銀龍粉麵茶餐廳

營業中

休息中

今晚同朋友出荃灣，不想吃得太豐盛，所以行下選了銀龍吃，今晚吃了番茄豬扒麵配炸鱼柳炒蛋常餐，番茄湯底很有番茄味，個番茄食落口，好鮮甜，豬扒大塊得來又滑身，魚柳炸得很脆口，入口即鬆化，通粉真彈牙，炒蛋好有蛋味同滑，平時同朋友出旺角，晚上我都好喜歡去旺角銀龍吃，因地方整潔，食物價錢不貴，他們的炒野，真是好入味，干炒肉片河，河粉炒得香口，肉片大塊

諗住食個豬扒包做宵夜，叫老公揸車出去買。一開盒就係呢個樣。豬扒包冇左塊豬扒，整蠱我咩。老公打去理論，仲好意思叫我地返去拎，油錢都蝕埋啦！！依家係你地做錯，仲好意思講費話。個師傅發緊夢呀，真係唔會再幫襯

今(9-11-2018  Sat)朝同老公落荃灣食早餐,食厭咗煎蛋多士嘅佢,話食車仔麵,又車仔麵?然後佢諗起銀龍,又有河粉又有煎蛋多士呢啲,一次過滿足兩個人,於是嚟呢喥.坐低後,老公決定要$40.00嘅潮州四寶河,飲熱檸水.我要$37.00嘅沙爹牛肉公仔麵配香滑炒蛋及法國牛角酥,飲熱柚子蜜.兩杯嘢飲先到,柚子蜜都有一片檸檬,呢個份量啱啱好.然後我嘅香滑炒蛋及法國牛角酥到嚟,份量唔多,蛋係嫩滑,牛角酥都算酥脆,正常.之後沙爹牛肉公仔麵,份量亦唔太多,牛肉嫩滑, 沙爹湯味道啱啱好,冇蓋過公仔麵本身嘅味道.老公嘅潮州四寶河就好耐至到,四寶有魚蛋,墨魚丸同魚皮餃,我食一粒魚皮餃,呢個正常冇問題.味道:3.5分食完後,我嗌飽,但老公話唔夠飽.抵食:2.5分服務:都OK 嘅,拎潮州四寶河嘅男人放低時,都問我老公要唔要辣椒油.上次食評: https://www.openrice.com/zh/hongkong/review/normal-e2968293

今天又是累壞了，工作不太順利，錯過了午餐時間，只能吃下午茶，慶幸的是今天的工作也做完了，可以休息一下，想想吃個豐富的下午茶吧。在地鐵站行出來就到了眾安街，直奔銀龍。下午有很多選擇，太餓了，但又無胃口，就點了美極干炒牛河。點完才擔心，不知美極會否太鹹，上枱時看看還好，沒有很深色。牛河絕配是辣椒醬，少不了，現在不提供瓶裝了，改為獨立包裝。牛河不錯哦，很有鑊氣，美極也沒有很鹹，牛肉也挺多的，爽口。吃完飲杯香滑奶茶，精神返晒來。

吃了一個魚蛋河粉下午茶餐，餐飲熱奶茶，奶茶還是可以，但帶少少苦澀。魚蛋河粉的湯底無味，似水一般，雖然少鹽少糖是好的，但是沒有味道就是另一回事，湯面油油的，太多油了！最撹笑是另一食客見到張order單後 告訴服務員他們打錯單，服務員間互相指責，下單的那位走到收銀處改單，話明明佢(指那食客)指那個我下單，那食客聽到後便大聲反駁… ! 今時今日咁嘅服務態度 ！！！

茶餐廳的浪漫就此因為職員漏單而冇心跟進，失望至極有晚和先生肚餓，就係坐車站旁的銀龍外賣，見尾班30 分，諗住05 分叫外賣都黎得切丫，點知等到15 分鐘都冇唔對路問職員，反應都好差話跟緊，但等到最後車黎無奈取消....平時有幇親尖沙咀分店同呢間因為呢次唔會再光顧荃灣呢間以前最欣賞佢既星洲炒米，今次叫了咖喱叉燒炒米，其實食咩都唔緊要，等20 分鐘都唔緊要，如果態度好少少我還會再來，也可能平時客人多，可以咁西客面吧

