金鳳大餐廳

營業中

休息中

金鳳大餐廳已經食左10次都有，冇野做所以想寫返食評。地點唔算就腳，不過港島人知道街名合埋眼都搵到。黎得呢到食應該冇人話當佢高級扒房掛?裝修簡陋，更顯港式老扒房味道。衛生就唔會好得去邊架喇，你唔係EXPECT茶記質素會做到好乾淨掛? 介意嘅港男港女應該唔會黎呢到食我同男朋友次次都會揀牛扒食 ，因為我地都好鍾意食牛。價錢公道，大件夾抵食。一個價錢包你一碗湯同包、主食、細杯飲品。牛扒份量真係好大，次次都會食淨兩成塞比男朋友 最個最鍾意去扒房聽到咋咋聲出哂煙，大少少先知正宗西式扒房係唔會用鐵板令啲肉overcook 鐵板上叫5成熟算，因為擺多一陣就會熟哂。鍾意佢嗌5成真係黎5成，好多西餐叫7成比well done 牛係有牛味嘅，都係嗰句啦，你要質素高就唔會黎呢到啦懷舊下，食下牛扒，食飽飽滿足自己係絕對黎得過

銅鑼灣食個lunch閒閒地都要六七十蚊，金鳳呢度午餐$47.3 加一後 $52，有餐包餐湯餐飲，性價比極高！建議可係門口睇定menu先入餐廳，咁可以坐低即叫～同埋餐廳都闊落，坐唔滿，我地兩個人霸張六人枱，坐得好寬敞～ 我就叫咗D餐，焗鮮茄芝士豬扒飯～飲羅宋湯，個羅宋湯都有少少辣～ 唔食辣既可揀返忌廉湯～ 野食正常水準，不過杯野飲係骰式啲，細杯啲，但呢個價錢真係算係咁！如果你忍到2點半打後先食仲有下午茶餐，三十幾蚊仲抵！

男朋友好鍾意食田螺，成日都話想食，不過田螺真係唔係好多餐廳都有，呢餐就同佢黎呢度比佢食下喇我哋都鍾意食牛，所以就叫咗2個牛扒餐，再加蝸牛扒餐都會跟餐包同埋餐湯，落完order好快就送上熱熱的包了忌廉雞湯個湯唔會太水，creamy 的羅宋湯我覺得幾好飲，幾足料，幾濃味。質地是杰杰的，好似好多蕃茄咁嘅感覺。男朋友就話覺得太酸，但我喜歡的，羅宋湯就係要呢個味❤️我地一個食西冷牛扒，一個食蘇格蘭牛扒。但係兩個牛扒個樣都好似🙈所以我已經分唔到邊個打邊個了。我哋都係叫七成熟的牛扒都好大塊，下邊會有啲薯條。食落都有肉味，唔會話好似有啲餐廳咁，用太過多鬆肉粉。呢個價錢呢個肉都抵嫁法式香草焗蝸牛呢個蝸牛爭左個薯蓉，如果下面鋪埋薯蓉，再焗到焦焦地，咁就可以連汁都不浪費了。不過我哋都覺得呢個香草汁一般。

第三次去食啦！正！每次食完都會念念不忘🥰每次去都一定係叫「招牌牛柳餐」5成熟配黑椒汁、羅宋湯同凍檸茶！落單後第一樣到既一定係餐包，雖然冇乜特別，淨食又得，查牛油又得，浸湯又得，好中意食😻第二樣就係羅宋湯，有菜有紅蘿蔔，配料十足，個湯少少辣辣地，大大碗夠哂好飲👍🏻主角「招牌牛柳餐」塊牛柳又大塊又厚，啖啖肉，牛柳底有菜有紅蘿蔔有薯條。黑椒汁好香好濃，唔會好辣。相比起其他貴價扒房，金鳳既扒真係好過其他出名扒房多多聲！金鳳真係平價扒房大份又好食！總結黎講，好值得去食！

難得疫情有改善，就決定今晚去据扒 ! 我第一時間諗起既就係金鳳，朋友佢話未食過，咁就要試一試啦。金鳳我由中學生食到以家裝潢仍然冇改變到，好多回憶~今晚唔多人，亦因為銅鑼灣太多選擇，一般都不會爆埸，可以隨便選擇座位，慢慢食。餐牌10年如一日，變既只有價錢，都尚算平價。我同朋友點左一份美國雪花牛扒 (黑淑汁) 同 白汁芝士西蘭花。牛扒黎到已經淋左汁，記得以前會上枱後詢問你要咩汁先係你面前淋，老顧客表示轉左有d可惜haha。鐵板夠熱，d汁滾到你會聽到滋滋聲，加上香味，令我已經忍唔住拎起刀叉開餐點左5成，都無過熟，肉質軟淋，因雪花牛扒偏肥，濃厚肉味搭上脂肪香味，口感非常滿足。之後上西蘭花，其實係因為小第正減肥想食少少菜所以先叫~~呢道就沒有什麼評價，白灼菜心加上偏淡味既芝士，非常普通。如想食菜既朋友建議點"食菜有益"或沙律餐會比較好。金鳳特色SIZE既飲品，凍熱同價，但加大需要$5，令人又愛又恨。2人除返都唔洗$100，金鳳仍然係抵食之選，而質素和氣氛經過數十載都沒有變改，無論你因食物或環境前去我認為都不會失望。

