金鳳大餐廳

營業中

休息中

每次嚟食都係食牛扒同豬扒餐包柔軟好食9/10蘑菇湯同雜菜湯一如既往嘅出色 10/10牛扒火候好正，嫩滑 9/10豬扒煎到表面焦脆👍肉質嫩滑 10/10平時久唔久都會嚟食一次佢都可以keep住水準

起灣仔行行下街，見到近銅鑼灣有間地下鋪，好舊式風味既西餐廳，所以吸引左入去。扒餐Menu-好多都係一百$頭就食到，相當平民價錢。一開頭前菜有餐包（牛油另上），餐包比一般大DD，個包又仲係熱的。餐湯-叫左個中式羅宋湯，個湯好濃，仲有好足料，料都差不多多過湯，值得一試。招牌牛柳餐-一黎到，見到好厚，同好大塊，叫左個黑椒汁，太熱既關係，落黑椒汁既時候係甘跳d汁「炸」一聲，叫左5成熟既牛，食落口好嫩口，牛下面仲配薯條起底，薯條吸曬黑椒汁，好好食，經過灣仔銅鑼灣的朋友，值得一試。

一個月總會來一次呢度鋸扒，每次必點西冷牛扒加蒜蓉，牛扒配上蒜蓉真係絕配，去其他餐廳鋸扒好少可以配上蒜蓉，就係呢樣嘢令我心思思成日想黎食🤣不過嘢飲方面佢有分大杯同細杯，如果想要大杯嘅話就要加錢，嘢飲方面如果可以畫一份量咁就完美

從來唔知道謝斐道有間金鳳据扒，不單只完全唔起眼，門面仲殘殘舊舊，經過幾次都唔想入去，同事神神秘秘話帶我地去闊落地方食 lunch，竟然帶我地去已經褶埋多時嘅財記辣蟹! 激Q氣! 結果佢死死氣話轉場去金鳳，先敢話入去幫襯.仲好期待有咩好地方𠻹! 激氣!推門入內，餐廳氣氛好似亞飛正傳年代，古典又氛暗，如果我返工嘅寫字樓係咁我一定訓著! 仲訓到扯哂鼻鼾𠻹!氣氛環境唔理想，服務同樣唔理想，人手明顯不足，想落單都無人理.Menu 只得枱面一張紙，得四個選擇，本想叫焗芝士豬扒飯，驚佢人手唔夠攪好耐，點個A餐黑椒鑊仔牛柳算.只幫襯過山林道金鳳，質素唔差，絕對好過太子果間花園餐廳，哩間金鳳嘅質素同樣唔錯，首先牛柳無古古怪怪肉鬆粉味，落刀已經感覺到肉質鮮嫩，唔點黑椒汁已經非常入味，配上黑椒汁係錦上添花更惹味，配菜薯條脆口，美中不足無用上三色豆.另外餐包唔夠熱，白湯夠濃郁滿意.食完之後推門離開，外面柔和陽光，即刻感覺由60年代返到20世紀! 推開金鳳大門好似玩緊多啦A夢隨意門！

等老公收工,同我去呢間經典扒房鋸扒,因為老公比較鍾意有汁既嘅扒,所以我耐不耐都會就佢嚟呢間餐廳一齊食☺️我哋其實每次除咗杯嘢飲唔一樣之外,其他都食同一樣嘢,一個食鐵板香燒羊扒,一個食鐵板招牌牛柳,每次都係五成熟,每次都係黑椒汁,另外一人一份蒜蓉；湯都係一樣,每次都係一個忌廉湯,一個羅宋湯😂 今次加多個（法國香草焗蝸牛）,其實明明兩個餐都食唔曬,又係都要加多個蝸牛🤣實在太貪心了！今次嘅水準,都係好似平時咁,令到我哋滿意,下次會再嚟食過☺️

