鉄人旨花

營業中

休息中

上次黎鉄人旨花係食鐵板燒，朋友出左花紅話請食飯，我就建議黎呢度試試佢既壽司OMAKASE。話明OMAKASE，今次全權交比師傅付責，食咩完全師傅話事，唔使煩😆師傳傳樣菜色都擺放得好精美好有心前菜有熊本縣番茄，上面加左dd米鹽,令到番茄食落甜味更加出,呢個配搭真係唔錯👍🏻松葉蟹沙律 份量雖小但啖啖蟹肉， 松葉蟹肉的味道鮮甜,加上少許蛋黃汁撈，好開胃。而杯裝著既係白飯魚，切碎後再加以少酸酸地醬調味，下層鋪滿海藻，味蕾大開。第二道菜師傅將右口魚薄切，上面放上海膽同黑松露酸汁，捲埋一齊食帶點酸味，左口魚加上creamy既北海道海膽，味道濃郁，配以黑松露酸汁更能令鮮味帶出。超正呀！之後第三同第四道菜仲有鮑魚同生蠔， 鮑魚擺放好用心，食落好爽彈， 而生椒煮既岩蠔配上黑松露，味道鮮好特別！第五道菜鰹魚配上蔥蔥同姜，有出魚既鮮同甜，好食！之後就黎到主角啦， 師傳拎出黎時係非常生猛，叫澳洲青龍，好靚好大隻呀😍😍好期待！師父以刺身方式處理龍蝦，晶瑩剔透既龍蝦肉，睇見都流口水。仲要切完個頭都仲識郁嫁，超新鮮！新鮮龍蝦刺身真係第一次食，龍蝦肉味道本身較為清淡，所以師傳會比埋岩鹽我地沾，再沾小小豉油，真係超鮮甜

上星期週年紀念，男朋友係鉄人旨花訂左位同我食omakase。餐廳裝修雅緻舒服，分左壽司吧同鐵板燒枱兩部分。前菜有熊本蕃茄、富山螢光魷魚、鮟鱇魚肝。蕃茄上面撒左淡雪鹽黎提鮮，食落更加鮮甜美味。螢光魷魚肉身多汁煙韌，而觸鬚部份爽口。 鮟鱇魚肝口感細膩綿密，入口即化。沙地魚薄切 - 刺身伴土佐醋啫喱，肉質好滑溜 。赤貝、燒太刀魚, 同池魚 - 赤貝肉質爽厚，池魚爽脆清甜、燒太刀魚肉質肥美結實。澳洲青龍蝦 - 主角出場，擺盤好靚，除左wasabi外，亦可加青檸汁或者岩鹽。龍蝦鮮甜，肉身彈牙。白鱈魚– 肥美滑溜，口感結實，有咬口。鳥貝、伊左目、深海池魚、青鯛、赤龍、青魚海苔、燒拖羅 - 魚既種類都好特別，賣相吸引，新鮮富光澤。鳥貝肉厚、伊左目，口感軟身，魚香味濃。燒拖羅厚切有口感，冇根好肥美。北海道馬糞海膽飯 - 海膽鮮甜無澀味，味道濃厚甘甜，入口即溶。龍蝦湯 - 味道清甜雜果杯 -每種顏色有唔同的口感與味道，酸酸甜甜，味道清新，為呢餐劃下一個完美的句號。

平時食日本野都係啲連鎖餐廳咁，今晚為咗慶祝轉工，男友就請我黎依間高級日本餐廳食飯北海道粟米 （牛奶粟米）超級甜，完全係意想不到的甜！甜到好似甜庶咁蕃茄 上面沈上少少日本鹽花，係淡雪味；配上蕃茄食，酸酸甜甜！I love it!松葉蟹蛋黃醬蟹肉的確好多好滿，加埋蟹黃醬食真係好鮮，yummy!! 右口魚薄切（平目） 海苔海膽醬加咗海苔海膽醬，鮮味更特出，右口魚味道清香，適合伴醬一齊食。平政魚點醬油食，魚油香味動人，口感細膩梭子魚燒外皮至半熟，更濃香的魚油甘香。日本岩蠔大大隻，十分creamy! 龍蝦刺身肉質爽口，可以沾一沾鹽板食、亦可以加檸檬汁加醬油食，個人更喜歡後者，檸檬的清香加埋魚肉;酸酸咸咸非常醒胃。汁煮牙帶魚平時都係食香煎，今次食汁煮原來咁鮮甜，加埋白蘿蔔好正。赤貝壽司爽口不在話，好大隻赤貝好好咬口深海池魚厚切味道更薄切更濃，肉質透嫩富山縣白蝦壽司入面有十幾隻蝦仔，可以摵開慢慢食，過足口癮金目鯛一個字：香！貴價魚之最赤陸/喉黑同喜之次一樣級數都係貴價魚；油份多啲、林身啲池魚海苔卷入面加咗薑同wasabi，上面有白板昆布，新的口感衝擊燒帆立貝大大隻帆立貝左口魚（蝶魚/沙碟）油脂感非常

