銀龍粉麵茶餐廳 (已結業)

今日下午茶黎左銀龍食一座底，服務員就趕我們靠邊坐😅 然後叫野食，等左好耐都無幫我地落單，個個都話轉頭，最終叫左3次，有人落單啦！😅今日叫左個咖喱龍莉柳蟹柳意粉，飲柚子蜜雖然服務態度不太好～ 但個咖喱汁都唔錯，蟹柳唔會好散，龍莉柳本身無咩味，但有咖哩汁係度，令成碟意粉加分薯仔就好淋好好味柚子茶算有誠意，係柚子茶中加入一塊檸檬，中和甜度，又有維他命c整體黎講，用40蚊食個下午茶算係咁，如果服務態度好d 會更加好

又同牛爸食下午茶，見倒銀龍換左新餐牌，一於試下，見倒多左啲啱自己心水嘅種類，選擇亦多左，輕食例如黑松露炒蛋厚多士，雞中翼沙律等等，飽肚嘅好似粉麵飯都有，睇下睇下，好幾樣都啱心水，選擇困難症又發作，最後跟牛爸一樣食紫菜照燒汁牛扒意粉（走汁，個人喜好），熱斎啡，38大元，雖然唔算平，但個人觉得，品質更重要，牛扒算大塊，差不多有6寸長，半寸厚，食落鬆軟唔亁，調味恰到好處，意粉夠彈唔會黏口，斎啡就一般，冇乜咖啡香味。佢嘅座位都算舒適，又可以睇電視，環境亁淨，都算物有所值。

因為方便，一直都係幫襯屋企樓下嘅銀龍，差不多係fans咁，睇住佢開張，睇住佢一直加價，本來佢嘅品質keep住冇变，地方亁淨都冇所謂，但估唔到佢加價之餘，多士竟然越黎越縮，由於我唔鐘意食脆脆豬，一直都係鐘意食多士，或者蛋治，但最近佢嘅蛋治同套餐嘅多士真係……人地話人情紙禁薄，估唔到佢今時今日嘅蛋治多士幾乎薄過紙，食落嘅感覺好似一塊紙皮夾住蛋咁！仲有，以前套餐嘅脆脆豬加3元轉厚多士係一塊完整嘅，加價之後，竟然得半件！！好過份！諗返佢嘅老細都係基層捱到今日成為集團，希望佢唔好越做越刻薄！唔好令一眾支持佢嘅街坊失望！

今日中午同阿媽去食lunch，梗係食得豪D啦，一黎就叫左個鐵板巨人西冷牛扒餐，七成熟。上菜昤鐵板仍然好熱，淋上洋蔥汁後，香氣四溢。餐前有個羅宋湯，味道偏酸，都幾開胃下。講返鐵板餐，配菜有舊栗米，好鮮甜，一D都無馬虎。另外我揀左薯條，炸得外脆內軟，o岩o岩好，而且份量都幾多下，好飽肚。牛扒方面，雖然係叫七成熟，但食落一D都唔韌，用刀叉切既時候，一兩刀就可以切到黎食，內里肉汁依然豐富，肉質鮮嫩，最重要係份量超大，對於喜歡食牛的我來說，可謂大飽口福。最後，凍柚子蜜亦都非常足料，攪均之後飲到尾都仲好甜。

茶記LUNCH SET,仲可以有咩要求.不過講就咁講,呢度既霸皇雞飯又唔錯.雞肉有彈性,唔太肥,連雞皮都幾爽,豉油甜甜地.不過霸皇雞既重點其實係薑蔥,要落得夠多,仲要最好有炒過.所以當係切雞飯就唔錯,霸皇雞就差一點野

一行六人，跑畢街馬，餓鬼上身，腦海只想著邪惡常餐，一祭五臟廟！常餐包括牛油豬仔包、火腿奄列，自選麵食，我選了沙爹牛出前一丁。整頓常餐最精彩是沙爹牛丁，沙爹牛肉餣得非常入味，肉質亦有咬口，亦沒有吝嗇沙爹汁，濃郁的沙爹汁混進出前一丁的味精湯之中，再加入丁麵精髓—麻油。簡直是完美百分之沙爹牛丁！當然丁麵也煮得恰到好處，𡁻落彈牙。配以冰凍檸樂，打個飽嗝，回家沖個靚涼，倒頭便睡。常餐$42+凍檸樂$5。如有玻璃樽可樂更完美！

