鈴木珈啡館 (已結業)

係上環見完客, 由於未食午餐, 於是就去左無限極廣場既鈴木咖啡館食番個下午茶先其實睇完個MENU之後, 都唔知食咩好, 小妹很喜歡三文魚, 但紅豆飯就真係未食過, 而其他菜式又唔吸引, 最後點了三文魚紅豆飯~~~~~先講三文魚:絕對係剛剛好熟, 一D都冇overcook, 內質十分嫩滑多汁, 絕對係上品至於紅豆飯:其實點之前都覺得唔係自己杯茶ga喇, 冇諗過個味咁唔夾, 個飯用左D醬汁煮, 甜甜地好怪, 可能真係日式西餐啦, 但係小妹真係不好甜, 所以真係覺得好一般

約了兩名女士於上環吃飯，唯一要求好坐而又可以傾偈，本想去栢廷坊，不過因為心儀餐廳已經滿座，想好坐而又吃得不差的，想想四周，二話不說便選了於無限極的這個地方。十二時來到，人還不算太多, 地方十分闊落。而且裝修的確不錯，很適合三五知己來下午茶坐個下午。午餐選擇很多，有飯有意粉，西式日式韓式的fushion也有，多達十個的餐單值得一讚。我和其中一個朋友頗為貪心，想試不同的東西，於是一人叫了一個午餐share，我叫了一個沖繩溫泉蛋煙肉忌廉汁意粉，朋友就叫了親子滑蛋雞柳飯鍋。餐包括餐湯和一杯蔬果汁。先來餐湯，是日精選是蜆肉忌廉湯。湯的忌廉味很濃，蜆肉有六七粒大的，而且湯中有蘿蔔蓉，口感層次豐富，如果以午餐餐湯角度來說，是很高水準了。先上沖繩溫泉蛋煙肉忌廉汁意粉，外形賣相一流，很怕通常這類連鎖式的餐廳賣相一流通常都沒有好吃的份。上枱後立刻試試，質素比想像中好，煙肉很多，溫泉蛋也是新鮮和軟滑，與意粉一起撈，每條意粉都有忌廉和溫泉蛋的蛋黃，也算意想不到的不錯。唯一一個不好的對方就是意粉有點不夠熱，好像不是剛煮起而放了一會的室溫。相反親子滑蛋雞柳飯鍋就以熱鍋來上，每粒飯都是熱辣辣無比。滑蛋和雞柳的份量也

上次光顧Suzuki 已是多年前的事，印象中份量比較少。所以除了和老公一人點了一主菜，再加了小食。老公揀了香草西京燒銀雪魚香草烏冬（$86），西京燒又薄又咸，嚡霎霎。下次再惠顧的話，可選別的。而我見到餐廳推介＂let's go green everyday", 儘管試試，來一客日式咖哩雜菜飯煱（$78） 。味道不錯，辛辣中帶甜，口感豐富。雖然是素吃，材料充足，有紅蘿蔔、薯仔、雜菌、提子乾及菓肉, 混合起來比預期中好. 小食點了黑豚南瓜茄子薯蓉（$38），物超所值，以為只有如咖啡杯大小，卻原來有湯碗那麼大。我喜歡此南瓜薯蓉, 它沒有一般加了超多牛油的薯蓉那種膩, 味道偏重，預期是甜甜地的，但卻剛剛相反, 黑豚碎似煙肉一樣，可惜豚肉碎的咸味令南瓜薯蓉的甜驅趕得冇掟企。其實依家飲食大趨勢已經改了，少甜、少油及少鹽。做間健康的食肆吧!

這個上午因為要去西環海味街這邊找客戶辨理一些文件工作，所以順便來上環食一個早餐先，然後再去見客戶。行過上環地鐵站，見到Pret A Manager, 本應想光顧這店，入去看了一看，多數是麵包和三文治，本人對呢兩樣嘢作為早餐興趣不大。所以再上了一層，見到這間鈴木咖啡館，裝修相當唔錯，環境舒適而且非常寧靜。是日美中不足的是，商場外面裝修，所以影響了景觀。再看一看餐牌，一個早餐只是三十幾蚊，相當合理，便試一試呢間。早上時間人客不多，店員也很友善，為客人安排坐位和提供餐牌。早餐餐牌分開了A/B/C三項，各選一款，本人選了炒蛋、煙肉、蕃茄螺絲粉，飲品方面選了橙汁。呢個早餐的份量比想像中多，賣相也吸引，仲配埋多士和沙律，無諗過有咁多嘢食。炒蛋好滑，煙肉都好大塊，好好味，但係個蕃茄螺絲粉就麻麻地，只係得個酸字。下次一定再黎呢間，無論食物、環境、服務都比想像中好。

