餐廳, 食品大眾化,環境懷舊, 可以接受全餐羅宋湯 - OK石斑 - OK免翁牛柳 - 難食,完全係十成熟西冷牛扒餐忌廉湯 - 差西冷扒 - 多左塊羊扒,蒜蓉汁比錯左燒汁,問個WAITER,佢話咪益左你囉,燒汁同蒜蓉汁都係一樣,多左啲蒜蓉ja ma - 可接受

It is interesting how many people still remember this was the restaurant where the movie 2046 was shot on location. The fact that there is a huge poster of the movie on the wall adds to the nostalgia.We went there for lunch today and I had the lunch set, which comprised : a Bosch soup, which is a must try of this restaurant. It is my view that few restaurants in Hong Kong can still manage to make this "east meets west" soup. The fish cutlet with some kind of cream soup followed was also good.

之前有朋友說過這間餐廳 D 扒好正，所以同一個朋友走去試下，時間是下午茶時段，不過因為是星期六關係，沒有下午茶。入座：可能是下午茶時段關係，得幾枱客，不需等位。環境：間餐廳裝修得好正，而且我覺得好有情調，不過不知道是不是我太「肥」的關係，D 位我覺得好迫，即卡位的枱同椅太近了，而且我覺得枱的高度比較矮，坐得辛苦，食得辛苦。食物：個羅宋湯果然是超好飲，我點了鑊仔牛柳特餐，個粟米石斑我覺得不夠熱，而鑊仔牛柳就非常普通，我覺得我不會再食這一個餐。下次再試試黑椒牛柳，看看是否需要忘記這間餐廳。飲品：我點了熱咖啡，味道普普通通，只是可接受程度。服務：侍應服務態度非常好。P.S. 我點了咖啡，但為什麼沒有 BROWN SUGAR???而只有白沙糖。

羅宋湯 ~ 好多料少少辣, 唔會多油, 味道滕於好多別的餐廳!!!鐵板黑椒牛柳 ~ 五成熟啱啱好, 嫩滑好有牛味, 加埋傳統黑椒汁, 惹味非常!!法式焗田螺 ~ 面層薯蓉焗得金黃香口裏面好creamy, 田螺都係一般, 主角應該係薯蓉吧!!瑪加利石班 ~ 炸槳完全唔厚, 班塊一啲都唔實, 炸得鬆化脆脆地, 白汁好味道呢!!甜品 ~ 一球有菠蘿粒粒o既雪糕, 無乜特別!!味道環境都於滕於金鳳, 當然唔可以同有質素o既扒房比較啦!!

係銅鑼灣原本諗住排"峰" ，但太多人，所以去左金雀餐廳，睇下三年後變化！入到去裝修唔同晒，好多野新左！好多王家衛電影畫，成個場氣氛唔錯！我們叫左一個大蝦牛柳同帶子牛柳（大家都係７成熟）羅宋湯 好好味又多菜（我鐘意呀）, 仲有好～好少牛腩！但男朋友係食肉獸，所以佢唔太欣賞！大蝦：有膏好好味！帶子：一般啦，又細粒牛柳：好淋，但完成無味！簡直唔掂，完全失望　"唔會再試"如果大家要搵個環境OK，又要傾計又唔想比人趕嘅，可以推介呢度！但呢兩個 set 本人就覺得唔掂囉！埋單：二個餐$240

是日晚餐, order 如下:全餐:粟米斑塊 - d 粟米汁好好味, 斑塊唔似其他餐廳咁浸淋晒, 來到 gei 時候塊皮仲少少脆 ga! 唔夠熱牛扒 - d 肉太實, 雖然唔係好well done, 但都幾難据. 又係唔夠熱菠蘿粒粒+橙味 jelly- 唔係 ice-cream 好失望呀! 個 jelly 好一般, 不值一提overall員工有禮, 上菜時都有笑容.唔算貴.d 餐具唔太乾淨, 碟邊有漬, d 羹黏手 gei!!味道好一般.其實只係貪佢 "王家衛取過景 gei 老牌餐廳", 除此之冇咩咁吸引. 食物金鳳絕對好過佢. 有 d 失望.

