銀龍粉麵茶餐廳

營業中

休息中

其實什麼是蒲國雞飯呢？？認真……我吾知，但肯定不是這樣的……這個外賣飯盒，看似有點像咖哩雞飯，裏面有雞，洋蔥及羅白，十足十咖哩一樣……但味道就只是"有一點咸味的汁"，那不如用回咖哩汁吧……………………多謝多賣四十幾蚊

真係先要來學我朋友講句「茶餐廳幾條野食個餐真係無咩野好期待」但係我估唔到真係可以差成噤...今日真係訓晏左好多, 11點先去食早餐幫襯開個幾間都已經無早餐...噤見銀龍話仲有, 就諗住去食啦茶餐廳都係噤上下貨色既, 應該唔會有咩問題...好啦...我知我好遲...我知我11點先食早餐唔應該...但係唔洗連最基本既火腿通粉都賣晒呀嘛??賣晒都唔緊要啦...我問個女待應通粉無既話噤可唔可以轉米粉...點知佢就EE哦哦左一大輪, 又細聲又唔知講咩喂講真...我真係唔介意D店舖請外勞, 但係可唔可以請個識講廣東話架!??!?大佬...我同朋友足足請佢重覆左四定五次先聽得明同清楚佢講咩!!好...又講講我朋友...佢叫左一個餐蛋麵...係最BASIC既餐蛋麵呀!!我自己係屋企三分鐘都煮左出來啦!!!佢足足等左十幾分鐘都沒有來!!!連我後來加單既個份早餐都來到了, 於是先諗住足個好似醒目少少既待應來問下啦,點知問佢, 佢第一句就話「等下啦~小姐!!」態度係超級串個隻!! 完全目中無人!!我同朋友即時囧左...等?! 等左十幾分鐘啦!! 有咩理由我遲過佢成十分鐘先落單既早餐都到左, 但係佢個個都仲未

九月下旬•晴繼續拍攝的準備活動，今天行川龍及大帽山，就在荃灣先吃早餐。來這裡，因為想飲杯熱奶茶。熱奶茶先來，夠熱有茶香，係稍稍唔夠滑，已不錯。餐蛋米就普通，蛋全熟而餐肉煎得硬硬的。勝在份量多，至少吃得夠飽。也有電視看，舒舒服服的坐一陣才出發。

落到荃灣都唔知食啦好.見5點島食個下午茶餐.去左銀龍.因為早兩日食左個好正既豬扒包所以今次都食豬扒包個餐係:豬扒包拼薯條.熱奶茶個包太大如果要一啖放入口男士都有d難...大係只個包比較厚面頭有d脆仲有d麵粉.如果要禁扁黎食成手都係麵粉同麵包碎個包好乾加埋麵粉令到食落口更乾個包除左一塊炸得好乾無咩油既豬扒仲有千島醬.菜同一片好薄既番茄豬扒炸得好乾無咩肉汁.食落都無咩味.雖然無咩油好似好好.但我自己覺得有d油先正(另一食評有解釋)炸之前可能冇拍過或者拍得唔就鬆..食果陣真係要比d牙力"且"塊扒由於個包乾加上個扒都乾所以真係一啖包一啖野飲薯條...未食嫁.真係皇恩浩蕩...五條半不過下午餐.由佢啦..唔知係咪物以罕為貴...我覺得薯條仲好食過個豬扒包奶茶真係好滑好香茶味但茶味又唔會好濃不過如果同豬扒包,,,好似唔係好夾...唔知係咪因為豬扒包同薯條都好乾...所以成件事變差左

一直知道銀龍幾出名, 食個牛油豬仔飽，入口時的外皮依然香脆。伴隨的鮑魚火腿絲奄列，足足有手掌咁大。奄列內的材料有切絲的火腿和鮑魚，份量十足。香濃的奶茶，喝得出有濃厚的紅茶味，掛杯效果見得更為明顯，煲茶功夫十分到家。

