鉄人旨花

營業中

休息中

< 鉄人旨花 >早早就在我的to eat list上，但一直未有機會來試。這晚趁著提早放工，便與同事一嘗這裡的鐵板燒。我很喜歡這裡的setting—— 一桌桌食客分別圍著用心做菜的師傅，感覺開揚之餘，也讓每位食客看清楚師傅的功架。先說這道鵝肝。相信這是我吃過最肥美、最油脂豐腴的鵝肝！鵝肝表面煎的甘香薄脆，內裡則保持流質的口感。配上意大利黑醋汁、大大減低油膩感。日本象拔蚌爽口彈牙，每口也是無比鮮甜。輕輕蘸上wasabi忌廉醬，可為象拔蚌增添刺激感。再來就是這晚其一主角——A5和牛！和牛是完美的medium。粉紅的橫切面極其誘惑，咬下去更是肉汁四濺，甘香惹味的和牛在口中繚繞不散，令人回味無窮🥰甜味方面，我選了清新的水果杯，賣相不錯👌🏻

星期二晚老公話帶我去食omakase，唔洗用腦諗食什麼，又可食到當季最好的食材，我梗係話好啦，這間(鉄人旨花)日本料理地點其實非常方便，就在銅鑼灣信和廣場大廈隔離，很容易找。入到去裝修不算花巧但環境舒適，令我想起日本的星級料理也是實而不華但廚藝奇佳，我們打開餐牌(廚師拍板)有兩款選擇，我們選了比較貴的一款，不久師傅便為我們端來了食材。就在我們面前即席很快就做了一個樣子漂亮一式三款的頭盤，有安康魚魚肝，蟹肉和新鮮蕃茄，我先吃蕃茄，蕃茄調教得酸甜味道剛剛好，非常開胃，再來是切得厚厚的安康魚肝，用兩塊威化夾着一起吃，咬落超好吃啊，魚肝一點都不腥，口感像咬鵝肝但沒有它的肥膩感覺反而覺得很新鮮香口，夾着鬆化的威化一起吃，一柔一脆真是絕配，跟着再吃蟹肉又是口感鮮美，然後第二道就是大大隻的北海道岩蠔，蠔上面鋪上用醋汁做成啫喱狀的醬汁，由於岩蠔實在太新鮮，不但咬落感覺鮮甜脆口，而且齒夾留香呢，未試過吃頭兩道菜已有令人開心難忘的感覺，因而非常有信心其後的出品呢。跟著面前的師傅又為我們做了一盤魚生，碟上有牡丹蝦，鯛魚和牙帶魚，牡丹蝦上面有一小咄藍色的魚子，望落有趣又好吃。再來下一道又是一個驚喜，廚師捉着一

就咁睇價錢，第一個感覺實覺得貴，但食完肯定覺得值回票價。銅鑼灣地段方便，一邊食，一邊觀賞師傅一個多鐘頭廚藝表演，係享受Quality of Life海老鐵板燒$2288 2人前沙津不過不失第一道主菜係汁煮白鱈魚，插係魚肉上面個塊煎魚皮，食到既係功夫，脆而香，魚肉剛熟滑到不得了。之後食海膽汁煮龍蝦，嚴格黎講係配海膽汁，因為唔係一齊煮既。望住隻龍蝦由生變熟再被起肉，腦海只有一個鮮字。蝦肉剛熟食落彈牙，食到師傅功架。再黎有奶油煮露荀，印象中就係好爽。之後就係最期待既熊本縣產A5和王牛，叫左五成熟，仲有配喜馬拉雅岩鹽、wasabi、蒜片。好食到唔識形容，不如你自己去試下。蔬菜都好出色，菇味濃郁，南瓜甜軟，茄子入味。和牛炒飯同清酒雞湯，其他太精彩關係呢呢兩款就中中挺挺。最後本身order 左個奇異果雪葩，食落真係好奇異，係柚子味雪葩啊，不過都好好味！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

