銀禧閣

營業中

休息中

今次去到都會大學餐廳🍴 銀禧閣餐廳內都幾乾淨，好多位，座位都闊落嘅。啲姐姐都幾友善～今次點咗吉列魚柳拼餃子🥟烏冬$49魚柳夠大塊，仲炸得鬆脆，非常唔錯！但係餃子湯烏冬就麻麻啦！ 餃子都還可以嘅，有啲似灣仔碼頭粟米餃，其實懷疑直程係！但係湯烏冬真係好麻麻，係接近完全冇味嘅！ 只可以落好多潮州辣椒油嚟調味！CP值： ✨✨老實講以大學生飯堂來講，就算有學生優惠都接近$50 1個餐，其實小貴，仲要唔係好好食。推薦度：👍🏻👍🏻除咗乾淨，地方夠大，同埋啲姐姐好人之外，或者係該校嘅學生唔想走咁遠，都諗唔到有咩推薦嘅理由。

餐廳位於香港都會大學賽馬會校園的地下位置，午市時段人流較多，但餐廳地方大，座位多，所以輪候時間不會超過5分鐘，放飯時間短也可以去吃。收銀員態度一般，但裏面上餐的姨姨態度都好親切，上山速度都頗快， 10分鐘內有得食。蒜蓉牛扒🥩火腿飯$49 不過不失醬汁夠濃，份量正常，值得一讚的是加$3的杏仁霜，濃度剛好不會太稀，甜而不膩。整體環境都好乾淨企理，但以學生飯堂嚟講價錢折完都差唔多$50 ，就小貴。

今次得半個鐘食晚飯，去咗Ou JC canteen食飯。選擇都幾多，有焗豬扒飯、中式料理同越南湯河。而我就俾雞翼🐔吸引，揀咗食越南雞翼湯河。一出個湯河，已經聞到好香😍我自己加咗少少辣椒🌶️同香葉調味😋本身諗住$28一碗河粉，份量應該唔會太多，點知河粉同芽菜份量足夠，仲有三隻炸雞翼添😍湯底味道香濃，唔會太咸。河粉都唔會太軟身，唔會一夾即斷👍🏻雞翼肉質唔算好滑，不過味道亦唔錯，吸收完湯底精華，味道更濃郁😆最後值得一讚嗰嚿大蘿蔔，完全冇根同夠腍👍🏻👍🏻

在何文田來來去去也是一些大型連鎖店，例如大快活，吉野家和八方雲集但總是有幾間茶記，有d悶 這天走進銀禧閣，這是大學的飯堂，但都好歡迎外來既人進食價錢會比較貴，不能享受學生的優惠，計上來都算係很便宜呢公開大學學生也來吃，位子滿滿的，大家不妨參考這個餐牌價錢唔算太貴～但食物既味道才是重點我點了粟米白汁雞柳飯$25 ，學生$20廚房部不左好多白汁給我，所以食起黎一d都唔乾，而且好濕潤那個汁的味道濃濃的，幾好食，但係雞柳充滿雪藏味，十分硬不太好食，鞋到似煲過老火湯，飯的價錢算是合適吧送了熱阿華田，原本係冇咩味道的，所以要自己去自助吧拿糖加入杯中！

岩岩放個break 短短時間就揀左個芝士撈面加多塊好大同厚既漢堡扒呢個面芝士味都幾濃 而份量都幾多作為一個tea黎講算係夠飽但係lunch既話就差咁啲而漢堡扒可能令人失望左少少因為無乜特別仲有少少乾得濟唔太好食希望下次會再好食啲喇

公開大學有新野食緊要試下有個豬骨老火靚湯送, 幾好飲又唔多味精飯大碗, 東坡肉多, 咁都只係四十幾蚊真抵食肉質好嫩滑, 不過就唔算多, D配料同菜都佔左好多位, 不過醬汁堅入味坐住又有電視睇新聞, 環境都唔錯, 讚

好多人都鐘意幫襯大學校園內的餐廳，感覺想人少一點之外 (視乎地區和時間啦~)，價錢也很經濟，要是能出示學生證的話，會有更多優惠! 一向好學的AW，早上也有機會一到公開大學(新大樓— 銀禧學院)的canteen(是美心集團營運的)，寬敞的環境，西式快餐，自助取餐，吃飽後自行收拾東西到收集點，其實是基本的責任吧! Canteen 的食物種類很豐富，除一般中西式套餐外，下午茶時後更有雪糕窩夫、韓式炸雞、泰式湯粉等，食物質素也不錯，沒有令人失望。豐富早餐— 牛仔腸+炒蛋加通粉再配即磨咖啡，通粉不算是超咸的味精湯底，吃畢不會覺得口渴!有學生證的話才$24-HKD左右! 超值!

