金飯碗美食

營業中

休息中

是日同朋友去小夏威夷徑行山，落到黎就係科大，於是去左科大搵野食。上一次去科大應該都成8年前左右，完全唔認得路亦唔知邊度有野食。望下地圖其實選擇不多，於是就走去最平既canteen LG7度食。呢度其實有幾個suppliers，同朋友不約而同都食拉麵。如圖。其實唔會好難食，不過亦唔係好食啦當然。唯一特點就係平，我雞扒加豬軟骨拉麵$30，朋友個個都差唔多上下。D枱都幾污糟，可能因為星期六黎，無乜員工返工清理。見到隔離枱食一個好頹好頹又唔覺有咩料既烏冬，我相信個碗野應該係成個canteen最難食既野，但見到都有幾個人食緊，十分驚奇，好想知係咩黎同幾多錢。俾喊喊，係因為有中大既canteen做比較，中大的話除左當年UC can同franklin，真係是但一間都高汁過佢。

今日同d friend入UST打波打波前先去canteen食個Lunch以前未嚟過UST 覺得canteen應該間間U都差唔多架啦一睇個menu 覺得呢度款式多好多鍾意食辣既我見到有水煮牛就叫左嚟試啦佢可以揀配麵或者菜飯 我就揀左上海麵麵既份量都幾多 最後都食唔曬水煮牛唔會淨係比好多辣椒你 牛肉份量都算多牛肉用上雪花肥牛 肥瘦適中 食落唔會覺得鞋辣度雖然冇得調整 但我覺得唔算太辣 同外面既小辣差唔多水煮個汁好濃 因為碗麵既湯底好清 我自己將d汁溝落碗麵度食 咁就連碗麵都可以食到帶微辣既水煮味道覺得Canteen有咁既質素係意料之外👍🏼

不要吃滑蛋豬排飯～～～～～～～～～～～食物：滑蛋豬排飯滑蛋：味道很怪，好像有芥末味。滑蛋破壞整個飯。我本身很喜歡吃蛋的，但這個蛋真的很難食。最後我還要將蛋分開才吃豬排：不算太好食，以這個價錢這樣的質量也差不多～～～～～～～～～～～～～～～～～～～～～～～～金飯碗其他東西其實都可以，例如陽春麵等、蒸飯、兩／三餸飯

温書温唔停考完試就放心食番餐翡冷翠辣肉腸意式包 $29此為金兜新品，辣肉腸偏鹹,上頭有芝士奶脂香十分香口，意式包脆口，成個包用左pizza嘅制法，不過就真係過鹹了日式咖喱豬扒飯 $28日式咖喱帶甜微辣,入口先有香甜味道，然後辛味再慢慢湧出，味覺刺激感十足，豬扒肉質鬆，外表炸皮於剛上碟時十分鹹香脆口，不過後來被咖哩汁浸淋，下次要記得咖哩汁分開山西肥牛刀削麪 $33湯汁有紅蘿蔔甜,又有突出番茄味，湯汁牛肉味濃，為麪增添核心味道，麪質煙韌完整唔粹，整體夠濃味，好好鹽燒秋刀魚配南瓜 $33魚肉夠鹹，結實微澀的肉質中配合檸檬汁中和，味道得以平衡，燒南瓜味道香甜,外有焦化表皮微澀，同內裡香甜軟稔對比，突出更甜味道，南瓜大讚！

喇沙金菇煮肥牛(菜底) $33原先見個名「喇沙」，仲以為係辣，點知原來係甜多，椰汁味少，主要為肥牛淆出嘅湯味，不過獨特地方在於有桃一起煮，令湯汁更鮮甜，蔬菜菜底完美地吸收甜甜的喇沙汁，令人食過不停回味口水雞腿 $33此菜色就真心辣，乍看有辣椒已有心理準備，不過餸汁比想像中更辣，餸汁入口先是豉油味，鹹鹹的，不過辣味漸漸湧出，生菜都吸收起不少辣味，蹤使辣度高，不過又挺惹味，生菜吃過一片再一片，口水雞腿肉質嫩，不過出奇地不辣，是豉油雞的味道，整碟菜也十分惹味又香口，加上鹹度足夠雞腿肉，十分出眾京式回鍋牛仔肉 $33回鍋肉的餸汁已先是拌飯佳品，味道夠鹹又帶甜，爽脆椰菜掛起餸汁入口亦可口，可惜牛仔肉肉質因長時間燜煮變韌，不過牛肉血重味仍然得以保留，回鍋肉汁與牛肉均屬重味，互相配合不蓋過相方味道，配合得宜