之前食過鐵人旨花鐵板燒一試難忘，今天同朋友黎慶祝生日，我見到好多食客都一樣係揀特別日子黎慶祝，朋友喜歡龍蝦，我地今次揀左伊勢海老鐵板燒2人前 $2288。先來沙拉，特別在於醬汁有少許wasabi，醒一醒神。第一道菜係汁煮白鱈魚，好考究的一道菜，白鱈魚煎完再煮，連魚皮也用了很久時間慢慢煎脆，白鱈魚很滑海膽汁煮龍蝦，這個是重點之一，師傅在處理龍蝦的時候，龍蝦好生猛，仲郁下郁下，之後要忍心先將龍蝦拆肉，殼就不要只留個龍蝦鬚裝飾，龍蝦球好彈牙，配埋海膽汁，超美味，份量好多。特別菜品是奶油白露筍，雖然是奶油汁，但依然吃到白露筍的清新口感。熊本縣產 A5 和王牛，師傅會問你想食幾多成，我地揀咗五成，見到有其他人揀左三成，三成同五成嘅切法唔同，三成係一片片薄片，五成就係一粒粒，呢個和王牛超好食，牛味重，入口即溶，仲可以配蒜片，即磨wasabi同岩鹽。清酒雞湯，首先師傅將雞湯煮熱，再加入清酒令到有火焰效果，雞湯好清，有幾粒帆立貝煙煙韌韌好鮮甜。和牛炒飯，望住師傅一路炒，都炒左一段時間，一個好有心機既炒飯，蛋既份量好多，有洋蔥、蘿白絲、仲有和牛，加埋蔥賣相吸引。甜品有雪糕、雪芭同生果，我就揀左生果，裡面

自從大哥結左婚，兩兄妹少左好多時間見面😔。今晚難得佢主動約我🤩，仲話請我食日本料理😆 佢話每次見面既時間都係珍貴，所以更要食好D 。銅鑼灣依間日式餐廳評價高，所以哥挑選左為今晚飯局地點。-餐廳環境裝橫帶日本風情，座位區分為鐵板燒/Omakase 。餐廳優雅寧靜環境與大街的繁華嘈雜形成對比，播著柔和音樂，令人有種relax 的感覺去享受一頓晚餐。 -奉上餐牌及熱茶，我們點了「伊勢海老套餐」。套餐很豐富，有沙律、鱈魚、龍蝦、菜品、和牛、炒飯及甜品。-先品嚐「沙律」，沙律菜清新，還加了藜麥、車厘茄及青瓜。醬汁很特別，是芥末酸汁，香辛刺激味蕾，確實醒胃。-與此同時，職員陸續捧出我們所點的食材予師傅。謝謝師傳為我們烹調一道又一道精緻菜式。-第二道菜是「汁煮白鱈魚」白鱈魚十分嫩滑，其肉質細緻綿密、入口卻有鬆化的口感。魚皮是特別地先挑出來煎至金香酥脆。湯汁濃郁香甜，還有炒香了的爽脆日本洋蔥絲，令味道有層次感。-接著就是生猛大龍蝦🦞出場！粒粒矜貴蝦肉十分清甜與彈牙！。海膽蝦膏醬汁尤為出色，令鮮味更突出。-餐牌上寫著「特別菜品」，當晚是白蘆筍配法國奶油。白蘆筍外型筆直粗身，味道本身爽甜，配上略帶crea

今天有幸來到銅鑼灣吃 Omakase，上次來的時候是吃燒板燒，所以今次決定改改新口味。果然絕無失望。今日 $1738 已包加一，物超所值的。以魚肝伴蟹肉和蕃茄作為第一道菜，清新開胃。北海道岩蠔非常肥美新鮮，上面更放上啫喱，令口感更佳。薄切鯛魚、牡丹蝦籽和太牙魚非常精緻. 龍蝦刺身即叫即切，肉質具彈性，旁邊是鹽板，十分有創意。南極犬牙白鱈魚油脂味豐富，魚肉厚身又彈牙。壽司有赤貝、平政魚配海苔醬、深海池魚、金目鯛、喉黑魚、池魚海苔、燒拖羅。全部在你面前手即整。北海道海膽飯用龍蝦頭煮成的龍蝦湯非常清湯暖胃。最後以鮮橙同蜜瓜作為甜品更refreshing。