終於等到今日喇，同朋友去食鐵人旨花。上到去環境好靚，佢分左bar枱同鐵板燒區。環境真係好舒服，店員好有禮貌我地揀左食皆花 廚師發辦，廚師會一開始問我地有咩唔食，好細心啊。然後就開始睇住廚師預備第一道菜有幾樣食物廚師會介紹同叫我地由邊一樣開始食。熊本縣蕃茄，上面有鹽，廚師話會有淡雪味，味道好特別，蕃茄好甜北海道栗米姐係牛奶栗米，同平時食既栗米好唔同，好爽脆既口感，好多汁好清甜。松茶蟹加蛋黃醬，成個入口啖啖都係蟹肉，好滿足啊！然後開始食刺身右口魚薄切 上面有海膽啊！入口好鮮既海膽味，配合魚肉既口感，鮮！另外重有平正魚，梭子魚，有炙燒過香氣，未入口已經好香竟然有生蠔，超級大隻，好肥美啊，蠔上面有柚子啫喱，食落味道會多左一種清甜味道龍蝦刺身！碟上會有一塊鹽磚，可以食之前係鹽磚上來回1兩下，就會有味道，加上龍蝦口感，好好味啊，然後廚師話龍蝦頭會拎去最後做湯物汁煮牙帶魚，有蘿白係最底，牙帶魚用汁煮都係第一次食，好濃郁既味道壽司部份每1件都好精緻，有深海池魚，白蝦，金目鯛 上面有柚子胡椒，好香赤陸，喉黑，口感比較林同油份多池魚海苔卷，白板昆布，第1次食，口感同香味都好特別燒帆立貝廚師直接包住一件好大

朋友生日揀選左呢間食鉄板燒，見網上評價都唔錯丫，所以都好有期望揀左呢個2人白象拔鉄板燒餐前菜係 wasabi什菜沙律，個味道幾吸引，又唔會太攻鼻，幾開胃，而且藜麥有豐富營養價值師傅非常用心每碟食物既擺盆紅酒煎鵝肝擺盆超美的，鵝肝煎封後油香豐腴，火喉煎得岩岩好，多士都係脆的，旁邊既花瓣係可以食架日本白象拔就係象拔蚌配上芥末汁，另外仲可以加小小檸檬汁象拔蚌非常彈牙，好鮮甜師傅正在煮個汁特別菜品今日係呢個奶油白蘆筍，甘甜清脆熊本縣產A5和王牛師傅會先問你要幾成熟，介紹我地7成熟係最好，外脆內嫩，師傅介紹第一粒可以食完汁完味，第二粒可加旁邊小小岩鹽，第三粒可加wasabi同蒜片一齊，第四粒可自由發揮，我自已覺得幾隻口味都唔錯，各有各好來到尾聲，和牛炒飯來了炒到粒粒分明，好乾身，食到呢到其實已經飽飽地，呢個餐份量唔錯，女仕們應該幾合適，不會太多，鐘意食，但都唔想浪費最後一碗清酒雞湯做個結尾好重清酒味，但好香的，帶子好滑甜品係什果生果杯

