金雀餐廳 (已結業)

去開銅鑼灣，咪係呢頭食埋野先番屋企，點知入左金雀，真係好失望。看見金雀甘懷舊，應該都有一番風味，但比 “金X” 起就比了下去。紅湯多料香濃，比白湯好飲。黑椒牛柳：牛味濃，但肉質唔夠鮮嫩，食左一舊已濟濟地唔想再食。紅酒燴羊脾：食之前問店員食羊架定羊脾好，佢推介食羊脾。肉又 “靱” 又實又騷，真係好難食。食物食淨一大半，好浪費呢……..但真係食唔落隻羊 ………

男朋友喜歡据扒, 見呢間食評幾好,又近, 就去試下d 餐同一般扒房價錢差不多,都係我地可以接受的set dinner range, 所以入去試下入到去, 好似唔係好大, 有得坐卡位, 不過卡位櫈貼櫈, 所以後面有個女人据扒的力都震到我幾次...講返個餐, 我叫左特餐-鑊仔柳, 貪佢有雪糕同埋平d(其實都唔平, 俾之前幾他朋友去食$88, 今次我去食已經係$92)男朋友點了一個紐西蘭肉眼扒餐湯就要一紅一白....個白湯今晚係雞絲湯....嘩!!! 好淡而無味....好清的雞絲湯紅湯ok la...不過個色麻麻地靚跟住上我地個主菜....男友個肉眼扒要5成熟, 好香肉質好好味但相反....我果個特餐...無論係薯條, 鑊仔柳都只係暖身....即唔係即時煮la...而鑊仔柳6成食落口係好難咬同埋唔好味...跟住叫左侍應來同佢講都唔熱,侍應問我想點?我都唔知想點, 如果可以退錢, 我想揀退錢or 轉餐跟住個侍應拎左碟野入廚房, 叫我等陣, 我唔知佢想點??佢都無講佢會想點??等左一陣之後, 整左碟新的鑊仔柳俾我, 我之前食左個d 薯條,鑊仔柳, 蕃茄仔都係返到,仲要出煙,即証明係重新整過la不

幫襯左多年, 今日竟要喊, 真係估都估唔倒!叫set lunch 要牛, 5成;羅宋湯多年水準都不錯, 足料也唔太水;不過埋牛就有問題, 竟然係凍的!不單止係我果碟, 都聽到隔離枱complain 同一樣野.返heat 咩. 不過5成又o岩o岩 好.點會咁架

和女朋友行完虎豹別墅，聽講這是老牌扒房，便來試下。間店個外圍格局都唔錯，入面都OK，但佢始終是老牌餐廳，不能要求太多。我哋7:45pm便到，都唔駛等位，入到去周圍啲枱仲有很多是空的。睇完個餐牌，好多扒都好貴下，全部都超過$100。咁樣唯有試下佢既特餐啦，$88有餐包、湯、主菜、雪糕和飲品，價錢都可以的。我哋兩個人分別叫了兩個特餐： 1) 羅宋湯及雞廉湯一般的紅湯和白湯，無乜特別。 2) 免翁牛柳據說免翁牛柳是牛腰部的牛柳最中心一段位置。塊牛柳食落去都可以的，但不是話特別好食。 3) 美式什扒老實說，味道其實和普通餐廳的什扒無甚麼大分別。 4) 雪糕一般的雪糕，無乜可以講。總括而言，價錢偏貴，食物一般，份量不是太多，唯一可取是有古舊的味道，但我應該不會再去這店了。埋單連加一總計$194。

呢日去開Cwb，同個朋友上網search呢間連王家衛都借哩拍2046,入到去真係好有花樣年華feel,好有集體回憶既感覺，我叫左個美式什排，個朋友就叫左個焗豬排飯，wow...味道不錯，個羅宋湯吾太酸幾好飲，加上整體個環境舒適，可能舊式西餐廳，卡位座位有d逼，好彩兩人坐咋，如四人而坐就真係据吾到排，一定頂住隔離位既手爭，值得保留既一間老牌西餐廳，在香港真係買少見少了。

行銅鑼灣, 我鐘意食金雀. 因為大圍好少扒食. 同埋我最鐘意飲佢有果皮既羅宋湯餐包---一般羅宋湯---雖然唔夠酸, 但有落果皮好香呀仲要好多料. i like it美國安格斯肉眼扒--嘩, 好大塊又厚(半吋). 好多肥膏d肉又軟熟,正呀 7成熟剛剛好. 不過太多汁蓋住肉既味道. 如果少d汁就更加好啦. HKD140, 咁大舊可以接受. 羊架--約HKD108嘩, 好多塊. d肥膏好鹹. 肉就無味. 唔知係唔係醃既時候/煮既時候落調味料唔均匀. 但最可惜係叫套餐無雪糕食, 要叫是日晚餐先有. P.S 6點半後開始多人, 早D食寧靜D, 侍應服務好好多但檯布係破爛架D坐椅有飯粒呀!@@

