金雋鍋貼大王 (已結業)

晚餐叫了雙併上海麵，一碟6粒煎餃，一碗狗仔粉。煎餃： 底吾脆又吾香，皮厚，$20得6粒，真係寧願食八方雲集好過。狗仔粉：溫的，完全不是熱的，粉多冇料，兩粒薄薄的冬菇，最多是菜脯，難食。一共食了$84, 真係冇下次，愈做愈差。

tea time 好多人, 爆滿咁滯, 因為30蚊已經有一個tea set, 有麵, 有鍋貼, 有野飲。鍋貼: 唔夠熱, 但幾大隻, 邊位夠脆, 入面係椰菜同豬肉,都足料, OK。擔擔麵: 主要得花生醬味, 無咩辣味OR 其他味, 如果再多D花生醬杰Ｄ就好，肉碎唔算多，麵質正常, 唔會太林。平平地無咩要求。豬肉包: 另外叫的, 有D似生煎包, 因為都是煎過, 但佢真是一個包, 有D 油, 但入面都足料。

下班回家前要到智樂取物，不想老遠返回屯市晚飯，就在這邊找一家解決晚飯吧！金雋鍋貼大王分店十分多，路過此店也不下數十次了，反正一直就是未試過這間吧！店面就跟平常的食店沒兩樣，就是那閃閃的招牌略帶浮誇而已。價錢是非常實在的街坊家，難怪會成為不少街坊開飯的地方。韮菜餃牛腩上海麵($43)牛腩上海麵是普通不過了，韭菜餃餡料不多外皮略厚，肉餡新鮮程度只是一般，純為飽肚的選擇。鍋貼($20)形態修長，外皮很厚煎過以後也不見得香脆，內餡的新鮮程度亦屬一般，看鄰桌食客的鍋貼煎得較脆身，但相信味道是相去不遠的。小籠包($24)看上去十分對辦，像極了上海的名店佳家湯包哪種平實無華的廉價小籠包，但仔細看來又是外皮太厚的問題，厚實得以筷子粗暴夾起一隻也不易穿破的程度吧！咬開湯汁傾瀉而出，不過又同樣出現 肉餡不新鮮的問題，即使是湯汁不少吸引度也不大。狗仔粉($20)湯底味精不多，靠蝦米、冬菇、菜甫、肉絲起湯，還放進香口的炸豬油渣，粉仔相當入味，很有傳統狗仔粉的神髓。金雋自稱鍋貼大王，表現最好卻不是鍋貼，而是狗仔粉呢！

我每次去食都係食佢嘅嘅粢飯或者雞翼菜飯或者餃子，加凍豆漿✌🏼️因為間野都係我附近，所以成日都幫襯，佢嘅粢飯軟硬適中，個餡啲餸都幾好味，佢啲餃子都煎得唔錯，一咬落去，就有成啖湯汁流出來，佢啲菜飯都整得唔錯，唔會好油淋淋，因為我通常去都係食呢幾樣野，其他嗰啲我都未試過，下次試吓先，再報告俾你地聽😋😋

lunch想食清清地，就揀左呢間上海麵店食，叫左個常餐揀左紅燒牛肉麵黎到見到個牛肉。。。點解咁o既？！邊忽似紅燒？！算啦！粗粗地照食啦！食落個味都還可以o既！夠林，唔韌，甜甜地。。。忘記紅燒2個字，味道都是ok的。。。鍋貼煎得好脆！皮薄！入面的肉都保持到唔乾,有肉汁！幾好味！老公叫左個豆腐花食豆腐花都算滑，但就有d乾。。。

做左屯門街坊十幾年，呢間鍋貼大王都開左好耐，由初中時期開始伴我成長。今日難得經過置樂，決定去食返個下午茶。 下午茶時段無乜人，坐得舒服。 叫左份下午茶餐，三隻鍋貼、一隻生煎包、一杯豆漿，二十蚊。 其實份量算係好少，不過其他餐又麵又粉，唔係幾想食，所以叫左呢個鍋貼餐。鍋貼同生煎包都煎得好油下，味道同以前差不多不過鍋貼入面既料就真係好少。 生煎包我就叫左牛肉，咬落去啖啖肉汁，食一個唔係幾夠喉，好想食多一個。整體來說，呢個價錢呢個質素都不過不失，不過跟以前的質素相比，真的越來越退步。