前晚o係銅鑼灣搵野食, 行過蘭芳道見到金雀即刻記起佢o向openrice 好評如潮, 於是我諗都唔諗就捉左男朋友仔入去開飯。我叫左全餐食黑椒牛柳...男友仔叫左田螺豬手餐...羅宋湯 哇哇哇...甜酸辣咸配合得恰度好處, 仲要有兩小舊牛腩添, 勁正 Cream of chicken soup (男友的) 唔特別...so far so good田螺 同酒店coffee shop 個d差不多...that's mean good & 抵食 粟米魚 條魚唔係用脆漿或生粉漿炸, 而係用蛋汁蘸架...超正勁巧味:咸豬手 唔會過咸...但又夠味, 仲好嫩滑添 黑椒牛柳 好林(soda powder果種林)...好在仲有少少肉味...d黑椒汁好正雪糕新地 好creamy 好好食好想問個waiter係咩牌子嘅雪糕一定要再黎試試個牛扒

不是因為2046的關係而來,也不是因亞SO效應才來(對佢無什興趣),是因為真的很久沒有來,起碼超過10年啦. 雖是平日19:30到場. 門口已有6-7個人等位,大約10分鐘後,有個像經理的人同我講:現在冇卡位,你們2位可不可以坐出菜位個張枱呀?.我想應該不是什麼好位置,但因我十分肚餓,回答他沒有問題,...這張是貼牆壁既3人枱,因出菜關係只可以坐2人..側邊仲有一個後門出入口. ANYWAY 快食快走啦. 但係伙記係你側面,後面走來走去.....煩呀!快快叫左"黑椒牛柳"同"洋葱豬扒餐""味道不差呀,"羅宋湯"好多菜但好酸.餐跟意粉個LOOK唔好,好似比人食過咁,同好油.....甜品只有啫里. 老牌西餐廳服務一般,因為伙記好忙.晚市好似打仗咁.佢地面上流露出(咁既餐廳都咁多人黎食架)仲有成間食店好大油煙味.要認真改善一下. 不是剛相識既情侶到的好地方..希望我下次黎唔使10年後啦..

今日是第二次來這裡了。因為是位置好，醫肚快，而且很有懷舊氣氛，不是其他地方所有的，可惜仍然是未能到拍戲那兒進餐。(拍戲那邊兩次都未開位)這裹的招呼和食物其實沒有什麼特別，今次的侍應更有點鄉下音呢！食物出品很地道，有西餐的型而無其實。叫了黑椒牛柳餐和鑊仔牛柳餐。羅宋湯味道一般，沒特別；honey的忌廉湯不夠杰濃。餐包凍凍的，其實也已預了。 黑椒牛柳味道都還是不錯, 有肉汁，味道合宜，五成熟剛剛好，當然不能與”正式的”西餐廳相比。那個鑊仔牛柳，肉味更好，不用獻汁也已夠味，而且肉質嫩滑; 大勝黑椒牛柳。最後的啫哩和餐飲當然亦是普通貨色。

今晚來了很久沒來的金雀,看看2046海報, 發現了是日我是坐了梁潮偉及曼玉的卡位呢.有機會在牛年中坐到了偶像在2046戲中所坐的座位..我變身做梁朝偉了..自從王家衛曾經係依度取景拍戲之後，不少人都慕名而來，而店內都掛左唔少電影海報，就連套餐都改埋相關名，真係慌死人唔知咁..講真唔係「2046」,唔係阿so既效應, 這間摸黑的餐廳有的是老掉了的感覺, 早已跟時代脫節了,但又唔覺有咩咁特別, 又冇咩好食喎, 係食個懷舊feel囉..今晚我試了特餐. 都有得揀招牌菜黑椒牛柳, 只是不是鐵板上... $85 有餐湯, 主菜, 甜品, 咖啡或茶. .羅宋湯沒有以前來喝時那麼有水準, 好淡味...不夠濃及不太多材料!!餐包也是凍的..黑椒牛柳味道都還不錯, 肉質不會像其他港式西餐般醃得無哂牛味. 黑椒汁尚算合格,可恨是全熟透了害我咀嚼了很久,而跟餐焗飯加5元只是炒飯吧..有點被騙了!!甜品是晚只有啫里..服務尚算稱心,沒有刻意造作..令人覺得坐得舒服自然!!其實總括來說，來這兒純粹是想懷舊一番，食物是否美味，已經無關重要了!!