今日又係搵食既日子今日去左食金鳳，係我以前細個最想爸媽同我去既地方唔洗諗我一定叫T骨扒，五成熟，睇下有冇失水準先一開始餐包仔，同埋羅素湯，正正常常主角終於到，好大塊呀，加上用鐵板上，淋上黑椒汁，即時令牛扒外層更加脆口呢塊扒，肥瘦適中，唔會有太多根位，所以一切就可以切開，而且師傅好有經驗，五成就五成，唔會多左或小左，值得讚賞所以總括係可以再去既🙌🏻🙌🏻

以前香港地食西餐是有點高級的玩意，收費高一點，要求的衣著高一點，金鳳老闆想平民都食到西餐的願望慢慢實現成為了我們今天認識的她。坐低後一人叫了一份扒餐，沿襲一向風格，抵食大件好味，雞扒餐大雞扒有成三塊，多到碟都放唔落，匈牙利豬扒都係，勁大塊，上餐後有專人落醬汁，完全係worth every penny.環看店內裝潢，像極７０年代電視大台拍到的西餐場景，老土的粉紅台布，高樓底及牆色地板，加上套裝的木台木椅，如使用損壞都不知道在哪可以買得到，保持著老香港味道及高性價比的代表性扒房，難怪節日期間，整條街的食肆都沒有這一家排隊這麼長。

一想到食牛扒，好自然會諗到金鳳，舊式嘅鐵板牛扒餐唔係度度有，佢無靚靚嘅裝修，門面又舊，但係你嘅扒係好味嘅，每次都係叫鐵板牛柳餐5成熟，有牛油餐包，羅宋湯（帶辣）/忌廉湯，有紅蘿蔔＋椰菜＋薯條墊底，仲有杯餐飲（可加錢加大），每張枱都有茄汁/喼汁/鹽/胡椒粉，食得蒜蓉嘅朋友仔記得記得記得加蒜蓉，我食嘅時候鍾意加埋喼汁，舊式食法，別有一番風味，今次叫多咗一碟燒蠔，又幾多味喎，介紹咗朋友一家嚟食，攪到佢仔仔每星期都話要食🙈

朋友介紹呢間餐廳，話係舊式扒房，幾抵食。今晚一於去試下😋入到去就俾懷舊港式ge裝修吸引左，不過地板有點油，地方都唔算好乾淨。羅宋湯跟餐會送餐包同湯，不過今晚ge餐包賣曬😂，而湯有得揀羅宋湯同忌廉湯，個人認為呢間餐廳ge羅宋湯比忌廉湯出色。羅宋湯好濃郁，都好足料鐵板香煎龍利柳餐 $101份量都幾多， 兩塊大過手掌ge龍利柳，表面煎脆，魚肉都好嫩。 薯條同西蘭花索曬d汁都好入味，唔會好乾身。 整體不過不失。什扒餐 $103什扒餐本身有豬扒，牛扒，腸仔，火腿煙肉，不過本身唔中意食牛，所以牛扒轉左雞扒。 豬扒唔會好乾身，但好大雪藏味，同店員講左，之後都幫我地換過塊，但換過依然係有少少雪藏味。而雞扒，腸仔，火腿煙肉味道都正常。凍檸茶少甜，茶底ok，唔會好濃，但係好細杯，根本唔夠飲。😅

金鳳 主打港式牛扒西餐 喺香港超過50年歷史，好多香港人嘅童年回憶 ！時至今日，餐廳嘅接班人將餐廳和品牌重新包裝，連鎖經營，可謂本土牌子的經典傳奇！今晚和朋友喺 銅鑼灣謝斐道，去左金鳳的舊舖，希望感受一下老香港情懷！門面陳舊，老實說這是一間破爛小屋，裝修是70年代的西餐廳格局，相信多年來也沒有補修！店內充滿蒜蓉汁和黑椒汁從鐵板蒸發出的油煙氣味！食物以鐵板套餐形式，包紅、白餐湯配餐包和自選飲品。 忌廉雞湯較為傑身，羅宋湯材料豐富!美國雪花牛扒燒汁 七成熟 牛扒厚切 有點過火肉質鞋口過份腍，燒汁過多和濃烈，完全掩蓋牛肉味，墊底的薯條也被浸淋!雜扒餐份量十足， 豬扒、牛扒、司華力腸、火腿煙肉，獨欠雞扒！豬扒有雪藏味、牛扒過份腍身， 應該用咗過量鬆肉粉味道偏咸， 煙肉和火腿甘香，司華力腸正常！鐵板香煎龍脷柳餐龍脷柳煎香但不脆口， 肉質柔軟， 沒有魚味！ 可能是醬汁 味道過於剛烈掩蓋食物原有味道！食完非常口渴，餐飲點了凍檸茶是細杯裝，轉大杯要加八蚊！今次體驗食物和環境 比预期都有落差。 為獨值得一讚是店員態度良好！但進食期間，顧客絡繹不絕，其門如市!