𝟘𝟠.𝟘𝟙.𝟚𝟘𝟚𝟚📌金鳳大餐廳 (灣仔)灣仔謝斐道415-421號地舖🔎#hkfoodieat_灣仔 #hkfoodieat_銅鑼灣 💸人均消費: $50-100📚評分: 3/5🈶加一服務費餐廳分類🔖 #hkfoodieat港式🫖 爸爸突然話想食扒所以佢就帶咗我哋嚟呢度😲呢度標明係平民價格星級食品🌟雖然係港式扒房但以扒房嚟講價錢的確好平😳如果想食扒但又到糧尾呢度會係絕佳選擇🎉𐂂假日午餐: 黑椒西冷扒 ($50)呢個套餐真係超級抵食🥹有超濃超好飲又多料嘅羅宋湯或忌廉湯之餘仲超軟熟嘅牛油餐包🍞至於主食除咗可以揀薯菜仲可以揀飯或麵🍚扒嘅份量好大同埋汁都好夠多🐮牛扒好鬆化不過冇乜牛味甚至係淨係食到黑椒汁味🎃不過呢個價錢有咁大塊扒食而呢個質素都好合理👍🏻𐂂假日午餐: 洋蔥豬扒 ($50)媽咪話豬扒都好多汁幾鬆化😼我自己冇試過所以實際上好唔好食就要自己試吓先知啦👻唔記得咗講佢仲有餐飲添☕️餐飲味道正常但偏細杯咁啦😗𐂂蘇格蘭牛扒餐 ($127)蘇格蘭牛扒啫係肉眼扒🥳我同爸爸想試吓佢哋嘅西冷同肉眼有咩分別所以就嗌多個鐵板😋雖然價錢貴一倍有多但份量相對應地多咗咁多🤣呢份嘅肉味重啲同時都係鬆化嘅肉質嫩滑嘅

我諗起碼15沒有光顧，今日響灣仔要過去銅鑼灣，途經，1:09竟然不用排隊，相比附近茶餐廳人山人海，都驚有伏，但是好奇心驅使之下還是坐下了。30年如1日的裝修。環境比較暗，唔衛生程度還可以吧。A餐紅湯。上菜的速度係即時。個羅宋湯又唔水，都有幾多蔬菜，但是吃不出有牛肉。味道其實不錯了。看看碟意粉，份量也不少，黑椒汁比想像中辣，竟然食到出汗。食得出有洋蔥，蒜頭味道。汁不算油膩，跟 pasta食也不錯。塊牛肉，我估計六安士倒。應該Process過，但是不至於去到入口即溶。還需要用刀堺幾下。在沒有得選擇生熟情況之下，我估計大約這是七成至八成熟。凍檸茶比較細杯，味道正常。離開嘅時候，總算坐滿了人。當然未好食到我會好快又再嚟，但以50蚊來說，今時今日，在銅鑼灣，算做交足功課。

距離上次食都已經係一年前，今日經過附近就食多次。裝修同以前一樣都係復古殘舊，幾十年不變。但是比平時多了一份難聞的霉味。實在令人不太開胃。同朋友分別點了五成熟的肉眼和三成熟的西冷。麵包率先上菜，麵包籃鋪滿厚厚的塵灰，像是開業到宜家都沒有清洗過。然後第二上菜的是羅宋湯，但還未品嚐時，牛排已經上菜。看到牛排第一個反應，好細。牛排比以前細份了很多，而且更薄了。蒜蓉也比以前少。第一刀切下去，看到內裡的肉，就有種中伏啊的感覺。根本唔係3-5成熟，而是全熟。肉質比起以前差了10倍。好似香口膠，咬不開，無肉味。超級失望，最後沒有食完就離開了。埋單要400元，實在令人乍舌。如此質素收咁的價錢。400元可以食很多好味的餐廳，老實講M記的漢堡排都好食過佢。最後，很多人說支持老店。但如此差劣的餐廳就讓它結束。如需要懷舊打卡的有許多更好的選擇或是在門口拍照就可。 拒絕情緒勒索，遠離劣食。

