銀龍粉麵茶餐廳

營業中

休息中

唔見左旺角既「師傅仔」,我以為再搵唔到芝士釀豬扒呢回事。行過好耐無去既「銀龍」,竟然俾我重遇它!呢間「銀龍」似乎催向「翠華」佈局、食物種類,所以好多樣野都想食。奶醬厚多士,唔脆,亦唔夠厚,不過欣賞佢醬用心查醬,查到到fully occupy,好靚。即叫即炸,等左十分鐘左右,吉烈釀豬柳意粉終於來。炸得好乾爽鬆脆!唔油膩。一切開漏芝士~(仲有附加一塊芝士的膠紙,嚇得我以為佢成塊無met過),豬柳無需醃味,一塊芝士+火腿就夠晒味!奶茶正!蜜桃柚子茶既「蜜桃」係假既!問侍應,即係有桃?佢ump頭。來到咪又係一杯普通柚子茶.....!anyway有柚子茶選擇已好好喇!重新喜歡「銀龍」,下次要食常餐lu!

今早又再試茶餐廳早餐, 選它因為早開兼且選擇頗多! 不想再吃蛋治, 今早選了炒蛋厚多士(成份一樣) + 奶茶, $18, 落單時...忘了一句走油就出事, 上桌時看到一層牛油, 有點後悔, 但寧吃也不願浪費, 於是頂硬上, 炒蛋炒得很醜樣, 亦不夠滑, 厚多不是十分厚, 慶幸是連邊, 牛油吃得滿咀唇也是, 感覺不良好! 奶茶反而不是太差, 茶味不濃, 但跟奶的分量是剛好, 這份早餐也算合格吧, 但下次還是要記得走油!早上人不多, 坐到卡位, 可惜地下剛換地毯, 濕得過份!

不知道有多少年沒有吃呢間餐廳了。今日經過就來回味下﹐從前覺得他好貴咖﹐不過而家放假可以試下喇。呢度好出名D墨魚丸係自家制﹐點了碗墨魚5寶﹐係最新的菜﹐湯底好香味精水﹐不過茶餐廳都預左啦﹐墨魚丸好彈牙爽口﹐外形好白﹐好吸引。還有魚皮餃﹐魚皮餃我一向唔太喜歡吃﹐不過呢度都OK新鮮啦。魚皮好脆﹐點左小小湯﹐小小軟﹐咬口好脆﹐又無熱氣的感覺。加上紫菜﹐紫菜有本身的鹽香﹐其實加紫菜都係等於加味精﹐不過好像健康好多。呢度的奶茶都係最愛﹐好滑口﹐入口感覺好厚﹐有茶味和奶味的混合﹐雖然知道飲奶茶唔係好健康﹐不過係呢度真係好難控制得到。

平時好日亦不到舊居荃灣一趟_可是,現在得每星期來一遍了只是一個人的關係,想吃什麼自然不用多想最重要的考慮因素應是方便吧補習後只有沙嗲王及銀龍選擇因為沙嗲王實在吃過不下次所以選擇了這條龍。一個牛腩飯$34牛腩份量不少_菜都是菜頭,硬得很~牛腩亦味道還好,一般茶餐廳水準凍奶茶卻比較遜色,略澀及苦埋單可是$42凍奶茶可真貴..竟要加$8還是我選錯了!?

呢度食一個晚餐, 最少要$40, 比同區的茶餐廳貴. 好就好在, 可能呢間裝修比較新, 環境比較乾淨, 坐得幾舒服, 而且電視有好多部, 可以一面睇奧運賽事, 一面睇英超足球.食物款式包羅萬有, 因為唔係太肚餓, 只叫咗嗰麵餐, 自選兩餸再另加吉列豬扒$34.自選兩餸, 全部都係啲下價嘢, 即係餐肉, 腸之類. 所以另加的吉列豬扒$4.塊豬扒炸得幾靚, 脆漿唔多. 味道就無咩特別, 份量都叫幾大.

