金雄御車仔麵

營業中

休息中

平日嚟筲箕灣未必會揀食車仔麵但今日行到附近被佢嘅門面吸引住睇埋餐牌見都有吸引到我嘅地方就入去享受下一個人嘅午餐好似唔多地方有得俾你任揀樽裝同罐裝，價錢一樣；最開心唔單止係揀呢樣，仲可以有正常檸檬可樂同咸檸樂，大熱天時我就揀咗咸檸樂幫我消暑啦食車仔麵好鍾意另外叫多碟菜，呢到嘅腐乳醬再昇華咗；因為平時腐乳已經勁夾通菜終於要介紹番我碗車仔麵，除咗麵底河粉好滑身；墨魚卷雖然切咗薄片，但不失口感；芝士腸食得出入貨係揀高質材料，豬大腸好入味又夠乾淨；牛筋滑嘟嘟，吸晒醬汁精華；仲有爽滑冬菇，一次滿足嘅車仔麵餐🤭

車仔麵是老香港的地道美食，勝在選擇多，可選多料少料，貴料平料。多麵少麵，豐儉由人。這家新店裝潢非常企理，店面10分乾淨，也沒有冷氣過度集中的問題店內都是年輕人，但服務態度比想像中好，值得一提簡單地點了一碗五餸車仔麵$64點了湯米線 豬骨湯 腩汁包心豬肉丸🍡 蘿蔔 生菜 🥬牛腩 超淋牛筋湯底相當清甜，蘿蔔跟生菜 質素不俗，入口爽脆，樣子光亮不暗啞，有質素振興的包心豬肉丸果然不會滿口粉，帶肉汁也有嚼勁，鮮！超淋牛筋的質素相當不錯，入口即溶，無需過多咀嚼，值得一試再試牛腩比較乾身 瘦，但也是我喜歡的款式，不會太過肥膩米線浸得比較淋，上完一天辛勞的班後，就想吃些比較容易消化的東西，這碗米線正好適合我

約了朋友在筲箕灣參加興趣班，好耐沒有來這邊了，電車路兩旁的街道，已換上全新面貌，新建的大厦新開的餐廳，煥然一新的感覺。巴士站落車的旁邊，有個很吸睛的招牌。這樣光潔明亮的餐廳，原來是車仔麵店。這樣舒適的環境吃車仔麵，真的是第一次啊。選擇了梳化卡座，可以用QR code 落單，自選了自製“牛魔王油麵”招牌炆牛根很諗滑入味，淋身又帶點彈力，是不錯的選擇。五香牛腩粒，肉味夠濃而且鬆化。牛百頁，夠爽口不會太熟，點辣油就真啱啊。還有咖哩魚蛋有5粒，都算份量多。油麵很彈牙，湯底濃濃的，秘製辣汁今次選擇了小辣，下次可選中辣會更好吃，辣汁真的很香。腐乳通菜，青青綠綠的，重點是腐乳醬夠滑很濃厚，咸香又帶點辣。

呢排真係超級忙，都無乜時間外出搵食。 同朋友係呢邊睇開野，見到大街，大當家以前個位轉左做一間幾靚仔既車仔麵，感覺可以一戰！店內都幾闊，舒適。朋友住左幾十年筲箕灣，話係呢區環境最舒服既車仔面店。店內仲有個招牌好有趣。餐牌好多選擇，最平可以三十蚊食到一碗麵。野飲加十蚊，價錢合理。檯邊仲有Poster推薦邊D係金牌配料，細心，一時諗唔到食咩都可以即刻參考。用料有水準我叫左比較少有既瀨粉、滷水豬大腸、滷水豬頸肉同蘿蔔。湯底就係豬骨湯加腩汁加小辣既辣汁。另外再加$2蚊要左菜莆。叫埋野飲，一共$55。先講講個湯底，本身個湯就好鮮，加上腩汁同辣汁， 令到味道更加濃。佢 Menu仲寫住係秘製辣汁，辣得好過癮，果然名不虛傳，好正！再來係麵底， 好多時食到既瀨粉都會斷開， 但呢到keep到一條條又好爽口。 滷水豬大腸，好入味，乾淨，又唔會過肥。滷水甜甜地又食到有少少八角味， 有層次。滷水豬頸肉，用既係同一樣既汁， 但食得出豬頸肉係有烤焗過，邊邊是脆口的，好有心思。蘿蔔更加是清甜，用左嫩的蘿蔔，食落口唔會有渣。飲品又係少見既竹蔗， 清熱解渴。朋友就叫左米線、牛筋、通菜、牛柏葉同水魷，湯底都係豬骨湯加腩汁加小

