金雄御車仔麵

營業中

休息中

自從知心車仔麵執左後，好耐都無吃過車仔麵，由於之前看comments說這間的餸份量偏少， 所以一直沒有試。今次因為OT放晏，故買碗外賣回家試試，要左齋、牛腩、牛肚、牛栢葉，咖喱汁小辣米線。我覺得食落又不錯，湯底和食材都OK，好像比知心還要好一點(新鮮)，齋軟滑，吸滿湯吃很好 食，牛腩牛肚也不錯，牛栢葉一般，再配一份菜，都是$6x，我覺得都幾抵食。餸的份量係比知心車仔麵少DD，但我叫左4個餸都夠飽。車仔麵最主要是個湯底，這間我覺得幾好，同理食材都不錯，岩晒一支公或唔知食乜好的時候來吃。

第一次寫食評 因為實在太不知所謂 我未試過食完唔飽嘅車仔麵今日WFH 平時食開超級無敵車仔麵 今日阿媽心血來潮話想試吓呢間 仲要特登搭車落去攞外賣 攞外賣時都望到有啲唔妥 詢問咗兩次到底有冇錯 姐姐話係無錯係咁多啦 好彩佢搭車有兩蚊優惠 唔係就更加嬲豬返到嚟見到碗麵打咗個突 淨餸少得可憐 比起附近嘅車仔麵嘅份量一半都冇 每樣餸得兩嚿 又細嚿 水魷同牛柏葉嘅size 細過我隻貓食d雞肉乾粒 唯一豬大腸比較多有三塊 太感動啦～ 另外加個小食份量又係超少 細分到一片片咁樣$36

呢間餐廳有好多選擇，服務又好，而且食物真係好好味。個牛腩湯非常入味，蘿蔔很清甜，牛筋超好味。鍾意食辣嘅朋友，可以選擇BB辣、小辣、中辣同大辣。嗌兩餸麵，只要$33，淨餸都得。同埋，仲可以揀飯、粗麵同油麵等，極力推介😎🤩

講真，這家店的車仔麵真係賣相搶眼又滋味！一行入去，就點咗碗滑蛋牛腩麵，啖啖牛腩，香滑得嚟肉感足，微辣嘅汁啲辣椒咋一嗌即刻振奮晒味蕾。轉個頭，又執咗進口意粉，加埋臘腸、魚蛋，同瑤柱肉餅，朝正添！臘腸嘅煙韌味道夠哂晒，咬落去Q彈又帶勁。小菜方面，辣椒豬皮同香脆雞腳，天啊⋯呢兩樣小食真係偷曬心！豬皮透明腍到化，醬汁香辣得哂；雞腳偏向酸香，而家諗返起都仲想食多次！三句兩語講完這場味覺大戰，車仔麵食完心情大好，您又當點呢？😋🥢👍

#🇭🇰港九新界揾食指南｜筲箕灣四餸車仔麵  月尾良品$40埋單 . //原本這裏是日式快餐「大丼家」，金雄御頂替後保留了原有裝修，所以店內裝潢和餐廳本身的風格不太協調。另外，金雄御使用電子點菜系統，實際上沒有太多接觸店員的機會，是此服務評分只供參考。// ▫️滷水牛筋豬耳雞翼蘿蔔撈油麵_$40 (下午茶價) 「下午茶套餐可以優惠價$40揀選四款配菜，麵底選擇亦有九款，更有分湯麵和撈面。小編點的經典配搭撈油麵，很好地吸收了店舖的招牌辣汁，喜歡重口味的不要錯過！尤其推薦滷水牛筋，連中心部位都吸滿滷水汁，入口即溶～可惜蘿蔔不夠清甜和軟爛。」 推薦：🧡🧡🧡🧡🧡🖤  ▫️滷水豬頸肉豬腩肉五香牛腩通菜米粉_$40(下午茶價) 「第二碗選了湯麵，豬骨湯底很淡，味道全靠配菜的滷水汁。滷水汁與辣汁一樣都是金雄御的老師傅獨家秘方，香料味不會搶鏡同時也不是死咸，帶有輕微甜味。但豬頸肉、豬腩肉普普通通，五香牛腩更是柴到變成一枝枝肉絲。要嚐它們的滷水汁，比較建議選牛筋、豬耳、雞翼。」 推薦：🧡🧡🖤🖤🖤🖤 . 環境：🧡🧡🧡🖤🖤🖤 服務：🧡🧡🧡🧡🖤🖤 抵食：🧡🧡🧡🧡🧡🖤 . 🍽金雄御車仔麵 🚪未有IG賬號 📍筲箕灣筲箕