和女朋友慶祝生日，book佐係銅鑼灣的「鐵人旨花」食距ge 日本菜。我地揀佐食廚師發板，姐係師傅會用當造ge食材去創作一d菜式比我地食！首先前菜係一d開胃菜，有螢光魷魚，鮮番茄上面加佐dd鹽，再黎係一道紅酒煮ge安康魚肝，我自己就比較鍾意安康魚肝。之後黎ge係 新鮮經過處理ge八抓魚吸盤加佐d 柚子碎，口感爽脆，好特別。之後係刺身。有赤貝、沙碟魚切薄片，師傅會提我地由淡味開始去食起，品嚐食物最鮮ge味道。再黎有燒魚同燒中toro腩。之後黎係新鮮ge龍蝦！師傅會係我地面前將龍蝦處理成龍蝦刺身，可以加wasabi食，但我自己鍾意乜都唔點，食距原汁原味！好正真係！！白蝦壽司 白蝦用佐虎山縣ge，細細仔，但一件壽司上面用佐好多隻，上面再加海膽，白蝦蝦味好濃郁。深海池魚壽司 油份好多 而且有口感。北寄貝「燒」 口感 海水 貝味重地金目鯛壽司 都係油分好高。 池魚壽司 加佐北海道ge三色漬，同小小唐辛子，所以味道濃dd。赤陸魚 肉質好嫩滑，而且魚味濃。最後係一件右口魚壽司，爆油脂 。拖羅油 海膽杯，呢個海膽杯用toro去燒d油份出黎去撈飯，極邪惡，好好味。最後係一個龍蝦湯同甜品自家製ge柚子雪芭。

If you think this is a great place for teppanyaki, this must be your first. This place does not deserve the Openrice reviews!First of all, teppanyaki is all about the experience. This place offered no such thing. The chef would chat to his colleagues and have a good laugh while cooking in front of customers. Not to mention that his techniques are subpar. The service was poor and it took more than 40 minutes for the chef to prepare each course (and there were five courses in total). That was why

鉄人旨花的日式鐵板燒，食材新鮮，質素很高，令人回味無窮! 我們選擇了伊勢海老鐵板燒套餐(二人前) $2,288沙律沙律菜新鮮爽甜, 配以日式醋同芥辣作為醬汁, 清新開胃!  汁煮白鱈魚師傳先將魚皮煎香, 然後把魚皮拆下, 師傳把魚皮煎至筆直, 像薯片一樣, 非常香脆!白鱈魚肉質鮮甜嫩滑, 加上吸收了濃郁的上湯, 令白鱈魚的鮮味更突出, 非常美味出色, 令人念念不忘!伴菜洋葱煮至軟身, 甜甜的, 同樣好味!海膽汁煮龍蝦 嘩！主角龍蝦好大隻，而且非常新鮮！師傅將龍蝦放上鐵板時, 龍蝦還在手舞足蹈, 之後就聞到燒龍蝦的香氣，令人期待！龍蝦煎至半熟後, 師傅以純熟的手法將龍蝦起肉, 切件, 加入醬汁再炒勻! 我地可以欣賞整個過程及師傅的功架, 真的賞心悅目! 賣相擺盤非常精美! 上面用上龍蝦鬚和溫室玫瑰作裝飾, 下面一抹海膽龍蝦膏醬汁!上菜時, 店員貼心介紹菜式, 溫室玫瑰原來可以食用! 龍蝦肉質鮮甜彈牙, 煮得岩岩好, 再加上海膽龍蝦膏醬汁, 味道更加濃郁鮮味, 令人一試難忘! 超讚!  奶油煮蘆筍和椰菜苗 (特別料理)蘆筍和椰菜苗清甜爽口, 配上牛油忌廉汁, 清新美味!  熊本縣產A5和王