大前日 (28-1-2018 Sun) 朝同老公落荃灣食早餐,我好耐冇去茶餐廳食早餐喇,老公話銀.啊,好啦.我o地去到都多人,職員叫我o地坐一邊卡位,我o地叫o左$41.00o既A8同$36.00o既A9餐,要熱奶茶.好快,兩杯熱奶茶到o黎,飲吓先,口感順滑,奶同茶o既味道都均勻.之後菠蘿油同迷你火腿通粉到o黎,我先食半個菠蘿油,面上o既甜酥皮係咁跌落o黎, 菠蘿包鬆軟.老公食剩幾啖火腿通粉就同我交換,雖然只係普普通通o既通粉,但都幾好食,味道唔錯.然後A8餐o既食物,吉列魚柳,煙肉,炒蛋同法國牛角酥到o黎, 但法國牛角酥變o左牛油餐包,冇晒又唔出聲.牛油餐包冇乜驚喜;炒蛋唔係好滑;吉列魚柳大大件,同老公share,外脆魚肉滑,但如果唔蘸青瓜沙律醬食會食到啲鯹味;而煙肉呢,老公話炸到好硬.味道係3.14分, 抵食係2.3分上次o黎係12月食晏,o個個食評:https://www.openrice.com/zh/hongkong/review/%E4%B8%80%E8%B2%AB%E8%8C%B6%E9%A4%90%E5%BB%B3%E6%B0%B4%E6%BA%96-e2943053

日(26-12-2017 Tue)同老公落荃灣,咁順便用慈善獎劵送o既優惠劵o黎呢o度食晏,我o地去到坐一邊卡位,我拎張劵出o黎搵廚師精選,但搵唔到,老公於是攞住張menu問係咪即係廚師推介,男侍應答係,咁佢揀啦,因為大部份都唔o岩我食,我就睇午市快餐,見到有好耐冇食o既沙薑雞,盛惠$63.00,咁我就要呢個,要茶走.老公就要$56.00o既XO醬茄子豬頸肉炆米粉,唔使嗌o野飲,就係俾罐可樂.落完單後,o野飲先後到齊,攪吓杯茶走,見到鍊奶都幾夠,飲吓先,夠甜喇,茶味亦有,口感滑.味道: 5分而例湯係木瓜煲雪耳,味道都幾濃,不過有少少過鹹.味道: 4.5 分之後老公o既XO醬茄子豬頸肉炆米粉到o黎,佢食先,我問佢辣唔辣?佢答唔辣,我試啲,係唔辣,味道o岩o岩好;豬頸肉就唔算好爽.味道:4分然後我o既招牌沙薑雞配飯到o黎,男侍應拎o黎時話o岩o岩蒸起,小心熱.睇到啲雞係翻蒸,蒸到賣相唔靚;飯又大大碗;食落,面o個幾件雞肉o鞋,白飯o岩o岩好唔會太乾.而佢原來俾o左隻雞翼同雞胸我, 雞翼因為有皮包住,所以肉仍滑;雞胸可能有油浸住,就冇咁o鞋.而沙薑好好味,好好送飯,我食唔晒要俾老公食. 味道

一個人午餐除左譚仔都仲有其他選擇嘅每日午市餐牌都有一個粉麵餐配指定油菜(5號餐)今日係潮式四寶河配指定油菜我轉左做米粉，今日指定油菜係菜心一上枱哇菜心頗大碟又唔油膩有一粒魚蛋一粒墨丸兩粒豬肉丸同兩粒魚皮餃total六粒丸算係咁啦米粉唔會浸到淋哂都幾好食而且份量算多熱檸菜有三塊檸檬🍋 茶味正常唔會太苦澀對比起大記美記麥記快餐店，我更喜歡到茶記食個快午飯50蚊有碗粉有油菜有野飲係邊到揾