喺OU返學，呢度嘅canteen係不二之選早餐大路嘅野不在話下，但小妹今次想講嘅係鮮茄牛肉湯通粉，由落單到坐底大約5分鐘，但就即點即制，睇住staff煮湯，加茄膏同鮮茄，滾左再落通粉，最後再落鮮牛肉，上碟 濃濃嘅蕃茄湯底配上軟硬適中嘅通粉，加上嫩滑鮮牛肉，真係所有野都好夾，另外平民嘅價錢$25配上熱飲(學生價$20) 咁嘅價錢咁嘅質素邊度揾！ 題外話：呢度附近嘅居民都會黎食嫁，因為佢算係美心集團呢，只係學生會有八折囉～

平常在旺角流連餐廳也大部分都有嘗試過了這次就到旺角附近的何文田嘗試一些近的食物以前也有嘗過這裡的咸食這次就嘗試一下甜點吧這個是Chocolate cake with alcohol雖然我沒有吃到有酒的味道（可能放太久了吧但是第一口吃下去的感覺是不錯的最少不會讓我感覺到很甜不想要再試第2口的感覺最表層的巧克力是脆脆的 而其他是軟的不錯不錯但吃到最後有點點膩 偶爾吃到還不錯就是了

今日落咗堂之後自己一個去咗J club到食飯，見到個細價之選，豉椒排骨飯，學生價＄20，我仲叫咗多飯，其實本人食排骨就唔太鍾意有骨嘅排骨，因為我鍾意啖啖肉，雖然個飯真係好抵食＄20好大碟，但係果汁鬼死咁浠，啲肉就淡茂茂，但係＄20仲想點呀食就得啦。我一日揸住張學生證一日都會走食

係何文田個頭探讀緊OU既朋友，就順便試下佢地新開既銀禧閣啦。 作為學校既食堂，有學生證係可以減差唔多成十蚊。而普通人買就20~50蚊左右啦。 我就叫左個焗豬扒飯，心諗:焗既野差極有限，點知唔係咁…. 首先，個豬扒，淋到冇得再淋，但依個唔係好事，因為代表左佢係太多水分同個豬扒品質太差。咬落去，一d口感都冇，無肉味，無肉汁，完全失望。 個芝士又唔知想點，食落係酸味。有趣既係，個飯又好乾身，仲要乾到要我一路食一路飲汽水。 個環境都係清靜同寬敞，依到都加番分。 但佢有一個r哂頭既設計:點解要係入面整一個地鐵咁既閘門黎阻住人行路? 結論係，ou銀禧閣個焗豬扒真係唔好食，只有失望。

今次要講既係位於何文田公開大學既 canteen J Club . 酸辣米係 OU canteen 屬於一款新既菜式，當我落單果陣我都諗梗會否中伏。結果呢？相信大家都明啦，當然係伏。伏既原因係因為個湯真係油到入唔到口，隨時飲左一啖都可能會肚柯果隻。而且個湯辣油雖多，但無辣味，酸味就更加不覺。而論食材方面，話就話係炸豬扒，但食落去塊豬扒係軟淋淋既，毫無炸物 feel 可言。呢個酸辣面我諗應該無下次。

魷魚雞粒炆飯加杯熱檸茶 二十幾三十炆算係咁個飯就唔知落左乜野醬去煮 鹹鹹地味道都算Ok幾襯個魷魚雞粒 其實呢個配搭都幾特別加上味道偏濃 其實有d菜會好d不過普通食個lunch算係咁啦 近門口既bar位有usb插口同三腳插hea時間都係一個好地方

上次係度飲完個紫薯汁，我都對間野無咩期望架啦但經開公開大學就黎試下第二款嘢食今次就試雞鎚酸麻辣米線但係我又唔食得辣喎，所以就走辣走咗麻辣個湯都唔會好酸，都一般啦個個雞鎚係幾好食嘅，大約有三舊都幾好食，都幾鍾意其實間野都唔係好差姐，係比個紫薯汁嚇親姐

今日晏就同fd肚餓 諗住食晏就去左j club食野 我叫左個 香茅雞鎚米線 個湯原本係麻辣架 但我同左姐姐講走辣成碗米線都頗為大碗 雞鎚數量亦算多、亦幾大舊 咬落肉質唔算好嫩 但雞鎚由於先炸過 再擺落湯度 所以幾香口米線幾爽口 個湯飲落酸酸甜甜 都算幾開胃 但要值得注意既係 要係食之前先夾走酸菜😂如果唔係唔小心食到果下都幾酸😅總括而言 唔飲野既話30蚊埋單 份量同味道算係不過不失