釣魚翁 燒鵝．海鮮飯店 (已結業)

以前的荃灣城市中心，現在的千色匯，由3樓至6樓(還是5樓?)都是酒樓食肆，吃慣了4樓的稻香，偶而轉換新口味，更上一層樓，轉戰5樓釣魚翁。直看其名，腦海已浮魚一個釣魚的男人在釣魚蝦蟹等海鮮，取名十分具想像力，由於我懶得找資料，單純猜想釣魚翁都是應該出名主打海鮮，應該無估錯，除非估錯左。手上一張晚市優惠套餐，想也不用想，自動對號入座，叫了：二至三位用的晚市套餐$368+晚芥$24+小食$12=$444：自選小食一款 酸甜蘿蔔：應該浸淫得比較耐，蘿蔔已變淡黃色，更入味，只是無咁脆。是日豐料靚湯 果然足料，好甜入味。燒味單拼 玫瑰鼓油雞：雞件份量較少，無乜肉食。廚房小菜兩款 上湯蒜子浸時蔬：又多一個湯，邊吃菜邊飲湯又得，邊飲湯邊吃菜又得，得左。白飯或白粥：回饋食客，記得寫過一篇食評，荃灣有一間餐廳，連添飯不容許，照計白飯成本的成本不值一提，這裡真正三餸一湯，白飯任裝，滿足食客的胃，也暖了食客的心。結果我叫了一個粥三個飯，OMG。滋潤甜品：吃到最後，我也想不起還有甜品，只是女人永遠都記得，對於甜品，我相信女人不止有兩個胃，還有兩個腦。這裡的侍應服務十分貼心，例如會主動幫你不斷裝湯，還有他們親切的

垃圾打電話去book左枱，confirm左，晏d再打去改返人數，個經理同話無而且個時時間已經full左，咩都做唔到仲大條道理如果我唔係要改人數再打電話返去我一行8人有老有bb就企左係你門口食西北風

釣魚翁食物一向唔錯，但每次食晚飯都有反感，今晚如是，一位部長級的大叔，不停宣傳$2000元六位的套餐，睇完唔啱又再講，確係抵食，我話要點菜佢又再話呢個餐最抵仲咩唔食，我們已感厭煩。之後佢既芥菜係花生，我地同佢其他同事講我地六個人，要一碟便夠，正當佢同事去樓面處理時，部長大叔就大罵唔准唔要，落左單喇，一定要要，嘩....今時今日咁既服務態度都得，真係映衰哂香港既服務性行業，食物再好食都難以再吸引人再次惠顧

今日同家人一行四人去荃灣釣魚翁飲早茶, 星期日大約等咗40分鐘先有位, 叫咗十件點心, 春卷, 皮蛋廋肉粥, 鮮蝦翠玉瓜都好好食, 媽媽鍾意食燒腩卷, 家姐鍾意食百花釀魚肚, 其他點心都不錯, 不過盅飯就比較細碗同啲飯比較硬, 11:00前落單就以早茶計, 因為今日叫咗唔同孖寶, 所以埋單只係2百幾, 真係抵食.

每個星期六都係同娘親飲茶既日子，今日飲到去荃灣釣魚翁，1330左右到，好多人等緊位，等左半個鐘，1400可入座，剛剛好開始下午茶望一望個餐牌， 下午茶既價錢都好合理喎，再仔細睇一睇，竟然有我超鐘意既陳村粉！係香港已經好少地方有得食，竟然可以係荃灣有，即時點來試下先！雖然坐無虛席，但係侍應生都唔會話太少，唔會發生啲舉極手都無人理既情況出現，而且佢地既態度都會比較好。10分鐘之後，我最期待既陳村粉已經到左，有幾片香菇，菜，下面就係粉，不過油粉都會比較多，係個底度浸住左，味道雖然唔夠香味，但係總體味道都不錯，好過無得食叫左兩碗飯，特價，但足料，唔會全部都係骨，燒腩仔皮是脆的，香口，蜜汁叉燒半肥瘦，送飯一流，雞肉滑身，燒味飯沒有特別，也沒有失望。最錯叫左呢一樣點心，可能因為浸住湯，好軟身，比較容易一夾就爛，但味道清清地都可以。最平的一道點心，只係$9.8，亦都係驚喜的一道，好煙un，食落好有咬口，味道有啲似黃金糕，不過佢係蒸既，絕對係出色既甜點心，難怪見到好多桌都有叫呢一道點心啦埋單都只係$200頭，以此價錢有該質素，絕對飲得過，但亦因該咁，等位都需時，預早點時間，推薦！