麻辣汁豬軟骨配薯角 $33豬軟骨軟稔, 油脂味香, 肉質軟而糊口, 咀嚼間感覺豐富,薯角稔又粉身, 的確好食,麻辣汁反而唔辣, 雖然有d辛口, 但偏甜,不過我反而想食咁甜嘅餸汁, 撈飯一流什菜炒飯 $27炒飯味道清清, 不太鹹,炒蛋蛋香仍然保留, 鹹味亦不蓋過菜甜味,調味上平衡得唔錯,不過炒飯油感始終過多

蝦仁紅菜頭意大利飯 $40迷幻紫紅色彩 之前遠睇人家的已感到十分好奇原本以為會係紫薯 原來係紅菜頭 鹹鹹忌廉汁 放耐d係口內有紅菜頭鮮味紅菜頭質地似蘿蔔 腍腍地甜甜地蝦仁一樣爽口 比平時的更大 意式莎樂美腸炒意粉 $40原本忌廉汁鹹莎樂美腸令意粉更鹹香 莎樂美腸感覺似臘腸不過冇左臘腸既甜 真材實料既西式火腿鹹鹹味滲透意粉當中雖然鹹香 但納含量多既惡疚感頗大如果淡少少可以就好了日式鰻魚炒飯 $40好正常既海鮮炒飯味同樣有魚蛋蟹柳等加工魚類 令炒飯魚蛋香濃應該有少少照燒汁 對番鰻魚既元素少少鹹加d魚蛋蟹柳點綴今次新菜式 有好有壞但以食堂黎講 不斷有新菜係值得鼓勵

椒鹽一口排骨 $38多骨少肉 一粒粒咁以為細細粒看似冇咩特別入口不少肉汁擠了出來 外面既椒鹽再增鹹lun骨咁食下食下 十分惹味山西肥牛刀削麪 $33肥牛脂肪多 湯底有鹹道 刀削麪唔太彈牙 多數都係入貨的 感覺厚身少少 彈牙既刀削麪較好嚼口鹽燒秋刀魚配小棠菜 $33燒得油份多 就算實肉魚唔乾身而係油口燒汁加上檸檬汁 重味中帶鮮味魚味亦能夠釣出來海鮮雜錦炒蛋 $33魚蛋蟹柳等 加工肉類既調味融入蛋中就係加工既好味 再加d椰菜 令菜色賣相更豐富

西檸煎軟雞配小棠菜 $33煎軟雞炸皮好脆 香口跟甜甜西檸汁惹味雞有少少鞋 但至少唔實西檸汁多d 可以配埋菜食就更好了韮黃蝦仁炒滑蛋配油菜 $38韮黃夾在滑蛋中 有蛋汁尚餘明明固體既蛋 在口中卻有液體既感覺滑嫩非常再有唔搶味蝦仁點綴 菜式更豐富兩餸飯(火腿蒸水蛋,咖哩雞) $22雞與蛋的組合但咖哩汁太多了 混入原本味清淡點既水蛋 咖哩係港式 唔辣 雞係煮左都幾耐既質感 離骨帶纖維感蒸水蛋唔算滑 但鍾意有質量既感覺

回味口水雞腿 $33食得出主要係係辣椒既辣味刺激性比較強 係椒既味放係口內停留多一會兒 再附帶麻痺感雞脾主要除左油口既質感外 都食唔出味道了其實都係一味辣老干媽青紅椒炒牛肉 $33老干媽好似係內地既一種辣椒醬牌子辣得黎仲有少少豆豉鹹可以食到其他味都可算是奇蹟青紅椒都係沉重既草青味 牛肉泡打粉多所以鬆食下食下唔覺辣後又幾惹味

蝦仁牛油果燴意大利飯 $40雖然只係一個大學飯堂 但又會不斷有不同菜式供應感覺其實就係忌廉汁意大利飯 飯濕濕的應該係用左珍珠米 米有少少甜再帶煙韌感蝦仁size唔細 飯味道的確係有蝦既味(似灼蝦時既味但係調味過鹹了 鹹味好像蓋過了太多味道 除非係牛油果味日式芝士牛肉炒飯 $29味道係金兜既日式炒飯味道 主要都係鹹味 再灑上芝士粉暖既時侯食飯先容易d食到甜甜地既芝士味 所以要趁熱食 牛肉片沾上芝士粉 肉味被少少甜芝士味襯扥焗鮮茄牛肉意粉 $30鮮茄配肥牛 較少見既組合配搭出黎新鮮感滿滿的鮮茄唔係sell甜 而係鹹與酸味既配搭以配合肥牛既脂肪感和肉味入口肉汁跟鹹與酸既茄醬 肉味主導加番茄少鮮味