** 此 食 肆 的 第 三 個 笑 **尋晚(20-6-2008 Fri)睇完媽媽,同爸爸兩個食晚飯,爸又話食燒味,唔好喇o掛?行到o黎呢o度,o岩o岩有大大個餐牌寫住中式小菜套餐,包白飯同湯,飲品就要加錢,不過冇寫價錢,但我覺得o岩我爸爸,因為佢唔須要o野飲,佢睇o左話好啦,入去啦.入到去,只剩門口o個張圓枱,咁多人?侍應叫我o地坐住先,好.我o地諗呀諗,我o地諗到喇,爸爸先問湯係咩湯?侍應答青紅蘿蔔煲豬骨,o係云云眾多o既套餐中,佢就決定要$42.00 o既啫啫豬膶排骨煲.當落order時,亞姐同我o地講有卡位,叫我o地坐去.咁我o地就繼續order,我要$38.00 o既燴牛扖意粉,侍應問我要中定西湯?我答中.又問我o地飲唔飲o野?我答唔飲.不一會,爸o既青紅蘿蔔湯到o黎,但侍應畀我,哦?!佢以為湯係我o架?爸爸飲一啖,就話好飲,唔錯.咁堅?等好耐,我周圍望,原來個餐要等20分鐘,我又望到原來佢o地有自製魚蛋,墨魚丸等賣,嘩!呢啲都爭啊?然後,我o既燴牛扖意粉到o黎,都唔細碟,跟o左一碟辣椒醬,意粉有蕃茄伴碟,意粉腍,牛扖薄,唔明點解唔畀刀我,好彩牛扖唔韌.味道都唔錯.之後,爸

六個人叫咗六毎菜套餐, 跟例湯同白飯, 等咗近一個鐘, 終於有嘢食!!有「啫啫排骨煲」、「金菇肥牛」、「豉椒炒鮮魷」、「梅菜扣肉」、「鹹蛋蒸肉餅」同「霸王雞」, 另加$6 要咗個芥蘭,個湯係「螺肉豬骨湯」, 總共$250, 都唔算貴喎~ 總括嚟講都ok啦! 不過啲餸比較油,但係份量都幾多架!

星期五那天，六點已覺得肚餓了，四周也沒有甚麼好食的店，竟然走入了我最不愛的茶餐廳，都是因為省得想。銀龍在荃灣有很多分店，價格也比一般的茶餐廳貴，連凍飲也要加$3，自然覺得有些期望。下午茶餐到7點，好，就來兩客。男友的是肉丁出前一丁+炸豬扒+熱奶茶($28)。出前一丁煮得不腍，加上五香肉丁，因為平凡，所以味美。最愛豬扒配上沙拉醬，yummy!我點了焗海鮮意粉+凍檸茶($26+$3)。凍檸茶不太甜而且有茶味，蠻好的。海鮮意粉焗得不香，汁少，乾爭爭。海鮮很多，但都是淡而無味的。最最不可原諒的是有一隻小昆蟲!我立即不食了!覺得很嘔心呀……真的不可饒恕!

下午茶外賣銀龍的潮州紫菜五寶湯河,22蚊抵食,外賣唔加錢!拎返公司食,食到一半竟然發現有一舊食過的香口膠係碗麵到,我即時打電話去銀龍投訴,佢話送碗新既俾我,但我已經無晒胃口,佢話下次我再去買外賣唔收我錢,但我真係唔敢再食佢D野>﹏<

陪老公剪髮前, 先食下午茶. 這裡下午茶serve 2-7pm, dinner serve 5-11pm, 我地5點半到, 乜都食得.老公order 五寶麵, 大大碗, 奶茶佢話唔夠澳門d奶茶掂, 我都冇辨法o架. 我order豬扒包, 用新鮮硬豬, 即時用多士焗爐烘脆, 然後好有心機等個包烘到八、九成時, 先至煎豬扒. 上檯時熱辣辣, 非常好味. 我杯凍檸茶茶色通透, 亦飲得開心.其他下午茶餐牌包括煎鴨胸, 幾搞野. 不過此店凍飲加三蚊, 要留意.

$17有一款潮式粉麵選擇, 再加$8有飲品及油菜, 而且份量都幾大下, 其他午餐大多數都係$28, 價錢都算合理, 味道都算唔錯, 所以成日都好人幫襯, 環境太嘈同太多人吸煙, 食完d侍應又好似吹你走, 唔適合慢慢傾計食o野