七年以黎每天返工或放工都必經荃灣轉車毎星期必定最少兩日在此用餐，因為呢度嘅粉麵質數平穩，至愛嘅係五香牛雜同埋牛腩，由於工作關係，多數係幫襯佢嘅午夜粉麵茶餐，順帶—提，呢度嘅宵夜時段收費係貴幾蚊嘅牛腩，嚴格黎講應該叫清湯腩，顏色似白鹵咁，清香軟諗，但食唔到有五香味牛雜麵:件頭最多嘅係金錢肚約有五舊(食得出係同其他雜類係分開煮嘅，有好重嘅元茜籽味)、牛肺兩粒、牛腸約有三舊(粉腸至正)、牛膀—塊(超簿型)、麵質爽口彈牙湯底:好清，唔算太多油，每次出單前都會溝小平殼牛雜汁加清湯，而味道則只試過有六、七次要放盐，算唔錯架喇，湯頭偏甜少少而問題就係最近兩次光顧雜麵，碗內嘅牛膀都帶有酸"叔"味，—入囗馬上吐出，自此以後就再無幫襯喇咖啡、茶都係淡而無味而最唔鐘意嘅就係收銀員必定係面無笑容及每次找錢都係放起收銀台上之白色付咒上，令人感覺極度不安(可能係公司規定吧，大家不防留意下吧午夜茶餐跟凍飲38

八月下旬‧晴要一之過爆麥里浩徑6789段，就由這邊坐小巴出發。太趕，去不了太遠的地方吃早餐，來了這裡。兩部大電視，一部在播有線而另一部在播無記，大家睇完呢邊睇果邊，好不愉快，這也可能解釋了這裡坐無虛席的原因。要了個自選早餐，餐肉米的餐肉不算熱，煎了好一陣子，也不香。米粉是即食米，不好吃。加了四元要了迷你牛油豬，個豬仔包好唔掂，硬硬的。反而最好是杯熱咖啡，香濃美味，口感厚身，很不錯。有時早上要的就是一杯有水準的咖啡，是日也算ok了。

香港茶餐廳的特色除咗奶茶外，就係款式夠多，想食西餐可以揀鐵板或焗飯，想食中餐又可以揀小菜或炒粉麵，唔想食咁多都可以揀粉麵類或小食，再唔係淨飲都得！是晚就係唔想食咁多，所以同女朋友一人一碗粉麵加碟油菜就完成我們的晚餐。一碗牛腩米，一碗魚角河，加碟生菜走油要腩汁。魚角大小不一，食落魚味都夠，又彈牙，但偏向中小型，所以食得唔算特別過癮。牛腩連米粉唔覺鹹，淨食牛腩鹹味出晒嚟，但特別之處在於佢唔只得牛腩，還有小小類似牛筋的牛腩，喜歡食牛筋的我就開心死，相反唔鍾意就無晒癮。菜價可能上漲，碟油菜縮咗水，腩汁唔算膿，有點失望！

打完球與友人一同到銀龍桌子太迫, 要分開坐叫了個燒雞扒煙鴨胸意粉其實很hea一碟熟的意粉, 煎兩野d扒同鴨胸淋d汁, 上桌, 咁都要$40???有咩烹調可言???同行友人的焗飯亦未見吸引.別的區域或其他同區餐廳,都可找到較廉價較美味的.凍飲加$3

尋日(26-6-2010 Sat)晏晝男友買完冷氣o黎我屋企集合等夜晚o既garthering.佢見餓餓地,就o係o度買個tea o黎食,係一個吉列豬扒沙律餐,要凍檸茶,另要多一杯凍檸蜜,total$44.00.打開個盒睇,件豬扒好似幾大件,食落,豬扒唔脆,沙律亦唔凍,沙律o既材料一般又唔太新鮮,兩杯凍飲細到不能再細,唯一係檸檬夠多夠味.