前日同事o係銅鑼灣鉄人旨花訂左位同我食omakase慶祝生日兼爆數。餐廳分左壽司吧同鐵板燒枱兩部分。 前菜-熊本蕃茄好新鮮，清甜微酸富山螢光魷魚- 好滑好鮮甜，口感一流。鮟鱇魚肝-入口即溶，好豐富。薄切沙地魚- 肉質有咬口，配土佐醋啫喱提升鮮味。赤貝、燒太刀魚、池魚 - 刺身最重要係新鮮，放入口就好似感受到魚既活力一樣。澳洲青龍蝦 - 師傅當場表演刀法，由新鮮龍蝦到上台，d觸鬚仲郁緊。wasabi,岩鹽同青檸，我比較中意岩鹽，唔會搶走龍蝦未身既味道。白鱈魚– 即燒既魚皮，油脂份量控制得好好。 鳥貝、伊左目、深海池魚、青鯛、赤龍、青魚海苔、燒拖羅 - 手握壽司，新鮮食材配上師傅既一流手藝，每一件都特別出色。北海道馬糞海膽杯-雖然唔算大杯，但入口即溶既海膽，有邊個唔中意食。龍蝦湯 - 食完生冷野最後來一碗熱湯，真係好滿足，好治癒。雜果杯 - 日本青提，蘋果，保持一貫水準。

鐘意食鐵板燒因為可以一面食一面欣賞師傅煮野食的功架，特別好味！其實好耐之前已經食過一次鉄人旨花o既鐵板燒，價錢唔平但勝在真材實料，o岩o岩出糧就同約朋友黎食多次。坐底先送上日式沙律，主要是沙律菜同埋蕃茄粒，伴上少量Superfood藜麥，營養價值更高，醬汁帶點酸辣，應該是加了wasabi，少少攻鼻都幾特別！汁煮白鱈魚平時食銀鱈魚比較多，而白鱈魚比銀鱈魚魚肉更為雪白嫩滑，師傅先煮起洋葱汁，再慢慢燒魚肉，臨上碟前再煎香魚皮，魚肉好嫩唔腥而魚皮脆卜卜，兩種口感，伴住甜甜的洋蔥湯食好正！海膽汁煮龍蝦睇住師傅把生龍蝦逐一拆肉煎香，加左海膽汁煮過的龍蝦爽口彈牙，鮮味十足又香口，個醬汁有濃濃的鮮味而不會太重味道，點住龍蝦肉啖啖肉實在最高享受了。特別菜品：奶油煮法國白蘆筍估唔到奶油可以用來煮白蘆筍，奶油感覺唔太膩同爽脆的白蘆筍都幾夾熊本縣產A5和牛平時我係喜歡食得生少少，但師傅說厚身和牛比較建議煮到七成熟，可鎖住肉汁，食到外脆內軟的口感，一於聽師傅話，一路睇住油花溶化，好治癒！每人各有四粒，碟邊分別放有三款配料：粉紅岩鹽，wasabi 及炸蒜片。店員建議先試原味，果然外脆內軟好juicy，再逐一配上唔

鉄人旨花分別有廚師發板的日本鐵板 ，餐廳分了兩邊，一邊是刺身Omakase，一邊是日式鐵板燒。 點了日本象拔蚌和牛鐵板燒餐，包括有象拔蚌、A5和牛、鵝肝、法國蘆筍等等的廚師精選美食。 紅酒煎鵝肝 煎鵝肝甘香豐腴，入口即溶，好正，越食越好味！ 日本象拔蚌 輕輕用了牛油炒，能夠保持肉質爽甜，為這餐開了一個完美opening。 奶油煮白蘆筍 食材非常新鮮，奶油香口細滑，白蘆筍口感爽脆，清清剛剛吃了海鮮的味雷。 熊本縣產A5和王牛 色澤夠哂鮮紅，賣相十分精緻，有著日本既風味特色，光看已經流晒口水了。和王牛切成粒粒去煎香，油脂分怖，味道很有層次感！ 和牛炒飯 用珍珠米炒飯，加上紅蘿蔔、蔥同和牛，粒粒分明炒得很乾身。 清酒雞湯 清酒經煮沸后蒸發了的餘香逗留了在清雞湯裏，非常香滑鮮甜。 最後以黑芝麻雪糕作終結，味道非常濃郁！每一口都是驚喜！