呢一餐期待左好耐☺️ 身邊不少朋友都話呢間鉄板燒好有水準，今晚就特登訂座一試！現場環境好靚，有三張鉄板燒枱，而另一邊就有壽司師傅，可以食omakase🍣有唔同既套餐可以選擇，我地就揀左白象拔鉄板燒二人餐🥰 沙拉醬汁係微微既芥末汁，沙律菜新鮮爽口，配上藜麥，一個好好食既前菜紅酒煮鵝肝我地一路食，其實大廚已經開始準備鉄板燒👍🏻 鵝肝勁厚切，有入口即溶既感覺，配上意大利黑醋蜜糖，超好味😭 上菜時店員會好細心咁介紹食材，伴碟既花瓣係可以食得既溫室玫瑰花🌹同板本菊🌼日本白象拔100%日本產既🥰 一人份量都幾多，可以先唔點任何醬汁食，鮮甜爽脆👍🏻 之後可以試下擺左喺碟既芥末忌廉汁, 又有另一番風味，我就兩種食法都咁鍾意！特別菜品 - 奶油煮法國白露筍原本望落以為會好膩，但無喎😍本身白露筍超清甜，一咬落去其實露筍味比奶油味更重，感覺上就剛剛好😚熊本縣產A5和王牛店員介紹係得獎牛😋大廚已經輕輕調過味，而碟上仲有唔同既配料配搭，例如喜瑪拉雅山岩鹽同芥末，試下邊種食法最岩你口味👍🏻 得獎牛係唔同啲，入口即溶🙊連伴碟既蔬菜都好好食好甜！和牛炒飯好香超惹味🥳 日本產米每一粒都飽滿，粒粒分明🤩 清酒雞湯個湯勁甜！

好耐冇食鐵板燒了，辛苦左一個月，一出糧就約埋個老友去食，有同事食過話依間鉄人旨花值得一試，有omakase 和鐵板燒，今晚選擇了象拔蚌A5和牛套餐🥰🥰套餐仲有鵝肝，法國蘆筍等😋😋😋日本象拔蚌象拔蚌爽口鮮甜😋😋輕輕炒一炒已經好入味，保持肉質爽甜可口！鵝肝多士鵝肝外脆內軟，賣相十分精緻口感豐富美味😋😋A5 和牛入口充滿牛肉的鮮味，油脂分佈平均，伴碟邊配上炸蒜片和Wasabi一齊食，滋味萬分！法國忌廉奶油蘆筍忌廉好滑唔會好溜，蘆筍十分入味😋和牛炒飯炒飯用左日本米，粒粒精瑩乾身，食落很彈牙美味😋😋😋清酒雞湯帶子清清地清除左食左的鐵板燒，內有帶子點綴更顯鮮甜味可口👍🏻👍🏻👍🏻最後就係甜品雜果杯

今次嚟到鉄人旨花搵食！ 一入門口就有櫻花裝飾～和風味十足闊別一年多～menu 好似有唔同咗好厚嘅menu呢鉄板燒有4個set分別為白象拔、伊勢海老、蝦夷鮑魚和鱈場蟹沙律以wasabi醋調味～加上各種新鮮蔬菜最好味係甜甜嘅車厘茄立即開胃起來❤️紅酒煎鵝肝好誇張！係比多士還要厚的鵝肝！首先試了試蘆筍是最嫩的部分～另外還有食用花～菊花隱約有菊花香氣呢接下來就是主角鵝肝！味道十分醇美、一吃就知道是純正鵝肝！油份充足～怕油亦可以多士和意大利黑醋減減膩日本白象拔最期待的白象拔～佢比巿面常見嘅加拿大象拔蚌細～但肉質豐厚～入口爽脆～鮮味係蚌類之首！以牛油煮香的蚌爽口鮮甜～已經美味無比而且佢個醬又係我至愛嘅wasabi!!!加上三文魚子一起食簡單升價十倍！特別菜品：奶油白蘆筍一向也喜歡吃蘆筍、但白蘆筍就沒吃過原是非常珍貴～食感也更鮮嫩～好食到差點連個醬汁都飲埋！熊本縣產A5和王牛非常美麗的和牛！熊本縣的頂級品牌「和王」，是熊本縣生産的極上牛種～只有經過精心挑選的飼料飼養28個月以上、並獲得A5或A4以上等級～且BMS (油花標準等級)需達到6以上～才能夠稱之為「和王」大廚提議我們吃7成熟～就聽他說吧～厚厚

