銓仔記海鮮晚飯小菜

營業中

休息中

自疫情以來，幾年冇去過大埔街市熟食中心食嘢難得路經大埔，我同朋友即刻上去睇吓上到去，發現原來有銓仔記，二話不說即刻坐低首先食個煎藕餅，非常香脆好有咬口，脆卜卜嘅聲音響個嘴裏面，爽呀！跟住嚟一個馬拉盞通菜，大大碟肉碎好夠份量，又唔會太鹹，通菜又唔會炒得過淋，正有一個有趣嘅發現，就係差不多每一台都會點芝士大蝦伊麵，所以我當然唔執輸，$128真係抵食，蝦新鮮，芝士汁好濃，配合伊麵煙煙韌韌，口感豐富，唔怪之得枱枱都叫啦兩個人食三樣嘢，埋單都唔使三舊，捧住個肚走，開心呀😊

一早訂位，等極都唔比位，訂位都冇用！訂咗8:00 點鐘，7:45去到見到有空位都唔俾坐話未夠8:00唔俾位，但係去到8:00佢又話冇位俾我咁樣嘅態度真係超差俾錢買難受，所以香港飲食業先會搞到咁😓

Extraordinaire Camus cognac，陳年佳釀老酒買少見少，絕版飲一支無一支﹗香醇潤澤飽滿厚身回甘，香氣在喉嚨及舌尖門遊蕩徘徊﹗陳年老酒可遇不可求，雖然不知道年份，飲落醇滑味香濃，估計超過20年佳釀。酒逢知已千杯少，大啖肉大啖酒爽乎﹗未開飯已輕微斷片，飲到頭盤送到已中度斷片，食食下直頭 AI 人工智能系統全開﹗諗住大大碌威士忌飲唔晒，啜下啜下一滴不留，再轉啤酒繼續飲勝！Sonderberg 森堡啤酒，完全唔知什麼來的，上望睇一睇，味道正常可以無問題。南乳豬腩肉，先來化皮再來乳香瘦肉，咸鮮味突出略濃，啖啖肉沾點南乳醬撈飯非常醒胃﹗蒜蓉炒西蘭花，爽甜翠綠，烚一烚快炒落味，蒜甜菜鮮﹗椒絲腐乳通菜，乳味飄香，椒絲惹味，大大注夾著嫩綠水通搭著椒絲掛滿汁，燙著嘴份外甜美。小炒皇⭐️⭐️⭐️有銀魚仔、蝦乾、蝦米、魷魚、韮菜花、彩椒、洋蔥、腰果，百鳥歸巢有鑊氣﹗最緊要多款食材齊齊趙，單一地品嚐食不到此道菜的精髓﹗韮菜花爽甜無渣，搭蝦乾魚仔份外美妙﹗豉汁蒸䱽魚⭐️⭐️⭐️茄子被鹿鳴居玩得出神入化天外飛仙，而蒸魚就非銓仔記莫屬﹗時間掌握得不差分毫，嬌嫩的魚肉散發濃濃魚甜味，啖啖魚汁夾雜豆豉香氣，整條

大夥人到大埔墟街市熟食市場食晚飯，兼夾預早慶祝父親節🫢我哋特別早些到下面巿場買咗兩條魚🐟同埋聖子比食肆加工當日好多人全場爆滿，冇大枱俾我哋最後三張細枱，雖然坐得唔係咁舒服，但係食物鑊氣夠整體食物好味😋 ～開邊蝦陳村粉 🔺味道偏淡😞 ～炒帶子米粉底 🔺好味鑊氣夠👍🏻 ～菠蘿炒牛肉粒 🔺牛肉炒得岩岩好😌 ～豆腐海鮮煲 🔺正常發揮🙃 ～金銀蛋莧菜 🔺普普通通🫢 ～炸乳鴿 🔺好味唔記得影相🤣 ～小炒王 🔺夠鑊氣👍🏻 ～雜菜煲等等