其實，我对D日式飱廳有D偏愛！Suzuki 喜愛她份量不太大！環境光猛舒適，很適合和朋友傾計或獨自沈思的好地下！相比之下，特式飮品比食物貴！每款都想試，很有特式！ Coffee ice matcha$48 ：成品是綠茶，内有咖啡冰，當冰溶下時，每—囗都带点咖啡味，很有趣！芝麻鮮奶咖啡$39：這個加了点芝麻味咖啡，很香啊！田園沙律跟餐加$42：冇想到跟餐的沙律很足料，新鮮蔬莱，蕃茄，及菇菌，加上曰式芝麻汁，很yummy!蟹籽蟹肉煙肉蛋黃汁意粉$88: 中間隻蛋是温泉蛋，配埋蟹籽同蟹肉同彈牙意粉，好creamy！香芒軟殼蟹比薩$62：係好薄同好脆。多食都可以！浦燒三文魚紅豆飯鍋$86：上枱好熱又有红豆香味，很不錯！照燒雞肉野菌意粉$7X：這個没有汁！意粉用上照焼汁来煑，加上雞肉同野菌，囗感很丰富！

帶了手提電腦要找一個環境舒適的地方上網加醫肚，於是到了鈴木咖啡館隨意點了一個下午茶餐。愛爾蘭 白朱古力咖啡: 咖啡面上鋪了少許玫瑰花瓣，漂亮有特色，不過沒有玫瑰香。奶泡OK，味道一般偏甜。酥盒三重奏: 賣相一般，酥盒頂明顯燒焦了一點。薯仔蓉沙律太多沙律醬。 三個盒內分別載有粟米玉粒,蟹籽沙律，和肉醬意粉。三種料不是creamy就是多汁,感覺相類似。食一兩個ok,三個太漏。呢個下午茶幾飽滯!環境則很舒適，枱之間有點空間，和友人閒談不失為一個好地方。其實我有朋友頗喜歡鈴木咖啡館，稱讚食物可以一試，下次試下其他食物可能會有驚喜。

新開無耐, 一於去試下, 朝早9:30AM去到, 好少人一坐低, 有侍應比杯水我, 唔錯 環境好舒服!!睇餐牌, 廿幾蚊, 然後再配其他野, 今日好餓, 一於揀哂佢, 都係多幾蚊啫十鐘就黎喇, 好豐富!!! 個三文魚飯又香又熱, 正, 不過得一小碗 要慢慢嘆!!!!面包好香軟, 腸, 煙肉, 蛋 , 炸魚都好好味!!!!!仲有個沙律添三十幾蚊早餐係幾貴, 但係值得!!!!!好回味, 一定會再去!!!!!

放工後, 決定和同事一齊吃晚飯, 但由於佢要返學, 所以食飯時間只餘下40分鐘,在速戰速決的情況下, 最終決定去上環無限極的Suzuki Cafe! 對Suzuki的認識不多,最深刻的新聞是甜品餐要杯清水要多比$16! 到現在, 每張餐枱上同樣也放了一樽價值$16元蒸餾水..雖然最近聽店子的劣評愈來愈多, 但小妹還是抱住"應該唔係樣樣都咁差呱"的心態去食..意想不到一次便中伏了。到步後, 剛好5:45分, 還可以叫Tea Set, 驟眼看到有一個芒果軟殼蟹法式吐司 $56, 身為軟殼蟹迷的小妹, 立即決定要這個! 配上是日餐飲: 青瓜蘋果檸檬特飲, 如要轉其他飲品要另加$20!先黎青瓜蘋果檸檬特飲, 飲落蘋果和檸檬味不重, 反而青瓜味比例較重, 入口感覺清新, 不錯。芒果軟殼蟹法式吐司 $56個主菜終於到喇, 賣相...剩係感覺一大堆沙律醬蓋過晒成個吐司, 真係"妹仔大過主人婆"!一開始小妹係用刀叉食吐司..不過發覺一切落去上面的材料都跌晒落黎, 成個感覺好蠢!!!!最後, 因為材料都已經跌晒落黎, 為免咁蠢的狀況重現, 最後唯有一件件材料分開食...一件件分開食都不是問題, 只是這個

試完豐富的全餐後，今次試下佢地的脆皮飛碟餐$28，睇下有咩特別先黎吞拿魚，原來所謂的脆皮，係麵包外加一塊類似春卷皮的的東西，食下去時很脆，很特別，是出面見唔到的，夠創意吞拿魚的味ok，不過我覺得落得太多沙律醬了如果可以少d更好伴碟的沙律亦是一貫的好，d汁很好食原來呢個餐還有薯條，仲要係即炸，good之後再黎，試了火腿芝士，今次飲橙汁，火腿芝士比吞拿魚好食，冇咁漏。呢度的服務幾好，記得有日想試一些咖啡特飲時，問個男侍應有冇skimmed milk，佢話有，但跟住廚房話用哂，佢都即刻講唔好意思，第二日我再來時，佢好似認得我，因為我聽到佢問廚房今日有冇skimmed milk，雖然都係冇，但佢ge服務態度真的值得嘉許。

繼上次的抵食早餐，今次試埋奄列、炸魚柳和麥皮，要凍咖啡都係熱咖啡好飲d塊奄列好厚，起碼有兩隻蛋，而且好滑，中間仲有d流心，熱辣辣，正!魚柳都好大年，入面都幾滑，上面淋佐d醬，好好味，本來怕肥，唔想食哂，但最後都忍唔住食哂麥皮係無味ge，應該無落糖，都好，夠健康!!唯一唔好ge都你塊多士，冇烘過，硬!!