講到我最喜歡嘅扒房就真係非金鳳莫屬⚠️第一，價錢貼地，就連大事大節都只係加二三十蚊，有時節日諗唔到去邊度慶祝🎉，我都會選擇黎金鳳。第二，份量足味道唔錯，呢度嘅牛扒絕對係份量十足，唔會薄依依一塊，牛味亦好香濃今次就帶屋企人黎鋸扒，爹哋第一句就話呢度環境好有舊式扒房嘅感覺，裝修睇落都有返咁上下歷史，有啲破舊，反而更加有味道。另外一讚係呢度上菜速度超級快，啱啱一點完菜，店員馬上就遞上一籃熱辣辣嘅餐包。餐包好軟熟，最緊要係夠熱，保溫做得好足。餐湯方面就分紅同白湯，個人比較喜歡紅湯，因為會有好多煲淋左嘅蘿蔔同西芹食，材料豐富。唔使幾耐牛扒即刻送到，可以選擇黑椒汁或者燒汁，當然牛扒梗係配黑椒汁啦美國雪花牛扒（五成熟）$133我叫嘅係美國雪花牛扒五成熟，佢嘅肉質比較軟綿綿，口感入口即溶咁！肥瘦均勻，最緊要係佢有兩塊牛扒打孖上，啱晒食肉獸5成熟岩岩好！建議可以叫佢少汁，咁就緊加食得出佢嘅牛味。哩度嘅薯條比較幼身，鍾意就會覺得好脆好可口，唔鍾意嘅可能就會覺得太乾，不過今次索得太多汁喇，所以無咩點食到。招牌牛柳 （7成熟） $119哩個係爸爸叫嘅招牌牛柳，一大塊超級厚！哩款牛比雪花牛更重牛味，牛肉質感亦較厚

想食金鳳好耐，次次lunch都排長龍。難得今日經過得兩三個人排，機會就黎啦飛雲!! 例牌一定叫個 "特價午餐"。要左五香肉丁公仔麵，火腿奄列同波蘿飽。個麵就正常質素，不過不失; 火腿奄列好香牛奶味; 波蘿飽好軟淋淋，隔左幾個鐘食都仲好香😋😋😋整體來說，常餐黎講算唔錯，分量夠大，食物質素中上。不過環境一般，地方細，坐得不太舒適，這可以叫做香港茶餐廳既特色! 職員反應快，亦友善!

聽說是香港很老字號的餐廳，大概就像是台灣的「我家牛排」那種感覺XD不過是在香港少數吃到覺得有點台灣味又好吃的鐵板料理，平均基本的一刻價格大約是118港幣，我喜歡雞排，有三大塊吃很爽，而且肉很嫩，調味也很不錯，雖然價格比起台灣還是貴，不過我覺得已經是香港餐廳裡Cp值算高的了，隨餐會附湯跟麵包，和一小杯飲料（香港附的飲料都好小杯...），下午茶餐時間可以選公仔麵配雞排（跟晚餐的雞排一模模一樣樣XD)，但是下午茶餐時段的服務生幾乎都屁孩，還在店內抽菸有點傻眼

老公心血來潮想食金鳳鋸扒🥩🍴就順下佢意🥰中意金鳳就地檔 價錢又平民🤩🤩🤩就系中意佢裝修夠草根就懷舊🤣🤣黑椒西冷牛扒餐$109白湯跟餐包 🍞三成熟唔該🥩🥩🥩燒汁炸嗰一聲 🤙🏻🤙🏻好掛住以前細個同媽咪爸爸去鋸扒嘅感覺👵🏻👴🏻等囡囡大個啲一定要帶佢嚟感受下👧🏻其實感受情懷多於享受美食 😛😛不過老公中意都要捨命陪佢食過嘅一定知佢杯丁屎檸檬茶🍋☕️ 兩啖就K.O.左一人起碼2杯 下次帶埋囡囡一齊出去過👨‍👩‍👧

想鋸平扒鐵板餐，香港都有唔少舊式扒房可以選擇。今次試左金鳳大餐廳，埋單差唔多500，食完都唔敢介紹比朋友 ，寧願介紹番太子金翠，起碼價錢低D但水準高過佢。🤔其實好多地方可以改善，話說叫左個鐵板肉眼，不予置評，d肉霉的，冇肉味，薯菜正常。仲有個深海虎蝦都好求其下，炸得非常干，好似人地番炸完玥番炸咁 。食完好似無食咁，唔抵食，因為飯同意粉要另外俾錢的。檸檬茶都好細杯，用普通茶樓個d裝水細杯，特大先係普通正常中size。