銘師傅粥麵專家 (柏苑)

營業中

休息中

人生路不熟黎到屯門做野一日，諗住是但搵一間舖頭食早餐，快食，所以就入左黎。😋😋早餐種類係幾多，但係本身我嘅目的就係入嚟食牛腩，所以其他都吸引唔到我🙈🙈最後叫左個牛腩米線，加左杯凍奶茶。睇完個價錢係幾驚訝😂。以往食呢d叫野飲都正價，或者跟餐半價（可能有其他麵舖都係咁，不過我食開嘅都加嘢飲比較貴），之後了解得知，呢度11點前原來熱飲free。凍加3蚊。最後埋單$40。嘢食方面都唔錯。係我鍾意食嘅牛腩。11點呢個鐘數冇乜人。喺坐方面都幾舒服，又唔使同人搭枱。

就爱这家店里的松弛感呢🏖️甘香牛肠🥢大肠卤的特别的软肋，鲜香的滋味让肥肠巧妙地避开了牛骚🐮，细粉更是超级滑溜，轻轻一夹就断成了一碗招牌孨筋是软糯Q谈那挂的大牛腩，🍜一口粉一口汤，吃得很生惬意饱了饱了🫄

有時候一個人食飯又懶唔想自己煮就會走去銘師傅度食湯飯，貪佢夠快夠平。食湯飯有一個好處就係唔會太油膩😂😂同平時一樣，我今日嗌咗魚腩鹹雞湯飯，特登叫師傅將啲飯分開上，咁啲飯就唔會俾啲湯攪到成碗都濕晒。佢d魚腩都幾大件，啖啖肉咁認真唔錯！鹹雞就略為乾咗啲，不過咁嘅價錢都可以接受嘅。另外加幾蚊就可以叫野飲，今次我叫左低糖嘅豆漿，如果飲唔晒仲可以攞走😂😂埋單60蚊都算係好抵，食得多西餐有時都會厭😂😂

元朗銘師傅嘅崩沙腩，真係好好食。崩沙腩炆得好琳，牛腩有筋有肉好有咬口，而且味道都唔錯，唔會太鹹。我又叫了一碗加入牛腩汁嘅蘿蔔，蘿蔔又大嚿又清甜，做午餐真係幾好㗎。

屯門友出動找找好粥麵店，我會推介銘師傅粥麵專家！ 咸雞肉碎泡飯：雞多帶咸香味，雞油帶出湯的雞味，雞件大大件同多，飯多配菜多，整體都幾好食！魚三寶河：魚旦魚片鮮，出到味！記得加腩汁，個汁做得好好，好有味！環境幾有氣氛，因為坐左係廚房旁，睇到整個製作過程，都見廚師用心！

在屯門工作後想找家牛腩麵吃午飯, 就來到銘師傅在屯門的分店, 除了因為同聲同氣外, 也是因為它是大西北地區少有提供坑腩和蝴蝶腩的麵店. 點了蝴蝶腩牛雜河, 河粉份量夠多, 吃起來夠飽, 但又不會糊化而能保持其本口感, 湯底偏鹹, 腩汁鹵水為主軸, 少了些肉骨湯底的本味.蝴蝶腩的筋膜口感爽彈, 可惜的是腩肉口感偏死實, 未能做到口感上的對比, 肉香夠, 肉汁不多, 整體質素一般. 牛雜處理夠乾淨, 雖然不算入味, 但基本已夠合格. 至於炸魚皮就是我潮式粉麵必點的小吃, 不是貪其香脆, 而是品嚐把它放入加了辣椒油的湯底, 將精華吸收後的美味呢!Master Ming’s beef brisket is one of the seldom noodles shops that can provide different part of beef brisket. I tried the skirt steak and in Cantonese it named “butterfly brisket” as there is a soft thin on top of the meat. Th

一個人簡單食，唔想太heavy，粉麵便是一個好選擇。屯門市中心附近，好似冇咩同類型的潮州粉麵店。餐廳環算係同類型店舖之中，比較寬敞同舒適。但唔知係咪餐廳外面有人食煙，定餐廳本身已經索左d煙味，一坐低，隔住個口罩都聞到D煙味。今日食牛腩河配凍奶茶，河粉幼滑，但又唔會一夾就散。湯底清香，比較淡口。牛腩炆得軟淋，不過略嫌瘦左d。凍奶茶茶味不夠濃，也不夠滑身，落的淡奶可以多返少少。餐廳的價錢定位亦都算偏貴，亦都因為沒有競爭，變成獨市生意。雖然有26蚊的粉麵選擇，不過望落唔多吸引。