黎到大本營，又係揀左食銀龍。今次食下午茶餐，三十幾蚊，價錢都ok，係份量少左啲。炸雞亦薯條，炸得金黃，香口十足，食落又唔覺好油，但份量好少吖。另一個叫左西多士，啱啱炸起牛油好快滆哂，軟綿好吃，入面有花生醬餡，落糖漿正！熱奶茶，十分香滑，好飲。熱柚子，超甜，不是我杯茶。

是日早餐到來點了一個餐有腸仔，煎雙蛋，煙肉，火腿和厚多士加杯熱咖啡，但內容實在太少吃不飽。腸仔，雙蛋煎得好油，煙肉肥膏頗多，火腿煎得不夠熟，烘厚多士包太厚而且放了很久不熱牛油不夠香。

黎到鯉魚門，無咩好餐廳揀，咁就黎銀龍食。午餐又係無乜好揀，叫左一人一個常餐，今時今日加價加到四十元了。食物火速送到，賣相幾好。豬扒包，豬扒大大塊，幾有肉汁。叉燒湯意，叉燒好瘦有啲乾，意粉煮得淋，湯底ok。火腿奄列，幾嫩滑，煎得剛好。奶油脆豬包，不太硬，吸左牛油好味。沙嗲牛公仔麵，幾多牛肉，沙嗲汁好入味，公仔麵彈牙，無煮得過淋，味精湯底亦夠味。熱奶茶，香滑，茶奶比例剛好。熱菜蜜，好甜，都ok嘅。

到這邊熟悉的地方曬相，把這次旅行時拍下的甜蜜照片沖印出來不過要等1小時，就找家餐廳來消磨時間，原來屋村裡的茶餐廳大多都已變成連鎖的呢感到失落...但又不想吃大x活跟外餐店，就進來銀龍了看了下午茶的Menu，果真不便宜呀不過突然很想吃吃炸雞腿跟薯條，就來放縱一下選了凍奶茶，奶味比茶味重很多茶味只輕輕帶過炸雞腿跟薯條明顯還是帶有油份，沒瀝好喔幸好味道尚算不錯，雞腿肉嫩沒炸得乾柴而薯條的份量也多只是吃到後來，有人來加料了幹嘛來掃地呀....明明還有客人在吃東西呀

油塘區太少茶餐廳，初時銀龍開張，喜歡佢選擇夠多，味道亦不錯。尤其喜歡食椒鹽豬扒飯，豬扒好味，加上獨特既椒鹽料，有好多蝦米粒粒，又夠獲氣，贊！粟米班塊飯都好得，炸魚仲係脆既添。而且經常叫佢既外賣，因為真係快，15分鐘就送到。不過近來食過幾次，發覺品質下降，小炒無獲氣，椒鹽特色不再。今日叫外賣早餐，好失望，豬扒通粉骨仲多過肉，通粉湯底最緊要，佢居然係無味既。近來問過收銀，原來4月起全個廚房都換哂人。。。。唔怪得我決定比多最後一次機會佢個新廚，再唔得就唯有食返街市茶記。

這個星期是考試週 早上9點多就放學了 回家到油塘10點左右 早餐吃過了還正消化中 吃午餐又太早 所以就睡了一會大概1點醒了我妹妹也回到家 肚子都餓了 有選擇困難症的我猶疑了很久很久 最後懶惰的我們決定打電話試試樓下新開張的銀龍的外賣不想吃飯 想吃餃子之類的所以點了菜肉雲吞米線(配江南雪菜) 開蓋後傳來的是很香的雪菜味 叫我食指大動 可能因為我是雪菜肉絲米的忠實粉絲吧 不過跟雪菜肉絲米是有點分別的 先嚐了口米線 哇 第一感覺是 比譚X好吃十倍呢!米線很彈牙 就算放在湯裡一段時間都沒有變得水水的一條一條的 不像茶餐廳那樣散散的 咬了一口雲吞 雖然沒有特別驚喜 但足足有五顆大大粒! 感覺飽肚又幸福菜和肉的比例是多菜少肉 是我喜歡的配搭 好吃可能是我要求比較低吧 簡單的我都覺得好吃的 呵呵吃一口滑滑口感的米線 咬一口大大的菜肉雲吞 配上雪菜酸酸辣辣的湯底以及runningman 滿足了一碗好像是$34 不知道有沒有包括外賣費用 (因為不是我打電話不是我去開門的 嘿嘿)真的不算貴吧 雲吞有五顆耶!! 還要挺大的總括來說 第一印象不錯 下次要試試他們馳名的魚蛋河P.S. 不知道是不是格式問題 上傅