金雅餅店

營業中

休息中

我跟同事K說，我已預留一件蛋糕給她。同事K看到照片後，說道：「你可以吃全部三件蛋糕!」(嘻嘻，她以為只有三件蛋糕。)我回應：「對!妳要吃餘下一件!」同事K只得取走一件。嚐過後，她說：「朱古力的外殼好厚，而朱古力的味道好濃!」

以前金雅啲蛋糕真係好普通裝修完之後啲西餅明顯好咗隻Tiramisu好食10幾蚊件真係算唔錯其他麵包類就一般般啦都係西餅好食幾隻慕絲都幾軟腍唔會雪到死實實口味都算多有機會會再試下

新年期間有人送我一盒金雅餅店的曲奇餅。起初以為只是一般貨色，但吃了幾塊之後，覺得味道很有驚喜。我最喜歡曲奇的牛油味不重，但也很鬆脆，也不會太甜。比起那間Q字頭的曲奇餅店，一點也不輸蝕（價錢相信也比較便宜）。下次送禮我也會考慮買這家餅店的曲奇餅。

超級差評！！ 唔好幫襯！！ 1個星期前落單訂蛋糕，取貨當日係鋪頭等半個鐘都無貨拎， 一開始店員話老闆拎左去九龍（但我明明寫沙田取），等完又等跟住又問我日期係咪今日……張單日期同地點都岩係沙田拎， 跟住終於老闆電話同我對話。老闆處理手法極差， 一句道歉都無， 最搞笑係我訂蛋糕當然慶祝生日啦，叫我求期買個蛋糕頂住檔先。 仲要無主動話退返錢比我， 要我再返轉頭問職員退錢方面，個老闆先話退現金。最後等左大半個鐘仲話搵唔到我張單添，如果真係見唔到張單又會唔會肯退錢？ 差到無得再差

我仔百日宴訂蛋糕🎂網上揀左好耐，平極都一千幾百...咁啱經過見到呢度，其實平時連包都無買過竟然個蛋糕師傅（係姐姐嚟）肯行過嚟慢慢傾想要點整佢真係平靚正👍🏻 三百蚊就有雙層靚蛋糕！仲可以自己帶裝飾俾佢砌，又可以轉顏色連個蛋糕盒都好靚好大又實淨！好推介大家訂生日蛋糕俾小朋友👶🏻🎂

住左廿幾年沙田，多數都係食佢啲蛋撻（btw真係出爐買最好食）。蛋糕基本上就係正正常常，冇咩特別好唔好食嗰種，但係性價比算係咁。今次訂左個蛋糕，俾左張圖呀師傅參照，佢仲肯同我傾得好detail。出到黎個造型同我要求嘅一模一樣，二百令蚊 超抵！（旗仔係自己加嘅）個蛋糕盒仲好靚，同係出面訂嘅造型蛋糕有得fight! （我上個星期係一間IG shop 買個四百幾蚊嘅造型蛋糕 又多cream 又唔好食）蛋糕我叫左普通雜果蛋糕，唔會好似出面果種為左造型而個蛋糕硬骨骨咁，成個蛋糕清曬👍🏻btw 個奶蓋頂真係令我十分驚喜（奶蓋控）

好運中心，真神奇，連同上邊的海南雞及這麵包店旁邊的餐廳，全都錄得出奇地差的食評（對本人而言）。看似是老字號的麵包店，實質內裏麵包放很多，不知是貨如輪轉定一早弄了許多放在店，根本吃到新鮮熱辣的麵包就不多，豈會可口奇蹟般難吃的，麵包本身沒甚麼味道，不香，沙律腸應該不難整，但太乾，沙律醬不多，勉強加些三色豆在面頭更核突蛋撻沒蛋香，撻底不夠脆，不香不脆，也沒意義腿蛋包也同樣乾身而不帶麵包香，看圖就知蛋及腿都偏乾，不喝東西伴吃難以下嚥

金雅餅店售賣的麵包西餅款包頗多，除有傳統的菠蘿包、雞尾包、忌廉餅、蛋撻等，還有很多小食如中式燒餅，西式鳥結糖和各種曲奇等等，各適其適，任君選擇。今天試了這間餅店的件裝西餅，真令人失望！這裡的件裝西餅是$5一件，比香港的一般連鎖餅店貴了一些，但每件餅的份量比一般大些。件裝西餅的賣相並不討好，而且餅底非常乾，不夠濕潤，令人有隔夜餅的聯想。幸好餅面裝飾的忌廉和果沾味道尚可，個人吃了幾口便不想吃了。今次真是中伏了！以後亦不會再買這些件裝西餅了！