餐廳環境多年都不變，超復古，連佈置同塵埃都保存得好好不過嚟呢度都係想體驗情懷居多，所以咁多間金鳳都係呢間最有feel餐包微暖軟綿綿， 係港式西餐歷史悠久款式，羅宋湯熬盡精華，好濃稠，蔬菜都已煮得糜爛，味道帶蕃茄酸同辣味惹味港式黑椒汁份量超大，意粉應該有調過味， 但黑椒汁味道實在太霸道，意粉煮得偏軟身，仲有椰菜同紅蘿蔔絲伴碟牛扒厚薄相宜，無預期嘅極端尚算粉嫩易入口 除咗是日午餐，仲有假日午餐，呢個假錢喺銅鑼灣區真係好抵食

食鐵板牛扒梗係揀金鳳大餐廳啦，以前食金鳳大餐廳去到山林道，而家就周圍都有一間啊！今日同女朋友去咗銅鑼灣金鳳大餐廳据扒！入到去個店舖裝修就比較懷舊，餐牌就由一本本轉左做一張紙同埋轉左自助落單，都相對方便！「招牌牛柳」賣相似肉眼，叫左5成熟，連埋個板上到枱都6/7成熟，再加上口感唔錯都成吋幾厚，再配生蒜蓉同黑椒汁非常一流「蘇格蘭牛扒」都係叫左5成，大大一塊，都有差唔多成吋厚，都有配生蒜蓉再加另上燒汁，不過同以前係差小小。飲品方面佢有普通小杯到大杯到超大杯都有二超大杯係500ml，飲到你唔飲都得。總評分5分滿分方面都係維持喺3.5分啦不過不失。

呢間金鳳茶餐廳歷史悠久，實質嘅開業年份都唔係好清楚，總之佢就係非常懷舊嘅舊式茶餐廳，好耐之前都有試過呢間，今次再去食之餘可以介紹一下，記住記住，呢間叫舊金鳳茶餐廳，係位於灣仔嘅，唔好去錯啊，佢哋嘅裝修不變，無論係門口定招牌都係比較舊式，而裏面嘅枱櫈擺位都係接近懷舊風，而菜式方面佢哋同同類嘅餐廳都係相似，平價鋸扒嚟計，呢一間都係選擇之一，之前食過質素係唔錯嘅，唔知今次食會唔會可以保持水準呢😆😆我哋嗌咗一份招牌牛柳餐，一份美國雞扒餐，法國香草焗蝸牛(12隻)，佢哋跟餐飲方面係有分大同世杯，細杯嘅會係平時茶記裝水既大細一樣，另外都會跟餐包🐮牛柳餐方面，講得招牌味道應該唔錯，但呢個餐令我超級失望，佢嘅肉質係林到好似落咗勁多鬆肉粉咁，完全冇牛味，放大少少睇好似湯渣咁，我唔明點解可以將一塊牛柳整到咁樣，好似唔知食緊啲乜咁🤢🤢估唔到冇食一排啲質素差咗咁多，話明係招牌，但點解都咁難食🐔但呢份雞扒餐又非常正常，佢有燒汁，黑椒汁，蒜蓉汁揀，我就揀咗份燒汁既美國雞扒，佢嘅肉質同味道完全冇問題，反而平價嘢黎計佢都真係唔錯，雞皮輕輕咁煎過，又唔燶喎，脂肪比例又幾好，跟餐有薯菜，特別佢呢度嘅薯條幾好食，雖然唔係脆