今晚又和E食好嘢！究竟係咩呢？登登登登！就係鉄板燒啦！最正仲要在公司對面，行過去就食到，勁開心除了鉄板燒餐外，鉄人旨花的menu選擇其實非常豐富，有刺身，壽司，鉄板單品，燒物，小食，炸物和丼。二人前鉄板燒餐的選擇也有4款，有鱈場蟹，伊勢海老，蝦夷鮑魚和白象拔，今晚我們揀了白象拔二人前鉄板燒餐$2688，包:沙律紅酒煎鵝肝日本白象拔特別料理熊本縣產A5和王牛黑毛和牛炒飯(日本產米)清酒雞湯甜品沙律~材料有車厘茄，青瓜，新鮮生菜，櫻桃蘿白和大量的藜麥，配以wasabi酸汁，又fresh又健康，清新又開胃負責serve我們的鉄板燒師傅凱師傅一早已把今晚的食材準備就緒，用牛油和蒜片起鑊為我們預備第一度菜: 紅酒煎鵝肝紅酒煎鵝肝~表層煎得金黃香脆，內裏鮮嫩粉紅，外脆內軟，口感柔軟綿密，入口即溶，充滿油香，酥香四溢，配意大利黑醋可解油腻，極美味日本白象拔~採用愛知縣白象拔，只用少少牛油和清酒作為調味，肉質非常爽脆，味道鮮甜，一試難忘，蘸埋wasabi 芥末忌廉，回味無窮一邊在煎蔬菜時，另一邊已煮緊白蘆荀特別料理~奶油白蘆荀白蘆荀非常矜貴，有「可食用的象牙」的美譽。法國白蘆荀質地細嫩和，清甜多汁，奶

喜歡去鉄人旨花是因為喜歡壽司師傅的創意，每每會帶給食客新的火花🎆兩人各點了<Shika OMAKASE>, 收費每位$1600。玻璃杯裏有隻螢光魷，下層是一堆透明的穴子苗(星鰻BB)，口感滑溜又彈牙，墊底的是海帶，由底至面混入適量的土佐醋，實在開胃美味; 中間那堆是松葉蟹肉，混入了蟹膏，鮮甜味美;右邊是A5和牛，內夾入北海道海膽，面上放有三色漬與炸蒜碎, 即溶的口感與鮮甜味道在口中爆發。師傅教路先吃薄切間八，蘸上加入了少許wasabi的黑松露酸汁; 跟著吃日本室津蠔，師傅在生蠔面鋪上土佐醋啫喱，生蠔本身厚肉兼creamy, 在醋啫喱的引領下勾起生蠔味道的濃郁;八爪魚配搭鰹魚醬油;燒金目鯛魚肉香氣濃厚，魚皮經師傅輕輕炙燒，煙韌爽口帶點嚼勁。澳洲青龍蝦刺身，看着牠由生猛猛的變成碟上的刺身，感謝牠為我們的胃納而犧牲，肉質細緻彈牙多美味咧！用A5和王牛肉燒出來的牛肉薄燒，旁邊是炸獨子蒜，口感惹味又卜卜脆。小碗盛着的是白飯魚，撒上烏魚籽及柚子皮，以醬油調味是鮮鹹中帶著高雅柚子香的美點。燒大拖加上芽葱，再用烤香過的紫菜裹着，味道如何是筆墨難以形容的事。池魚壽司卷夾入青葱與薑茸，看似