平日晚餐求冷氣、飽肚、抵食👉$26魚三寶米: 魚腐、白魚蛋、炸魚角, 各兩至三粒(細), 全日優惠價, 平民恩物👉$30牛腩麵, 牛腩有水準, 湯底普通, 食完無口渴, 應該無味精👍全部粉麵都送白蘿蔔, 兩大舊, 大方抵讚

我鍾意每次食早餐都睇下有冇唔同野食, 今日就心血來潮想食牛腩/魚蛋河就黎左銘師傅粥麵專家食早餐貪心既我就叫左牛腩+魚蛋河(全部都要!!!!)除左牛腩魚蛋.....都仲有普通沙嗲牛肉麵岩哂我淨係食沙嗲牛肉麵既男朋友HAHA

剛剛搬入屯門，梗係搵下好野食啦～呢家食過2次都ok,岩我食今次食雲吞潮洲魚餃河，因本人已戒牛，無奈地唔可以加腩汁食牛腩～題外話：見到有位行動不便既伯伯，佢唔係好識用體溫檢測機，男侍應講左好多次用手測，但可能伯伯反應慢少少，其實可以有禮d同佢解釋，最終當然伯伯可以入坐😌

其實都抵食，$28就有單餸麵+熱飲，+$10就有多士同煎腿蛋，而且碗麵仲要大大碗，味道都唔錯，魚蛋彈牙而鬆軟，炸菜肉絲都係市面貨，多士烘底搽牛油好難輸，所以會再翻兜。不過佢強項應該係潮州麵，今次試咗佢魚蛋，下次試吓佢個三寶麵。

最近屯門開左一間銘師傅專係食魚蛋粉嘅，澳門牌好特別,一於去試下🤗, 入到去地方唔算話好大,但也算坐得舒服!講到明出名係魚蛋粉，咁梗係一定要叫佢地嘅魚旦粉試下先!上菜啦,每粒魚旦都好飽滿,咬落口好爽口彈牙,除咗魚蛋之外仲有魚片,魚片同樣好新鮮同爽滑!之後我地叫左個雲吞麵,粒粒雲吞都成個乒乓波咁大粒,咬落去啲蝦好新鮮,同爽口,好好味~最後叫左個腐乳通菜，菜嘅份量亦唔少,啲菜好嫩幼，同啲秘製腐乳好夾味~

早上九點多想吃碗麵，隨意走進了潮式粉麵店。隨意想點一碗魚皮餃河粉，店員介紹早餐有雙拼+飲品$32會比較抵食，很貼心！我便點了雲吞+魚皮餃河粉和熱檸水。雲吞和魚皮餃各兩粒，附送兩塊生菜湯底的味道是用食材熬成，加上適量的調味而成，與坊間一般加上大量味精的湯底不同河粉煮的時間剛剛好，質感不會過腍，入口滑身，有米香（好耐無食過有米香的河粉）😛魚皮餃結實飽滿，餡料帶點彈牙似肉丸般質感雲吞大大粒👍🏻切開看用料十足，大大隻蝦，是一隻有鮮味的蝦，豬肉肥瘦比例恰到好處，看到有很多一粒粒的大地魚粉，入口果然充滿大地魚香😛麵的份量跟平日午餐的份量差不多，是抵食飽肚早餐之選。心想下次可再試其他食物，我再看看餐牌......店員又介紹，如果唔夠飽，早餐多加$10有多士+火腿+煎蛋。店員真的很親切熱心😄此店選用的食材質素挺好的，嚐得到食材的鮮味，而且價錢相宜。👍🏻👍🏻👍🏻👍🏻

早幾日同阿b散步，無意中見到新開左間粉麵鋪，屋企附近無乜好味既粉麵店，所以即刻入去試下。我一個抱住阿b真係好論盡，入面既waitress 姨姨都好好，又提我邊度大風唔好坐。埋單又論盡跌左野，waitress 姨姨第一時間幫我執返。我叫左牛肚河，都幾大碗，絕對夠飽，河粉都滑，牛根份量唔少，夠唸身。呢間餐廳近近地，性價比都ok，份量夠，服務唔錯（一個湊住b出去食飯堅論盡，有人伸出手幫忙好感激）。下次可以同老公黎再食。