有日早上上班時行過無限極廣場，發現這家鈴木咖啡館原來有做早餐，價錢OK，而且唔收加一。見咁抵，入去幫襯下先。早上時段，不是太多人，店員都好好招呼，一入來，就放下餐牌和水。我叫了個早晨全餐，A、B、C各選一款:A: 烚蛋/炒蛋/奄列B:炸魚柳/火腿/腸C:三文魚泡飯/牛奶麥皮/蕃茄螺絲粉配即磨咖啡一杯我選了炒蛋、火腿和三文魚泡飯當店員端上食物時，我真的嚇了一跳，因為很豐富，除了炒蛋、火腿和三文魚泡飯外，還有炒雜菇、沙律和多士炒蛋很滑、火腿有成3片、三文魚泡飯亦很好味、飯是用珍珠米還會再來的。全部材料都很新鮮，除了多士烘得唔夠脆和吸了炒蛋的油

同事最近儲開呢間餐廳既lunch set 印仔, 所以就邀請左我地一齊幫手食同儲喇! Lunch 既選擇不少, 我地有3個叫左 carbonara, 1 個叫果茸咖哩牛肉飯Appetiser: 薯仔湯, 唔夠熱, 同事話有d咸, 但口味各有不同, 我覺得ok!溫泉蛋carbonara: 意粉好硬身, 有質感, even 食完哂個意粉仲好有咬口, 而個汁就比起其傳統carbonara 稀, 食之前要將溫泉蛋汁撈勻果茸咖哩牛肉飯: 甜甜地, 因為有果茸&果粒, 幾特別, 飯睇落好軟果汁: 跟餐, 甜, 但果味唔夠抺茶+榛子: 加錢轉, 同事覺得抺茶味濃, 同榛子味夾, 賣相都ok食一餐咁就儲左4個印喇, 我相信好大機會冇幾耐又會再嚟食過!

由於在中環上班的緣故，來來去去都是在附近的地方搵食，其中一間就是Suzuki了，一來方便返office，二來大部分女同事對這餐廳情有獨鍾，喜歡它們的咖啡&抺茶! 上網一查，原來此餐廳跟主打咖啡的Habitu大有淵緣，難怪水準ok!Lunch set 約$80-90，包括主菜 (可選意粉，麵，飯等飽肚食物)，另有餐湯及果汁，個人偏愛咖啡，所以寧願加錢都必點! 翻看過前人的comments，對咖啡的評語寥寥可數，看來，真正懂得欣賞咖啡的香港人確實不多。本人最愛Suzuki的冰滴咖啡，貪其制作花工夫! 一般需要8小時才滴好一杯，還要冷藏1-2天，讓味道更為成熟。離遠聞到已經覺得很香，一喝下去，感覺有點像苦茶，但沒有苦茶的澀，千萬別加糖加奶調味，否則會影響原有香味。最令我意外的是，冰滴咖啡完全沒有酸味，反而感覺到咖啡精華內相當多層次的味道! 飲完一杯，抖擻精神，又回到公司繼續搏殺!

間中都會去鈴木食午飯, 但係一直都覺得無乜特別, 心諗午餐唔可以要求高既...算啦! 嗰日同同事又去揾食, 不過今次就有驚喜喇! 個牛肉飯夠熱又有味, 生蠔意粉個汁同蠔都好好味, 只係可惜其中一隻生蠔唔係咁新鮮, 不過都無所謂啦! 因為覺得有進步, 所以都讚一讚!

隱約記得第一次到 Suzuki 是 2007 年在禮頓道的店，當時試了 hot dog and coffee，很不錯，可惜後來禮頓道店 closed 了，但就到過上環舊維德廣場的店，那時 sell 的是日式西餐，有烏冬、pasta, cakes and coffee，但巳冇我的至愛 hot dog 了！早幾個月，Suzuki 又由維德廣場 (現叫無極限廣場，就在上環永安公司對面) 的地下搬至樓上，這天早上冇事，就到 Suzuki 食早餐。這是我第一次來，店內環境整潔光亮，兩邊是落地大窗，俯視電車路及永安公司只是不喜歡莫名其妙的在店中心加了婑 counter或 partition，擺放碗碟，變了冇咁開揚，可惜早餐款式不少，$28 - $32，不貴我們選了三款Portion 超大，沙律新鮮，麵包鬆軟，只是魚柳炸得過了点火，但整体質素亦不錯，就這樣 在 SUZUKI hea了一個懶洋洋的早上，埋單結賬，竟是免加一，有驚喜，有下次早餐後在中、上環左踱右踱，晚飯時間竟然又踱回 無極限廣場，旣是有緣，why not 重聚，So, SUZUKI, here we come again 這次點了咖哩天