中午喺大埔要揾食，通常都會去大埔街市熟食中心3小姐銓仔記。大埔街市地面果層有好多海鮮檔，揀啱想食乜，喺海鮮檔俾錢後，海鮮材料可以帶去樓上熟食檔加錢加工。海鮮交俾3小姐銓仔記，伙記跟據你既海鮮去作出烹調方式介紹同埋報價。今次買到琵琶蝦，以上湯煮再配炸米粉餅墊底，剛剛熟，上湯可以突出琵琶蝦既鮮味，肉質彈牙而入味，米粉餅吸飽海鮮汁精華🤤蒜蓉粉絲扇貝，蒸煮時間恰到好處，再淋上豉油熟油，吸飽鮮味既粉絲先係主角豉油皇大蝦，size 比較大，伙記主動建議大蝦背脊割開，增加入味。鑊氣十足，離遠未上枱就聞到豉油熱炒既咸香味道👍油鹽水煮蜆， 一大窩，好香中芹味道，再配粉絲👍小炒叫了香荽墨魚餅，炸得甘脆香口，好多芫荽，以强勁芫荽味去減輕煎炸食物既油膩感再加多碟椒鹽鮮魷，炸漿酥脆唔饞口，但肉身比較單薄琵琶蝦/蜆/扇貝/大蝦“加功費”，另加兩碟小菜，幾罐汽水，大約六百（海鮮材料另計），食到好飽大滿足*熟食中心廁所經常都好乾淨清潔，又多格數👍**熟食檔黎講，環境算係好企理乾淨

行完山，又攰又餓，同班朋友黎左呢間銓仔記e下個肚。期間叫左份豆腐，侍應話要等半個鐘，都算了，結果一等就係成個鐘，我哋食晒啲飯餸先上，空口食豆腐，雖然豆腐味道係可以嘅，不過實在係等太耐了，唔值得。點左份牛仔骨，鹹到呢懷疑人生，又超級黏牙絕對係唔好食。至於其他嘅幾道菜就係普通大排檔水準，不過不失，無驚喜。埋單時，仲要計錯數，收多成400蚊有伏！我哋食飯期間個場都幾滿，多人嘅，問我會唔會再去，答案係否定的！

今日踩完單車，係大埔散水，就食埋飯先返屋企，上網搵想食d大排檔，原來熟食中心都有好多選擇。上到去成個場差唔多坐滿，見呢間都有d人排下隊，就揀呢間😅見到人地好多食海鮮，原來可以自己買完拎去俾佢收加工費幫你煮，個樣都好正不過我地兩個人，就叫左小菜食飯就算叫左個麻辣炒蜆，個汁都幾好味，但蜆係細粒左小小另外叫左個黑椒牛仔骨煲，好好味，黑椒汁好正，煲仔令到牛仔骨keep住有獲氣feel,正!我地仲專登叫左個飯撈佢既汁😂仲叫左個蒜蓉蝦蒸陳村粉，d蝦都幾有味，不過粉就有小小淡，但因為用荷葉包住，就有d荷葉香，整體都唔錯

買海鮮上去加工，結果鮑魚扇貝黐殼，椒鹽賴尿蝦就咁放匙羹椒鹽上去連炒費事，豉椒炒花甲，豉汁蒸盤龍鱔，啲豉汁唔夠味，芝士焗龍蝦伊麵啲芝士味怪怪地！真係要鑊氣冇鑊氣要味道冇味道！可一不可再，

同朋友踩單車黎開大埔就諗住黎街巿食大排檔以前成日黎食已經好多年冇食 唔知邊間好食見到3小姐個名就行去試下印象中好似ok叫左5道餸 啲蜆唔記得影相因為我本身都唔太舒服碟蜆多沙到 好似成個沙灘打包左過黎咁😂😂😂 搞唔掂。。同埋唔新鮮椒鹽鮮魷 依個不過不失正正常常沙拉骨充滿罪惡感 勁多醬而啲肉好鞋 冇咩人食食剩係到牛仔骨咸到飛起我食左一細舊而且啲肉都好痴牙同埋難咬金銀現在 依個係最好既一度餸唔會太咸 依個好食其他唔掂唔明點解咁多人咁爆場大家都話可一不可再