上次黎金鳳係一年前了，上次食只覺得係懷舊而已，食物非常一般，所以無咩事我都唔會去食😂今次因為男朋友屋企人食得太多中餐，話食下扒 所以去食了⋯ 裝修依然係舊 場內燈光暗 如果要我形容 我覺得成係一間非常之殘舊既餐廳 🥲 其實可能抹下啲牆身 裝修番少少 間餐廳就會好好多 Vintage 感更好～轉左電子落單，開頭唔識搞，撳個➕無反應，原來要撳「廚師帽」先得 😫😫😫 湯方面： 海鮮酥皮湯 +$3x , 一行六人入邊有五個都飲龍蝦湯+$3x，後悔冇加酥皮+$10, 個湯比較濃啲，濃到有啲進入苦（唔係好識點樣表達），但係都可以嘅，湯入邊冇龍蝦肉，但有蝦仁 😂😂😂餐包 暖笠笠嘅餐包 加埋牛油一絕 （其實就係我哋平時普通嗰啲餐包再加牛油😂）蒜蓉加$4 勁正🤪飲品係伏🤣 加$5 加大杯凍檸茶 上到黎係 同普通果杯差無幾，一問之下加大係300ml ， 我用我對眼仔去睇：普通可能係200ml? 250ml? 反正真係好鬼細杯 （可以睇之前人地既食評）今次一行6人 - 雞扒， 大大份，全肉肉，老人家話正，我都試左一舊係唔錯👍- 羊肉，有4件羊架，肉身比較淋，有適當既羊味，都好食😋- 美國特選西冷， 因為啲

近排工作關係大部分時間都留喺銅鑼灣呢一晚就去咗不常去嘅港式鋸扒餐廳揀咗個招牌牛柳餐套餐包羅宋湯或忌廉湯牛油餐包 細杯飲品醬汁方面 我每次都揀鴛鴦汁再加上蒜蓉 最heavy 最重口味 間中食係非常好食肉質未稱得上嫩滑 不過咬每一啖都好重牛扒肉汁

甜餐包：暖，加入牛油好好食鐵板：中規中矩飲品：叫左加大凍檸茶（加$5），送上台嘅時後以為無加大，問過職員，原來已經加大咗😱，佢話加大係用鐵杯，有350ml,；無加大就用玻璃杯（吾使加錢），只有250ml。雖然無好精準嘅量杯，但目測兩隻杯相差無幾… 勸勉各食客如果想飲多啲野，可以用餐完到外邊購買飲品！！！

好耐冇去過舊式扒房，好懷念以前細個阿媽會帶我哋去鋸扒嘅餐廳，而家越嚟越少，估唔到灣仔仲保留咗一間--金鳳大餐廳☺️餐廳保留住舊式扒房嘅裝修，懷舊但又舒適。香燒羊扒餐，$137成日食牛扒嘅我突然想食羊，平時食羊扒都冇侍應問我要幾成熟，但係呢度有分，羊扒我哋未試過太生，所以要咗8成，揀咗黑椒汁同薯菜，套餐仲包餐湯、餐包同嘢飲，好豐富。扒份量十足，鐵板上嚟時嘅喳喳聲好正，一上已經聞到好香嘅羊味，不過食落唔會好羶。香煎大西洋雪魚扒，$133朋友想試雪魚，雪魚係好傳統嘅做法，配搭他他汁食，煎得幾香口，又唔油，相對比較健康又瘦身啲嘅選擇，適合女仔。而配搭嘅薯條係粗薯，好好味。燒豬脾配油醋汁沙律，$50因為見lunch set實在太抵， $50同樣包埋湯、包同嘢飲，又有得揀沙律，諗住應該唔會太大份，叫嚟試吓。點知有兩塊大大嘅豬脾肉，我哋都好驚訝，豬脾肉好嫩，啲沙律菜加咗油醋汁，酸酸甜甜好開胃。好滿意嘅一餐，下次再去一定會試牛扒，因為附近所有人都點牛扒食，一定好好味。另外佢仲有外送平台及外賣自取服務:>Foodpanda>DimOrder#懷舊扒房 #金鳳大餐廳 #OldGoldenPh