今日同女朋友響金雀食晚飯慶祝週年紀念食左個西冷牛扒，同螺肉配咸豬手WAITER一眼關七~反應超快起餐速度亦係超快西冷牛扒~~~鮮嫩多汁~~~建議食半生熟咸豬手~~~咸味剛剛好~肉質算幾林~~~但味道一般比唔上西冷牛扒既汁味~同肉味

佷久沒有幫襯這間老牌餐廳了，今天突然心血來潮，來到這兒食lunch。環境：有D懷舊feel，唯午飯時間比較嘈。食物：羅宋湯仍能保持水準，湯底很濃，也有很多蔬菜；唯雞扒沒有什麼味道。睇其他食評講佢地既焗豬扒飯幾好食，下次都想試下！服務：侍應經常留意食客的進度，知道幾時派餐，幾時問餐飲，基本上你食完一樣後便馬上送上下一款食物，唔駛等，十分迅速！價錢：50元一個set lunch都算貴，平D就好了！

睇到有人 comment 焗豬扒飯唔得我好 surprised. 如果有朋友問我, 其他我唔敢介紹, 但我一定會介紹人食呢度既焗豬扒飯及焗田螺. 我雖然唔係成日去, 一年可能只有兩三次. 但每次都風雨不改叫焗豬扒飯. 足足有二十年 ( 唔計小時候家人星期日帶去食 ) . 色,香,味二十年如一, 無一次係令我失望, 無論堂食或外賣.我認為佢既焗豬扒飯係現時全港最好食 : 扒面外層包住一層簿身麵包糠?( not sure ) 少脆, 係焗出來果種脆. 扒身少厚, 瘦身但好淋. 深紅色 ( 沒有半點帶橙色 ) 既汁唔酸偏向甜, 飯底應該係用蛋炒過再加豬扒一齊焗, 香軟既飯唔散, 質地及形狀有D似意大利飯但無咁 sticky. 老牌既港式西餐廳同區既有佢同皇后, 天后區還一間叫英皇餐廳. Queen's 巳轉營左好耐, 味道亦一齊轉哂. 天后英皇餐廳亦結業多年. 小時候星期日去可以食一個黑椒牛柳或到太平館食燒乳鴿瑞士雞亦簡直令人興奮, 最怕話要去飲茶.今時今日食扒有好多 choices i.e. Outback. 但如果你用 Outback 既扒 compare to 黑椒牛柳或金雀安格斯 t

從來都只係上黎Openrice.com齋睇唔寫，但食過呢間金雀之後，真係無論如何都要同大家分享一下。琴晚去開銅鑼，灣就上Openrice.com睇下有咩好食。Click到銅鑼灣專頁，見倒介紹銅鑼灣食扒既餐廳，見倒金雀呢間老牌扒房就想試下，預期同金鐘既樂意差唔多。諗住咁出名要book位，打去話2個人唔使book架喇，咁就早d七點左右去到。的確唔使等位，地方都算大，好多位。d人都尚算有禮貌。見咩正餐、特餐無咩心水，2個人分別嗌左個鐵板鴕鳥肉扒餐(大概$110)同芝士焗龍蝦拼牛柳(大概$170)。睇之前既食話羅宋湯唔錯，就揀左1紅1白1。的確紅湯幾出色，白湯就係一般老牌餐廳既白湯，不過不失。但個餐包就係涼的，唔算冰凍亦都唔係石頭咁，但絕對唔係好食。到主菜上，個鴕島肉扒賣相其實唔差，但一食落去就嚇死人！薯條係完全冰冷，鴕鳥肉基本上都只係微暖，完全係靠塊鐵板既溫度，但餐廳冷氣都算幾凍，成份餐轉頭已經凍晒。鴕鳥肉唔係扒，係鴕鳥肉柳，份量好多，肉質都可以，但問題係完全無味道！唔熱，無味道，但份量奇多。至於龍蝦牛柳，再次唔熱既。龍蝦肉質極梅，煮法係拆肉撈火腿粒炒蛋，再鋪上芝士焗。幾乎食唔倒一點龍蝦味，