係平安夜晚同男朋友黎食眼見聖誕餐好貴而我地只想潮拜1下,所以只係叫左普通餐不過咁多中又唔知食乜好, 最後叫左1個好特別既名既餐 點知明明話鐵板上, 但黎左碟囉原來佢係即場present俾我地睇仲放火tim, 完全冇預計會咁 好大舊好好食, good!!!肉中帶點酒味, 正

睇到呢度有個叫"2046套餐", 又有個"花樣年華"套餐,盛惠二百幾三百蚊, 但又唔覺有咩咁特別, 又冇咩好食喎, 得個貴字,我同女友都係穩穩陣陣叫特餐算鳥牛油餐包 + 羅宋湯 + 免翁牛柳 + 雪糕 + 飲品1. 餐包,羅宋湯都係冇特別, 2. 牛柳就好厚, 冇血淋淋或軟淋淋, 岩我口味, 個汁幾好味, 多d汁會好d, 薯條雖然唔係非常香脆, 但都唔會淋到冇脆口感, 可以接受3. 云呢拿雲糕做甜品, good食物雖然未至於非常好食, 但銅鑼灣地區, 咁既價錢算係ok, 下次會試鐵板餐, 燈光暗少少就更有氣氛了

唔係「2046」唔係阿so效應, 這間摸黑的餐廳有的是老掉了的感覺, 入內是有種令人慵懶氣氛, 確實不難把你帶回王家衛的時光隧道。點了份全餐貪佢有湯有魚又有扒, 還有茶啡, 雪糕甜品價錢和扒餐相差十多元但看來有睇頭多了。 紅湯是有點蒼白非一般的火紅有層油脂浮於湯面。 雖則色彩欠奉但味道是不溫不火集甜酸辣於一身–好味~前菜是栗米魚柳, 不太好港式白汁有點吃糊仔感覺若然走汁加少許沙侓醬或檸檬汁我想是好吃得多了。牛柳買相已預料到是大堆頭般, 非牛份量是那堆冇咩味雜豆加aged 咗既薯條 (隔夜?), 其實餐湯既多士已經係唔得, 我揮手向那慢幾拍侍應投訴才再給我們做新鮮的薯條。 牛柳熟度都拿揑得不錯, 黑椒汁是一讚。當天甜品是換上了雪糕非傳聞中最最好吃的啫喱，會有幾好吃好難想像但肯定眼前雲呢拿是不吃也罷。另外的瑞士汁牛河，除了油光滿麵也想不出有好吃之處!如欲看照片請登入我網誌 http://hk.myblog.yahoo.com/

一間d野咁難食既餐廳,點解仲可生存到今日,真係一個不解之迷話說我同好友二人星期五晚7點鐘黎食, 呢個時段唔駛排隊, 一入黎,佢地d服務態度都幾熱情ga,地方細細, 生得大件既朋友恐怕會坐得辛苦d, 餐廳燈光昏暗.幾有情調我點左$90既乳鴿餐,朋友要了$150既牛扒龍蝦餐,兩個餐都只係有餐湯,麵包同餐飲,無甜品,佢地上菜速度超快, 唔知係咪一早煮定, d食物上枱完全唔熱ga , 朋友既龍蝦餐果隻所謂既龍蝦更不過係將d唔知乜野讓落隻蝦殼度, 超難食至於我既乳鴿又乾又鞋, 最得人驚既地方係佢居然無味 !!!! 好在有一碟華鹽同上, 如果唔係點食呀 ?最攪笑既係我地都未走得,飲緊餐飲既時候, 佢地居然放個"留座"既牌響我地張枱度!!!走既時候出門口差不多八點,門外已有6-7個人等位只可以講, 食港式扒既話, 花園餐廳同第尾牛扒肯定好過佢, 無味乾鞋既乳鴿,小妹真係第一次食到

聽聞已久，第一次黎咋!!哈~黑椒牛煮得好食過鑊仔牛柳喎~4舊有舊半係鞋左既~加錢先有意粉食咋!整體都ok既~$85-$90一個餐，有湯飲，有野食，有雪糕，仲想點~銅鑼灣喎~推介羅宋湯，好多料~服務態度正常，冇前人講既不禮貌~比起金鳳，我鐘意呢度多o的，至少樽茄汁係乾淨企理丫~順帶一提，雪糕好味過o者o厘~