突然想食上海野, 本身都對佢無咩期望, 果然豬扒好麻麻! 直情可以話差, 不過個雲吞麵都可以加番分~豬扒分開上是常識吧, 所以唔需要讚佢呢樣野啦~要彈下就係: 豬扒薄, 細件, 縮晒水咁, 另外見到廚房部整好, 都無人拎過黎, 黎到已經唔熱~ 仲好意思話招牌豬扒麵就OK吧, 反而有驚喜的係雲吞, 估唔到咁大粒, 同埋都幾足料

行過見冇咩人等緊又好似幾好食，就行左入去。有面同米線揀配鍋貼，仲有粉仔等等其他野食。我叫左碗水餃米線同鍋貼，個鍋貼都煎得幾脆，入面d肉都好多汁，幾好食。個米線都算幼同滑，另外杯豆漿有豆味，唔會好多沙。整體黎講都ok，而且價錢都幾平，可以下次再黎食。

今日再揀鍋貼專門店，而依間都係連鎖式既餐廳，麵係屬於上海麵一類，到步立即有位，我望一望餐牌點左個雙拼麵餐（韮菜餃+雞翼）  不得不提，依家夏日炎炎，一入店內，冷氣充足，需然枱面較細，但係留到好多空間係店內，總算舒適。  三分鐘後食品上到枱上，第一樣係豆漿  相信佢地既豆漿係自家製，額外有一份香味，而且跟餐既份量一樣好大杯，消暑，滿足  隨住豆漿，緊接而黎係佢地最出名既即煎鍋貼  鍋貼皮厚，肉小，煎得唔香口，肉汁都無咩，如果唔加豆瓣醬或醋，根本上無味可言  之後店員上左份炸雞翼比我，因為炸雞翼放落湯一齊上枱一定淰晒唔好食，依種上餐方式都幾貼心，之後韮菜水餃麪都上到枱。    生炸既雞翼口落外脆內軟，非常好食，可惜係水餃麵，水餃內韮菜超多，肉超小，只係食到韮菜味，而且食完一隻後，其餘兩隻已經係湯內解体，最可怕既係個湯，淡如清水，我加左鼓油，胡椒粉，醋，都係好淡，湯係依餐可以係可有可無既野。  今餐食物質素一般完全無特別，依間餐廳服務質素差，特別係收銀，唔出聲扮啞都唔緊要，黑口黑面對住d客人就真係有d那過，不過有樣抵讚既係'抵食'，絕對超飽肚，40蚊唔洗，2隻鍋貼，2隻雞翼，3隻水餃，一碗麵

平日番工, 放假當然要四圍走走啦~ ^^近近地, 同MAMI起番屯門行街~ 搵個地方食LUNCH先, 黎到置落呢邊~ 食完飯, 可以去埋勁岩女仔行既萬寶商場~ 住屯門既人一定識~ 衫又多, 又集中, 又平~ ------------------------------呢一餐, 分別叫左兩個上海麵, 第一個係"招牌豬扒麵 $22", 豬扒夠入味, 好食! 即叫即炸, 炸粉一D都唔厚, 岩岩好, 值得讚既地方係D豬扒應該無用鬆肉粉處理過, 所以豬扒既肉質仍有咬口, GOOD叫麵, 加個熱豆漿只係加$5 呢到熱豆漿夠熱, 特別好飲~ 我唔鐘意暖既豆漿~ 豆味方面 有70分啦~ 甜度方面, 適中~"菜肉雲吞麵 $21" 一碗有4粒雲吞, 雲吞餡多菜少肉~ 加埋個上海麵, 份量足夠~如果雲吞同豬扒比較, 呢到既豬扒, 較為出色~麵方面, 有3種上海麵可選擇, 分別係, 中麵 /幼麵/ 粗麵, 粗麵加$3, 其他唔洗加$~我就叫左1個幼麵 (圖上方) & 1個中麵 (圖下方)幼麵唔好食, 麵質太林, 容易發脹, 口感唔似上海麵~ 中麵 好食, 麵質煮完后, 食落依然有少少爽口~食完之後, 較為口喝

一向愛吃鹹豆漿，見佢有便幫襯。點了個廿四元下午茶餐， 再加五蚊轉鹹豆漿。豆鹹先到，一啖喝下唔鹹唔淡，又不夠熱，蝦皮無炒過好腥。 跟住兩隻鍋貼，皮厚肉乾,又係凍的。到最後碗擔擔麵，今次是熱的了，但麵身杰到似漿糊，仲好重鹼水味，真係唔知點食。向來不浪費食物的，今次都俾這間大王打爛齋砵，淨下大量厨餘。肯定唔會再去