砵酒燴豬軟骨小棠菜 $33又係見到個名而想試試系列到拎到既時候 又係經常出現橙紅色既汁 味道似紅酒燴xx 少少甜再帶少少茄酸味十分欣賞豬軟骨燜得十分軟腍脂肪感滿滿的 又被汁鮮味平衡了過來食到途中已經醉了似的 沉醉於這脂肪感中豆豉鯪魚配油麥菜 $33有好多蒜頭蒜同豆豉香令油麥都香埋一份油麥就係配住濃味香料 完美融入當中的蔬菜豆豉鯪魚再係當中再濃味d不過只是菜底既油太多了番茄煮蛋飯 $28素菜佳品 亦是餸飯佳品番茄同洋蔥都好鮮甜 煮得汁都帶了他們的鮮甜甜但偏稠既汁 附上蛋上鮮甜加蛋沉沉味道

大夥人re-u,最好就係乜都可以試 等左好耐, 終於有得開飯喇~吉野蟹籽牛肉飯 $33多左蟹籽聽落高級在,由$24日式牛肉飯升為$33本期望滿滿,卻事與願違, 牛肉味冧味足,蟹籽脆口卜卜聲好特別, 不過冇左牛肉汁餸飯有好大影響, 只剩少量洋蔥有牛肉汁嘅味冧味, 其餘蟹籽量不足以送哂全部飯 ,牛肉因少左汁而乾乾地多左蟹籽就貴左$9,真係唔太值得,食番牛肉飯又多D汁又平D 韮黃蝦仁炒滑蛋配油菜 $38好多 嫩口 滑蛋,有蛋黃香又甜,金兜滑蛋果然永遠冇伏, 甜鹹平衡得好好,蛋黃香甜配爽口少少海產香蝦仁感覺特別 西檸煎軟雞配小棠菜 $33西檸汁超正,甜酸極致, 十分醒胃,配合脆脆炸皮消減油溢感,唯炸雞鎚肉質稍乾缺汁 沙薑鹽水咸雞翅腿 $38沙薑味未算濃,不過雞肉有淡淡鹹味似清雞湯香, 所以食落似雞湯煮雞鎚,清清地得黎又鹹鹹地, 勞碌心境都好似被清理 迷迭香燒雞扒配羊架 $45一督羊架,好似太燶吧, 食落焦位過多澀澀的,而且煎過頭又令佢缺乏肉汁...雞扒相比真係好大塊,鹹香到不得了,相信有相對多調味, 不過肉質乾身,唯有點伴隨嘅黑椒汁 麻辣過橋肥牛

終於上完堂 更係要食飯補充一下 西檸煎軟雞配小棠菜 $33西檸汁甜甜酸酸 十分醒胃 小棠菜配汁都十分醒味 雖然話係煎軟雞 但炸粉皮都唔少脆皮沾上西檸汁 口中粒粒脆口皮在西檸汁中流動 汁跟脆皮配合得相輔相成 唯一詬病係雞肉厚同鞋 令人惋惜 韮黃蝦仁炒滑蛋配油菜 $38 炒蛋淡淡蛋黃香淺黃色炒蛋中有不少蛋汁流動 加上韮黃一條條夾在蛋中 使炒蛋滑嫩可口 蝦仁既爽口又添了份色彩 加少少鹹突出蛋香甜 十分易入口 一口接一口 咁就食哂啦 五香牛蹍伴滷水豆腐配油菜 $41牛蹍滷水味入味 有d嚼口但偏厚 要撕開有少少難度 如果薄d既話口感更佳 滷水應該可以更入味豆腐由於滷味 加上炸過 所以唔滑係正常既點滷汁惹味非常

Halloween Night 唔係去Party 只係要返去聽talk 順便同fd聚一聚記得曾經見過紅燒翅淋上肉類上 成為一道菜式估唔到黎到又可以試到 金菇瑤柱燒班腩配油菜 $38 其實本來菜名中 並沒提及紅燒翅金菇瑤柱勾芡似紅燒翅 芡汁帶鹹稠身  金菇瑤柱短短細細條 令芡汁口感與視覺都更豐富 班腩皮硬硬地而且脆身 咬下去「僕落僕落」的感覺 加上鑊氣十足 紅燒感覺強烈沾上芡汁鹹得出色 帶些許熱氣既罪惡感 麻辣水晶粉煮肥牛 $33麻辣跟肥牛為金兜常見配合菜式 都見慣不怪但又被「水晶粉」一字吸引了... 水晶粉其實即係粉絲 連汁食麻口感停留耐 要食幾啖飯先可以消退麻味肥牛脂肪多 今躺唔算鞋除左麻味都唔知講咩 七味滑蛋炒牛肉 $38同上次一樣 炒完蛋後先再灑上七味粉主要鹹鹹的 有d似淮鹽 不過今次比多d滑蛋嫩滑有蛋油 七味粉增味顯注睇幅相可能會問 說好的牛肉呢?其實埋伏哂係蛋中 到我吃過上面的蛋後來個殺個不及 使得其後吃的大多是牛不過牛肉都十分鬆腍 肉質順滑再沾上少少七味粉與蛋油 更凸出牛肉味萬聖夜就這樣悄悄的 在我們沒想到給糖的搗蛋聲中溜走