我爸十分喜愛金雅的忌廉芒果蛋糕每年他生日都會來買生日蛋糕蛋糕用料新鮮又豐富忌廉好滑！海綿蛋糕很鬆軟，一點也不乾！而且有蛋香和烘焙的香氣！Cream和蛋糕的比例剛好，吃著不會膩，我一次就可吃1/5個😋😋

今日家姐生日，她買了一個黑森林蛋糕回家大家分享，聽她說，這間「金雅餅店」的黑森林蛋糕是很好吃，所以今日她生日就買一個回來。這個黑森林蛋糕其實有點其貌不揚，但切開後，眼見入面的用料豐富，除了用上朱古力蛋糕外，還有一些黑加倫子味啫喱糖，蛋糕口感軟滑綿蜜，忌廉很香甜，加上黑加倫子味啫喱糖，份外好味。其實很多人都覺得一個高級的黑森林係應該不用啫喱糖而選用櫻桃肉，但有時候我覺得，一個普通不過的蛋糕就往往令人覺得回味無窮，這已經是最好不過的味道！👍

入去開工前，突然想買蛋撻。呢頭附近得啲大商場，唔知有無啲好食嘅餅鋪。問一問住呢頭嘅街坊朋友，佢就搵咗呢間金雅俾我。買個日天氣奇焗同熱，其實由新城市行去餅鋪好快就到。傳統麵包店，好多選擇。本來好飽，入到去聞到個陣味又想食。當日真係好熱，仲要企係啲爐同雪櫃隔離，老闆娘同員工都大汗搭細汗。曲奇餅都有，係呢度總會搵到一樣嘢你想食。我最愛嘅腸仔包都有，好想食。剛好等10分鐘有新鮮蛋撻，出黎個刻真係好開心，兩打100元，一半係酥皮，食到個個同事都話正，個個都食到停唔到。

今天途經沙田好運中心的金雅餅店，被那些琳琅滿目的蛋糕所吸引。凍櫃內的忌廉蛋糕看似好新鮮和味美，於於我便進店內買了一個迷你栗子蛋糕一試。三十八元一個迷你忌廉栗子蛋糕真是算便宜，最難得的是蛋糕面上的水果也不少，種類亦多，有紅色的士多啤梨、藍色的藍莓、黃菠蘿、青奇異果、黃桃和紫提子，顏色吸睛。水果新鮮而且尚算汁多。栗子茸不算多，但味道不會過甜。蛋糕層鬆軟，忌廉軟滑。整體來説，這蛋糕可以説是超值了，味美價廉。

今日 (29-11-2015 Sun)男友開工後返佢爸爸家攞o野,所以得我自己一人食晚飯,而聽日又放假,唔買餸煮喇,整三文治食啦.於是走落街市買,呢o度麵包舖比較少,就貪就腳o係呢間買,見到有$10.00o既白方包同$10.50o既麥方包(沙田o既物價真係貴得驚人),我買麥方包啦.返到屋企影好相就即整三文治,當我拎起一片,要將火腿放上時,片方包跌o左落o黎,我睇睇,係斷o左.我從未試過咁o既情況,啲包咁乾o既?整好食得,拎上手食,啲包就係咁裂,好論盡,而包o既味道就好夠濃,呢個真係差在乾.服務:好好,我冇手(一隻手拎好重o既食材,一隻手拎雞蛋),就叫個店員幫我拎一包,佢拎o左見到我冇手,就識做地幫我拎去收銀o個邊,見我將袋o野放低拎錢,就直情幫我放埋入袋內,唔錯.買o左走人都識講聲多謝.抵食係1.5分

阿姐今日請食咖啡味曲奇，據聞是在屋企附近的傳統餅店買的。曲奇裝在透明膠盒中，數量頗多，一人一塊，分給全部門同事享用也綽綽有餘。唧花造形的曲奇上，尖頂位置以朱古力醬作裝飾，不經意地，流露出一份的藝術美，賣相蠻精緻。咬下，曲奇口感不太香脆，咖啡味也偏淡了，幸甜度適中。

Daddy一直都幾鍾意呢間餅店嘅提子麥包，所以嚟沙田嘅時候都會stop by買D麵包返去。我自己就鍾意食香蕉蛋糕，呢間嘅唔係幾甜，合晒我口味。不過作早餐嘅時候就會覺得不夠溼潤，乾身佐少少。不過佢嘅鮮奶（蛋白？）蛋糕就好鬆軟，好好食。細佬就鍾意食腸仔包，金雅經常搞腸仔包雞尾包同細提子麥包嘅特價，都幾好食，所以好實惠咁。其他嘅買得不多，次次都fix住哩幾樣，同鋪頭超好人嘅阿姨都熟晒