今朝(9-6-2010 Wed)同男友落荃灣食早餐,邊行邊諗食邊間,一到o黎呢間未食過佢o既早餐就入o黎啦,好full啊,我o地坐o係一邊o既卡位,睇睇餐牌有好多選擇,男友要$16.00o既菠蘿油同熱奶茶餐,我要$17.00o既奶油多熱奶茶餐.兩杯飲品先到,我o地同樣只落一包糖,茶味同樣唔太夠,不過都可以接受.男友o既菠蘿油到o黎,size係正常,我冇問佢comment.等o左一段時間,我o既奶油多至到,其實我想問佢係咪漏o左單.多士係厚多士,應該有一吋厚,有好多錬奶,食落夠脆口,甜度一定足夠.奇遇絕對唔關食物事,係坐我o地對面o個pair客人,男o既遲o黎並叫個早餐A,凍飲同火腿通粉先到,個男人食晒啲火腿絲,剩返約9成通粉,之後佢o既煎蛋同牛油餐包定方包到o黎,佢竟然不滿咁話唔要.我同男友都諗佢係開玩笑咋?點知佢講多一次話唔要,我o地都訝異,侍應都拎返走.佢就問一句,可唔可以減返錢?之後佢o地都埋單走人.我同男友講幾想話不如畀我o地食,男友話佢都想咁講,哈哈.之後佢o地身後o既一個女客人同我打招味.原來係住係幾遠o既一個朋友,奇怪佢咁早過o黎做乜?

三月中旬也有要吃外賣的時候，想不通亦無力去想吃什麼好，隨口話湯飯，未到夏天沒推出，原來茶記都有季節限定菜式，結果來了盒蒸肉餅飯跟例湯。例湯是盒掌瓜瘦肉湯，湯甜夠味，卻有點說不出的怪味，唔明點解要夠料夠味還要下味精？至於蒸肉餅飯，用錫紙盒盛著，送到來時已經凍了，肉餅也是機打的絞肉，腍而結實，肉無味難怪要加入土魷，低處未見低，墊底的豉油是大桶交來味精貨，忘記走汁，結果吃得滿口發麻。$40的飯盒，就是這樣子的質素，你說如果社會多幾「碗麵」，人生其實會快樂好多＠

十二月中旬銀龍、翠華、富都三間茶記鼎足而立的荃灣，走無兩步就有一間在左近，是日收夜，跳下的士想找點吃的，嗅到有牛雜香，來吃個宵夜吧。看隔離檯的雜撈不對頭，穩陣的要來$20／碗炸醬撈，較$28／碟平三分一。港式的炸醬撈版本真不少，旺角麵家用海鮮醬加豬肉絲的最正宗，又試過在手攪麵店吃過酸辣湯的版本，當然也有麻辣版及XO醬版本的啦，真是要幾奇有幾奇。這裡的粗撈，水瀝得乾爽，吃起來軟熟有蛋麵韌性，還不錯，而辣醬就是辣椒油味經重的版本，一味得個辣，味道不討好，太辣了，要靠味精湯「過冷河」走冷，真的受不了。

今日同左同事去左呢間店到食晏,坐得好迫,唔太舒服,周圍超嘈,嘈過飲茶,而且基本上一定會搭枱,地下有d污糟,但可以接受.d小二尚算有禮,不錯.叫左碟炒貴勺,不錯,有少少辣,唔太過火,而且好足料,蝦夠彈牙,而且炒得乾身,下次來可以一試.

今日同同事一齊去銀龍食午飯，等佐一陣終於有位，午餐有很多款選擇，同事推介食喇沙肥牛湯拉麵配鹵水拼盤(送湯和熱飲)，於是我就叫咗一個試下。羅宋湯：料多，幾好飲。喇沙肥牛湯拉麵： 賣相OK，肥牛份量頗多，喇沙湯幾香濃，味道唔錯。鹵水拼盤：料多，有紅腸、豆腐、鹵水旦、牛展和生菜，非常豐富。