中午時分，簡單的窩貼豆漿粢飯也是一個不錯的選擇，極度肚餓的我一口氣叫了窩貼、炸雲吞、小籠包、炸豬扒粉仔、炸豬扒餃子麵及熱豆漿，食得飽飽，非常滿足的一個午餐~招牌窩貼（$12）的皮太厚了，內裡的肉又沒肉汁，最失敗是不熱的，竟然叫招牌窩貼，只會令人希望越大，失望越大，跟八方雲集的招牌窩貼簡直是天淵之別~炸雲吞（$17）一共有5隻，隻隻也炸很金黃色，很脆口！內裡是菜肉餡，味道調得不錯~灌湯小籠包（$24）皮很厚，只很很少很少湯汁，跟灌湯這兩個字相距很遠，她們應該到鼎泰豐或金牌小龍試試甚麼叫做灌湯小籠包，還是炸雲吞好味得多~炸豬扒粉仔（$20），炸豬扒略油不夠鬆，只可說是合格，但是我很欣賞那碗粉仔，內有冬菇、蝦米及菜甫，菜甫可選辣與不辣。我叫了中辣剛剛好，粉仔的湯很濃，味道也很好，越食越好味，原來當中加了豬油渣，所以分外香，加了這點心思，十分欣賞~炸豬扒餃子麵（$27），整碗湯很白，看似沒有甚麼味道，一吃之下比想像中好很多，餃子內的菜肉也做得不錯，只是麵質卻一般了~最後就是熱豆漿了，充滿豆香，甜度又適中，很好喝啊!喝完肚子暖暖的，對於不喜歡喝凍飲的我最適合不過了~這小店的選擇很多，質素普通，但

今天要去灣仔聽talk，所以就向學校申請提早食lunch～同學說去金雋，說時間跟去屯市差不多，那我們就一起去了～一進去沒甚麼客人，這也難怪，到達時才11:30am，連我都沒甚麼食慾看到光猛衛生的"廚房"和木製的桌椅，令我對這兒的印象加了不少分"痴"飯($10)：一入口有點太鹹，應該是因為料多糯米少，尤其是榨菜，不過多吃幾口又不覺鹹了。糯米如前一位食家所言，是有點乾，不過愛吃硬飯的我覺得還好。中間的油條還有點脆，很不錯。不過如果飯多一點的話，就更完美了。鍋貼($5/2)：實物比圖片長得多，餡料是椰菜豬肉，味道不濃，加了醋吃都還可以，如果是韭菜餡就好了！不過很普通，下次不會再點這個。以鍋貼大王自稱，但鍋貼卻是普通貨色，有點失望。凍豆漿($4跟麵)：有點太甜，個人還是喜歡多豆味的少甜豆漿。豬扒小辣薯粉($25)：同學的，我試了她的薯，粉質感煙煙韌韌有咬口，辣度適中，好吃！她說炸豬扒炸得香脆可口，超讚！ 她吃完還狂讚這個豬扒LOL豬肉飽($4)：又是同學的，我沒有試過，聽說普普通通，但我認為賣相挺可愛的～花多眼亂的餐牌～這兒的選擇很多，

鍋貼－乾巴巴、凍冰冰、無肉汁、無肉味，竟敢自稱鍋貼大王，唯一優點是五元兩隻大大隻夠滯胃紅油抄手－又是乾巴巴的，調味十分奇怪，無紅油香味，還加了肉鬆，不是甜不是酸更不是辣，是變壞了嗎？唯一優點是十八元六隻食到你唔想食瓷飯－糯米乾巴巴，油條淋patpat，榨菜大大條，個膠袋就濕到滴晒水。粉仔－粗得有如烏冬，油渣是無煮過的，但亦不香又不脆，不過現在很難遇到好吃的粉仔了，本來就無期望，不能要求太高。結論：定價不貴，但價錢與味道仍不相稱。

與同事在附近挑選吃什麼，最後還是到這裡試一試。大名聽過無數次，不過我第一次在這裡吃飯。一看菜單，發現這裡的價錢也很便宜，麵只是２０－２５元。我點了「九」菜餃子米線（２２元）本以為２２元的份量應該不多，怎知一看，跟平常的米線店差不多，而且我有五隻餃子，還比譚ＸＸ米線店多一隻！哈哈裡面的確很重料，非常多「九」菜，肉則少量。如果喜歡吃「九」菜的人，會很喜歡。因為我能接受「九」菜的味道，所以也覺得不錯，唯一較為可惜就是有一點點的油膱味。