我點了三餸車仔麵（$40），並選了油面、五香牛腩、滷水豬頸肉及香滑齋。首先來試一口油面，這種麵條非常爽口，有彈性，我非常喜歡。接下來是五香牛腩，肉質稍嫌略肥，但是味道還是非常不錯的。不過，吃完後嘴巴會有點油膩，可能不太適合想要少油少膩口感的人。滷水豬頸肉的肥瘦均勻，但是滷水味並不重，這點讓我有些失望。最後是香滑齋，這道菜不過不失，沒有太多特別之處。除此之外，我還試了同伴的冬菇，這道餸做得非常好，軟林林的口感又入味十足，我會毫不猶豫地給它滿分評價，推薦給大家。

店舖外邊有太多嘅明星佈置遮住店舖裏面嘅環境，開頭以為係食中菜或者台灣嘢，點知入到去先至知道係食車仔麵，係我第一次食，亦都唔會係最後一次食嘅車仔麵，勁勁勁勁難食，喺香港真係未食過咁難食嘅車仔麵，真心唔好意思都要講，真係唔想其他人在中伏，啲明星應該係老闆啲朋友，仲要係幾十年前嘅明星相😫

下午三點幾去，叫咗雞翼尖、牛根、雞腎三個餸，米線清湯38蚊另加5蚊罐雪碧，每樣得2-3件，全部同一鹵水汁煮，味道差唔多，唔抵食。同一價錢去太安樓林記食好過，份量多好多又好味啲。

在康怡廣場那邊睇完戲後來了筲箕灣這邊和朋友交收，由於之後還有事情處理，就在朋友的家附近隨意選了這家車仔麵店吃個下午茶。入座後掃QR code點餐，車仔麵的價格合理，$10配菜有最多款式選擇。另還有一系列的咖喱小食，但這次沒試啊！點了兩碗車仔麵，我選了微辣豬紅﹑滷水豬頸肉﹑油麵配腩汁 ($32)。油麵粗身有嚼勁，豬紅入味又軟滑，微辣的好惹味！！滷水豬頸肉是每日限量發售，豬頸肉大大塊，份量不少，看似白雪雪沒什麼味的豬頸肉，吃起來都帶點滷水汁的香甜，不會滷得太鹹。豬骨湯底加入腩汁，味道香濃。另一碗車仔麵的配搭是牛柏葉、滷水蛋、滷水豬大腸﹑河粉，同樣配腩汁 ($42)。分裂了的滷水蛋令車仔麵的賣相稍為失色，但滷水蛋實際上好夠味！牛柏葉爽脆，而豬大腸夠軟稔，河粉不會煮得太稔太碎，整體味道不錯啊～～～雖然幾款滷水配菜的味道不錯，但最吸引我的還是微辣豬紅。以車仔麵店而言，金雄御的座位比較寬敞舒適，不似一般車仔麵店的迫狹，而食物價格也沒訂得太貴。

諗住喺OpenRice見到全部好評應該無伏就試下 點知真伏到應一應叫左4個餸 拎外賣個陣都已經打左個突：咁輕既？好似無野係入面咁😅 返到去打開一睇，嘩⋯真係份量小到無朋友！最令人反感既係，手指尾咁大嘅墨魚卷切開三片當一個餸😅 牛筋粒仲細個個$1銀仔😅 我明明叫「秘製豬頸肉」，點知變咗腩肉，仲要好似白烚咁！好過份！成碗野唔駛3分鐘就食完！無下次！blacklist真係好懷疑究竟啲好評係邊度嚟？定係我太好彩可以食到一片片嘅墨魚卷🙄

▫️其實一星期入面至少有4、5餐都會食湯粉麵🍜😋 車仔麵係我其中至愛之一，因為好多餸可以揀🤩▫️筲箕灣呢間車仔麵玻璃門前貼左好多名人合照同訪問，望落好似好勁咁👀 今晚屋企無煮飯，一於就黎試下係咪真係咁好食😎🍜 四餸一麵 $48▫️呢碗係呀媽既👩🏻 要左粉絲，索晒湯超入味😽 但而家打返出黎先發現，呀媽嗌既全部都係加工食物😹 魚腐、蟹柳、魚蛋😂 魚蛋索晒咖喱汁，就算咬落中間位置都有咖喱味😝 魚腐、蟹柳都好索湯，通菜好似係我叫呀媽嗌個菜食下佢先嗌埋😂🍲 淨三餸 $30▫️最近想減肥，夜晚都係食少啲澱粉質🤪 一上枱基本上淨係見到通菜🥬 份量十足唔呃秤🤣 蘿蔔煮得好淋好清甜🥕 滷水豬頸肉都煮得夠淋，但可能浸左湯關係唔太食得出滷水味🤫 加埋秘制辣醬連湯好惹味😋 淨三餸都夠晒飽😆🥤 可樂 +$3▫️嗌夠三餸一麵就可以用優惠價+$3換購汽水一罐🤭▫️味道唔算驚為天人，但價錢抵食足料，環境又坐得舒服，絕對可以encore😋