好耐冇獎勵下自己食好野～今日跟友人黎到銅鑼灣😍😍食我鐘意既鐵板燒，廚師係面前烹調，就好似睇住表演咁～絕對係滿足晒色香味～入到去侍應帶位之後～上茶餐牌+作出介紹，再等我地慢慢揀～非常貼心，再上每一度菜都會介紹。最後我地揀左白象拔鐵板燒🤤🤤等廚師整理食材～廚師面帶笑容～非常健談，一路幫我地解釋食材，聊天，氣氛很好👍🏼前菜：沙律🥗用上小有既wasabi 汁，蔬菜🥬新鮮，而wasabi 味唔會太濃烈食落岩岩好🤣🤣仲有加入左健康之選藜麥，細細杯作為前菜分量恰當👍🏼 紅酒煎鵝肝鵝肝跟法包...厚度是1:1既比例，甚至比法包更厚，非常厚身足料😱😱😱入口即溶，煎到外脆內軟，而醬汁帶點酸酸的，中和油膩感👍🏼👍🏼伴碟嘅花瓣，靚之餘，廚師有介紹到係温室花，可食用，食落會有花香味。日本白象拔✨睇住廚師煮～好期待🤤🤤上枱後，廚師建議加點檸檬🍋汁直接食用先品嚐原味😁😁😁綠色既醬是芥末忌廉汁，自己選擇點唔點醬食，都一樣甘好食，象拔蚌不會過老，彈牙，入口有鮮味👍🏼下圖是一人份量，夠晒我自己慢慢享受。 特別菜品：奶油煮法國白蘆筍看似普通既菜色，白蘆筍細嫩爽脆，配搭奶油，越食越滋味，越食越想食🤣🤣 A5和牛🥩🥩廚師建議將

就黎又到父親節，為咗避開人潮同埋比較貴的節日餐單，今年決定提早慶祝，到鉄人旨花食高級鐵板燒。套餐的選擇不多，但全部都是珍貴食材，極度吸引，思前想後最終還是點了白象拔蚌二人前套餐。鐵板燒都比較肥膩熱氣，先吃沙律就最好不過，蔬菜切成細片容易入口，健康的藜麥増添口感，調味加了少許芥末配合沙律醋更突出了蔬菜的鮮甜。紅酒煎鵝肝勁厚勁大件，入口即化，紅酒香帶出鵝肝的甘甜味，配合多士及碟邊的意大利黑醋，完全減退了肥膩的感覺，而且擺碟好靚，色香味俱全，連花瓣都係食得架！日本白象拔蚌將內臟拿走，取其最鮮嫩的部分切片，其實所剩下的份量不多，十分矜貴。師傅用小許醬汁快炒，盡量保持原汁原味，咬落肉質脆嫩，味道鮮甜。最驚喜的是碟邊的特製醬料，由鮮磨日本芥末加忌廉及三文魚子而成，突顯了象拔蚌的鮮味又加添了一個味覺的層次，超好味奶油法國白蘆荀由成長到採摘都不能受到陽光照射，數量極稀少，所以擁有’貴族白美人‘的稱號，顏色越白、荀身越粗就越珍貴，口感細緻，營養價值極高，是法國的頂級食材之一。師傅用簡單的奶油煮已經非常好味，白蘆筍超級鮮嫩爽甜，而奶油中暗暗滲出薄荷葉的香味，更清新脫俗。熊本縣產A5和王牛堪稱為和牛之王，從

再去到銅鑼灣（鐵人之花）食鐵板燒，今次是第二次來到這餐廳，餐廳設計帶有日本風，仲有好多日本牌子清酒，空間感十足，坐下來十分舒服， 在這餐廳享受優質美食之餘，又可以見到廚師的精湛廚藝，真是最佳之選。蕎麥沙律紅酒煎鵝肝， 棉花一樣的口感，賣相近乎像藝術品一樣的鵝肝。日本白象拔蚌，原來有分黑象拔及白象拔的，是季節性，這段時間食白象拔蚌，最鮮甜同美味。熊本縣A5和牛，油脂分佈平均，入口即溶，用心的擺設，令人垂涎欲滴，但又不捨得食，到最後都是好好享受吧！奶油煮法國白蘆筍， 露筍軟淋鮮甜加上奶油一起煮，十分配合。和牛炒飯， 採用日本米，炒到飯粒粒分明，十分惹味。清酒雞湯，鮮甜又大隻的帶子再加上香菜，好清甜的雞湯。是日甜品，鮮甜的橙肉，爽甜的哈密瓜，啱曬夏日 。

