金鳳大餐廳

營業中

休息中

收左工同男朋友喺銅鑼灣食飯，就試吓呢一間金鳳餐廳。我哋揀咗份美國雞扒餐（燒汁），同埋一份西冷牛扒餐（黑椒汁加蒜）。先上左熱餐包。鐵板雞扒，一共有兩大塊。肉質好滑，唔鞋口，配埋燒汁食味道幾好。底下有啲薯條墊住，不過鐵板烘得耐都有啲乾身同硬。西冷肉質都好淋身，叫咗五成熟，啱啱好唔會太多血水，唔會太熟。配埋黑椒汁食好惹味香口🤤。而且更有大量蒜頭鋪喺面頭，味道極濃，食完個口雖然好臭但係好正😂🤣😂🤣。最後我叫咗杯熱檸水，一嚟到嘅時候我見到杯熱檸水入面有六七粒黑色一點點嘅物體😵..... 同店員講咗佢都即刻換一杯俾我。味道係唔錯嘅不過環境有啲舊。

坊間有一系列的金鳳餐廳，雖是同名同姓，同是扒房，但出品服務，卻各有千秋，每家也有自己的棒場客竟然稱為舊式扒房，因此內裡裝潢確實陳舊，燈飾也布滿灰塵，如能整潔一下，相信更為理想。羅宋湯，可自行加上牛油，味道將更為突出，但無奈湯身味道，卻比較偏甜。因為不喜歡鐵板的冒煙，故選擇碟上，少了一番風味，但換來不用擔心衣服有一股味道。美國雪花牛柳，份量很足，一客有兩塊，雖有腌製，但也不失肉味，還入口鮮嫰，不愧為推介之選。因為是碟上，故配菜有多餘水分，如鐵板出餐，便會完全蒸發，故這個敗筆，是個人問題，與出品無關。整體來說，價格相宜，可以再次惠顧。

由於都好耐無鋸過扒，之前上網又睇個d介紹鋸扒餐廳既post，其中一間介紹既就係金鳳，所以同女朋友就揀左去金鳳試下。我地大概7點左右去到，本身諗住可能都要等下位，但好彩去到都仲有幾張枱，所以唔洗等就可以入去。入面既裝修佈置都幾有舊式扒房既風格。我地點左一份5成熟鐵板西冷扒餐同一份5成熟鐵板招牌牛柳餐。之後餐包好快就送上，過多陣餐湯都上埋。不過當仲飲緊湯既時候，份扒就送上。略嫌份扒太快送上，如果可以系食完餐包同飲完湯之後先送上會更加好。係時候講個主角 - 塊扒。2塊扒既份量都大塊，尤其塊西冷。另一方面，牛柳既肉質都唔錯，相反西冷有d太淋既感覺，無乜咬口。而牛味方面兩者都唔錯，但牛柳會更佳。金鳳有樣野幾特別，之前鋸扒都未試過，就係可以選擇加蒜蓉(需要加3蚊)系塊扒度，仲要係加勁多，所以蒜味超勁。今次我地揀左試下西冷扒加蒜蓉。本身我都係一個中意食蒜既人，打邊爐既豉油都一定會加勁多蒜落去。但今次鋸扒加蒜蓉就唔太建議，因為蒜味搶過曬d牛味。另外，有樣野可以改善下，d薯條放得太近d雜菜，甚至放左系d菜下面，搞到淋曬勁濕。總括而言，金鳳既招牌牛柳值得一試，價錢亦唔算貴。

之前已經食過幾次呢間分店，還食過長沙灣分店都不錯。可是今天來再吃灣仔店失望了。［羅宋湯］就幾飲既，幾足料，有些微辣味。[環境同服務］ok la，我話牛扒不是5成熟，太熟，佢都肯幫我換。八點幾去食，都不用等位了。但陸續有人來食。現在要吃好吃的牛扒，去吃燒肉罷了...

今晚好想食肉，就同朋友黎左哩間懷舊扒房。黎左咁多次，第一次要等位。食嗰日係一個星期三，大概20:00，不過等左10分鐘內都有得入座架啦！我哋3個人，每人點一個扒。每個餐都跟一碗湯同一杯飲品。我哋三個都揀「羅宋湯」湯夠熱，仲有好多料！係好入味嗰種，唔使加調味，都已經有餐啲胡椒香（少辣嘅感覺）。我哋三個都鍾意。黑椒西冷牛扒餐$109（五成熟）哩個扒係三款入面最重牛味嘅。肉質都係最有咬口。扒嘅份量亦都最大，佢最尾要分俾人食😂。招牌牛柳餐 $119👍🏽（五成熟）個鐵板熱左陣，散咁啲煙後，就已經無再岀血。肉質好嫩，唔使點咬就呑得，個扒份量大概係女仔手掌咁大，有成1.5 cm 厚。蘇格蘭牛扒餐$109（七成熟）個扒份量大概係女仔手掌咁大，都係唔使咬咁，不過「林」到唔係好似肉。