早上9點同爸媽飲茶，爸媽話釣魚翁好食，不過貴啲，我話去食啦難得兩老鍾意，又話好食。去到要等一陣座，大約15分鐘，三位要搭枱。早茶時段都幾旺。早茶時段有特價點心，有雙寶點心，叫兩樣平啲。其實，茶就一般，但點心真係幾精緻幾好食不過啲“服務員” 姐姐就心情唔多心我覺得佢地好似俾人鬧完。。之後就鬧茶客。。特別係鬧公公婆婆。。態度真係唔多好呢。。。不過算啦，基層員工真係辛苦嘅。。。香港餐廳係咁架啦，接受接受。

媽咪喜歡燒鹅，咪來試下。燒鵝，皮脆肉嫩，叫做ok,因為要下壯，➕$20.點心拚盤:㸃心材料ok,有🦐，冇肥肉，味道吾難食，可惜點心爆口，師傅完全無 heart ❤️ 做。最好味羌汁紅棗糕，好重羌昧蒸魚頭，完全失望，一大碟醬，冇藥材味。出品超級一般，埋單4百多元。又不平，又不好食，居然要等位

想飲早茶一定要避開人多的時間，因為你响前台取票等位，熟客就响後門入座。今朝飲茶就遇著一個熟客搭枱，她態度囂張，因為同時有另一客人持票獲安排入座，她竟然話她要晒張枱，但侍應都無理她，當她朋友一到，她就話我地食完唔走，又話另一客人係都要坐下，大姐你唔駛等位，仲話無倫，唔該檢討吓。講番食物，燒腩卷好睇唔好食，舊燒腩韌都無朋友。川芎白朮豬手同牛肉腸粉芋頭糕 粉太多，可以免雖然茶係用茶包，但對於茶精的我，都覺夠濃。但侍應相對較少，致加水又執枱較慢。

普普通通的茶樓，食物普通，服務三流。第一位傳菜姐姐會將傳菜盤底倚著您的椅背頂上菜知道她們喜歡在二人中間位置上菜，特意拉近座位，讓出兩旁位置上菜，但她們仍然努力不懈從二人中間上菜，最後要名正要求才願一試旁邊上菜位置⋯紅油抄手比較好，有濃濃的蒜香味，而且罕有地唔辣，岩晒不吃辣的人。牛肉球偏小，腐皮夾無味，南瓜粥正正常常，蝦腸還好，杞子燒賣不吃也罷。

千色匯有數間酒樓，競爭都頗大。之前去稻香不用等位，今日去釣魚翁就等了數分鐘。餐牌上有一些特式小食。不過今天沒有試。點心是即叫即做，價錢屬於中價。家鄉鹹薄撐煎得唔錯，賣相幾靚，小朋友未待我拍照，便二話不說夾了一件去吃。香口而有少許鹹味，質感煙韌，不錯。釣魚翁蝦餃每一粒都有兩小一中蝦，包起來大大隻，皮薄煙韌，口感十分好！安蝦鹹水角($8.8) , 焗脆了的外皮，少許豬肉餡，比起其他酒樓的，略勝一籌。蜜汁叉燒腸粉皮滑，叉燒份量也不小。不過可能遲了上枱。只是微熱，有少許失色。第一隻雞包仔內有大蝦，但另外兩隻就只有小蝦一隻，餡料份量不平均！味道也平平無奇，一般而以。醬皇蒸鳳爪，醬汁頗特別，鹹甜味調得洽到好處，鳳爪的皮就有點過腍。不是我喜歡的質感。薑汁千層糕上枱時很熱辣辣，好香薑汁味，有小小薑的辣味和黑糖的甜味，很快辣的感覺就消失了，不嗜辣的我也可以接受，口感煙韌，是不錯的甜點。雖然價錢比稻香貴少許，但是服務和食物的水準就比較優勝。

