銀龍粉麵茶餐廳

營業中

休息中

跟同事午飯, 一星期起碼3日係茶餐廳, 因為平D又夠地道.今日行左去銀龍, 老牌茶餐廳, 不過味道已屬一般.午餐離不開炒粉麵飯, 食到悶悶地, 就選擇左唔係間間茶餐廳都有既燒味飯.燒肉+义燒雙併, 永恆既午餐, 仲有一杯飲品.燒肉個皮都幾脆口, 但又未至於索索聲既, 肥瘦都算平均.而义燒都係半肥瘦, 不過無燒肉咁香, 肉質未算太乾, OK可接受.白飯正常不過豉油少左D, 如果多番少少會更好.另外杯奶茶都唔錯, 茶味香又夠滑, 非常提神.

一支公的晚餐    （外賣）我同我老婆都系要返一份工作好大壓力嘅工所以佢係無飯主婦而當然我都不能夠自己煮餸⋯⋯最近老婆成日夜晚都唔得閑陪我我成日都一支公食飯銀龍成為咗我嘅好朋友今晚老友記1號係牛腩！你真係估佢唔到銀龍竟然有一個咁好嘅質素佢個牛腩面嘅牛腩分量非常多睇相都見到其實佢鋪滿左個外賣盒今晚好朋友老友記2號係炸雲吞炸得非常之香識我嘅人都知我最鍾意食煎炸野但我有好注重健康呢個咁大嘅矛盾不停每晚都係我身上出現所以我每次食完呢啲咁麻甩佬嘅晚餐之後夜晚我都會舉下鐡、做掌上壓順帶一提銀行嘅外賣時間非常之快當我肚餓嘅時候打電話半個小時之內就已經門鐘響起我真係非常impressive!!

銀龍、翠華，太興被譽為港式茶餐廳三巨頭，雖然係咁，但係從其宣傳策略已經知道三者定位不一；太興走潮流pop up元素，專攻打入年輕一輩，力證茶餐廳並非一定old school；翠華款式眾多，從小炒、燒味、風味，小品無一不通。夾在兩巨龍中間，銀龍地位就略顯微妙，沒有獨特招牌菜，或吸引客群目光的譁眾取寵。沙爹牛肉麵拼蛋 ，豬柳漢堡 配 熱奶茶 $42作為茶餐廳常客，爹牛一定係每個香港人都愛點的菜式，簡單卻令人回味。作為連鎖經營的茶餐室，簡簡單單的一客爹牛不過不失，價錢偏貴，但以香港百物騰貴的蜚然現象，還算可以接受。雖然沒有翠華的百貨應百客，太興的鋪天蓋地式宣傳，可是布癲狗還是特別喜歡實而不華的銀龍。畢竟三者之間，就只有銀龍最忠實傳承著港式茶餐廳的精隨，簡單樸素。

茶餐廳，每天也吃，無論是午餐，晚餐，下午茶，甚至乎早餐，每天也會到一次茶餐廳，這次到來荃灣，這間銀龍，發覺這間認真不錯。 今次點了肉碎煎蛋飯，焗飯到來的時候，有點驚喜，肉碎佈滿整個焗飯，加上上面一隻很漂亮的煎蛋，而且茄汁肉醬味道香濃， 肉碎間更滲透隻芝士的香氣，真是一間不錯質素的茶餐廳。 下一次可以encore。

一間非常有歷史的茶餐廳，分店越來越多，今天去了沙咀道那間，坐位以茶餐廳來計算舒服，叫了一個午餐是猪軟骨火腿蛋，起淋起軟的猪軟骨，和有水準的蛋和飯，飯是煮得非常绵给香，跟了一柸起滑的奶茶。

同蝦餅相約食銀龍, 佢話一早搵左位, 點知我搵極都唔見佢, 原來328廣場又開返一間, 所以佢就過黎搵我, 一齊試食新店。同一般茶仔設計一樣, 卡位有一堆, 圓枱又有幾張, 方便大埋頭黎食。今次是我第一次黎銀龍食, 無錯, 真係第一次!以前一直聽到不少負面新聞, 所以一直沒有興趣來, 誰知當我最累的時候, 這店就剛好在我眼前, 蝦餅又話要試, 所以試一次吧。由於只想搵地方坐坐, 不太餓, 所以選了穩陣的河粉。36元未包飲品, 價錢偏貴, 不過已經是比較便宜的一樣, 又沒有快餐, 都係隨便食食。濃湯魚四寶湯河($36) + $8有凍飲(凍檸檬茶)- 幾有驚喜, 湯底真係好濃味, 有魚香, 不過無龍蝦味; 魚蛋夠彈牙, 但魚片頭同魚片就一般, 但整體上都不錯, 炸魚皮香酥脆口, 但只得一件, 分量好少。難得黎一次, 竟然不錯, 值得再黎。