平時係開附近做gym會經過呢度見到佢下午茶係四餸一麵$40蚊今日做完gym就黎試一試本身唔知仲有無呢個優惠，就揀左3餸一麵就算，然後店員同我講，四餸$40咋🤣最後揀左豬腸，豬頸肉，蘿蔔同水魷配米粉，每樣餸都有3舊左右，下午茶黎講都好夠！豬腸無乜肥膏既都幾好食豬頸肉係世一，真係超好食蘿蔔多汁清甜，會想食好多舊水魷反而無咩特別米粉係幾滑個種黎叫左咖哩汁中辣，個辣醬幾惹味，食到我出汗🤣環境都算幾乾淨，同埋下午茶唔多人，可以任意揀位，值得再試既車仔麵

天氣秋涼，食碗熱辣辣嘅車仔麵簡直係最好不過，今晚同朋友去咗位於筲箕道嘅金雄御車仔麵。餐廳環境光猛，感覺好衛生，而且餸菜嘅款式有好多，總會有一款啱自己心水。我同朋友一人一碗車仔麵，另外仲叫咗個咖喱小食。咖喱小食單單咖喱小食其實都已經有好多款，我哋就揀咗咖喱魚蛋、腸仔和牛柏葉。魚蛋爽口彈牙，而腸仔挑左花，好有心思，牛柏葉好爽口，整體嚟講咖喱味好突出，味道不錯。滷水系列推介我自己非常欣賞呢度嘅滷水雞翼、豬大腸和豬頸肉。雞翼夠大隻，內裏的肉質鮮嫩。豬大腸夠晒肥美，而豬頸肉口感爽口。滷水夠入味，唔會死鹹，極為推薦。五香牛腩另外牛腩都係非常推介嘅餸菜，牛腩肉質軟嫩，肉味香濃，而且食嘅時候仲有豐富嘅腩汁伴隨。秘製超淋牛筋呢度嘅牛筋真係冇改錯名，食落去真係超級軟淋，而不失牛味。整體嚟講，車仔麵絕對係老少咸宜嘅美食，下次再去筲箕灣可以再來光顧！

今日岩岩返完教會就去搵食，係筲箕灣有間可以食到車仔麵既就黎試下啦，真係有驚喜，味道同質素都唔錯，值得一試。首先我點左油麵，三餸分別有包心豬肉丸，滷水豬頸肉，滷水豬大腸，配牛腩汁中辣。份量十足，餸每款都好多，性價比高，而且味道都好好。好耐無食過咁好味既車仔麵。質素都好好，味道更加係正。一試便愛上。重有叫多個炸魚皮，有成碗滿滿的，份量都好多，非常香脆同新鮮，點咪湯食真係好野味，令味道口感更加提升。呢個餐叫咪雀巢雪梨茶，真係非常滿足，飲品夠曬凍，非常止渴。另一個餐係點左雲南米線，兩餸分別係秘製超淋牛筋，滷水豬頸肉。牛筋入口即溶，味道都好香濃。真係唔錯既選擇。麵底又夠彈牙。湯底又好好味，成碗都差唔多飲曬。再叫咪個咖喱小食分別係水魷，八爪魚，咖喱魚蛋。三款小食係配咖喱汁。魚蛋非常彈牙，咖哩味好好，撈咪麵食真係絕配。無得輸。世界級享受。最後叫杯熱可立克，味道岩岩好，唔會太甜，岩曬一班女士們。

金雄御車仔麵，位於筲箕灣道305號地下，距離地鐵站5分鐘路程，餐廳座位以賣車仔麵來說，可以算是非常舒適，更有別緻屋仔設計卡座位。車仔麵食物及麵底選擇非常多，價錢亦相當大眾化，餐廳湯底味道濃，辣醬味道亦相當強勁。咖喱魚蛋真的是車仔麵必點項目，魚蛋彈牙無腥味，咖喱味道不算辣，老幼咸宜。清甜蘿蔔，確實清甜，烹煮時間十足，蘿蔔入口即溶。水魷新鮮彈牙，配合餐廳自己辣醬一流。香滑齋口感實淨有咬口。呢碗車仔麵堅好食。