今日(10-6-2017 Sat)朝同老公落荃灣辦事，先食個早餐，原本想去大家樂，但人多又冇冷氣，於是轉地點，呢頭附近多數都係茶餐廳，行經呢喥，老公就話呢間，OK。我見到有半張卡位，我哋入到去，侍應俾兩張圓枱我哋揀，我問可唔可以坐卡位(我哋拎住好多嘢)?佢哋都答可以，就帶我哋行去，但啱啱有個男食客坐埋去，佢哋好好咁叫住嗰個男人，話我哋嚟先，咁就俾我哋坐返卡位。坐低後睇menu，我決定要$37.00嘅A5餐，汕頭魚皮餃拼招牌魚片河，飲熱好立克。老公要$36.00嘅A3沙爹牛肉通粉金妹火腿腸仔通粉，想轉公仔麵。但侍應話唔可以轉，可以喺自選早餐喥自由配合。於是老公就直接轉$38.00嘅A4沙爹牛肉公仔麵配香滑炒蛋及法國牛角酥，加$3.00飲凍奶茶。等咗一陣，我嘅嘢到齊，之後老公嘅都陸續到齊，開始食得。魚皮餃有3粒，魚片有兩塊，我俾咗粒魚皮餃我老公食，夾咗啲河粉，佢食咗話河粉幾滑。我食落都係正常嘢，河粉份量重要唔多，魚皮餃同魚片一般啦。而老公嘅呢？見到炒蛋就知唔會好滑，老公就俾咗啲蛋我食，果然唔係嫩滑，不過蛋味濃少少，其餘嘅我都冇食到，而見到個法國牛角酥好細個。

叫了外賣。很想吃咸魚，就點了銀魚仔咸魚肉餅飯，配湯加凍菜蜜，全部96元。咸魚有驚喜，是梅香咸魚，入口就化，而肉餅亦有彈性，只是略肥膩。整体質素頗高，分量都大。只略嫌少許貴。

又到星期六食早餐時間，今日荃灣做野，約埋同事們一齊去荃灣最多既銀龍開餐。餐廳內充滿大陸人，我地坐埋一角。我叫左沙嗲牛肉通粉，加$7先有多士/炒蛋，好似唔係好抵，好彩無加咋，黎到都幾大碗！沙嗲味唔係好夠，少少沙嗲醬加左大量清水，湯唔建議飲，因為好多油浮面，牛肉還可以，正常味，通粉份量多，好在無加多士。$29呢個餐仲配有飲品，菜蜜同柚子蜜都唔使加錢，我叫左熱柚子蜜，呢個味道唔錯，柚子好多，飲之前攪兩攪，個味會平均d。$29唔使加一，早餐黎講算係咁啦！

同事幫我買了一份餐蛋治+熱菜蜜回公司，原來是銀龍，賣相都靚呀，餐肉煎過有少少燶燶地好香，係薄左少少，但是午餐肉有咬口，唔係好粉好膠咁的。蛋好厚身好有層次好香又夠味，正呀，菜蜜熱辣辣好味呀！！

​之前喺附近間銀龍茶餐廳食個午餐，而家周圍百物騰貴，所以食到午餐至少都要＄40 ,特別係出街坐低食。反而外賣嘅話仲有啲30幾蚊嘅餐廳。 煙三文魚車打芝士意粉個名聽落幾高級，不過啲車打芝士忌廉真係一大堆，而且冇乜特別味道，好杰身。煙三文魚鹹鹹地，不過味道都適中。 最主要係個醬汁真係唔係太吸引，基本上得個樣。不過明白呢個價錢亦不能批評太多，本身已經送咗餐湯，選擇羅宋湯味道偏鹹不過亦算多菜。至少上菜速度都算幾快，如果趕住食午餐嘅話都係一個唔錯嘅選擇。銀龍粉麵茶餐廳荃灣眾安街22號地下

走著走著, 累了想坐下嘆一杯奶茶。我們來到了銀龍。我叫了一個雞扖煙肉飯加杯熱奶茶。飯多, 但餸菜少, 只有一塊雞扖和一片煙肉, 金黃色的雞扖經炸過, 外脆內軟, 但完全沒有味道, 煙肉, 普通的一小片煙肉, 沒啥特別。這裏的照燒汁少, 幸好可以另外加照燒汁, 不然白飯難以入口。而我最喜歡的奶茶, 這裏的奶茶奶濃茶香, 入口十分順滑, 吃完飯後, 喝一杯奶茶, 完全清除口腔的油膩和口氣下次, 在銀龍還是只喝奶茶和炒物好。