不止一次大讚大埔街市，樓底高、冷氣夠、食材款式多、價錢公道、通道寬闊，活脫脫係一個商場式街市。而去親大埔市政熟食中心，例必一袋二袋，揪住去樓上小炒檔加工，樓下海鮮款式之多，冠絕全港市政街市，搵唔到理由唔去揀吓。電梯口嗰檔全俾人預訂哂，走咗去比較入嘅呢間「銓仔記」，反而相對清靜冇咁嘈。來料加工計有：中型瀨尿蝦8隻、花甲一斤、膏蟹2隻、扇貝5隻，總收烹調費$300可接受。最好係呢間調味肯減吓鹽，但又不失調味鑊氣，唔駛食到死鹹乸哂脷，每味餸煮得剛剛熟，冇搞到啲海鮮崩壞，幾鍾意蒜蓉粉絲蒸扇貝，好鮮甜；薑蔥炒蟹夠鑊氣惹味，自家嘅小炒皇韮菜花清甜、腰果脆、鮮魷鮮，幾好送飯。

聽朋友說大埔熟食中心有間吃加工海鮮的大排檔值得推介，而且毗鄰大埔街市，方便購買新鮮的海鮮。我們先在街市買了龍蝦﹑鮑魚﹑大閘蟹，然後到大排檔給店員説明海鮮的煮法，便可以安心等候上菜。大排檔的環境比想象中乾净，桌與桌之間有足夠的空間，在我們等上菜的時候，店員還為我們準備了免費的鷄翼尖，味道尚可。等了約15分鐘，海鮮已經準備好，不得不讚非常有效率！我們這次點的海鮮分別是避風塘炒大閘蟹﹑陳皮蒸鮑魚﹑芝士龍蝦伊麵，還追加了炸魷魚鬚和啫啫通菜煲。海鮮的賣相非常佳，好入味，好有鑊氣，即買即煮的海鮮果然不一樣！加上街市買的海鮮，我們4個人的人均消費只是$300，性價比非常高。

星期日既夜晚要食好D, 所以今晚就去左大埔街市買海鮮上去熟食中心加工🤤- 上湯琵琶蝦伊麵底琵琶蝦係我地自己係街市買既, 3隻加埋大概1斤多啲 ($209)琵琶蝦爽口彈牙, 伊麵完全吸晒琵琶蝦既鮮味- 椒鹽鮮魷鮮魷都係我地自己買既, 呢到唔夠1斤 ($64), 炸皮好薄, 魷魚一咬就斷完全以上2樣海鮮既加工費total 係$238, 伊麵底份量好足, 應該有唔止一個伊麵, 我地另外都仲叫左其他小菜試下😌- 紅燒bb鴿 ($38)雖然叫做bb鴿, 但係都幾大隻, d肉好滑好嫩- 炸大腸 ($78)好香好脆, 但係又唔會好油, 又係完全唔韌既- 沙嗲肥牛粉絲煲 ($88)呢個餸係今日最失望既一個, 沙嗲味比較淡, 肥牛都無咩牛味總括黎講, 呢間餐廳係好食既, 價錢唔貴, 份量都好足, 選擇都好多, 下次仲想試下佢既古法牛肩🥰

朋友係大埔墟街市食過佢既西多士讚口不絕😂食開街市其他有名氣既，今次黎試下係咪真係咁好食先西多士多奶！真係超好食 因為有好豐富既蛋漿 炸出黎外脆內軟，會再黎食！豉椒牛肉炒河同肥牛炒河一樣好有鑊氣連凍飲都唔洗$5x下次要黎試埋夜晚既小菜😋😋

The reason I visited the restaurant is because they cook seafood you bring in as well. It’s very close to tai po market wet market, so it’s convenient to choose fresh seafood there and bring to the restaurant. It’s way cheaper and seafood more fresh. I bought lobster and crab which they cooked reli well. The way they fried it cannot be made in domestic way. It is even more delicious than seafood in sai kung or Lei Yue Mun