環境屬於舊式嘅香港扒房，樓底高，燈光偏黃較暗。今日嗌左個雪花牛扒 + 招牌牛柳。加錢轉酥皮海鮮周打湯，再嗌多碟芝士焗西蘭花。落單後大概5分鐘就送上酥皮湯，酥皮夠熱夠脆，不過比較薄，跟餐另加$23黎講就唔算抵，因為裡面嘅周打海鮮湯同唔洗加錢嘅忌廉湯差唔多味。芝士焗西蘭花一般般，份量算多，但無咩芝士，汁比較杰，杰到一舊舊咁。重頭戲！鐵板雪花牛扒 加蒜！一定要加蒜加蒜加蒜！惹味好多。有黑椒汁/蒜汁選擇，足足有兩大塊雪花牛扒，底下仲有雜菜同薯條，不過被油浸到淋哂。講返牛扒，雪花牛扒比起招牌牛柳或者其他牛扒肥，但咬落好淋好嫩，無筋。招牌牛柳就大大件，起碼有3,4cm厚，相比雪花，牛味肉味濃好多。

夜晚八點幾九點本來想去波士頓鋸扒，點知已經截龍，好傷心的說！朋友提議不如去金鳳鋸扒，都係差唔多價位一去到門口就feel到果種時代氣息好濃烈！昏黃燈光，舊式挨pen椅，玻璃水杯，黃枱布上再舖有透明膠墊，中文menu就印係紙餐墊上面。相對今日物價，價錢亦非常相宜，最平約$100就食到一個港式鐵板全餐（牛油餐包、湯、鐵板扒配薯條、餐飲）我叫左鐵板雞扒，份量比想像中更大。單是塊扒都有兩塊，大到遮住鐵板咁滯。朋友叫左T骨扒，塊扒更大到完全跌出鐵扒，有夠誇張。雞扒好軟冧，好食；薯條就油左啲，其實唔駛食都得因爲我連兩塊雞扒都食唔曬！係呢度食鐵板餐有兩個秘技：1. 加蒜蓉。佢會係你塊扒度加一湯匙蒜，好香，我好後悔無加，因為醬汁得燒汁同黑椒汁揀，無蒜蓉汁2. 凍飲加大。跟餐飲品個杯係普通水杯size，加大就會變返茶餐廳檸茶size。當然以上兩項都要加錢啦！最後，真係好鐘意間餐廳好有態度講真又平又好食你仲想要求啲乜？

不起眼又破舊的門面，如非被食物吸引也不會要排隊近半小時也要等;祖孫三代共五人到此品嚐了一頓豐富晚餐，八歲的孫女開懷大嚼，說未吃過這樣好味的牛扒(是招牌牛柳)，因為是小孩子就覺得羅宋湯較辣，各自點了T骨牛柳、安格斯牛扒、羊扒、三文魚扒，結論是招牌牛柳最好吃，羊扒最鮮味，三文魚扒伴了沙津上碟最吸引，食物整體而言質素與味道俱佳，但外出的門面、室內裝修和設備就強差人意，招乎方面不過不失，一個字"快"，因為很多人在等位。

剛好跟朋友上完堂, 時間已是晚上9點多, 想著銅鑼灣沒什麼想吃的, 走著走著便來了鵝頸橋的舊金鳳. 想著已有2,3年沒來, 雖然不太想在快宵夜的時間鋸扒, 不妨一去. 內裡燈光稍昏暗, 是舊式扒房的一貫氣氛. 看了餐牌扒類套餐的一欄, 全部是百元起跳, 但心想反正來了, 便點份5成熟的巨人T骨扒餐試試. 舊式扒房的紅湯比白湯要好, 這個湯味道做得不錯, 不會水汪汪. 例牌地跟上餐包及牛油, 口感尚算鬆軟, 合格. 點了牛扒後, 不用5分鐘便上桌, 時間快得有點驚人. 伙計會問需要燒汁或黑椒汁再即場加上. 我點的5成熟T骨牛扒, 一刀鋸下去的感覺已有點不妙. 鋸了十數下才勉強將筋鋸斷. 入口的味道, 牛肉已給梳打粉弄至全無肉味. 只剩下黑椒味. 用了十多分鐘苦戰, 肉的部份有1/3是筋位吃不了的. 底下墊了的薯條是比麥當勞更幼身的薯條. 炸出來的口感像是吃柴枝, 連麥當勞薯條也不如. 朋友點的是凍檸茶, 我看看那個呎吋只有普通茶餐廳的3/4左右, 難怪伙計會問需不需要加大. 但以每樣扒餐收過百元的價格來說, 這個份量十分小氣. 埋單的價格連加一, 我的T骨牛扒要$132, 以價格及質素而