上星期六同朋友們, 一行五人食lunch, 下畫3點半入到去, 仲有幾圍人.我地order 左個 set lunch + 2046 餐 及花樣年華餐.前菜有: 周打魚湯 - so so 忌廉 - 無味, 唔濃.羅字 - 好味焗田螺 - 好味, 著蓉好味.焗青口 - 好味大蝦沙津 - 好味.主菜:牛扒 - 唔掂, 無牛肉味雞扒 - 唔掂, 都係無味的.羊扒 - 有D蘇, 但反而係最好食, 因為有味道龍蝦 - 好失望, 我地以為佢原隻上, 點知佢將D肉起出黎mix 左其他野再一齊焗, 我地都懷疑D肉係咪新鮮, 因為煮到一 pat pat 咁....食得出係龍蝦黎既,但食唔到鮮甜效果.總結 : 試一次夠晒, 唔會再食~~

今天難得同爸爸一起在銅鑼灣,當然食一間舊餐廳...金雀,因為我都未試過..哈哈..點知..入去裝潢很開心..好懷舊,仲有2046海報叫左一個全餐,一個特餐,一個乳鴿海鮮飯餐紅湯好多料,白湯水d焗石斑都ok,不過汁唔知咩味,又不是不好吃..好彩不"梅"牛扒加炒飯(加好似5定8元),牛扒係幾好,不過好細,細過女仔手,炒飯好濕,不乾身..爸說意粉不是不好吃,不過肉醬不好吃,但佢係食肉醬意粉..留左一半肉醬..總體冇咩芝士味乳鴿..唉..皮都算脆.不過好少肉..一定係營養不良..不過都$110家...海鮮飯....冇味,石斑都係果d,所以OK,有幾隻蝦,一隻青口同好濕的炒飯雪糕都幾好..有奶味..總結:比我見到2046海報同裝潢..不過我都係去返前一條街的太平館..起碼食過幾次,CWY同TST分店水平都一樣....

和媽午餐, 叫左個set lunch, o黎到牛扒之家, 當然叫牛肉食喇!先上個羅宋湯, 一如以往, 好有水準.之後塊魚, 加上d 粟米, 煎得唔油, 仲係加左d 蛋才煎的, 有d 蛋絲, 香口d , 也不錯.塊牛真係好細... 之前落單又冇問我要幾多成熟, 俾人一種 "好危" 的feel ....牛扒之家呀....一切開, 7 成喇. 肉質都算不錯.叫左蒜汁, 唔要黑椒; 蒜味又冇乜.飲凍檸茶, 正常.服務ok.不再有果種令人食完想再來的感覺...係塊扒不再特別又縮左水的關係?

第一次幫襯金雀，叫左一個全餐 ($85蚊) 揀左肉眼扒 + 一個蝦王牛柳餐 (星期六呢個餐做特價$105) 作為晚餐， 2 個人食岩岩好，無咩食淨。羅宋湯好多料，忌廉湯放左 d 麵包粒都幾好食 ^^ 全餐無用鐵板上，但係唔係唔熱 ( 同上一篇講既唔同)而且塊牛扒係煎過黎既，所以好香口，但係唔乾身牛柳餐用左鐵板上，算幾厚身，另外大蝦都有蝦膏，有鮮甜味，抵讚。我覺得咁既價錢係銅鑼灣食扒已經算唔錯了因為佢好食過扒王之王好多 !!!餐廳怖置得好懷舊 feel好似花園餐廳既浪漫版咁卡位張檯好窄身，岩 2 個人撐檯腳咯如果 4 個人黎既，唔好貪坐卡位啦，應該會唔夠放野食不過要留意既係，其實個餐牌一早就寫明個餐有無跟雪糕( 唔係全部餐都有跟，要自己睇返咯~)

１．環境：燈光陰暗，四人座位完全坐到好迫．２．服務：是是但但唔多聽客人指示，就行左去．未食完既野又幫人攞走，想趕我地走喱．打電話黎訂位，話四位唔可以book，咁點解我地未走又放個reserved牌係度既？３．食物：比垃圾更垃圾，凍冰冰，野食用左千年油黎整咁樣．３．１麵包：凍冰冰，３．２羅宋湯：水汪汪，唔好味．３．３粟米魚柳：舊魚好un，又係凍凍．３．４焗豬扒飯：又話係招牌菜，唔係卦！睇落都唔係焗既樣，失望＋O嘴．３．５鮑片雞絲意粉：連螺片都不如，連齋鮑片都好過ｄ唔知咩片．４．抵食：大把茶餐廳好食，又抵ｄ．５．衛生：有蚊chi陪你用餐，多麼的romantic．