金雋鍋貼大王 (已結業)

開左唔係好耐,其實想試好耐,但每次去到都要等,外面又熱,又見多人,所以都冇去到今次去到已經係晚上10點幾,見入面有幾張吉檯,所以就入去我就叫左紅燒牛肉麻辣紅薯粉(中辣)BF就叫左鍋貼我個碗紅薯粉唔麻又唔辣,牛肉夠林但冇咩味,非常麻麻...BF既鍋貼OK,外皮都夠脆,夠熱,但可惜我個舊食到最尾有硬物,應該係骨頭,咬到我隻牙赤赤痛,令個鍋貼跌哂分...呢間鋪可一試,但我唔覺有咩咁好食,所以亦唔明點解會咁多人等位去食... @@

一向愛吃鍋貼的我，路經此地必然入內一試...$10 有五件，算合理...一坐低就立即叫左五件鍋貼，但都等左幾耐下...等左好耐，鍋貼先黎...其實都好唔錯，皮夠薄，唔多油，煎得夠脆，有肉汁！不過，鍋貼接口位係冰凍嫁，如果唔係趕時間，我真係會叫佢煎過！所以唔可以比滿分喇！

第一次寫食評好緊張，此店開張幾個月價錢大眾化，值得推介，今日無住家飯吃就外賣這家店子煎餃子，價錢平肉質新鮮，其它食物有排骨菜飯、鎮江骨菜飯、鮮肉餃子都好好味但上海麪就差啲，麪質好硬(有待改

1900又再番來尼條街，專誠來吃鍋貼，去到…嘩…座無虛席，要等一會…都有位坐，好迫…人人背貼背。鍋貼（大）…十元五條…長方形形狀，味道幾好喎，好味過八方雲集，估唔到。咸豆漿…無咩特別，內有好多蝦米、油炸鬼數粒，淨菜肉水餃…有六粒，人手包，餡料充足，好味。酸辣湯…望落好似好辣，但嗒落辣味好弱，唔過癮。煎豬肉包…皮好厚，無咩肉汁，個包唔熱。二人吃，埋單60元。

九月下旬‧晴是日「跑步到新界」，來到這裡附近。完操後看有什麼好吃的，見到這裡以鍋貼作招牌，很有興趣看看是否真的做得出色？鍋貼一客五隻，盛惠十蚊，吃不了那麼多，要兩隻也歡迎，那就收五蚊。鍋貼是長型的，底部是煎得香脆，對辨。吃起來皮黏牙而肉餡不鬆軟，也沒有什麼肉汁。當是便宜的點心來吃，未嘗不可；生煎包四蚊一只，也要來一試。煎得兩邊皆脆，外皮吃起來比窩貼討好，但二者的肉餡是一樣的，也是不鬆軟又沒有肉汁的。除了便宜，生煎包還幾飽肚的。比較起利苑，同樣是便宜，但那邊的水準就比這裡好了。幾位阿姐醒目又快手，服務不錯的。埋單十蚊有找，是便宜之選。