金鳳茶餐廳，一間保留有香港80年代特色既舊式扒房。一入門口就聞到好香既黑椒汁味，聞到都已經流晒口水。菜單一早已經印哂係餐紙上面，唔洗再慢慢揭Menu。兩個人點左一份鐵板T骨扒同一份鐵板紐西蘭肉眼扒，加$2仲可以加蒜容。依種傳統扒房都會配一個甜餐包同餐湯，我就點左個羅宋湯，羅宋湯小小辣好開胃，我就鍾意用個餐包浸少少湯嚟食。到個T骨扒送上枱真係嚇一跳，塊扒大過你塊面，好彩冇另外加飯或者意粉，如果唔係一定食唔晒。紐西蘭肉眼扒雖然冇咁大塊，不過肉質好嫩滑，咬落去仲好多汁。依種傳統扒房係香港已經買少見少，雖然質素黎講一定唔係最高級，但係都不坊支持下。

記得以前想不到吃什麼時，往往都會和家人到銅鑼灣吃金鳳，勝在價錢實惠，食物也不錯，今日難得再和家人一起吃這間餐廳，我想也有七至八年了，童年回憶都回來了。今日中午和家人到金鳳吃午餐，時間差不多三點，餐廳外放著一部維修中的扒爐，以為餐廳內部裝修之制，侍應都出來招待我們入內，餐廳仍然保持原有風格，殘殘舊舊。餐牌只有數個餐，我們分別點了鮮茄焗雞扒飯、免翁鑊仔牛柳、炸雞中翼拼珍寶腸。鮮茄焗雞扒飯 - 鮮茄味重，雞扒份量足免翁鑊仔牛柳 - 份量少，味道普通炸雞中翼拼珍寶腸 - 沙律多料，不過不失總評：餐廳客源大不如前，真的要裝修一下才可再吸客源。

平時去開銅鑼灣金雀食港式牛排但自從佢裝修之後 無左個地方男友就建議去金鳳試一試 聽聞價錢更加平一截添！今日係平日連位都唔駛等佢既裝修無金雀咁靚 但多左陣舊式扒房既味道一檯一凳都好似有好多年歷史咁我叫左個招牌牛柳餐 5成熟佢係未上扒之之前其實有個餐包同餐湯餐包微熱 搽番個牛油入去 牛油介乎少少融但又未融哂之間 好正佢既羅宋湯 亦都幾足料 好重蕃茄味我加左生蒜係牛柳上面 加埋燒汁 好香而牛柳5成熟放係鐵板上面 一d都無過熟 切出黎仲有少少血水 牛柳幾林 但略嫌欠左少少牛味而男友點既係5成熟既美國頂級安格斯肉眼排原本佢想點既係美國雪花牛排點知個侍應話安格斯會好食d就說服左佢首先講佢跟個個忌廉湯 麻麻地 好淡 而且無乜料係湯入面而個排 佢食左第一啖就後悔 因為個排勁大陣雪味 一d都唔好食 衰過茶餐廳平時午餐B上面塊薄牛排！PS 跟個餐飲十分細杯 如果要番個正常size既是要加錢的！

金鳳係香港數一數二既懷舊扒房，其實都有普通set lunch既，不過小編還是想試鐵板餐😌有西冷、雜扒、牛仔骨等等，最後選擇左💕招牌牛柳餐💕首先有傳統既忌廉湯同餐包🍞，打左好多芡汁既湯和軟綿綿、熱辣辣既麵包是常識吧🤣主菜來了！上枱前已經淋上黑椒汁，只淨返少少咋咋聲。🥩愛牛柳既原因係鐘意佢既厚身，厚得黎永遠唔會韌，啖啖肉味濃既感覺好正🤤大份到要分享一部分比朋友食🙈薯菜有薯條同椰菜，薯條🍟幼身唔緊要，但係就整到勁硬，唔好食啊😨

今晚放工同個女去金鳳大餐廳鋸扒。叫份黑椒西冷扒加勁多蒜蓉响面簡直好食到唔停得口! 我平時對乸過嘅牛扒好抗拒, 唯獨係呢一間啲味道做得好好尤其係黑椒汁! 亦可以選擇加大堆蒜蓉, 完全蓋過咗梳打乸過嗰陣味! 咁大塊扒加埋餐湯(羅宋湯好足料好好味)仲有餐飲加一服務費都係$120有找! 呢餐食得好滿足好開心! 滿口蒜香咁行出門口以後去親灣仔一定會再幫襯! Definitely will go back for more steaks!!

都有好多年冇嚟呢度食野，入去重臨舊地食下野&懷緬下。 坐低睇下餐牌，冇人理。。跟住唯有呼叫"唔該".... 有把大陸婆聲音叫"你食咩叫就得㗎喇，得我一個人做架咋"( 好晦氣的) 明明見到佢坐喺度打牙骹，極度冇禮貌。 我落完嘢食仲要叫我"快D"嗌埋嘢飲啦!？， 唔畀你諗要即刻落單？，咩料吖？？ 都未食嘢已經好似要嚟受氣咁，好差囉!!! 都算喇。。 咁就下佢 我哋嗌埋餐飲， 點不知D嘢食都食完啦 先見到位樓面原來都系佢行入去沖野飲嘅。。其實我體諒一人工作， 你又要追人快落單，但原來都唔係落單？？，係有人追先入去沖野飲。。 沖完嘢飲仲要離遠呼叫啲客自己行去吧頭拎，有冇搞錯吖!! 感覺好差😤