午餐同朋友兩個人食。甘等2人位唔撘枱,已經同左負責接待職員講左。佢答我冇問題。到有位,原來在門口開個臨時2人位。比我都唔會坐門口位啦,有冇搞錯~仲要坐正接待旁邊。所以我冇要,再等....(我都唔知點解自己個刻甘on居)冇耐又叫我,又係問我坐唔坐門口位。(大佬啊～我都話唔坐囉!!!係米唔想我食啊！？)我好聲好氣講,我唔坐門口,唔撘枱。點知接待員黑我面!!!!係黑面!!!黑著面安排我坐入面4人桌。有冇搞錯啊!!我好聲好氣答你,你黑我面!!我明白你好想我地搭枱,因為你可以做多d生意。但我有權要求~除非你一開始同我只有搭枱,我米去第2度食囉。無謂辛苦大家啦～甘入到去叫野食。當時已冇嘜心機影相。1.燒賣成舊肉,燒賣味。冇嘜特別。2.燒腩仔飯皮脆,肉香。3.牛肉腸皮薄,味道夠4.魚湯鮮竹卷覺得唔好食,煮到林滋滋,一舊野。完全冇咬口。好夾硬食。想反胃5.牛肉球一般牛肉球味道。冇特別。6.川芎白芷魚雲這個等左半個鐘。我個人鐘意藥材味重,但佢冇。只有輕微川芎味。勝在魚頭夠多。但都係唔夠入味。講真,下次去稻香食仲好。起碼服務好,食物質素唔差。

今日陪表妹嚟呢度買野，所以　去呢間飲茶。去到都要等兩張飛，等左幾分鐘就入去，要搭枱的，唔係等仲耐。我地叫左個孖寶有燒茄子，味道ok，而家鄉煎薄餅夠香口，唔太油。雞托方面睇落唔錯，但一食落d雞肉唔太新鮮，仲有些少霉。糯米飯味道唔錯，配埋d臘肉同蛋絲夠香口，食落肚好暖胃。下次經過都會再試吓其他點心。

今日媽咪放假，準備同佢香港一日遊，首先就去左呢度試下新野，(經過幾番波折路痴終於黎到)應成左好好人既的士司機寫返篇食評，希望你睇到啦xdd呢度應該開張冇耐，個場好大，樓底好高返返正題，我地兩個人食得唔多，分別食左: 總括黎講，點心特色野唔多，但食物質素唔錯，冇伏

一盅兩件是香港本地文化的特色。「飲啖茶食個包」更是不少香港人早上會做的事。其實荃灣的中式酒家有很多，幾乎每一個商場都至少有2-3間，但抵食有質素的酒家卻寥寥可數。這間釣魚翁酒家一直都是我屋企人的 「飛佛」，雖然這間的早茶比附近的酒家貴，但我覺得它的性價比卻是最高的！跟一般酒樓一樣，釣魚翁同樣設有早茶優惠點心。釣魚翁裝潢較一般酒樓新，室內座位都較舒適。很喜歡它的自家茶具，通通都印有「翁」字，頗具特色！由於商場正進行大型維修，導致酒家的冷氣系統都受到影響，大熱天時，加上熱茶和熱食，冷氣的確不夠。我跟媽媽兩個人點了四樣點心，當中包括我愛的燒賣皇首先來的是羅漢上素腸粉腸粉奉上時十分精緻，這種 presentation 有別於傳統，通常在較高檔的酒樓出現，猜不到這裡的特價點心都有如此美觀的 presentation腸粉的皮十分晶瑩剔透，腸粉內的素菜亦十分新鮮爽口！很讚哦！接著送上的是薑蔥牛柏葉這個點心十分足料，有很多件牛柏葉，雖然是特價點心，但絕不欺場酒家沒有用很多化學料清洗牛柏葉，所以牛柏葉仍保留其米黃色，牛柏葉十分爽口，醬汁亦調校得十分出色，與牛柏葉十分匹配！轉眼間，花菰滑雞盅飯亦同時奉上這

今天第一次到釣魚翁飲早茶。食物用料不錯，推介牛肉腸粉(皮滑)，义燒包(肉汁美味)，薑汁雞包仔(薑味足)，南瓜粟米粥，咸魚肉餅飯(不太油膩)，咸水角(皮好脆)，時菜牛肉球等都好美味。