🕖時段-星期五夜晚7點幾去到餐廳唔多人 可以即時入座 (可能星期五個個都走去食好西🤪🤪)_▫️三/四餸車仔麵 $40起麵底$10 配餸每款$10-$12 最少兩餸麵起 淨餸就要3個餸起我同朋友共點左七個餸👉🏼包心豬肉丸 墨魚丸 墨魚卷 咖哩魚蛋 滷水雞翼 秘製豬腩肉 五香牛腩 (滷水豬頸肉賣哂🥲) 以下分享top3 💁🏻‍♀️🔸No.1! 五香牛腩調味香料香濃惹味 牛腩炆得好淋🐮🔸No.2! 滷水雞翼滷水好入味👍🏻雞翼唔老 肉質滑🍗🔸No.3! 包心豬肉丸 用大埔振興肉丸🐷彈牙爆汁! (我一咬彈到件衫都污糟哂😫😂) _🍽環境餐廳有大約20張枱 闊落舒適乾淨 點餐係scan QR code自助落單📱

同同事見完客去食十大美食“車仔麵”😋係朋友家附近係新開嘅車仔麵店呀！裝修仲好靚坐得又舒服😍仲係好好味添呀！秘制辣汁湯底油麵，咖哩魚蛋、咖哩豬皮、魚皮餃、豬紅、振興貢丸、秘制豬腩肉、滷水雞翼尖😋嘩😋勁大碗呀！油麵超爽配埋秘制辣汁（我揀中辣）😋一邊食一邊流鼻水😅証明咗係辣嘅🤣😂咖哩豬皮同魚蛋好爽好彈牙仲好入味添👍👍白雪雪嘅秘制豬腩肉好好味喎😋豬紅大家一定要食真係好好味💯💯💯食車仔麵最緊要係食雞翼尖d滷水味超好味呀❤️❤️，振興貢丸唔使講啦超Juicy呀😍😍滷水汁湯底粗麵，餸有振興牛丸、芝士腸、墨魚丸、滷水雞翼😋😍正呀！選用振興品牌牛丸woo真係一咬落去勁多汁呀，墨魚丸彈牙，招牌菜滷水雞翼又入味仲有好香滷水汁味“正”呀👍👍而滷水汁湯底超入味之餘個麵仲好彈牙bor❤️👍💯小食白菜仔細細碟，白菜仔上面d汁令到白菜仔勁甜勁好味💯雪碧係樽裝好懷舊呀🥤檸檬茶👍👍金雄御車仔麵 筲箕灣筲箕灣道305號地下3號舖

今日收工想食個下午茶，來到呢間舖，叫咗個5餸下午茶，包括魚皮餃、八爪魚、腩肉、豬紅、雞翼尖，粉絲底，再加杯咸檸樂，總數$68，價錢我都覺得合理，但返到屋企一打開，3條八爪魚鬚尖令我笑咗出聲，2片腩肉實在好孤單，我未食過一碗車仔麵叫咗5個餸都好似冇咩餸咁，唔知係唔係下午茶會比較小，好後悔叫下午茶😭

行經繁華既南康街,有時想搵間坐得舒服小小又唔想咁逼既餐廳坐底嘆下都唔係咁易..之前搭叮叮經過見到呢間新開既餐廳上網search 之下原來係新開既車仔麵門面裝修都好靚車仔麵鋪黎講,比較小見可以坐得咁舒適一D逼迫感都冇。麵底同埋配料都好多選擇由於我都幾肚餓..所以好貪心咁叫咗五個餸..包心豬肉丸，魚腐 ，豬頸肉，牛筋同埋豬大腸..豬肉丸係採用振興，有品質保證唔使多講了。至於個豬頸肉，牛筋同埋大腸亦都得滷好入味..個牛筋仲超淋tim👍湯頭亦做得唔錯..飲咗幾啖湯都唔覺得好口渴秘製辣汁亦夠香辣..同行友人因為唔太餓所以就叫左個自選咖喱小食有魚蛋，牛丸，牛柏葉，八爪魚咖喱汁帶有小辣，味道幾香濃..下次食個麵嗰陣要試吓加埋呢個咖喱汁先得🤤