今晚太太生日，帶她去了銅鑼灣（鐵人之花）享受一餐高質，優質的鐵板燒， 坐下來時廚師很親切地介紹每一道菜式，然後等我哋慢慢享受完，先再煮另一道菜， 務求保持到每一道菜是熱辣辣地上 ，亨受美食之餘同時地看見他精湛的廚藝， 這餐晚飯得到太太的讚賞，讓我非常開心。蕎麥沙律。紅酒煎鵝肝，廚師好有心思！將匈牙利的鵝肝煎至外脆內軟，用上意大利黑醋蜜糖，仲可以中和油膩感，賣上十分精緻美感。奶油煮法國白蘆筍熊本縣A5和牛，廚師會建議將已煎香及切粒的和牛，先食原味和牛，可試吓加wasabi食，第三種食法點岩鹽等，和牛肉味濃郁，口感軟淋，不用再多介紹。日本白象拔蚌，廚師運用熟手的烹飪技術，輕炒幾吓，已經剛剛好，我要即刻放入口中，但是要慢慢地享受，象拔蚌鮮、甜、爽的味道。清酒雞湯，加上鮮味又大隻的帶子，令到成碗雞湯更加清甜、 鮮甜，仲有少許清酒味，非常好味道。和牛炒飯，用咗日本米煮成飯再加上切粒和牛，蛋、蔥 一起炒至 粒粒分明，十分香口惹味。飯後甜品，有去皮橙肉、蜜瓜，非常吸引。

鉄人旨花除了鐵板燒外，omakase同樣傑出。前菜造型同伴碟一樣精美，乍看似是藝術品，只想細看不敢動手。前菜3小碟幼嫩的螢光魷魚沾上蛋黃醬，微咸。清甜多汁的熊本番茄，令人為之讚歎。蝦刺身加上海澡係底，回味無窮。和牛刺身高質日本和牛加上特製醬汁，包上紫菜片，人生一大享受也。刺身睇住壽司專注地切真鯛，令人真的很期待薄切真鯛魚。梳子魚微微火炙，夾左塊紫蘇葉，口感清新獨特，難以忘懷。肥美的帶子刺身，加上檸檬十分順喉。廚師突然取出生澳洲青年龍蝦，處理後便成了龍蝦刺身。初嚐龍蝦刺身的我，發現真的很爽，很彈牙。正當我諗梗龍蝦頭仲有好多肉，侍應告知會將龍蝦頭煮成湯物。很期待呢。香煎銀鱈魚魚肉充滿魚油，咬開很香很滑。熟食也做得很出色。壽司北海道海膽杯廚師毫不猶豫地加上一層又一層既海膽，下面就係已調好既吞拿魚碎蔥蔥壽司飯。又軟又有層次。龍蝦湯終於煮好既龍蝦湯，花了點時間挑出龍蝦肉也是很值得的。甜品有甜品也有生果杯。原來甜品十分精彩。

今日遇到一個好好傾嘅鐵板燒師傅，令我感覺到一餐鐵板燒除咗師傅嘅手工之外，其實大家有傾有講識得會更加開心，成個過程會好舒服。今日我哋食咗個伊勢海老鐵板燒套餐，頭盤有沙拉，沙津菜配藜麥蕃茄。然後就係汁煮銀鱈魚，用上洋蔥汁，唔好以為佢洋蔥汁會比較難接受 ，但係佢剛剛相反 ，洋蔥完全融入左佢特調嘅醬汁入面，唔會有種好刺鼻感覺，反而甜甜香香。魚唔使講，煎到剛好，又滑又彈牙。之後就係龍蝦，用上本地龍蝦，拎出嚟嘅時候已經見到佢非常之大隻，肉非常之厚身。經煮後仲加上超級creamy 嘅海膽汁，除左正之外都無其他嘢講。今日的特別料理係時令的白露荀，爽口鮮甜。重頭戲a5熊本和牛，唔使講都知肉嫩，可口，再配上蒜片，椒鹽，簡直係一流。廚師教左我地一個食法，就係放蒜片喺牛上面，然後再沾上胡椒同鹽，一次過可以食到三種層次，超級好食。食左甘多嘢，個餐仲未完。仲有一個和牛粒炒飯，粒粒的和牛粒配上粒粒米飯。清酒雞湯，不醉而香。最後梗係仲有個甜品喇，今日係時令鮮果杯。