今日路過，平時果間食肆轉左手，原來係我嘅至愛：車仔麵，仲頭痛緊要食乜嘢，所以入嚟試吓，點知侍應話有下午茶，好丫！原來份量都唔少，再加埋奶茶，好開心，可以再幫襯！

下午茶 $40 3餸, 冬菇好好味, 齋一般, 白蘿蔔 非常差 , 有渣的, 很假的甜味, 湯底棘味 非常一般, 同米線類餐廳距離太遠 這樣大的餐廳 只做車仔麵, 難做,可能其他秘製鹵味 可能好味, 那就不知道, 因不吃牛

好耐未食過碗咁高水準既車仔麵 👍🏻👍🏻食物方面 墨魚丸好彈牙 好新鮮 菜心嫩口 雞翼入味 腩汁好好味 河粉好薄唔會斷👍🏻👍🏻 記得外賣既話唔好叫河粉 因為外賣既關係河粉容易變硬 最好係堂食 口感一流價錢一般般 不貴也不便 比較相宜 👍🏻👍🏻環境係新裝修 有好多卡位 坐得舒服 唔會逼 冷氣亦足夠 服務幾好 有禮 而且可以用QR code落單👍🏻👍🏻出餐速度亦比較快 岩哂我趕時間食飯既人 一定會再幫襯👍🏻👍🏻

本來是打算去另一家餐廳，經過金雄御門口，好多開張花籃，於是決定試下。.🎈餐牌客人用手機掃二維碼落單，最平$40可有一碗三餸麵。.🎈環境.👇每枱擺設.🎈食物自選三餸麵: ⭐️⭐️⭐️- 墨魚卷、爆汁豬肉丸、魚皮餃- 米線- 豬骨湯- 中辣汁.總體中規中矩，我給3分，服務態度好，味道屬一般，食物溫度不太夠熱，湯不熱是可以的，同時餸如肉丸等熱少少可能會好食啲，亦可能會無咁硬，價錢算平。.👇爆汁豬肉丸熱一啲會好食啲，不算太爆汁。.👇魚皮餃同樣地，如果熱啲或煮耐啲不知會否好啲，現時比較硬正。.👇墨魚卷我以為係卷形，都無所謂，不過有啲韌。

環境舒服👍👍味道唔錯👍辣汁好味👍👍傳統車仔麵環境就比較舒服☺️☺️，食材方面幾好！相信食材用料方面係高汁🤩🤩我叫左滷水雞翼（好入味😋😋），牛筋😋😋（唔錯雖然有啲碎，入味），牛腩都唔錯，如果可以多小小就好🤣🤣份量可以再多小小就好啦！有D 唔夠飽🤣🤣可能我大食🫣🫣鳳爪都幾好味，價錢比出面車仔面貴小小，環境搭救！希望嚟緊可以做多啲優惠！如果可以野飲平返小小就好啦😂😂😂😂

今日第一日正式做返家庭主婦湊下女。。。所以開始學下人哋寫下食評：）今日下午湊完個女返完興趣班，經過見到有間新車仔麵@@我出街食嘢首先望下環境先會走入去，事關我個女有少少潔癖，好難服侍-。-之後我見環境好乾淨同好大，所以就走入去試下。而且下午茶時間唔係好多人，真係好舒服😌 我就點左一碗麵同泰式鳳爪同阿女SHARE個咖喱豬皮 豬紅 牛筋 大腸好正 大腸冇臭味喎阿女就食魚蛋 雞翼 丸類 見佢一路睇住IPAD 一路默默食 冇咩怨言 即係證明好食啦我好中意食鳳爪，呢個鳳爪真係冇得輸。好好味。呢間店好似仲試業緊，冇做新店優惠，唔知開張會唔會有咩優惠益街坊呢？同埋呢度員工都好好服務，有禮貌嘅。不過間店冷氣有啲大，都幾凍下。。。整體黎講，我會再幫襯。留意下有冇咩優惠先：）

試業中 今晚第一次食 叫了油面豬紅 豬肉丸 牛根 雞翼 大腸 清湯$68豬紅太碎 肉丸正常得2粒 牛根淋不過都碎 雞翼都正常 大腸都可以 老水汁甜 份量正常似下午茶份量不太飽 有好大進步空間。自動分湯可以